Text Box: بسم الله الرحمن الرحيم Khutba Jummah HAZRAT KHALIFATULLAH AL-MASSIH AL-MA’OUD MUNIR AHMAD AZIM Munir Ahmad Azim 04 Mars 2011 ~ (28 Rabi’ul Awwal 1432 Hijri) (Résumé du Khutba Jummah) Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine dire: وَلَقَدْ أَرْسَلْنَا فِيهِم مُّنذِرِينَ ۝ فَانظُرْ كَيْفَ كَانَ عَاقِبَةُ الْمُنذَرِينَ ۝ إِلَّا عِبَادَ اللَّهِ الْمُخْلَصِينَ ۝ “Et certainement Nous ti envoye bane avertisseurs parmi zot. Et guette couma fine fini bane ki ti gagne avertissement. Faire exception bane serviteurs choisis d’Allah.” (37:73-75) C’est ene fait intéressant ki après ki mo fine envoye mo lettre ouvert au 5ème calife du Mouvement Ahmadiyya, li fine préfère prend sa coumsa : « Sa pas applique pou moi sa ! Pou zot sa ! » Mo fine mette li en garde et dire li ki li bizin cultive dans so lékaire Taqwa (la crainte d’Allah), et pou faire la justice, mais ki li faire li ? Li faire rebound sa bane même conseils là à bane Ulémas du monde musulman, ensam avec so bane gouvernements tyranniques ki fine renverser par zot bane peuples dans bane pays musulmans. Maintenant li très clair ki li (KM5) fermement pas croire dans la venue d’ene Messager d’Allah et sa li très clair ki li pas fine prend compte bane avertissements ki mo fine lance li à propos bane mauvais actions ki pé commette au nom de l’Islam Ahmadiyyat. Li fermement croire ki c’est so système mondaine de Khilafat ki pou ena le dessus mais li oublier séki fine arriver à bane califes mondaines (ki fine perdi tout notion de la droiture) ki fine auto-proclame zot (comme étant de côté d’Allah) après l’institution de bane 4 Khulafa-e-Rashideen et bane Imams droits (sur le droit chemin) tel couma Imam Hassen et Imam Hussein, dans l’Oummah Muhammadiyya (saws). Li (KM5) fine oublier tous bane révélations et Hadiths du Saint Prophète Muhammad (saws) et celui de Hazrat Massih Maoud (as) ki clairement faire comprend ki kan non-respect de la vraie religion pou répanne partout, alors Allah pou envoye So bane élus pour la réforme de l’humanité. Astaire, ki le 5ème calife du Mouvement Ahmadiyya capave réponne à sa dire du Messie là – Hazrat Mirza Ghulam Ahmad (as) – et à propos de quoi bane Musulmans Sunni content réfute bane Musulmans Ahmadi : « Li possible, bien possible même ki pou arriver ene l’époque dans le future kot ene tel Messie pou vini kot bane paroles littérale de sa Hadith (du Saint Prophète – saws) pou appliquer, parski sa humble personne là (moi) mo pas fine vini avec le Règne et le Commandement de sa le monde là, mais (mo fine vini) avec pauvreté et humilité. » (Izala-e-Auham, Roohani Khazain Vol. 3 p.197) Alors tous bane Hadiths ki ou fine mentionner dans ou Khutba Jummah, tous sa zot pou ene temps, ene circonstance et sa pas veut dire ki Khilafat ki basé lors bane vote de bane dimounes corrompu pou éternel et ki péna aucaine nécessité d’ene Réformateur (ki Allah même envoyé personellement) pour bane Musulmans et pour le monde dans so l’ensemble. Ou prend ou comme ene calife ki bien-guidé, ene calife élevé de manière divine. Eski ou capave dire moi (sa humble personne là) et le monde dans so l’ensemble avec ene ferme résolution (et confiance) ki ou ena le vote d’Allah personellement pou ki ou déclare ou en tant que tel ? Ou bizin garde à l’esprit ki le Saint Prophète (saws) fine dire : « En vérité, Allah pou élève pou sa communauté là au commencement de sak siècle ene kikaine pou faire revivre so la foi. » (Abu Dawood 36:1) Eski ou proclamé ki ou celui ki faire revivre la foi pour bane Musulmans dans so l’ensemble ? Eski ou le Imam de l’heure (sa l’époque présent là) ou sois ou le calife du Imam du siècle passé ? Ou bizin garde à l’esprit ki quelques-uns de ou bane prédécesseurs fine fer bane discours kot zot fine dire ki bane califes du Messie Promis (as) zot mêmes zot pou bane chefs et ki pas ena besoin de la venue d’ene Reformateur (Mujaddid). Maintenant, eski sa pas contredire ene Hadith fondamentale du Saint Prophète (saws), et surtout kan sa même Hadith là li le fondement de proclamation de mo maître le Messie Promis (as) ensam avec bane versets Quran (à propos de la venue de bane prophètes). Ou ena raison inquiéter (voire paniquer même) si ou penser ki sa verset Quran là applique pou ou : « (Fine envoye li) pou d’autres peuples aussi, à part sa bane là, ki pas encore joine zot... » (62 :4) Astaire laisse moi rafraichi ou mémoire. Allah fine clairement dire dans sa verset là ki Li pou envoye le Prophète ene 2ème fois dans sa le monde là dépi « à part sa bane là, ki pas encore joine zot... ». Maintenant eski ou pé dire ki la seconde venue du Saint Prophète Muhammad (saws) c’est ou ? Ou fine dire dans ou Khutba Jummah (25 Février 2011) : « Rassure zot ki si Allah ouler, Li capave encore cause avec n’importe ki sanlà Li oulé. Sa pou arriver kan connecter avec le Imam de l’heure ; sa tousél pou rectifier condition de bane Musulmans. » Astaire d’après ou, ki sanlà l’Imam de l’heure ? Le Messie Promis ou ou-même ? Si d’après ou, Imam là c’est Massih Maoud (as), alors effectivement quelqu’un dans Maurice pé proclamer ki Allah pé communique avec li (à cause de so l’obéisance à Allah, à So Noble Prophète Muhammad (saws) et So Messie (as), alors sa bane paroles ki ou fine dire là li en contradiction avec séki ou prédécesseur (KM4) fine fer kan li fine expulser sa humble personne là dépi le Nizam-é-Jamaat et li fine penser ki mo anti-ahmadiyya et anti-messie ! Mais si « l’Imam de l’heure » ou pé applique sa pou ou, eski ou pas bizin montrer le monde en entier, debouter et proclamer officiellement ki ou fine élever directement par Allah et ou fer tout en ou pouvoir pou retire tous bane la rouille de tous coins de Islam Ahmadiyya, avant ki ou oser diboute pou donne bane conseils à l’Oummah Muhammadiyya dans so l’ensemble ? Eski ou pas bizin reforme ou propre Jamaat et fer zot vine bane vrais Muttaqeen (ki ena la crainte d’Allah dans zot lékaire) ki pure et ki vertueux avant ki ou prend en main le monde Musulman ? Ou bien eski ou pareil couma moi, sa humble personne là, comme ene Avertisseur, et ki ena travail pou averti le monde ? Ou bien eski ou pé seulement assizer, et ou pé cachiette derrière ou bane Amirs, et ou pé présente ou comme ene dimoune pieux, kan en fait c’est ou même ki pé commande tant de crimes (bane actions anti-islamique) ? Dans ou Khutba Jummah, ou cite sa Hadith là : Hazrat Huzaifa (ra) fine rapporter ki le Messager d’Allah (saw) fine dire : « Nabuwwat pou reste parmi zot aussi longtemps ki Allah oulé. Après ça Khilâfat bazé lor précepte de Nabuwwat pou commencer, et pou rester aussi longtemps ki Allah oulé. Après ene monarchie corrompu pou prend place, et pou rester aussi longtemps ki Allah oulé. Après ça, pou ena règne de bane lérois tyrannique, et li pou rester aussi longtemps ki Allah oulé. Après Khilâfat pou ré-vini encore, ki pou bazé lor précepte de Nabuwwat. » (Musnad Ahmad) Mo fine longuement cause lors là dans mo bane Khutba Jummah 29 & 30 Mai 2008. Laisse moi fer zot rappelle ki cas ki fine mentionner dans sa Hadith là fine déjà passer et li pou toujours appliquer dans l’époque de bane les autres prophètes et messagers d’Allah. Li ti appliquer premierment dans le cas du Saint Prophète Muhammad (saws), et après so Nabuwwat, bien plus tard fine gagne l’époque du Messie Promis ki ti aussi ene prophète (pas porteur de loi) et dans sa siècle présent là, sous instruction d’Allah, mo le nouveau Messager d’Allah et sa Hadith là pou aussi applique pou moi et mo Jamaat (dans le future) ziska ene tel l’époque kot Allah pou trouve la nécessité pou envoye ene l’autre So Messager (dépi dans Jamaat Ul Sahih Al Islam même – mo bane suivants) pour la réforme de mo Jamaat, de l’Islam et de l’humanité dans so l’ensemble ! Le 5ème calife du Mouvement Ahmadiyya capave ena « millions » Ahmadis ki fer séki li dire zot fer, mais laisse moi fer zot tous rappelle ki kan ene Messager d’Allah vini, li vini avec humilité, et ena quelques membres comparer avec la majorité de bane dimounes ki fine tombe dans l’incroyance (malgré zot noms Musulmans), mais seulement malgré tous sa, c’est tous les temps Allah, So bane Messagers et sa ti groupe croyants là ki tous les temps gagne la victoire. Le 5ème calife du Mouvement Ahmadiyya capave ena bane technologies avancé pou fer passe ene message, mais ki serti ena tant de technologies si malgré messages dire et alle dans quatre coins du monde, mais chef là-même personellement li contre décision Allah kan Allah fine envoye lors la terre So Messager Choisi. Ena toutes sortes de degrés pou bane Messagers et Prophètes d’Allah, et sakaine ena ene position différent. Ena prophètes ti pauvre tandis ki les autres prophètes ti extrêmement riche et entourer de luxe (pareil couma dans le cas de Hazrat Dawood (as) et so garçon Suleiman (as)). Ki faire ene calife d’ene messie osé dire haut et fort bane tels l’idée non-islamique kot li fermement fer croire ki : « Malgré Allah ena le droit pou cause avec So bane serviteurs, mais (Nawzobillah) Li pas ena le droit pou cause avec zot et élève zot couma bane Messagers parski Hazrat Mirza Masroor Ahmad Saheb fine défanne Li pou fer sa ! » Eski ou pé prend ou comme Bondié O Hazrat Mirza Masroor Ahmad Sahib, parski si ou pense sa (ki ou capave séki fer ou plaisir, sans prend compte bane commandements d’Allah), alors li pas pou tardé kot Allah pou saisi ou avec So colère parski ou pé embête bane dimounes et mal dirige zot, et fer zot croire ki zot Qibla vers Allah c’est ou, et fer zot croire ki Allah zamais pas pou élève ene Prophète, ene Messager ou ene Messie après le Messie Promis Hazrat Mirza Ghulam Ahmad (as), et kot aussi kan ou fine refuse catégoriquement pou accepter moi, sa humble personne là, comme le Messager d’Allah, ki pas fine vini zis pou le bien-être moral et spirituel de bane Ahmadi, mais pou tout Musulmans et l’humanité dans so l’ensemble. En vérité, Allah fine révèle moi ki sa verset là : « Et (Li pou élève li parmi) bane les autres ki pas encore joine zot. Et c’est Li le Puissant, le Sage. » li applique pou moi. Ou croire ou na pas croire, mais la vérité li devant ou lizié. Ou couma ene dimoune imposant, ki adoré par bane Ahmadis, et c’est mo devoir pou averti ou. Ou refuse catégoriquement pou marche d’après bane la lois d’Allah, et ou pas reconnaite ki ena ene pouvoir ki pli là-haut ou ki dans l’espace ene séconde capave détruire ou. Dans sa bataille de la foi là, ou pé cachiette derrière ou bane en-charges, et ou sauvé sak fois ki challenge ou, et ou fer zot vine de l’avant pou sa bataille là tandis ki ou, ou cachiette couma ene lâche. Ou capave cause grand grand causer, fer bel bel discours, mais kan ou vrai visage li doucement doucement révélé, alors maginer ene coup ki pou rester de ou kan Allah fine fini deal avec ou ? Ou pé ordonne bane pire traitements contre mo bane disciples dans Kerala. Zot bane Ahmadi, mais malgré sa, ou donne l’instructions pou fer mette boycott sociale lors zot afin ki bane les autres Ahmadi et zot propre familles guette zot avec ene regard méprisable. Ki ou position azordi, kan à cause de ou l’instruction, garçon d’ene de ou bane Amir dans Kerala fine rabaisse li dans ene tel degré kot li fine batte atrocement so madame parski li fine croire dans sa humble serviteur là. De plus, sa madame respectable là pas zis ti gagne batté physiquement mais fine abuser mentalement et fine être separer par force de so deux tipti zenfants ? Mo fine apprane aussi ki ou fine ordonne bane Ahmadi pou pas rentre en contacte avec nous bane écrits et même nous website. Ou ordonne zot pou pas saluer nous bane disciples respectés par la salutation de paix islamique. Ou créer la haine au lieu de l’amour – pena aucaine l’amour pour tous, la haine pour personne ki reflecter dans ou bane actions et celui de ou bane officiers-en-charge et bane Ahmadi ignorant ki aveugler par ou perception de Khilafat Ahmadiyya. Mais laisse mo dire ou, pas tous Ahmadi ki dépourvu de Taqwa. Ena ki assoiffé de la vérité, et Insha-Allah, kan létemps pou arriver, zot pou vine de l’avant pou boire, pou goûte à sa nectar divine là ki ena dans coupe du Messager d’Allah. Bane vrai dimounes de la foi pou être guidé tandis ki bane ignorant, imbéciles, menteurs, fraudeurs et bane ki rejette la foi zot pou trouve zot-même dans bane situations vraiment graves et difficile. Ou double visage pou démasquer bientôt. Sa li dans la main de Celui ki détenir pli Grand l’Autorité (Allah). En vérité Allah fine dire moi (après ki mo fine recevoir nouvelles de bane persecutions ki mo bane disciples pé faire face à cause de ou bane l’instruction) : - Révélation là en anglais (mais mo pou donne zot so traduction en créole) : « En vérité, zot divant divant pou dire ki zot croire dans saki Allah fine révélé avant ; Non ! Zot seulement bane bons à rien ; zot dire ene kitchose tandis ki zot fer ene l’autre kitchose (ki contraire à séki zot dire). Kan to dire zot pas créer désordre lors la terre, fer la justice et gagne Taqwa, zot dire au contraire : « Mais nous pas pé créer désordre nous ; nous ena la foi, fer la justice et gagne Taqwa. » Laisse zot dans saki zot croire et dans zot confusion. Bientôt zot pou rencontre ene tel jour kot zot pas pou gagne aucaine répis et kan zot arguments pas pou ena aucaine valeur. To certainement averti zot, mais zot continuer refuse écoute to message ; zot préfère bane pouvoirs ki sa le monde matériel là fine donne zot et zot pé adore ene tel idole ki pas capave profite zot dans nannié. En vérité, zot accepter saki bane imbéciles accepter mais zot pas réaliser. Pas gagne peur O Khalifatullah, parski bane ki avec toi, Allah pou béni zot, et protège zot dans So Miséricorde. Allah fer séki Li oulé, et Allah Li Puissant et Sage. Celui ki entende bane versets d’Allah ki réciter avec li et ensuite, couma dire zamais li fine entende zot, (et) ki persister dans so l’insolence, alors donne li la bonne nouvelle d’ene punition ki fer bien dimal. Bane malfaiteurs zot sans support (aide) ; Laisse zot seul dans zot plaisir et l’amusement ziska ki zot joine sa jour ki fine promette zot là. Eski to pas fine trouve celui ki prend pou so bondié so passion ? Avec connaissance, Allah fine laisse li alle dans so l’égarement, et fine mette ene scellé lors so zoreille et so lékaire, et fine mette ene voile lors so lizié ; alors ki sanlà pou capave guide li après Allah ? Eski zot pas réfléchi? » (26 Février 2011) Prend garde l’épée d’Allah O Hazrat Mirza Masroor Ahmad parski l’épée d’Allah tranche et mette en pièces (Allah) So bane l’ennemies. Ou pé proclame ou comme ene khalifa ki vine de côté d’Allah mais astaire là, sa zaffaire là li dans la main d’Allah. Allah fine envoye moi, sa humble personne là pareil couma Li ti envoye bane les autres avant moi pou averti et aussi pou donne bon nouvelle. Si ou continuer pou donne bane instructions pou persécute mo bane disciples, alors ene jour ou pou trouver ki Allah vraiment pou montrer So mécontentement kan ene kikaine essaye pou rabaisse et restreindre le travail de Dawa ki mo bane disciples Sahih Al Islam pé fer pour la cause d’Allah, zot fer sa seulement pou gagne Allah So l’amour et pou gagne le plaisir et l’amour du Messager d’Allah de sa siècle présent là. Garde à l’esprit ki bane ki fine essaye barre bane messagers et le message d’Allah, zot fine joine ene la fin horrible. Astaire là, le 4ème calife li népli dans sa le monde là pou confirme si pas li fine dire ki mo pou gagne ene « fearful destiny », mais séki sur c’ets ki kan li fine lance so Mubahila, alors pareil couma tout Mubahila, seulement celui ki véridique ki survivre ! Mo rappelle très clairement mo rêve/vision kot mo ti trouve ene la main du Ghayb (la main d’Allah) fer ene boule sa lettre expulsion lors mo nom là, et Allah fine jette sa dans poubelle. Ensuite mo fine entende la voix d’Allah pé dire : « Sa c’est ene Mubahila ki li fine avec toi. » Séki fine arrive Hazrat Mirza Tahir Ahmad c’est à cause li fine refuse ecoute la vérité et reconnaite sa la vérité là. En plusse de sa, sans aucaine hésitation, li fine préfère envoye lors moi l’humble serviteur d’Allah et Zafrullah Domun Saheb (ki ti fine croire dans bane revelations divine ki mo recevoir) ene tel malédiction, kot finalement c’est li-même ki fine trouve so la fin. Bane paroles de Abdul Majid (Additional Wakilut-Tabshir), couma fine dicter par le 4ème calife li comme suite (en réponse à fax de so so-disant Amir de Maurice) : « ... En basant lors sa rapport là, Hazrat Khalifatul Masih IV fine donne l’instruction ki tous les deux Mons. Munir Azim et Mons. Zafrullah Domun bizin expulsé du Nizam-é-Jamaat. Huzur fine dire ki si zot envie zot capave alle form zot propre ‘Jama’at’ séparé. Huzur fine exprime so étonnement ki Mons. Zafrullah Domun ki ti Amir du Jamaat de Maurice li pas seulement bien stupide pou croire dans bane révélations de Mons. Munir Azim mais aussi pou donne conseil le Amir pou annonce sa au Jamaat. Huzur fine dire ki par la grace d’Allah, le Jamaat pé marche de l’avant à travers le monde par millions. Disparition de sa deux dimounes là pas fer aucaine différence au Jamaat. Huzur fine aussi dire ki si sa deux là ena kit associés, zot capave prend zot (bane associés là) avec zot. Départ de sa bane dimounes là aussi pas pou ena aucaine l’effet lors le Jamaat mais zot pou gagne ene destin effroyable (their destiny will be fearful)... » (31 Décembre 2000) C’est dans sa même lettre là li (KM4) mentionne le fait ki mo bane revelations ki mo recevoir de côté d’Allah, zot bane « so-called revelations ». Ziska azordi, couma la loi demander, moi, le principal concerner dans sa lettre là pas fine recevoir aucaine copy de sa lettre là dépi le soi-disant Amir de Maurice. Officiellement parlant, celui ki fine expulser li officiellement aussi sans aucaine lettre d’expulsion. Ki appeler sa ? Mais saki mo envie fer ressortir de sa extrait lettre ki mo fine fek mentionner là c’est ki le 4ème calife du Mouvement Ahmadiyya fine clairement dire ki bane ki préfère suivre moi (de parmi bane Ahmadi), alors sa bane dimounes là zot encourager pou suive moi, et ki zot départ du Mouvement Ahmadiyya pas pou affecter dans aucaine façon le « Jama’at » dans aucaine façon. Alors kifer le 5ème calife du Mouvement Ahmadiyya li continué empêche et défanne bane Ahmadi ki fine croire dans moi (l’humble serviteur d’Allah) pou suive moi ? Eski li pas pou obéir l’instruction de so prédécesseur ? Li fine suive tous saki lettre là fine mentionner excepter sa ? Eski so prédécesseur pas fine dire ki le départ de sa bane dimounes là pas pou fer aucaine différence à zot Jama’at parski zot nombre par millions ? Récemment mo ti recevoir nouvelle d’ene de mo bane disciples dans Kerala ki « ene de bane attaque ki pé fer (lors ou) par bane Ahmadi dans Kerala c’est ki le Messager de Dieu fine expulser du Jamaat à cause corruption financier. » Ki gros mensonge encore sa bane Mullahs corrompu dans le Mouvement Ahmadiyya pou continuer inventer lors mo compte kan c’est zot-même ki tremper jusqu’au cou dans bane fraudes et corruption. Zot fine envoye zot malpropreté lors moi zis à cause zot pas ena le courage pou dire ki Munir Azim ene vrai récipiendaire de la révélation divine et ki vraiment li le Khalifatullah. Insha-Allah, mo bizin le nom de sa bane soi-disant Mullahs (menteurs) là et mo bizin conné de ki source zot fine base zot bane blâmes et si vraiment zot ena Taqwa dans zot lékaire, alors zot bizin vine de l’avant dans sa bataille divine là et pas cachiette (couma bane lâches). Zot bizin dire commié mo fine prend du Jamaat, commié sous et commié roupies ! Mo challenge sa bane dimounes là pou vine de l’avant, si zot croire zot véridique. En vérité, tous bane dimounes derrière sa bane complots non-islamiques là pou conné très très bientôt ki saki Allah décider et ordonner bizin arriver, même si sa pas fer plaisir bane l’ennemies de la vérité, bane menteurs, bane ki assoiffé de pouvoir et bane voleurs. Saki zot pas conscient c’est ki zot pé trompe zot-même en pensant et croire ki zot capave la guerre avec Allah et gagne le dessus lors Li et lors moi - sa humble serviteur là. “O mo Maitre, decide tout avec justice. Nous Maitre c’est Li le Miséricordieux, et c’est So aide ki bizin demander contre (bane faussetés) ki ou dire.” (21: 113) Par la grâce d’Allah, mo bane disciples pé fer bane grand travails de Dawa/Tabligh, ki li dans Kerala, et ailleurs kot zot pé donne le message de l’Islam et celui de la venue d’ene Messager d’Allah ki li avec bane Ahmadi, et bane les autres dimounes, bane chercheurs de vérité, ki zot bane Musulmans ou bane les autres dimounes de bane les autres religions. Et sa c’est ene vrai grace ki Allah fine fer lors nous Jamaat. C’est ene fait ki moi, ensam are mo bane disciples, nous victimes de bane l’attaque réguliers, bane l’attaques de toutes sortes, ki li contre nous-mêmes, ou contre nous bane assets. Sa fine personnellement arrive moi. Pas loin ki hier, après ki mo fine acheter bane nouveau marbles pou mette devant bâtiment dehors dans Rose-Hill, bane travailleurs fine place sa bane marbles là, et alors gramatin, à zot grand étonnement kan zot fine vine travail, zot fine trouve ki tous bane marbles là fine cassé (fine réduire en pièces) et sa (fine acheter) avec beaucoup de sacrifice par la grâce d’Allah, et tout sa fine arriver à cause sa bane soi-disant défenseurs de l’Islam là. Récemment, pendant rénovation bâtiment là, zot pas fine hésiter pou fer toutes sortes zaffaires pou empêche bane travailleurs là faire bane travails là, et zot fine rode sabote zot travail, par détruire bane matériaux pou rénovation and bane parties bâtiment ki ti fini commence construire. Mo fine déjà dire zot O mo bane disciples ki sa l’année là li pou ene l’année de grand Jihad, et mo pas pou quitte sa bane soi-disant défenseurs de l’Islam là, ki pé ordonne persécute l’humble serviteur d’Allah ensam avec mo bane suivants. Ena même ene Amir (de l’Association Ahmadiyya) dans l’Inde ki fine même demander pou fer ene la liste persécution pour ki li capave alle rapporte sa avec so calife. Eski calife là pou écoute li ou sois c’est li-même ki pou alle en dehors Jamaat. Eski li, li conne toutes sortes kalités persécutions interne (la caze la caze) ki pé passer contre mo bane disciples, ou bien eski li ignorant de bane façons ki so calife pé agir ensam avec so bane alentours ? En vérité, mo personnellement victimes de toutes sortes de persécutions et de toutes sortes complots. Ena même complots ki fine fer pou fer bane locataires aller et zot empêche bane les autres ki intéresser, aller. Zot invente toutes sortes kalité mensonge et zistoires pou fer zot allé. Et astaire ene Amir osé dire ki pas ena persécution? Si li et so calife et so bane suivants pas croire dans moi, alors kifaire zot pas laisse nous tranquille ? Zot pas envie fer Salaam? Ok ! Mais selment pli zot pou piler dans zot mauvais actions et complots, pli Jamaat Ul Sahih Al Islam pou fer progrès et pou récolter so bane fruits. Sa bane dimounes là zot jaloux de succès du prophète d’Allah et de mo bane disciples. Eski sa c’est l’enseignement Quran sa, ki mentionner dans Surah An-Nisa? Pas tracasser, même si pena aucaine bodyguard avec moi, mo tousel mo pou fer face sa bane malfaiteurs là et mo pou gagne le dessus lors zot avec l’aide d’Allah. Le Saint Prophète (saws) pas fine prend zarmes coumsa même, mais faudé li fine recevoir commandement d’Allah. Pareillement, couma Allah fine donne l’instruction, mo pou fer séki Allah ordonne moi pou fer, arrive séki arrive ! Et bane malfaiteurs pou trouve couma zot bane méchancetés et la haine ki zot fine démontrer pou alle en fumé ! Zot envie ramène moi à zéro et avec nannié, mais c’est zot ki pou perdants. Ki Allah retire tous bane la peine de tous bane ki sincere envers Li et So Messager Choisi dans sa siècle là. O mo bane disciples, zot capave pé passé par toutes sortes épreuves, mais fer ki malgré sa bane oppression, oppositions et persécutions là, zot vine bane grands soldats de l’Islam (ki dédier zot pour la cause d’Allah), dans ene tel façon ki Allah même content avec zot pareil couma pou bane disciples de nous Aka le Saint Prophète Muhammad (saws). Bane l’ennemies de la foi pou fer tous pou rabaisse zot, humilier zot, mais rappelle ki ene di mal ou ene coup ki zot recevoir dans le chemin d’Allah, dans sa grand Jihad là li vaut le coup parski c’est là-dans même ki ena libération vers bane récompenses ki pli doux et agréable, ki li dans sa le monde ici-bas là et dans Aakhérat aussi. Insha-Allah. Ameen. أَفَحُكْمَ الْجَاهِلِيَّةِ يَبْغُونَ وَمَنْ أَحْسَنُ مِنَ اللّهِ حُكْمًا لِّقَوْمٍ يُوقِنُونَ ۝ “Eski zot préfère jugement létemps l’ignorance? Ki sanlà ki meilleur ki Allah comme juge, pou dimoune ki ferme dans zot la foi?”