بسم الله الرحمن الرحيم

 

Khutba Jummah

 

HAZRAT KHALIFATULLAH AL-MASSIH AL-MA’OUD

 

Munir Ahmad Azim

 

04 Novembre 2011  ~

(08 Dhul-Hijjah 1432 Hijri)

 

(Résumé Khutba)

 

Après Salam, Hazrat Khalifatullah fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

Mois Zil-Hajj li possède dans nous lizié ene lien étroit avec ene élu d’Allah, Hazrat Ibrahim (as). Hazrat Ibrahim (as) so titre de Khalillullah (Camarade d’Allah) pas fine gagné avec facilité. Li fine besoin dans so la vie faire face à bane épreuves bien dures mais ki par la grâce d’Allah li fine capave faire face d’ene façon remarquable. Hazrat Ibrahim (as) fine montrer la patience, la soumission, et ene contrôle de soi, tout à fait extraordinaire. Ou pou rappelle so conviction dans Allah, quand ti jette li dans ene grand du feu pou tuer li. Rappelle aussi l’expression so Imân sans faille et so courage quand li fine gagne l’ordre depuis Allah pou abandonne so madame Hazrat Bibi Hajrah (ra) et so garçon Hazrat Ismael (as) dans ene vallée sec et désert (ki plus tard pou vine Makkah). Mais l’épreuve plus dure ki li fine bizin faire face, reste sans doute celui du sacrifice de so garçon unique, Ismael (as). Sa même garçon bien-aimé ki ti nait quand Hazrat Ibrahim (as) ti ena pliss ki 80 ans; pourtant kan li ti gagne l’ordre pou faire so Qurbani pou Allah, tout de suite li fine prêt.

 

Nous bizin prend note ki Allah pas ti bizin ni sacrifice humain ni du sang Hazrat Ismael (as). Allah So but ti pou tester Hazrat Ibrahim (as) afin ki li manifester clairement à ki sanlà li ti pli attacher : Allah ou bien so propre zenfant. C’est zis après ki Hazrat Ibrahim (as) fine gagne la bonne nouvelle ki li fine passe so teste et ki li ti bizin faire Qurbani ene zanimo à la place de so garçon. Sa acte de soumission là ti tellement apprécier par Allah (swt) ki fine faire sa vine ene signe caractéristique de Hazrat Ibrahim (as).

 

Bane pricipales enseignement ki nous tirer de comportement, réaction et geste de Hazrat Ibrahim (as) c’est justement so soumission sans limites à l’ordre Allah. En d’autre mots, Hazrat Ibrahim (as) ti prêt pou tous sacrifices pou soumettre li à volonté Allah. C’est sa zarme là ki nous bizin forger pou protège nous dans sa l’environnement (spirituelle) kot nous pé vivre là et kot pé vine de plus en plus difficile pou pratique nous Deen. Besoin arriver à sacrifier nous banes envies pou ene plus grand soumission à Allah, mais aussi pou contrer Shaytan et nous nafs (ki pousse nous vers le mal et mauvais actions).

 

Le Takbir Tashreek: “Allahou Akbar, Allahou Akbar, Laa Ilaaha Illallahou, Allahou Akbar, Allahou Akbar Wa Lillaahil Hamd”.

 

Origine Takbeer Tashreek remonte à le temps Hazrat Ibrahim (as) kan li ti allonge so garçon Ismael (as) pou sacrifier li; Allah recommande Jibrail (as) pou amène ene compensation. Jibrail (as) avec ene frayeur ki Hazrat Ibrahim (as) sacrifier so garçon, commence lire: Allahou Akbar, Allahou Akbar, kan Hazrat Ibrahim (as) tende sa la voix là, trouve sa comme ene bon nouvelle, li commence crier : Laa Ilaaha Illallahou, Allahou Akbar et Hazrat Ismael (as) comprenant ki c’est ene compensation, commence lire bane paroles suivants en chantant les louanges d’Allah et remerciant Allah: Allahou Akbar Wa Lillaahil Hamd.

 

Dépi sa moment là, fine vine Waajib pou lire sa Takbeer là (ki appelle sa Takbir Tashreek) :

 

1. Depuis 9^ème jour après Namaz Fajr jusqu’a 13^ème jour après Namaz Asr, ki ou dans la ville, en voyage et ki ou hommes ou madames bizin lire.

 

2. Lire Takbeer Tashreek après Namaz Eid.

 

3. Lire Takbeer à haute voix après Namaz en Jamaat (et bane madames lire li à voix basse).

 

4. Meme si Namaz pas fine faire avec Jamaat, ou fine faire individuel, besoin lire Takbeer.

 

5. Li aussi Waajib pou le Masshouq (Celui ki dans Namaz en Jamaat pé remplace bane Rakaat marquer).

 

6. Si arriver Imaam oublier lire Takbeer après Namaz, li appartenir  bane Mouqtadis pou commence la lecture.

 

Qurbani ou sacrifice, remonte au temps de Hazrat Ibrahim (as) à ki Allah ti demande pou sacrifier so garçon Hazrat Ismael (as) pou éprouve sincérité so Imân. Aider et encourager par sa garçon ki fine donne so la vie en offrande, Hazrat Ibrahim (as) ti alle sans hésitation vers accomplissement so devoir. Est-ce qui li pas fine dire: “Mo soumette Moi au Seigneur de tous bane les mondes” ? Mais l’ami d’Allah (Khalillûllah) li pas ti besoin alle jusqu’à la fin sa l’épreuve dure là. Allah ki ena la connaissance de toutes choses, ti conne sentiment de So serviteur fidèle.

 

Sa épreuve symbolique là ti ena pou but pou montrer le monde la sincérité de Hazrat Ibrahim (as) ki ti croire ki li ti absolument bizin coupe la gorge so garçon unique, kan en fait Allah fine donne li ene compensation, et kot li fine fer zaba ene bélier. Sa évènement historique là fine arrive dans Mina dans bane lieux de Makkah, kot bane Hadjis fer Qurbani après ki zot fine accompli Hajj. Et sa action là li répéter chaque l’année le 10 Zil-Hajj, non seulement dans Arabie mais entier le monde. Et sa pou continuer, Insha-Allah, jusqu’à Qayamat. Sa bane soi-disant Mollahs et bane les autres sectes musulmans fine empêche nous, bane Musulmans Ahmadis pou alle faire Hajj et fine déclare nous pas musulmans. Allah (swt) fine donne moi sa révélation ki Insha-Allah, dans bane l’années à venir le Jamaat Ul Sahih Al Islam, le Messie Khalifatullah de sa l’époque là et so bane disciples pou rentre dans Makkah et nous pou faire nous Hajj, Insha-Allah; pas perdi l’espoir, prend patience, sa jour et l’année là pou vini, Allah pas manque à So promesse ki Li fine faire avec So Serviteur Choisi.  

 

Mo dire sa bane soi-disant Mollahs là attane, moi aussi mo attane ensemble avec zot et zot pas pou capave barre le décret d’Allah. Faire séki zot envie, mais zot pas pou capave barre sa jour kot Allah (swt) So Khalifa pou rentre dans Makkah. Sa jour là pour la victoire d’Allah. Allah et So serviteur et bane ki fine croire dans So Serviteur Choisi ki pou sorti victorieux devant zot bane complot ki zot fine faire pou empêche nous bane frères et sœurs Musulmans Ahmadi alle faire zot Hajj, couma dire sa la terre saint là appartenir à zot sa. Dans sa siècle là Allah (swt) pou montré zot la véracité de So Khalifa Choisi kan le jour pou vini, li et so bane disciples pou rentre dans Makka Insha-Allah. Mo dire zot barrer couma zot envie, ki quantité barrer, zot capave barrer, guetter, si zot pou capave la guerre avec Allah (swt) kan Allah (swt) fine fini décrété et fine promettre So Khalifatullah pou rentre dans Makkah, dans bane l’année à venir.

 

Mo révine lors mo Khutba, ki chaque l’année, après Salaatul Eid-ul-Adha, bane musulmans ki ena moyens, faire Qurbani, non pas en l’honneur de Hazrat Ibrahim (as), ou Hazrat Ismaël (as), bane ancêtres de Muhammad (saws), mais en l’honneur d’Allah Ta’ala.

 

Nous Lire dans Quran: “Dire: Sans doute, Mo La Prière, Mo Sacrifice, Mo La Vie Et Mo La Mort Appartenir A Allah, seigneur de tous bane l’univers.” (6: 163)

 

Certainement li pas capave autrement, car terme ‘musulman’ signifier “celui ki croire sincèrement ki so Maitre unique c’est Allah.” Par conséquent, li adore zis Allah et li obéir zis Li tout seul. Ainsi li prêt pou sacrifier tout pou Allah car li conner ki so la vie et so la mort dépanne d’Allah seulement.

 

Est-ce qui nous Qurbani différent de Qurbani bane peuples de l’époque Jâhilliya, avant l’islam? Bien sûr ki oui, tandis ki bane là ti pé offert kot bon Dieu du sang animal ki zot tué, ene croyant li, li exprime à Allah so dévotion en sacrifiant ene animal ki li capave consomme so la chair. C’est nous piété ki faire Allah plaisir. « Jamais zot la chaire, ni zot du sang arrive kot Allah, mais c’est zot piété ki arrive kot Li. » (22: 38)

 

Oui, Qurbani besoin éveille en nous ene sentiment de piété (Taqwa). Le vrai sacrifice c’est ki le croyant besoin contrôle li afin ki li vivre ene la vie vertueux. Nous dire ki l’humain li ni Farishta ou animal. Cependant li possède bane tendances animale aussi bien ki angélique. Mais li ena l’intelligence, faculté ki animal péna et li ena liberté action ki Farishta péna. Servi ou l’intelligence pou faire bon actions. Qurbani ou sacrifice, c’est toute chose ki vine ene source de rapprochement avec Allah.

 

Qurbani, li définir comme tout bons actions ki faire avec l’intention pou approche avec Allah. Généralement sa mot Qurbani là employe pou sacrifice ene animal. Hazrat Ayesha (ra) fine rapporte ki Hazrat Mohammad (saws) fine dire : « Nannié pas plus content par Allah pendant bane jours Qurbani ki sacrifice ene animal. L’animal ki fine offert en sacrifice pou présente li Jour Jugement Dernier avec so cornes, poils et sabots. Avant ki du sang l’animal offert en sacrifice touche le sol, sacrifice là li accepter par Allah. Pou sa bane raisons là, faire Qurbani sans hésitation et avec ene grand lécœur. » (Tirmidhi, Ibné Mâjah)

 

Qurbani li ene acte indépendant de Ibâdat de plus grand mérite. Sa Ibâdat là fine ordonne par Shariah en commémoration sacrifice Hazrat Ibrahim (as) ki ti offert so garçon Hazrat Ismael (as) en sacrifice comme Allah Ta’ala ti ordonne li. Parski Qurbani li ene Ibâdat spécifique avec ene but spécifique, pas capave remplace li par autre chose. L’argent offert en charité pas capave remplace en aucaine façon Qurbani comme Ibâdat. Si ene dimoune à la place Qurbani li offert en Sadaqa ene somme bien plus important ki prix ene animal, sa li pas même assez et sa dimoune là pas décharger de so obligation pour Qurbani.

 

Pareil comment Namaz pas capave remplacer par autre chose, pareil coumsa même obligation pou Qurbani pas capave enlevée en offrant autre chose. Li important ki bane ki capave accomplir sa Ibâdat là faire li. Hazrat Mohammad (saws) fine informe nous clairement : « Celui ki ena la possibilité pou accomplir Qurbani, mais li pas faire li, ki sa dimoune là pas approche avec nous Eid gah. » (Ibné Mâjah). En d’autres mots sa dimoune là li pas digne pou présente li devant Allah.

 

Période Qurbani commencer à partir jour Eid-ul-Adha, c'est-à-dire 10 Zil-Hajj et li terminer le 12 Zil-Hajj avant soleil coucher. Capave faire Qurbani pendant n’importe laquel dans sa trois jours là, mais c’est préférable faire li jour Eid-ul-Adha, c'est-à-dire 10 Zil-Hajj, puis le 11 et ensuite le 12 avant soleil coucher.

 

Qurbani capave faire li jour ou la nuit aussi. Cependant plus bon faire li la journée parski li Makrouh faire li la nuit. Capave arriver ki la veine mal couper et sa pou faire Qurbani là vine invalide. Ki Allah aide nous, protège nous, faire nous tini ferme lors nous la foi et accepter nous Qurbani. Ameen.