Text Box: Bismillah-ir-Rahman-ir-Rahim KHUTBA JUMMAH HAZRAT AMIR’UL MOMENEEN MUHYI-UD-DIN AL KHALIFATULLAH MUNIR AHMAD AZIM 10 Octobre 2008 (Résumé du Khutba Jummah de plus de 1½ hrs) Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine lire ça bane versets suivants là: AT-TAWBA (LE REPENTIR)  Innamat tawbatu alal laahi lillaziina ya’maluunas suuu’a bi jahaalatin summa yatuubuuna min qariibin fa’ulaaa ika yatuubullaahu alayhim’ wa kaanallaahu Aliiman Hakiima. « Pardon Allah, li seulement pou bane ki, kan par ignorance zot fine faire kitchose mauvais, répentir tout de suite après. Ça bane là, Allah pardonner. Allah conne tout et Li Sage. » (Ch.4 An-Nisah V.18)  Wa innii la’ Gaffaarul liman taaba wa ’aamana wa ‘amila saalihan summah tadaa. « Mais Mo rempli de pardon pou celui ki tourne vers Moi, gagne la foi, faire du bien et puis reste dans bon chemin. » (Ch.20 Taha V.83) L’ESPOIR ENE CROYANT (TAWBAH) C’est bane non- croyant ki vivre dans désespoir. Quand zotte trouve zotte dans certaine difficulté, zotte désespéré. Tandis ki ene croyant quand li dans sa situation la, li ena l’espoir. Parceki li croire ki ene Créateur ki pou aide li, li pas désespéré. Dans sa le monde matérialiste kot nous pé vivre la, ki contenir plisse ki 5 milliard d’habitants, gramatin jusqu'à tantôt, crime, viol, vol etc…kot ene pays pé détruire ene l’autre pays par la guerre. Tous les jours attentat lors attentat ! Violence raciale ! Action terroriste ! Le monde pé plongé dans noirté. Coup d’état ! Action sabotage ! Et dans sa même le monde kot nous bien-aimé prophète Mohammad (s.a.w) fine dire, faire couma dire ou ene voyageur ou bien ene passager en transit, c'est-à-dire, pou quelque temps seulment, sa le monde kot banes chefs à la tête de banes pays. Et là même ça bane kalité chefs là, zotte alle à l’encontre la loi d’Allah et contre la religion. Et sa même ki faire bane dimounes tombe dans bane plusieurs péchés. Azordi jour nous pé tendé pé légalise Prostitution et Pornographie! Tout haram pé vine halal dans sa le monde là! Grand grand et joli Masjid pé construire pou ki dimounes tourne vers Allah mais malheureusement pé ferme avec cadna ! O bane Dirigent Jâhil (ignorant) ! Est ce ki nous pas pé approche vers nous propre destruction? Est-ce ki nous pas pé jette nous bane jeune génération dans difé ? Est-ce ki nous pas responsable de sa comme bane dirigeants quel que soi ou la foi et ou religion ? Est-ce ki nous pas pé penser ki demain nous ena ene compte pour render avec le Créateur, en tant ki bane dirigeants ? Mo pé faire ene l’appel à tous bane chefs religieux de tous bane communautés, bane ministres du pays, membres parlementaires, l’opposition et spécialement bane musulmans, est-ce ki pas fine arrive l’heure pou prend compte situation de nous bane jeunes aujourd’hui ki fine tombe dans plusieurs kalité de bane vices. Pense bien ki c’est pas zis zot (bane ki pé commette bane vices) tout seul ki ena pour alle rendre compte devant le Créateur de l’univers, mais aussi tous bane l’autorité, zot aussi zot ena ene grand compte pou render devant le Créateur ! Mo pé adresse zot aujourd’hui. Prend sa l’appel là en considération, nous zoine nous tous ensam la main dans la main pour nous retire bane ki fine tombe dans bane péchés malpropres et corruption avant ki la colère de Dieu tombe lor nous, li pou bien bien catastrophique. Dans sa le monde coumsa la, personne pas parfait. Grand pêche ou ti pêche n’import ene nous fine bizin d’ene façon ou d’une autre, nous fine être victime. Couma ene fois le prophète Mohammad (s.a.w) fine dire : « Est-ce ki quicaine capave marche lors de l’eau sans laisse so li pied mouiller ? » So banes compagnons fine répond « non ». Li fine dire « Telle est la situation de banes ki dans le monde, zotte pas en sécurité contre banes péchés. Mais seulment kan ene croyant fine tombe là dans, li ena ene l’espoir. C’est Tawbah (le repentir). UN HOMME COMMETTE 100 CRIMES D’APRES ENE HADITH, RAPPORTER PAR : Abu Saïd Al Khudri (ra) pé raconté ki le prophète (s.a.w) fine dire : « Parmi banes Bani Israël ti ena ene homme ki fine tué 99 dimounes. Ensuite li fine sorti pou demande si li repentir, si pas Allah pour accepter so repentance. Après li fine alle kot ene clergé (prête) et li fine demande li si so Tawbah (repentir) pou être accepté. Li (prête là) fine répond « non », alors l’homme là fine tué li. Li fine continué pou demander ki sanlà capave aide li pou donne li ene conseille ki li capave repentir. Ene dimoune fine dire li : «  Alle dans sa village là. » (to pou gagne ene bon conseil) Alors kan li fine prend le chemin pour li aller, li fine mort en route. (Le temps li mort) so l’estomac fine tourne vers sa village kot li ti ena l’espoir ki li pou gagne ene bon conseil ki so repentir pou accepté. Mais kan li fine mort, banes anges de Rahmat (bénédiction) et banes anges de punition pé dispute concernant ça criminel ki fine mort là. Alors Allah ordonne bane anges, ki prend depi sa village ki li fine quitter là pou li alle dans l’autre village pou alle prend conseille pour ki li capave repenti, Allah donne l’instruction sa bane anges là pou mesure distance entre le corps et les deux villages. Fine trouver ki li ene mesure près avec sa village kot li ti pé alle cherche conseil pour obtenir le pardon – li ti près pou arrive là-bas; alors Allah fine pardonne li. (Sahih Bukhari) Sa hadith là donne l’espoir à ene croyant ki pas fine commettre shirk mais fine commettre boucou péché mais li fine gagne pardon Allah. Grâce à ene Tawbah (repentir) sincère. Séki montrer nous ki ene musulman faudrait jamais li désespérer. PÉCHÉ JOINDRE NUAGE OU GRANDEUR LA TERRE. Pareil couma Allah dire dans Quran Ch.5, V.40 : « Celui ki repenti après so tort, et améliore so conduite, Allah surement tourne vers li, parce ki Allah pardonner et gagne pitié. » A la lumière de sa verset Quran là, mo pou cite ene l’autre hadith ki rapporté par Anas (ra) ki raconté ki li fine entendre le prophète d’Allah (s.a.w) dire ki Allah pé dire : « O Fils d’Adam. Aussi longtemps ki to invoque Moi et to demande Moi pardon, Mo pou pardonne toi pou saki to fine faire qu’importe. O fils d’Adam, si to péché atteindre banes nuages dans le ciel ensuite to demande Moi pardon, mo pou pardonne toi. O fils d’Adam, si to ti pou vine vers Moi avec péché presque aussi grand ki la terre et to pou joindre Moi, to pas fine associer personne avec Moi, Mo pou accorde toi pardon presque aussi grand couma li (la terre). (Tirmizi & Ahmad) Guette Allah couma Li content So banes creatures. Quand même ki qualité pécher ene dimoune commettre, si li faire Tawbah sincèrement, Allah pardonne li. Pou être réaliste, est ce ki ene dimoune capave faire sa quantité péché la grandeur la terre ? Même sa Allah capave pardonne li. Raison encore séki ene croyant faudrait pas li désespérer, mais aussi faudé pas ki li faire le Chirk (associer lézot avec Allah ou adore les autres kitchoses ki Allah). TOUT DIMOUNES FAIRE ERREUR L’homme fine créer faible, nous rempli de faiblesse et tout dimounes faire erreur dans la vie. Mo pou cite ene hadith kot : Anas (ra) pé raconter ki le prophète d’Allah (s.a.w) fine dire : « Tous bane enfants d’Adam faire erreur et meilleur de banes ki faire erreur c’est banes ki faire Tawbah (ki repentir sincèrement). (Tirmizi & Ibn Majah). Personne pas capave dire ki li pas faire pêche. Sauf banes anges ki pas faire péché et ki vivre dans l’obéissance d’Allah nuit et jour. Est-ce ki ena quique dimoune capave prétend ki li ene ange ? Ki so Imam, Mullahs, Mawlana, etc… tout faire erreur. Faudrait pas nous penser ki banes Imam, Mawlana etc…. zotte pas pareil couma nous, ki zotte pas faire erreur. Mais pas du tout. Couma dans hadith la pé dire tout dimoune faire erreur. Mais seulment zotte faire Tawbah ensuite. CONCERNANT ENE PEUPLE KI FAIRE PÉCHÉ D’APRES ENE HADITH : Abu Hurairah (ra) pé raconter ki le prophète d’Allah (s.a.w) pé dire : par celui dans la main de ki mo la vie été (Allah), si zotte pas ti pou commettre péché, Allah ti pou tire zotte et ti pou mettre ene l’autre peuple ki commettre péché et ensuite li cherche pardon Allah et Allah pardonne li. (Sahih Muslim) A aucun moment sa Hadith la pé dire nous ki nous bizin commettre péché ou sois pé encourage nous pour commettre péché pou ki Allah content nous. Non ! Jamais ! Même affaire pou banes Hadith ki mo fine citer avant. Bien au contraire Allah pé montrer nous So Rahmat, So pardon ki quantité grand Li grand. Allah content sa serviteur ki repentir la. Sa pas veut dire ki nous faire ene paké péchés et nous alle repentir, et après nous ré-tombe dans nous péché et nous ré-alle répentir ! Couma dire nous pé faire ene jouet avec Allah et nous pas pé réfléchi so consekance, kot la colère divine capave tombe lor sa kalité dimoune là ! Allah content pardonner, Oui ! Mais So punition bien bien sévère ! BANE PÉCHÉS KI OU CONTINUER COMMETTE SANS KI OU REFLECHI ET REPENTIR LI NOIRCI OU LE CŒUR – D’APRES ENE HADITH KI RAPPORTER PAR : Hazrat Abu Hurairah (ra) kot li pé raconté ki le Messager d’Allah (s.a.w) fine dire : « Quand ene croyant commettre ene péché ene tache noir (former) lors so le cœur. Alors si li faire Tawbah et cherche pardon, so le cœur vine propre. Mais si li continuer faire péché là, alors sa tache là augmenter jusqu'à couvert so le cœur. Sa c’est la rouille ki Allah faire mention : « Pas Vrai ! Mais séki zot pé amasser (comme péchés) pour accapare zot lecoeur. » (83:15) (Ahmad, Ibn Maja & Tirmizi). Si ene dimoune par l’ignorance li fine commettre ene péché li faire Tawbah sincèrement. Allah accepte so Tawbah. Mais ene croyant faudrait pas li continuer faire péché là. Au cas contraire so le cœur pou noirci et finalement à sa moment là kot li pou tombe dans péché ki satan faire li pas trouve la porte de Tawbah. Li nek pou reste dans l’obéissance satan, et zamais sa kalité dimoune là pou tourne vers Allah pou li repentir. Et à la fin de so la vie dans sa la vie ici-bas là, kan li pou quitte sa lemonde là pour alle vers so Créateur, ki compte li pou render devant Allah (twa) et ki bane bonnes actions li pou montrer devant so Créateur kan li fine montrer ene désobéissance totale envers Allah le Créateur de l’univers. Consekance de sa bane kalité dimounes là, zot pas refléchi ki zot temporaire lor sa la terre là, et kan zot arrive devant Allah, zot livre de zot bane actions remettre dans zot la main gauche, ki fine bien écrire zot bane actions lor sa la terre là. Malheur sa jour là pour bane ki fine tourne le dos avec Allah et ki pas fine repentir pour zot bane péché. PÉCHÉ ENE CROYANT COUMA ENE MONTAGNE Kan ene croyant li commette ene péché sa péché là vine couma ene montagne pou li. Sitant grand, haute, et lourd lor li ki li crazé avec le poids de sa péché là. Alors d’après ene hadith rapporté par : Abdullah Bin Ma Sud (r.a) pé dire : certes le croyant li trouve so péché couma dire li pé assizé en bas ene montagne, li peur ki li (montagne là) tombe lors li et ene transgresseur li trouve so péché couma ene mouche ki passe kot so né nez. Alors pour li, c’est ene nannié ditout, comme si dirai li fine pousse mouche là avec so la main. (Sahih Bukhari & Sahih Muslim) Alors ene transgresseur kan li commette ene péché, c’est comme si dirai ene nannié ditout pou li, ki pena aucaine reproche dans so lecoeur ki li fine commette ene péché ki sa faire li gagne tracas pour sa kot li capave repentir. Alors sa péché ki li fine commette là li pas couma ene montagne lor so lédos. Kan tandis ene croyant li besoin faire so maximum pou pas faire péché. Car ene péché pou ene croyant c’est ene acte ki li fine montré ki li fine désobéir so Créateur. Couma nous apprend dans sa Hadith la, ene croyant li trouve so banes péché pas ene plaisir pou li. Tandis ki ene transgresseur, li trouve so péché couma ene mouche ki passe kot so ne nez, li nek pousse li avec so la main. Couma dire narien di tout. Si ene croyant ena sa quantité tracas là quand li fine commettre banes péché, alors quand li tourne vers so Créateur, Allah pas pou continue laisse li vivre dans sa difficulté là. Allah ouvert la porte de Tawbah (repentir) pou li. Hazrat Muhyi-ud-Din Al-Khalifatullah fine donne aussi ene série de bane l’example couma le monde fine gâter ; couma bane zenfants fine prend le mauvais chemin; dépi ziska tipti tipti zenfants fine ena bane raisonnement à caractère grossier. A cote ça lemonde là pé aller. Tous les jours, ki li dans Radio et bane les autres médias, pé tende et trouver couma ça lémonde là fine fini... Li fine aussi cite bane révélations ki li fine recevoir de côté d’Allah, ki la colère d’Allah pou continuer abatte lor ça lémonde là - calamités pou continuer vini... Insha-Allah Jummah prochain le Khutba lor Taubah pour continuer...