بسم الله الرحمن الرحيم

 

Khutba Jummah

 

HAZRAT KHALIFATULLAH AL-MASSIH AL-MA’OUD

 

Munir Ahmad Azim

 

~ JALSA SALANA 2011 ~

 

02 Septembre 2011  ~

 

(03 Shawwal 1432 de l’Hégire)

 

(Résumé Khutba)

 

Après Salam, Hazrat Khalifatullah fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

 

هُوَ الَّذِي خَلَقَ لَكُم مَّا فِي الأَرْضِ جَمِيعًا ثُمَّ اسْتَوَى إِلَى السَّمَاء فَسَوَّاهُنَّ سَبْعَ سَمَاوَاتٍ وَهُوَ بِكُلِّ شَيْءٍ عَلِيمٌ ۝

 

Huwal-lazii khalaqa lakum-maa fil-ardi jamii-‘aa summas-tawaaa ‘ilas-Samaaa-‘i fa-sawwaa hunna sab-‘a samaa-waat; wa Huwa bi kulli shay-‘in ‘aliim.

 

« Bane ki ena la foi et faire du bien, pou gagne tout bane meilleur chose, et ene bon entente avec Allah. » (13: 30)

 

                                                             Le monde dans ki nous pé vive constituer nous point lors ki nous appuye nous pour capave accède à nous Rab. Sa l’ascension là li réaliser biensûr par la prière (salat), mais aussi à travail bane travails sociales ki aussi ene acte d’Ibaadat. Tous bane prophètes, dépi Adam (as) jusqu’à Muhammad (saws) et aussi dans le temps de Hazrat Mirza Ghulam Ahmad (as) et jusqu’à aujourd’hui dans l’époque de sa humble serviteur d’Allah qui présent parmi zot azordi – tous bane prophètes fine envoyés dans bane sociétés ki ti pé passe par bane crises sociales bien graves, ki fine arrive dans ene stage avancé. À travers zot, Allah fine montré ki seulement ene l’organisation social ki basée lors les valeurs humains, surpasse et dépasse bane différences et zot contribuer à la realisation d’ene vrai société ki zot tous vivre ensam en harmonie, couma ene communauté bizin vivre.

 

Nous capave dire ki le travail social fine né avec l’existence de bane prophètes, kan zot fine vini avec zot messages, parski bane prophètes d’Allah pas fine contente zot pou zis élabore lors bane actes Ibaadat et pou apporte bane la lois appropriés pou ki l’homme suive sa à la lettre, zot fine fer appel aussi pou ki l’homme maintenir la lien de fraternité ki lier li avec bane dimounes dans la société.

 

Bane solutions ki zot fine amener, zot pas fine amène sa dans ene l’esprit pou juge dimounes et pou condamne zot, mais en dehors de bane institutions ki ti déjà exister et ki ti au pouvoir, zot (c-à-d, bane prophètes) fine conner couma pou fraye bane les autres chemins ki basé lors la loi dans ene sel Allah.

 

Par le travail social, zot fine capave transforme bane sociétés ki fine prend place lors bane différences culturelles et raciales, kot le bien-être de sak dimoune dépend de saki li Gagner et saki Li faire, alors zot (sa bane prophètes là) fine réussi transforme sa bane société là en ene société ki promouvoir l’intérêt de tout, sans différences de bane cultures etc. – zot fine fer l’homme comprend ki tous dimounes égales, zot tous zot bane créatures d’Allah, zot tous zot bane humains, et de ce fait zot tous zot bizin travail pou l’intérêt de zot prochain, pou aide zot, pou ena sympathie pou zot. Alors, zot l’enseignement c’est pou faire avant tout. L’action (bon action) bizin faire avant tout, et ensuite, après ki fine faire (bon action là), li pou récolter so récompense, ou fruit de so zeffort. C’est ene véritable l’éducation ki zot faire avec bane dimounes, kot zot donne sa bane dimounes là l’enseignements, le message d’Allah, bane tels messages ki pou transforme zot la vie, si seulement sa bane dimounes là mette tous sa bane messages là en pratique. Sa bane l’enseignements là transforme zot-même, rende zot meilleur, ki li envers Allah, et aussi envers bane dimounes. Kan sa tranbsformation là prend place, alors le cœur vine ene centre de contrôle, kot li contrôle nous bane pensées, nous bane paroles et enfin, nous bane actions. 

 

Tous sa bane l’enseignements ki faire ki dimoune vine dimoune, kot li sorti de l’état animal pou vine bane dimounes sociale, c’est sa même fondement de l’Islam ; c’est sa même ene de bane but de l’Islam, kot li faire dimoune vine bane être humain ki ena bane grands qualités morales et bane les autres qualités ki pou permette li vivre dans la société. Travail ki le Saint Prophète Muhammad (saws), fine fer li extraordinaire, parski avec l’aide d’Allah, li fine réussi transforme bane dimounes, ki li dans Makka et Madina. Li fine montrer ki le travail social li avant tout ene travail de libération de bane dimounes, kot fer li sorti de so prison invisible afin ki li (l’homme) retrouve so liberté, mais seulement ene liberté dans Allah, dans l’obéissance d’Allah. Saki ti riche ti dans prison de so propre richesse ; le pauvre ti dans prison de so propre pauvreté, et zis Allah tousel, à travers action de Hazrat Muhammad (saws) fine capave libère zot de zot prison, parski mesure de référence de Hazrat Muhammad (saws) pas vine de la société, mais de la relation ki nait entre le pauvre et le riche, ki basé lors le partage, la compassion, la solidarité et Taqwa (la crainte d’Allah, la piété).

 

La piété li sa terrain fertile la fraternité li germer et enraciner; li l’expression de al foi ki vivant, li l’essence de bane sentiments ki l’homme ena pou so frère et ki pousse li obligatoirement pou aide so frère, pou faire bane travails sociales, ki représente ene expression de sa l’amour ki li ena envers so prochain. Au nom de tous sa bane préceptes là, Hazrat Moussa (as) fine libère le peuple Juif de l’esclavage, Issa (as) fine vine transforme le concept de « chacun pour soi, et Dieu pour tous » en « Content zot-mêmes, les uns envers les autres ».

 

Hazrat Muhammad (saws) fine apporte à l’humanité le premier constitution ki écrire, ki constituer et gouverne bane rapports ki ena entre bane dimounes, kot faire zot recommande le bien, et interdit le mal et sa bane la lois là appelle bane humains pou être reconnaissant en vers Allah. Agir, c’est être reconnaissant envers Allah, c’est prouver ki nous content Allah, parski tout caractère de message d’Allah, so but c’est pou fer l’homme vine humain, et alors pou fer sa travail pou fer l’homme vine humain, alors le travail sociale li bien important – pas zis ene travail sociale coumsa même, non ! Mais ene travail sociale ki basé lors la foi (dasn ene sel Bondié), car sa c’est ki represente la base de tout solidarité.

 

Sa la foi en Allah là et nous conviction pou suive bane l’exemple de bane prophètes pas pou ena aucaine sens à moins ki li ena bane implication sociales afin pou établir ene bon co-relation entre la foi et action, ene tel la foi et action kot Allah même pas faire aucaine différences, parski Allah dire : « Pardonner, si zot oulé gagne le pardon, gagne pitié envers ou prochain si ou oulé ki ou Rab gagne pitié pou ou. » 

 

En cela, le travail social li bien essentiel pou capave amène sa idéal là, parski le service ki nous render à bane les autres dimounes li constituer ene chemin kot nous gagne ene réalisation personnelle, kot nous atteindre à nous but individuelle. C’est ene transformation ki l’être ki fonctionner au niveau le cœur, et alors l’homme retrouve so nature, l’essence d’Allah ki dans li. Li prend alors conscience ki le monde fine créer pou li, et ki li, li fine créer pou so Rab. C’est so Rab ki permette li pou accompli so rôle comme le Khalifa d’Allah llors la terre et en même temps pou vine ene dimoune ki rempli d’amour, de liberté et de choix.

 

« C’est Li ki fine créer pou ou tout saki ena lors la terre. Li fine ensuite tourne So l’attention vers léciel. Li fine mette sept les ciels en ordre, et Li conne tout kitchose. » (2: 30)

 

En étant utile à la société, l’homme bizin prend l’exemple de bane prophètes (as) pou zot conne vivre. Moi, mo défini le travail social à travers concept de khidma, ki veut dire ‘service’, et couma pou vine au service d’Allah en étant au service de sakaine so prochain, de l’humanité dans so l’ensemble. Le travail social li conduire l’homme à la perfection du cœur et faire li honorer par le siège d’ene Khilafat ki vine de côté d’Allah. Le monde li pou nous tous (pou vivre), et tout saki l’homme faire bizin accomplir pour le bien-être et bonheur de tout dimoune, sans partie pris.

 

L’homme li ene être social. Bane dimounes ena le devoir pou aide zot camarades, entre zot-mêmes, pou résoude zot bane problèmes. Toutefois, dans ene société kot ena certains ki bien privilégiés (pli riche) par rapport à bane les autres dimounes ki trouve zot souvent exclus, dans problèmes, alors, travail social vine nécessaire (pou accompli). 

 

Ki sanlà ene travailleur social ? Ene travailleur social li ene dimoune ki content aide bane dimounes ki dans le besoin, ki pé faire face à toutes sortes kalités de problèmes, sans ki li attane kitchose en retour. Li ena ene l’amour sans arrière-pensée pou aide bane les autres dimounes. Ene travailleur social éprouve ene très grand la joie si li alle réussi résoudre le problème d’ene dimoune ki en difficulté. Mais, avant ki li arrive à sa stage là, faudé nous garde à l’esprit ki le travailleur social li aussi ene dimoune ki capave débarrasse dimounes d’ene bons nombres de zot bane problèmes couma la jalousie, l’hypocrisie et l’égoïsme, etc. Ene dimoune fière, fichant et arrogant jamais pas pou capave vine ene bon travailleur social.

 

Si, malgré tout ene tel kalité dimoune réussi vine ene travailleur sociale, alors c’est pas par conviction ou pour le plaisir d’Allah ki Li faire sa travail là, mais pou ki so nom marché, et dimoune cause de li, ki kalité dimoune li été. En d’autres mots, li faire sa seulement pou lizié dimounes, pou gagne grandeur. De ce fait, li servi travail sociale comme ene lave-lizié pou ki dimoune prend li comme ene bon dimoune, ki content aide les autres ou bine pou vante li-même (de bane travails ki li faire pou aide dimounes). Ene telle travailleur sociale bizin absolument débarrasse li de sa bane vilains défauts là si li oulé vraiment vine utile à bane les autres dimounes. En plisse de sa, sa travailleur sociale là bizin discret à propos contacte avec bane dimounes et zot problèmes afin ki li gagne la confiance de sa bane dimounes là. Li bizin pas trahir la confiance ki sa bane dimounes là fine placer lors li.

 

Couma pou vine ene travailleur social ? C’est pas ene sel coup ki ene dimoune capave vine ene travailleur social digne de ce nom. C’est seulement après plusieurs l’années d’entrainement et d’enseignements ki li pou capave conne distingue psychologie de bane dimounes ki li pé occuper, bane telles dimounes ki rempli avec toutes sortes de problèmes. C’est à travers l’expérience ki li gagner lors terrain ki li développe ene certain compétence ki li ensuite mette au profit de bane les autres. Ene travailleur social bizin formé, tout d’abord, pou écoute bane dimounes. Li bizin conne consacrer so le temps pou écoute avec l’attention sa dimoune ki pé vine vers li pou partage avec li so problèmes.  Pour sa dimoune là, kan li conner ki ena ene dimoune là pou li, pou écoute li, alors sa en grande partie li résoudre ene partie de so problèmes. Ensuite, sa travailleur social bizin bien comprend la nature de sa dimoune là so problème et li bizin trouve so cause. Li capave aussi réponde certains de bane questions de sa dimoune ki pé cherche so l’aide là, et li capave donne li bane conseils, et guide sa dimoune là vers bane professionnelles dans sa domaine là ou bane institutions appropriés, et finalement, si li ena la capacité, li capave même propose bane solutions à bane problèmes de sa dimoune là, li-même.

 

Li bien important aussi pou li ki li faire ene suivi régulier afin pou détecter bane problèmes, et kan li détecter sa bane problèmes là, li bizin prend bane mesures ki bizin afin pou régler problèmes de sa bane dimounes là. Dans pratique, bizin aussi souligner ki ene bon nombre de bane problèmes pas ena solutions, et là, devoir sacré d’ene travailleur sociale c’est pou fer tout en so pouvoir pou au moins soulage sa dimoune ki pé subir bane malheurs là ; li (c’est-à-dire, travailleur sociale là) capave fer sa (soulage douleur sa dimounes) là en donne li support morale, réconforte li dans so malheur et assure sa dimoune là so l’affection, kot ene frère li ressenti douleur d’ene l’autre frère, et ene sœurs li ressenti la douleur d’ene l’autre sœur.

 

Nous système d’éducation bizin inculquer bane telles valeurs couma la générosité, le partage et la solidarité afin pou pli encourage bane jeunes pou consacrer impé de zot lé temps libre dans travail social. Ena tellement dimounes ki ena problèmes et bane problèmes là zot tellement différents et t complexes ki ena assez places pou bane les autres dimounes ki bien intentionné pou vine de l’avant pou faire sa travail là lors ene base volontaire afin ki zot occupe zot sakaine d’entre problème spécifique (de sa bane dimounes en difficulté là).

 

Li mo devoir pou fer zot mazine sa parole de Nabi-Kareem (saws) ki fine dire : « Toute la Communauté (Oummah) li couma ene sel lécorps. Kan ene partie de la Communauté li pé souffert, alors l’Oummah en entier bizin ressenti sa douleur là. »

 

Sak citoyen bizin vine responsable étant donné ki sakaine chacun d’entre nous ena ene devoir vis-à-vis de l’autre, et sa c’est ene faveur d’Allah si nous ene travailleur social parski nous ti capave dans place sa dimoune ki pé cherche l’aide de bane travailleurs sociales pour survivre dans ene société ki pé continuer évoluer et kot ene bon nombre de dimounes, zot subir bane préjudices, kot zot vine à l’écart de la société, parski zot pas capave adapter à bane changements ki ena. Kan ene travailleur sociale pé travail pou aide les autres, non seulement li alle découvert toutes sortes kalités de bane dimounes et zot problèmes, mais en même temps, li fini par découvert li-même, à travers so bane réactions, so bane choix, so bane motivations et so bane sentiments, etc. De ce fait, travail social li ene vrai source de bénédiction, ki sak parent bizin recommander sans hésitation à so bane enfants et à li-même.

 

En terminant sa Khutba là, mo dire zot ki le Khidma (service), c’est le chemin par quoi l’homme li réalise li-même. La connaissance bizin nécessairement accompagnée par bane actions, si li oulé vine utile. Ki Allah donne nous le Tawfiq pou bien comprend sa Khutba là, et ki Allah (swt) béni nous avec so connaissance et faire nous vine bane aides précieux pour nous bane frères et sœurs ki en difficultés. Ameen