|
بسم الله الرحمن الرحيم
Khutba Jummah
HAZRAT KHALIFATULLAH AL-MASSIH AL-MA’OUD
Munir Ahmad Azim
(01 Rajab 1432 Hijri)
(Résumé Khutba)
Après Salam, Hazrat Khalifatullah Al-Massih Al-Maoud fine commence so Khutba avec Tashahhud, Ta’uz, Surah Al Fatiha, et ensuite li fine dire:
يَا أَيُّهَا الرَّسُولُ بَلِّغْ مَا أُنزِلَ إِلَيْكَ مِن رَّبِّكَ وَإِن لَّمْ تَفْعَلْ فَمَا بَلَّغْتَ رِسَالَتَهُ وَاللّهُ يَعْصِمُكَ مِنَ النَّاسِ إِنَّ اللّهَ لاَ يَهْدِي الْقَوْمَ الْكَافِرِينَ
Yaaa-‘ayyu-har-Rasuulu balligh maaa ‘unzila ‘ilayka mir-Rabbik. Wa ‘illam taf-‘al famaa ballaghta Risaa-latah. Wallaahu ya'-simuka minan-naas ‘Innal-laaha laa yah-dil-qawmal-kaafiriin.
« O Prophète, répande message qui fine descende lors toi dépi to Maitre. Si to pas faire sa, to pas va fine accompli droit de l’apostolat. Allah pou protège toi contre bane dimounes. Allah pas guide ène communauté qui rejette la foi. » (Surah Al-Maidah Ch.5 V.68)
Allah pé dire: O Prophète! Transmette à bane dimounes tous saki to Seigneur fine révèle à toi. Et si to pas fine propage sa message là, bé li couma dire to pas même fine accompli droit de l’apostolat (c.à.d, to pas va fine répane tout So instruction en tant ki Prophète d’Allah). Allah pour protège toi contre bane dimounes. Parski kan to pou prêche le message, dimounes pou oppose toi, et réagir sévèrement contre toi, mais magine bien ki sa Allah ki to pé mette So bane instructions en pratique là, bé sa même sa Allah là ki pou protège toi. Surement Allah pas guide bane peuples mécréants.
Justement aujourd’hui mo fine lire sa verset là pour ki zot délaisse sa mauvais conception là ki Tabligh pas concerne nous (Jamaat Ul Sahih Al Islam), ou ena ki penser ki Tabligh ene travail en plisse. Li ene pensée exagérer et ene très mauvais pensée ki Tabligh c’est ene travail en plisse. Li pas du tout coumsa. Si li ti ene travail en plisse, bé Allah pas ti pour dire Hazrat Muhammad (saws) faire Tabligh sinon to pas pour accompli droit d’apostolat.
Servi le moindre raisonnement et guetter ki eski Hazat Muhammad (saws) ti gagne sa instruction de faire le Tabligh là pour li tout seul ? Eski so bane suivants ti gagne la permission pou faire séki zot oulé et tout le Tabligh c’est zis Hazrat Muhammad (saws) ki pou faire ? Sa li pareil couma bane paroles humiliantes ki le peuple de Hazrat Musa (as) ti dire li et so frère. Zot ti dire li aller toi et to frère, alle la guerre et lutter et kan to gagne la victoire, informe nous ; à ce moment là nous pou vini.
Si Allah ti oulé, Li ti capave donne sa victoire là mais Li pas fine donner. Et à cause de sa Hazrat Musa (as) aussi fine subir bane la peine. Parki le temps de promesse là ti fine fini traverser et là aussi li pas ti encore rentre dans la terre promise juste parski so peuple pas ti collabore avec li. Donc, maintenant pour Hazrat Muhammad (saws) couma ou capave dire ki li ene zaffaire volontaire ? Non seulement li ene obligation mais li tellement profondément lier avec sentiment et passion ki kan Hazrat Muhammad (saws) ti pé adresse bane dimounes de Madina et pé demande zot l’opinion lors la guerre ki ti pour ena lieu. A ce moment là ene de bane dimounes de Madina fine deboute et fine dire : O Prophète d’Allah, sa pacte ki nous ti faire avant là, ki nous pou la guerre seulement si ena de l’attaque dans Madina et nous pas pou alle dehors Madina, sa ti ene promesse d’avant. Li ene promesse ki nous ti faire kan nous pas ti encore trop conne toi. Mais maintenant ki nous conne toi, et ki nous content toi, azordi nous ena ceci pour dire toi ki Khuda ki Kassam nous pour faire li. Sa c’est réalité de Imaan, sa c’est ene vrai la foi! Sa c’est l’amour ki bane compagnons ti ena pour Hazrat Muhammad (saws). Jamais pas fine ena bane peuples de aucaine prophète ki fine exprime sa kalité paroles là, pou exprime zot sentiment d’amour.
Donc, aujourd’hui aussi c’est nous même ki là ki nous toujours bane suivants de sa même Prophète d’Allah (saws) ki bizin faire sa Jihad là. Et vrai Jihad c’est sa même ki bizin faire sa Sahih al Islam là gagne le dessus dans le monde entier, Insha-Allah.
Ki sanlà ki capave dire ki c’est ene affaire volontaire ? Si ou content ou faire li et si ou pas content ou pas faire li ? Li ene mauvais pensé, ene injustice et ene pensée imbécile. Aujourd’hui kan l’heure de la victoire fine vini, eski ou pou laisse l’Ummaté Muhammadiyya (saws) coumsa même ? Kan le Sahih al Islam ena pour gagne le dessus lors tout les autres religions, eski ou pou reculer et ou dire ki pas conner si pas pé adresse nous soi non ? Ou dire ki surement ena quelqu’un ki pé bizin faire le Tabligh. Au contraire, c’est sa même sagesse ki ena kan fine adresse Hazrat Muhammad (saws). Allah ti adresse sa à tout bane Musulmans en générale, bé ti pou ena ene bane ki pour dire ki ena quelques-uns ki pé déjà faire le Tabligh, bé zot pé accompli aussi nous responsabilités couma Farzé Kifayah. En fait ena deux sagesses kan fine adresse Hazrat Muhammad (saws) seul. Premièrement pour montrer ki : Pena personne ki ena ene pli grand stage ki toi ; c’est-à-dire Hazrat Muhammad (saws), pena personne ki Mo (Allah) pli content ki toi. Mais si to-même to pas faire le Tabligh, bé li couma dire to pas fine accompli droit de to l’apostolat. Lotte message là-dans, c’est qui avec Hazrat Muhammad (saws) pour laquelle l’univers fine créer ; si avec li Allah pé capave dire bane tel choses, bé O bane suivants de Hazrat Muhammad (saws), magine ene coup pour zot ki pou arriver, ki zot situation pou été ? Si zot pas propage le message de Hazrat Muhammad (saws), bé dans ki catégorie zot pou compter ? Fine mentionne sa au singulier. C’est ki veut dire ki li le devoir de chaque dimoune, chaque individu.
C’est pourquoi Allah adresse Hazrat Muhammad (saws) directement. Li mentionne so nom et adresse li, c’est-à-dire ki tout celui ki revendiquer ki zot ene esclave de Hazrat Muhammad (saws), bé pé adresse zot aussi en même temps.
En ce ki concerne le Tabligh, Allah fine clairement faire ressortir ki c’est ene zaffaire différent de les autres sacrifices là. Parski dans sa verset là Allah pé donne instruction de Tabligh à ene tel dimoune ki ti pli avant ki tout dans sacrifice financier et dans sacrifice physiques et dans Ibaadat. Celui ki ti amène Ibaadat lors so sommet. Are li, Allah pé dire ki si to pas faire le Tabligh, bé to pas fine accompli droit de to l’apostolat.
Dans sa siècle là, c’est nous-même ki bizin envoye le message partout. Alors prend détermination et éloigne tous bane négligence du passé et commence le travail. Ena dimoune capave ena beaucoup connaissance lors Deen. Zis connaissance pas veut dire nannié ; faudré aussi ena sa l’expérience de Tabligh là aussi et bizin mette li en pratique. Tabligh bizin faire avec raisonnement, avec arguments et, pas avec la force.
Mo tenir à félicite Jamaat Ul Sahih Al Islam de Kerala kot le Amir Sahib, Fazil Jamal Sahib, Dr. Thahir Sahib, Hariz Sahib, et les autres pé faire bane grands grands travail en langue Malayalam, ensam avec bane Siraj Makin de Kerala, et même zot fine créer ene blog ki lier avec nous website. Ki Allah faire zot Mubarak dans sa travail noble là. Mo dire tous bane membres du Jamaat ki alle lors nous website, click, alle lors section Malayalam – ou pou alle conner combien travail Jamaat de Kerala fine faire : bane traductions Khutba Jummahs, livres, réfutations, révélations reçus etc. et aussi zot régulièrement lors le champs de Tabligh malgré zot l’occupation mondaine couma tous dimounes, mais zot trouve sa le temps là pou faire zot Tabligh. Zot pou Insha-Allah organise ene conférence (meeting) publique pou mette bane dimounes au courant de nous message. Ki Allah fer sa travail ki zot pé fer là Mubarak, rempli de bénédictions et de support (aide) d’Allah, et Insha-Allah, ki bane l’âmes pures zot attirer avec la Lumière d’Allah, pour le bien de zot propre l’âmes. Ameen.
Et zot le seul (Jamaat Ul Sahih Al Islam de Kerala) dans l’époque d’ene Khalifatullah, et en plein manifestation divine, pour faire autant de travail de Deen avec autant de dévotion. Par la grâce d’Allah, zot fine réussi enregistrer ene boute la terre avec so Masjid (le centre) ki ti généreusement offert par le Amir Jamaat, et zot pé bénéficier sa faveurs divine ki pé dessane du ciel plisse ki zot tous et aussi kan Allah So Khalifa (le Khalifatullah), Messie content avec zot, définitivement Allah (swt) aussi content avec zot. C’est ene grand grâce, bénédiction et faveur ki le Khalifatullah so duah pas manquer pour zot dans tous mo bane Ibaadat, et mo faire duah encore pour zot (Jamaat Ul Sahih Al Islam de Kerala) ki Allah (swt) donne zot beaucoup de connaissances, de bons rêves, visions et même des révélations aussi et doublé, voir même triblé zot bane zefforts plisse dans le domaine de Ibaadat, lire Quran Shareef, Sacrifice Financières et Tabligh, Insha-Allah.
« Et tous saki zot dépenser, Li (Allah) pou remplace li ; et Li le meilleur Fournisseur. » (34:40)
Garde bien à l’esprit O mo bane frères et soeurs, ki ensemble, nous forme ene sel lécorps. Uni, nous capave fer beaucoup beaucoup travails pour la cause d’Allah, pour la propagation du Deen-é-Islam, mais divisé, nous nannié ditout et pas capave récolter nannié avec nous identité séparé. Alors, la Jamaat Ul Sahih Al islam bizin représente sa unité là, li bizin représente ene sel identité, ki pou Insha-Allah vine le reflé de l’unité de bane Musulmans dans l’époque du Saint Prophète Muhammad (saws), et ensam, avec la grâce et le pouvoir d’Allah, nous pou capave amène l’Islam à so sommet de gloire, à so sommet dans la Victoire, et kot nous reconnaite la Grandeur d’Allah, So l’Unicité et So Pouvoir Infini. Insha-Allah, Ameen.
Mo dire nous bane les autres frères et sœurs de bane les autres pays faire « Fastabikoul Khairaat », prend bane initiative, créer zot bane blogs aussi, faire bane traductions dans zot langues zot aussi. Engage zot dans le Tabligh et envoye moi zot rapport. Mo bizin préciser bien ki mo pas pé dire ki zot pas pé faire ditout travail. Non ! Mais pas assez zeffort, bane travail bien bien lente. Mo dire zot faire compétition dans bon travail. Sa siècle ki ou pé vivre là et ou pé vivre dans l’époque ene Prophète d’Allah, et non pas d’ene élu de l’homme. Alors profite sa la pluie divine ki pé tombe du ciel là en présence ene prophète d’Allah. Ou pas pou retrouver sa siècle là encore. Bane ki fine vivre dans l’époque Hazrat Muhammad (saws) et Hazrat Massih Maoud (as) c’est bane dimounes chanceux, béni de vivre dans l’époque ene Prophète d’Allah. Après nous pas conner kan ene Prophète pour vini dépi kot Allah. C’est zis Allah ki conné kan Li pou ré-envoye ene So Khalifatullah ou Messie ou Mujaddid encore.
Alhamdulillah, ene de mo bane disciples bien sincère fine attire mo l’attention lors le fait ki Hazrat Massih Maoud (as) fine attire l’attention de bane dimounes lors la venue d’ene Khalifatullah, surtout kan li cause la période de temps de la venue du Khalifatullah comme ene Laila-tul-Qadr et ki kan Allah So Khalifa spéciale dessane, li dessane avec sa la lumière d’Allah là ki décalquer aussi lors bane dimounes sincères ki autour de sa Khalifatullah là. Par la grâce d’Allah, Hazrat Massih Maoud (as) fine dire ki li fine en d’autres mots vine comme ene Khalifatullah, mais saki pli étonnant encore, li fine fini dire ki pas zis dans so période ki pou ena li, mais sa Khalifatullah là pou aussi vini comme ene confirmation de so véracité. C’est sa Khalifatullah là ki pou vini en conformité avec so paroles et li pou vini en confirmation de so (Hazrat Massih Maoud (as)) so véracité pareil couma Hazrat Mirza Ghulam Ahmad (as) fine vini en confirmation de prophécie de Hazrat Muhammad (saws) kot le Saint Prophète (saws) ti dire ki kan Imaan pour alle lors Surrayya (ene zétoile bien haute dans le ciel), alors pou ena ene dimoune dans descendance Salman Farsi ki pou ré-amène sa Imaan là lors la terre.
Hazrat Massih Maoud Mirza Ghulam Ahmad (as) dire dans so livre Fath-e-Islam :
« l’Humanité li dans ene l’état d’agitation et pé attane avec impatience saki pou arriver.
A sa jonction là, bane ignorants contemplé ki le monde fine prend ene tournant, par li-même, pour le meilleur. En fait, sa reforme là li résultat de bane zefforts de sa bane anges ki apparaite ensam avec le Khalifa d’Allah (Khalifatullah) et ki donne bane pouvoir extraordinaire lors bane dimounes pou comprend et accepter la Vérité. Zot réveille la masse (dimounes) de zot sommeil, zot alerter bane ki pas prend précaution, et zot donne capacité pou tendé à bane sourdes, zot relève les morts et fer zot sorti de zot bane tombes. Alors, nek ene coup bane dimounes commence ouvert zot lizié et relève et mette en valeur bane sujets ki, ziska sa moment là ti cachiette de zot lékaire. En réalité, sa bane anges là zot pas différent de sa Khalifa d’Allah (Khalifatullah) là. Zot en fait ene reflection de la lumière Divine ki briller lors so figure et de bane manifestations de so l’endurance envers so mission. Ene tel dimoune li capave physiquement distant ou proche, li capave ene dimoune connu ou bien complètement étranger, mais malgré sa, zot tous zot attirer avec ene telle la force couma léma, mais faudé ki dans zot d’abord ena sa capacité de réforme là.
Dans sa période du Khalifa là, tous bane actions de l’humanité vers la piété et pou dégage l’enthousiasme , ki li parmi bane dimounes de l’Asie, bane Europeens, or bane Américains, li le résultat de la motivation de bane anges ki paraite à coté du Khalifa d’Allah (Khalifatullah). Sa c’est la Loi Divine ki zamais pas pou changer. Li clair et facile pou comprend. Malheureux à ou si ou pas réussi réflechi lors sa evenement là parski sa humble dimoune là fine vine de Allah avec guidance et la vérité. Alors ou pou observe bane signes de mo conformité à la vérité dans tous direction. Le temps li pas loin, même li très près, kan ou pou observe bane l’armés de bane anges dessane du ciel lors lékaire de bane dimounes de l’Asie, bane Européens et bane Américains. Ou déjà au courant de témoignage du Saint Quran ki avec l’apparition de bane anges li essentiel pou ki bane lékaire incliné vers la vérité. Alors, ou pou bizin attane réalisation de sa signe là. Si zot pas remarque sa l’apparition de bane anges là ou ene preuve claire de zot l’influence ou ene faveur extraordinaire dans lékaire l’humanité, alors ou pou justifier pou déduire ki personne pas fine vini dépi leciel. Mais si tous sa bane signes là arriver, alors ou pou bizin arrête rejette la vérité, attention ki dans lizié d’Allah ou compter parmi bane rebels. »
De sa bane extraits de Hazrat Massih Maoud (as), li très clair aussi ki li pé donne la bonne nouvelle de la venue de sa Khalifatullah, ki li pou vini ensam avec bane anges (c’est-à-dire, la revelation divine) et ki sa la lumière là pou éclaire, illumine bane les coeurs assoiffés de la lumière d’Allah et de So l’unité et message. Alors Hazrat Massih Maoud (as) fine clairement dire aussi, ki pou arrive sa létemps là kot zot pou témoigne sa bane signes là ki pou confirme mo véracité.
Par la grâce d’Allah, Allah fine fer moi vini en confirmation de So prophécie dans le Quran Shareef (Ch.62 Surah Jummah), prophécie de Hazrat Muhammad (saws) et aussi de Hazrat Massih Maoud (as). Plusieurs fois mo fine fer zot comprend, ki mo fine vini en confirmation de la venue de mo Aka Hazrat Muhammad (saws) et de Hazrat Massih Maoud (as), et Allah fine envoye moi comme le Khalifatullah de sa siècle là avec ene l’armée anges, et surtout le Ruh-il-Qouddouss afin ki bane lékaire assoiffés d’Allah et de la lumière divine et de la véracité de bane l’enseignements divines trouve zot salut et le but de zot l’existence.
O bane l’âmes, converger vers sa la lumière ki pé prend zot dans so Godi, afin ki li efface zot aveuglement et perce zot la vue dans ene tel façon ki bane secrets caches vine manifeste. Sa bane secrets là li trouve dans Livre d’Allah (le Quran) même.
En plisse de sa, kan Hazrat Massih Maoud (as) fine écrire sa livre là “Fath-e-Islam” (la Victoire de l’Islam), pou moi personellement, li pas fine dire ‘La Victoire de l’Ahmadiyyat’ mais au contraire li fine dire ‘la Victoire de l’Islam’. Alors la victoire de l’Islam pou trouve dans la main d’ene Khalifatullah et li pou dans Sahih al Islam, kot li amène l’Islam dans so l’authenticité.
Pas tourne ou le dos avec sa bane message là. Alors, profite le maximum sa bane travail noble là ensam avec le Prophète d’Allah. Li aussi ena mission, ene travail pour li faire de la part d’Allah. Kan so travail terminer, li aussi li aller, li goûte la mort couma zot tous. Lerlà après so départ lors sa la terre là lerlà ki ou pou alle réfléchi, réaliser, mais li pou trop tard. Kan li ti vine parmi ou, ou fine rejette li, ou fine tourne ou le dos avec so bane messages. Lerlà ou pou bizin attane la punition divine kot ou fine rejette sa humble serviteur là, so message, et fine persécute li etc.
Alors Allah (swt) fine envoye moi, pou mo donne ou le message. Maintenant c’est ou responsabilité du moment ki ou fine gagne le message. Mo pou bizin termine là-même. Reste ferme avec bane bon travail, bon actions pour le plaisir d’Allah et pas oublier faire beaucoup duah avant et après ki ou faire ene travail.
Ki Allah satisfait, content avec le travail ki ou fine faire seulement à cause ou ena beaucoup l’amour pou ou Rab. Pense bien avec duahs, beaucoup travail vine facile. Sans duahs bane excellent zefforts aussi alle dans vide. Dans le monde spirituel duahs ena ene grade extraordinaire, ene très haut rang. C’est pourquoi ki doucement doucement Allah pou découvert le vrai visage de bane Zaalims, pas zis dans Maurice, mais dans le monde Musulman, et dans bane les autres pays du monde entier. Le monde Musulman fine souffert, pé souffert et pou continuer pou souffert si zot pas attrape fort le Tawhid, si zot pas arrête ena la haine pou zot frères Musulmans, si zot pas arrête imite l’Ouest et so bane innovations ki ruine zot nature spirituels pure.
Par la grâce d’Allah, sa semaine ki fine passé là nous fine alle apprane l’arrestation de Ratko Mladic ki ti le cerveau de bane l’attaque contre bane Musulmans et autres innocents dans Bosnie de 1992-1995. Depuis le Safar Zikrullah de 2003, Allah fine enseigne moi sa duah là pou fer contre bane Kuffar, et depuis mo pas fine cesser pou fer sa duah là afin ki Allah montrer So manifestation colère contre bane l’ennemies d’Allah et de bane Musulmans :
« Rabbi la tazar alal arzi minal Kafiriina dayyara » -- O Allah laisse lors la terre aucaine mécréants.
Allah repousse date de punition mais kan Li démasquer bane coupables, alors zot humiliations pénibles et consekances bien grave, mais saki zot pou récolter dans l’enfer pou pli grave encore. Bane massacres ki bane criminels fine commette contre bane Musulmans, zot pou bizin payer pou zot crimes. O mo bane disciples, nous dans la Jamaat Ul Sahih Al Islam, nous combat maintenant li pas seulement par la plume et l’appelle par la voix, mais li aussi ene l’époque de haute technologie. Alors c’est mo duah sa ki zot servi sa haute technologie là dans ene meilleur façon pou amène à bien sa Jihad là. Sa Jihad là pou porte so fruit kan l’Islam pou triompher, kan le Sahih al Islam pou distinguer de bane faussetés et ki la Volonté d’Allah guide nous destin, et non pas par nous propre intellect limité.
Ki Allah donne zot courage et aussi nous bane frères et sœurs musulmans ki pé souffert dans sak coin du monde. Bientôt ene par ene bane la têtes criminels pou tomber parski en fin de compte Satan zamais pas pou capave gagne le dessus lors Allah, So Prophète et bane vrais serviteurs d’Allah. Insha-Allah. Ameen.
Annonce : De plus en plus de calamités pé fer ravage et récemment, en Allemagne et dans l’Europe dans so l’ensemble fine ena l’apparition du Virus « E. Coli » ki présent dans bane cocom (courgette) et ziska présent, li fine fer plisse ki 365 morts et des milliers de malades. |
