Text Box: بسم الله الرحمن الرحيم Khutba Jummah HAZRAT KHALIFATULLAH AL-MASSIH AL-MA’OUD MUNIR AHMAD AZIM Munir Ahmad Azim 01 Avril 2011 ~ (26 Rabi’ul Aakhir 1432 Hijri) (Résumé du Khutba Jummah) Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine dire: رَبُّكُمَا عَنْ هَذِهِ الشَّجَرَةِ إِلاَّ أَن تَكُونَا مَلَكَيْنِ أَوْ تَكُونَا مِنَ الْخَالِدِينَ Rabbu-kumaa ‘anhaazihish shajarati ‘illaaa ‘an-takuunaa malakayni ‘aw takuunaa minal khaa-lidiin. « Ou Maître fine empêche ou approche sa pié là, pou ki ou pas vine deux anges et ki ou pas capave vivre éternellement. » (7 :21) Aujourd’hui mo pou mette devant zot ene l’autre explication kifaire peut-être Adam fine alle goûte à fruit ki Allah fine interdit li pou manger. Séki zot bizin conner, c’est ki c’est surtout pas par l’esprit rébel ou pou transgresse la loi Allah ki Adam fine mange dans sa fruit là. L’explication ki convenir c’est ki Adam fine oublier l’ordre ki Allah fine donne li, et li fine mange dans sa fruit là à cause Satan fine dévier so l’attention, et sa verset Quran là li ene preuve de sa : « Nous ti faire avant sa ene contrat avec Adam. Mais li ti oublier, et Nous pas ti trouve en li aucaine décision ferme (pou désobéir). » (Surah Taha 20 : 116) Ou bien, si li fine goûte à sa fruit là tout en gardant à l’esprit sa l’ordre pou pas approche sa pié là, alors c’est sans doute à cause de saki Satan fine suggère li. L’amour ki Adam ti ena pour Allah fine faire li en effet convoite pour passe l’éternité ensam avec Li (Allah), afin ki li reste tout les temps près avec Li. Li ti envie aussi arrive à l’état de bane anges, parski li ti trouver couma bane anges zot ena ene place bien près avec Allah. Alors li fine envie mange sa fruit là pour ki li gagne ene place meilleur de saki li ena sa moment là. De ce fait, Allah fine prend bane paroles égarer de Shaytan (c’est-à-dire, ‘Ou Maître fine empêche ou approche sa pié là, pou ki ou pas vine deux anges et ki ou pas capave vivre éternellement.’) et fine honore Adam par sa bane mêmes paroles là, c’est-à-dire, kan li fine fer li sorti de sa jardin du paradis ki Li ti accorde li là, alors à travers sa bane mêmes paroles là, Allah fine donne à Adam accès à ene le monde de reconnaissance (kot li bien passe par beaucoup épreuves et kot Adam fine par la suite reconnaissant envers So Créateur pour tout faveur ki Li fine donne li) et sa fine fer li par la suite gagne l’immortalité – à travers la mort – parski c’est zis après la mort ki li pou capave gagne accès à ene le monde supérieur et éternel, et so l’âme, ki en fait li de souffle d’Allah, pou capave reste éternellement dans sa place là et réussi atteindre ene niveau pli haute, ki capave même surpasse l’état de bane anges. Adam fine laisse li tenter encore pli facilement kan Ibliss fine fer serment avec li et so madame : « Mo ene bon conseiller pou zot deux. » Et Adam zamais ti pou penser ki ene kikaine pou capave prend le nom d’Allah et cause menti. De ce fait, sa fine dérouler couma Allah fine décrété : Satan fine séduire zot par bane kitchoses ki pas vrai (mais par la suite Allah fine servi sa même mensonges ki Satan fine servi et fer sa vine ene réalité. Satan ti ena niyyat pou fer Adam tombe dans l’estime Allah et alors so bane paroles ki li ti dire Adam c’est pou faire li du tort, mais Allah conne très bien le plan de Satan et fine tourne plan Satan enba là-haut). Zot bizin conner aussi ki manger ki Adam ti pé gagner dans premier paradis ki li ti été, pas ti pé transformer en kitchose ki fer du tort ; li ti pé élimine li par transpiration, ene tel transpiration ki ti ena l’odeur de musc, et sa aussi applique pour tous bane dimounes du paradis. Mais seulement, kan li fine mange fruit de sa pié ki Allah fine interdit li là, alors li fine ressenti la douleur (kot li bizin alle soulage li – alle toilette), et alors li fine entendre ene la voix dire li : « O Adam, kot to pou aller alors ? Au fonds d’ene vallée, lors montagne, ou lors bords d’ene fleuve ? Dessane pluto lors la terre, kot to pou capave soulage toi ! » Si ventre ki fine mange sa fruit interdit là fine bizin subir bane telles consékances, alors eski dimoune ki responsable de sa acte là pas pou subir mauvais consékances de sa action là ? Mais seulement sa « pié » là capave fer référence à tout séki Allah fine interdit, et le « paradis » capave représente So présence. Kan fine dire : « Pas approche sa pié là, parski zot pou parmi bane ki alle (contre la loi Allah) », alors c’est à zot lékaire ki représenter par Adam et à zot l’âme ki représenter par Eve ki sa interdit là pé adresser. Adam ti sous regard affectueux d’Allah, si tant ki après ki li fine mange fruit de sa pié là, li fine vine lors la terre pour ki li vine le Khalifatullah (le calife d’Allah). Quant à zot, si zot arrive mange de fruit de sa « pié » interdit là, zot pou banni de « paradis » de soumission (à la volonté d’Allah) (al-muwafaqa), kot zot pou ensuite alle lors la « terre » de la séparation. Alors zot lékaire pou souffert, parski c’est lékaire ki payer à cause sa séparation (avec Allah là), et non pas l’âme charnel (l’égo), parski sa la vie lors la terre là li convenir totalement pour sa bane kalité l’âme là, parski l’âme de la passion li rode attacher avec sa la terre là pour ki li réussi accède à so bane passions et so bane plaisirs, et alors aussi li gagne l’occasion pou plonge dans l’insouciance ! Séki zot bizin conner encore, c’est ki Allah fine révèle Li tout d’abord par l’Acte créateur, si bien ki Adam fine invoque Li par So nom : Le Puissant (Al-Qadir). Puis Allah fine révèle à Adam par So volonté spécifique, si bien ki Adam fine invoque Li par So nom : Le Volontaire (Al-Murid). Après Allah fine révèle Li à Adam par So décision pou interdit li pou mange de sa pié là, et Adam fine alors invoque Li par So Nom : Celui ki gouverne tout (Al-Hakim). Ensuite Allah fine prédestine li pou mange (de fruit de sa pié là), et Adam fine invoque Li par So nom : Celui ki domine tout (Al-Qahhar). Le fait ki après sa, Allah pas fine paraite presser pou puni li, alors Adam fine invoque Li par So nom : Celui ki ena pitié (Al-Halim). Et le fait ki Allah pas fine révèle Adam so bane fautes, alors Adam fine invoque Li par So nom : Celui qui cachiette [bane défauts] (As-Sattar). Kan Allah fine accepter so repentance, Adam fine invoque Li par So nom : Celui ki pardonner et ena pitié (At-Tawwab). Allah fine fer Adam alors comprend ki so désobéissance pas fine affecter So l’affection ki Li (Allah) ena pour li, et alors Adam fine invoque Li par So nom : Celui ki ena compassion (Al-Wadud). Pareil couma sa Hadith authentique là indiquer, sa l’affection là fine reste intacte pour tous name zenfants Adam, aussi longtemps ki zot pas associé nannié avec Allah. Anas (ra) fine rapporté : « Mo fine entende Rassoulloullah (saws) dire: « Allah (swt) fine dire : « O zenfant Adam, tanque ki to pou invoque Moi et place to l’espoir dans Moi, Mo pou pardonne toi tout saki to fine fer, et mo pas pou prend sa compte. O zenfant Adam, si to bane péchés alle ziska bane nuages dans léciels, et ki ensuite to rode Mo pardon, Mo pou accorde toi li. O zenfant Adam, si to présente toi devant Moi avec autant péchés ki sa la terre là capave contenir et ki ensuite to rencontre Moi sans associé nannié avec moi dans Mo l’adoration, Mo pou accorde toi ene pardon équivalent. » (Tirmidhi) Alors Allah fine fer Adam vine lors la terre, et Li fine facilite pou li bane moyens de so l’existence, et Adam fine invoque Li par So nom : Le Bienveillant (Al-Latif). Allah fine donne li la force pour supporter séki Li (Allah) ti pé exiger de li et Adam fine invoque Li par So nom : Celui Qui aider (Al-Mu’in). Ensuite, kan Allah fine dévoile li le secret de l’interdit, de so transgression, et so présence lors la terre, alors Adam pas fine capave fer autrement ki invoque Li par So nom : Le Sage (Al-Hakim). Allah fine donne li ensuite la victoire lors so bane l’ennemis, et Adam fine invoque Li par So nom : Celui qui accorde la victoire (Al-Nasir). Enfin, Allah fine aide li pou supporte bane exigences de la servitude, si bien ki Adam fine invoque Li par So nom : Le Soutien (Al-Dhabir). C’est donc zis pou amène à so terme la décision divine (tasrif) concernant Adam, et pou impose lors li (Adam) bane prescriptions légales, ki Allah fine fer li vine lors la terre. Si bien ki dans li (Adam), les deux aspects de la servitude se compléter à la perfection : (1) la servitude de celui qui subir bane décisions [divines], et (2) la servitude de celui qui accompli so bane prescriptions. Alors ki meilleur don Allah ti capave accorde li (Adam) plisse ki sa ? Et nous bizin reconnaite ki Allah so bienveillance li bien bien grand pou Adam ! De ce fait, rang de la servitude li certainement ene de bane pli nobles rang ki Allah capave établir ene serviteur, et bane les autres stations spirituelles zot basé d’après séki serviteur là so rang (et obéissance) envers so maître été. Comme preuve de l’élévation de sa rang là, nous ena pou considère le fait couma Allah fine rapproche le nom de So serviteur avec So nom couma dans sa verset là : « Gloire à Celui ki fine transporte So serviteur la nuit », et  « Si ou croire en Allah, et en séki Nous fine fer dessane lors Nous serviteur… » Et aussi : « Qaf, Ha, Ya, Ayn, Sad ; ceci li ene rappel de la miséricorde ki to Seigneur fine fer preuve à l’égard de So serviteur Zakariyya » ; et encore kot Li dire : « Kan le serviteur d’Allah fine lever pou invoque Li (Allah).» Quant au prophète (saws), kan li fine gagne le choix entre vine « ene prophète-léroi » ou vine « ene prophète-serviteur », li fine choisir la servitude. Ki meilleure preuve ki sa de l’excellence de sa rang là, kot sa permette l’homme pou atteigne la proximité d’Allah à travers l’humilité et bane privations? Li – le prophète Muhammad (saws) – en plisse de sa ti pé dire, « Mo seulement ene serviteur, et comme tel, mo pas manger allonger sur le côté. Mo seulement le serviteur d’Allah, et mo mange couma bane serviteurs manger ». Pourtant, c’est également li ki fine affirmé : « Mo le maître de bane zenfants d’Adam, et kan mo dire sa sans orgueil. » Par l’expression « sans orgueil » signifier ki le prophète pas ti place so fierté dans supériorité [ki li ti ena lors tous bane zenfants Adam], mais dans la cause même de l’existence (ijad) [de l’univers]. Allah (swt) affirmer dans Quran : « Mo fine créer bane jinns et bane dimounes afin ki zot adore Moi. » ; mais seulement faudé par ene l’adoration (al-Ubudiyya) ki de l’essence d’Allah. Kan zot fine bien comprend sa, alors zot bizin conner ki astaire-là, véritable l’esprit de servitude li trouve dans abandonne tout zot propre volonté, et en même temps zot bizin arrête révolter contre zot destin, contre saki Allah fine décréter pou zot. Couma eski rang servitude capave gouverner et choisir kan li confronter à la souverainté (d’Allah) ? Nous propre volonté zamais pou capave gagne le dessus lors décision Allah concernant saki Li fine décréter pou nous ! Et alors sa pli grand rang spirituelle de servitude là, nous pou capave gagne li zis kan nous pou renonce à nous propre désir, à nous propre volonté. Alors sa serviteur (d’Allah) là bizin alors renonce à so propre volonté afin ki li soumette et abandonne li-même à Allah si li oulé atteindre pli haut niveau (et parfait) de bane rang spirituelles. Ene jour le Prophète (saws) fine entende Abu Bakr (ra) récite Quran bien doucement, tandis ki Umar (ra) ti pé récite Quran bien fort. Li fine demande Abu Bakr : « Kifer to pé baisse la voix coumsa ? » et alors li fine réponde : « Celui ki mo pé adresser (c.à.d, Allah) Li pé bien tende tanne moi. » (en d’autres mots, mo pas bizin élève mo la voix parski Allah pas sourde !). Ensuite le prophète (saws) fine demande Umar (ra) : « Kifer to pé élève to la voix si fort ? » ; alors Umar fine réponde : « Pou lève bane séki pé dormi et pou répousse Satan ! » Alors le prophète (saws) fine ordonne Abu Bakr : « Lève to la voix ene ti peu » et avec Umar li dire : « Baisse to la voix ene ti peu. » Rassoulloullah (saws) ti envie ki sakaine de so bane compagnons renonce à so propre volonté afin ki zot obéir so commandement, parski dans saki li fine dire zot, c’est sa la voie du milieu, afin ki zot attire lors zot la satisfaction complète d’Allah. Bane raisons ki Abu Bakr et Umar (ra) fine donner, tous les deux raisons zot valables en zot-mêmes, mais kan le prophète (saws) fine fer zot renonce à zot propre volonté, li ti envie montrer zot ki dans sa renoncement là même ki constituer pli haut niveau de l’adoration (kan zot obéir Allah et So Rassool). Anou prend astaire l’exemple de bane zenfants d’Israel (Bani Israil). C’est zot l’envie pou vine indépendant, pou fer saki zot envie ki fine fer zot oublier ki avant tout zot bizin soumette zot à la volonté et décision d’Allah. Kan zot fine rentre dans désert et ki zot fine gagne la manne et la cailles, c’est Allah Li-même ki fine choisir pou donne zot sa manger là et sa sorti de la source de So attribut de bien généreux, ki accorde sans compter (ayn al-Minna) et sa bane là pas fine bizin fer aucaine zeffort pou gagne sa (de la part d’Allah). Mais le fait ki zot l’âme ti grossier et ki zot ti habituer pou consomme ene nourriture bien ordinaire (ki zot fine insister pou gagner), alors zot fine oublier ki c’est la décision (tadbir) d’Allah ki primer et zot fine fini par réclame Moussa (as) pou donne zot manger saki zot habituer manger. Zot fine dire li : « Priez to Maître en nous faveur, afin ki Li fer pousse pour nous séki la terre habituer produire : légumes, ziromon, l’ail, lentilles et oignons. » Moussa (as) fine dire zot : « Eski zot pou échange le meilleur (alladhi huwa khayr) pour saki inférieur (moins bon) (alladhi huwa adna) ? Alle dans n’importe ki la ville ; zot pou gagne tout saki zot pé demander. » Alors zot fine frapper par dégradation et la pauvreté, et la colère d’Allah fine tombe lors zot. Si Moussa (as) fine blâme zot par la suite, c’est à cause de zot comportement kan zot fine refuse saki Allah fine choisir pour zot et le fait ki zot fine demander par saki zot passion fine envie. Kan zot fine échange ene kitchose meilleur pour saki inférieur capave veut dire en apaprence : ki zot préfère ene plaisir temporaire et ki pas pou profite zot au lieu de saki supérieur, et kan zot fine prend zot décision, sa fine cause zot pou fer face pli beaucoup fatigue. Mais sa capave dire aussi d’ene façon symbolique : Eski zot pou préfère séki inférieur (al-adna), c’est-à-dire, eski zot pou implimente zot propre choix au lieu de saki supérieur (al-khayr), en d’autres mots, la volonté d’Allah ?  Ou bien eski zot pou échange ene kitchose noble, saki Allah fine décider pour vous ? Alors si coumsa, alle dans ene la ville, parski l’objet de zot bane désirs li trouve là-bas (dans sa bane la villes là) ! En d’autres mots : Zot fine tomber dépi « léciel » de non-soumission à la volonté d’Allah et de meilleur choix ki Allah ti prend pou zot, ziska ki zot fine vine lors « la terre » de zot propre décision et de zot bane choix individuelle, dégrader et appauvri couma zot mériter, à cause zot fine préfère zot propre choix au lieu de choix d’Allah, et zot fine préfère zot propre plan à plan d’Allah ! Si nous Oummaté Muhammadiyya ti celui ki sorti de désert (à l’époque de Hazrat Moosa (as)), alors zamais zot pas ti pou causer couma bane Bani Israel fine causer, à cause le Oummaté Mohamadiyya fine recevoir ene la lumière pli éclairer, et li percevoir avec claireté tous bane secrets. Considère bane propos ki bane Bani Israil fine dire à Moussa (as) avant zot voyage, kot sa ti vine la cause de zot égarement dans le désert : « Alle la guerre, toi et to Seigneur, tandis ki nous, nous pou reste ici. », et ensuite à la fin de zot voyage, kot zot fine demande Moussa (as) : « Prier to Maître en nous faveur... ! » Au commencement de zot voyage, zot fine refuse pou soumette à bane l’ordre d’Allah, et à la fin de zot voyage, zot fine fer ene choix pou zot-mêmes ki contraire à celui d’Allah ! Quran li rempli avec bane épisodes ki décrire zot éloignement de la vérité : ainsi, kan zot fine demande Moussa (as) : « Faire nous trouve Allah avec nous propre lizié (jabra). » Ou bien kan après ki zot fine franchi la mer rouge, zot fine rencontre ene peuple ki ti pé prosterne devant bane idoles, alors toute suite zot fine demande à zot prophète (Hazrat Moussa (as)) : « Donne-nous ene bondié pareil couma zot bane bondiés. » (Et alors Moussa (as) fine réponde zot et décrire zot coumsa : « Zot vraiment ene peuple ignorant. ») Ou bien, kan Allah fine dire dans Quran : « Nous fine fer montagne trembler lors zot la tête. Li ti couvert zot couma ene parasol, et zot ti penser ki li pou tombe lors zot. ‘Tini ferme à message ki Nous fine donne zot.’ » Mais lors lékaire de nous communauté (l’Islam), Allah fine fer ‘montagne’ la crainte d’Allah et de majesté d’Allah trembler. En plisse de sa, l’Islam (so bane Messagers et bane sages) fine fer preuves de fermeté après ki zot fine recevoir l’appui d’Allah et alors Allah fine préserve nous de l’adoration de sa veau en or là. Allah fine en effet élire sa communauté là (l’Islam) et li fine fer so louanges en sa bane paroles là : « Ou meilleur communauté ki (Allah) fine élever pour bane dimounes. », et après : « Coumsa même ki nous fine fer de zot ene communauté du juste milieu », c’est-à-dire composée de bane dimounes vertueux et équitables ki préfère de loin la décision d’Allah à celui de zot volonté propre.  En vérité Dieu fine déjà dire moi : « O Mo serviteur, To patron ene bon payeur ; avec le prix de to zeffort, to pou recevoir l’éternité. » Alors li nous devoir en tant ki Musulmans pour nous soumette nous-mêmes complètement à la volonté d’Allah. Nous bizin faire le décret d’Allah vine nous priorité et faire nous propre volonté (désire) disparaite, parski c’est dans l’obéissance totale d’Allah ki nous salut trouver, et kot nous pou gagne l’accès à sa immortalité (ki Satan ti pé rode embête Adam, mais ki par la suite fine vine ene réalité) ki fine promouvoir par Allah comme ene preuve de So l’amour et So l’affection pour So bane vrais serviteurs. Incha-Allah. En deuxième lieu, mo fine apprane ki bane ténors (bane grands familles) dans l’Association Ahmadiyya fine maryé piké pou couvert malpropreté soi-disant Amir de Maurice – so fraude ki li ti fer dans le Jamaat, en remboursant l’argent cokain là. Bane là bien conné ki kalité malpropre sa soi-disant Amir là été, et ene dans l’autre, sakaine pé couvert malpropreté so camarade et zot servi sa philosophie là : « Si to dénonce moi, abé mo pou dénonce toi ! » Sakaine pé prend zot comme paak (pure) kan en vrai dire, zot pé lutter pou remporte la victoire dans mauvais travail. Quoi ki zot capave fer, pareil couma mo fine dire dans mo bane Khutba Jummah d’avant, kot ena malpropreté, ena mouche vert ki entoure sa, et voilà nous trouver couma sa bane mouche verts là pé fer zot travail pou entoure sa malpropreté là et prend plaisir dans saki zot pé fer ! Sa soi-disant Amir là croire ki li éternelle comme Amir et ki li éternelle lors la terre. Sakaine pé rode couvert li pou ki la vérité capave fer défaite et le mensonge et magouille gagne la victoire, mais laisse mo dire zot, ki arrive séki arrive, sa soi-disant Amir là et so bane protecteurs « mouche-verts » pas pou capave barre sa la main d’Allah ki pou saisi zot très bientôt, et zot pou alle conner ki : Pas alle badiner avec Allah et avec So Prophète, parski plus devant zot pou gagne cogner ! Et kan zot pou tomber, sa pou fer bien dimal, kot zot pas pou même capave alle fer la tôle-la peinture – pas pou ena réparation !