Text Box: بسم الله الرحمن الرحيم Khutba Jummah HAZRAT KHALIFATULLAH AL-MASSIH AL-MA’OUD MUNIR AHMAD AZIM Munir Ahmad Azim 07 Janvier 2011 ~ (02 Safar 1432 Hijri) (Résumé du Khutba Jummah) Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine dire: وَأَنزَلْنَا إِلَيْكَ الذِّكْرَ لِتُبَيِّنَ لِلنَّاسِ مَا نُزِّلَ إِلَيْهِمْ وَلَعَلَّهُمْ يَتَفَكَّرُونَ ۝ « Wa anzalnaaa ilaykaz-zikra li tubayyina Innaasi maa nuzzila ilayhim wa la-allahum yatafakkaruun. » C’est ene révélation ki Allah (swt) fine dessane lors moi et aussi li ene verset Quran ki trouve dans Surah An-Nahl kot Allah (swt) ti dire nous bien-aimé prophète Muhammad (saws) et moi aussi azordi dans sa l’époque là. So traduction : « Nous fine faire dessane lors toi message afin ki to explique dimoune ki kitchose fine dessane pour zot. Peut-être zot va réfléchi ! » A la lumière de sa message là, comme ene humble serviteur de sa l’époque là, rempli de faiblesse, manquement et impuissant, avec l’aide de mo Créateur et duah, mo pé faire toute sorte kalité zéffort pour donne l’homme le message ki pé dessane pour ki l’homme en générale capave change zot façon de vivre et tourne vers Allah (swt) plisse et détache zot avec sa le monde temporaire là, mais mo pas conné ki tambour mo pour tappé pour ki l’humanité en générale écoute sa bane message là et spécialement bane musulmans à travers le monde entier et particulièrement bane Ahmadis. Bane non-croyants, zot raisonne dans sa façon là ki, si Allah ti oulé, nous pas ti va adore ene l’autre ki Li, ni nous, ni nous ancêtres, et zot dire ki nous pas ti va rende nannié illégale, contre Allah So l’instruction. A sak fois ki ene messager d’Allah vini, dans bane l’époque précédent, sa bane dimoune avant là aussi, zot ti dire pareil couma azordi. Mais ki bane messagers là capave faire, à part prêche zot message clairement. Jamais Allah (swt) fine puni ene peuple pour péchés ki li faire et zot pas pou capave réproche Allah aussi, ki Li pas fine envoye bane messagers (avertisseurs) pour averti zot pour bane mauvais ki zot pé faire. Dans sak nation Allah (swt) ti envoye messager et pé continuer envoye messager pour dire zot : « Adore Allah seul et évite Satan. » Mais très peu ki prend sa bane message là bien en considération et Allah mette sa bane dimounes ki ena ene lécoeur pure là lors le bon chemin, mais bane les autres ki tourne zot lé dos avec l’arrogance, Allah (swt) faire zot pli égaré encore. Couma Allah (swt) dire dans Quran Sharriff : « Fasiiruu fil arzi fanzuruu kayfa kaana aaqibatul-mukazzibiin. » kot Allah pé dire « Voyage lors la terre et guette couma bane ki ti répousse (la vérité) fine fini. » Allah continuer dire, « même si to prend ene grand tracas pou mette zot lors bon chemin, mais Allah pas guide bane ki égare les autres, et personne pas pou capave aide zot. » Mais parcontre bane ki fine gagne patience et zot fine mette zot confiance dans zot Maitre et le Message ki Li fine dessane lors So serviteur et sa bane kalités dimounes là pas ti pé senti zot touffé avec le message d’Allah, ni bane l’instructions ki Allah fine donné, zot ti montré zot Obéissance, zot pas fine faire aucaine prétexte, ni invente bane grand grand mensonge pour libère zot avec la manifestation divine et l’éducation spirituel, au contraire zot fine subir épreuve lors épreuve, patience lors patience pour montré ene l’obéissance totale envers Allah. Allah (swt) fine promette dans Quran Shariff ki sa bane kalités dimounes là « Nous pou donne zot ene bon l’endroit pour rester lors la terre, mais zot récompense dans l’autre la vie pour meilleur encore, si seulement zot ti capave réalise sa. » Kan ou conne vrai visage de bane ki ena ene maladie dans zot lécoeur, ki li trouve dans ou propre famille même, ou camarade, dans Jamaat ki ou ti été ki tous ti entouré ensam, ou alle conne tous sa là zot la haine, zot vrai visage de l’hypocrisie, kan Allah envoye so Messager pour faire revivre So l’enseignement authentique ki fine piétiner embas lipié de l’homme et surtout bane sois-disant l’authorité, ki zot pé contrôle tout et zot croire pouvoir dans zot la main et zot faire séki zot envie pour ki les autres gagne peur de zot. Dans tous pays li coumsa et dans sak l’époque li ti coumsa ki ene groupe famille ki contrôle tous, prend pouvoir dans zot la main et faire bane les autres vine ene marionette dans zot la main. Sa pouvoir ki dans zot la main là faire zot alle contre bane l’enseignements Allah (swt) et So bane prophètes (as) et (saws) et zot présente zot même comme si ou bizin ena plisse frayeur pour zot, ki ou frayeur pour Allah (swt), zot mette sa frayeur là dans le cœur tous dimounes et si to pas écoute séki mo dire toi, mo mette toi en dehors dans le Jamaat et zot gagne toupé pour envoye malédiction lors dimoune, si ene dimoune pas pé d’accord avec zot et pé trouver ki zot pé alle contre l’enseignement d’Allah et So prophètes. Kan ene tel situation arriver kot dimoune là pas d’accord avec zot, zot mette dehors du Jamaat, zot juge la foi zot camarade, zot mette boycott, zot pas fer salaam, faire annoncé partout ki pas bizin frékante sa kalité dimoune là, bane persécutions commencer et dans bane la villes et village zot faire zot représentant diboute lors mimbar de Hazrat Muhammad (saws), pour kimer lors mimbar devant bane les autres et zot créer sa la haine là parmi bane les autres et sa la haine là rentre dans le cœur de bane ki zot la foi faible, bane folie grandeur dans Jamaat ki prend zot même comme bane grand défenseur et voilà ki zot faire zot complot, méchanceté envers bane ki reconnaite la vérité ki vine de côté d’Allah. Voilà ki zot persécute sa bane dimounes ki oulé purifier zot avant ki zot retourne vers zot Créateur, et aussi sa bane dimounes là zot fine trouvé ki kalité magouille ena et folie grandeur et la religion disparaite complètement, kot parole seulement lors la lèvres, mais pratique zéro, fine arrête dire ki Allah et So Rassool fine dire sa, plito pé dire intel fine dire sa, pour donne intel là ene grand valeur kot tous dimounes entoure li, peur li, et li avec contribution de bane dimounes pé faire dans le chemin d’Allah, li avec so famille, accompagné avec so bane secretaires, bodyguards voyager partout kot zot envie aller lors contribution de bane dimounes, ki contribuer dans le chemin d’Allah. Parcontre kan zot envoye ene missionaire travail endehors so pays (à l’étranger) missionaire alle tous seul, ni so madame et zenfant pas accompagne li, missionaire alle travail combien l’année, zot sépare li avec so madame et zenfants, zot grand argument ki zot présenté ki li fine faire Waqfé Zindagi, alors li, chef là, li pas Waqfé Zindagi li, li capave amuser avec l’argent de bane ki contribuer pour la cause d’Allah, faire bel sacrifice et zot, zot pour amuser lors billet passage, pocket money et tous bane privilège pour zot. Eski sa bane kalité chef là pour accepter ki ene quelqu’un vini de côté d’Allah ? Pareil couma bane les autres musulmans fine ferme la porte prophète et la porte révélation kan Hazrat Massih Maoud (as) fine vini, le Jamaat Ahmadiyya fine toujours faire comprend ki la porte du prophète et de révélation pour reste toujours ouvert tanque ki l’homme exister lors la terre et kot l’homme li dévier, Allah (swt) pour envoye ene messager pour faire revivre la vraie l’enseignement de l’Islam ki ti apporté par nous Maître Hazrat Muhammad (saws). Azordi dans sa siècle là, zot fine vine pli pire ki bane les autres musulmans non-Ahmadis et zot ki dire après Massih Maoud (as) pas pour ena aucaine Messie pour vini. Zot dire zot bane grand défenseur de l’Ahmadiyyat, mais zot-même pas conné ki Hazrat Massih Maoud (as) fine écrire dans so bane livre, zot aussi zot Ahmadi que de nom, seulement lors la lèvres et séki zot pé faire, pas du tout d’après l’enseignement Allah (swt), Hazrat Muhammad (saws) et Hazrat Massih Maoud (as). Maintenant kan Allah élève So dimoune pour faire revivre le vrai l’enseignement de l’islam, voilà ki zot complote bane méchanceté pour barre dimoune reconnaite sa humble serviteur ki Allah fine envoyer là et bane dimoune ki reconnaite sa humble serviteur là, voilà ki zot et zot famille passe par bane persécution terrible. Si sa bane imbécile là ti conne le Quran Shariff bien, zot ti pour gagne ene grand frayeur pour persécute bane dimounes ki reconnaite sa vérité là, zot pas ti pou barre dimounes dans le droit chemin. Sa bane kalité dimounes là, Allah même fine dire dans Quran Shariff : « Eski bane ki complote méchanceté penser ki zot en sécurité, ki Allah pas pou faire la terre englouti zot, ou ki punition là pas pou vine lors zot, depuis ene l’endroit ki zot pas réaliser ? Ou bien ki Li pas pou maille zot dans zot plein activité ? Et zot pas pou capave empêche sa arriver. » Si ou réfléchi lors sa bane paroles d’Allah là, ou bizin gagne frayeur seulement pour Allah seul, pas pou l’homme – pense bien ki nous manger, boire, l’honneur, dignité, l’intelligence, la santé et la richesse etc., tous sa c’est Allah ki donner, pas l’homme. Alors kifer ou gagne peur de l’homme plisse ki Allah (swt) ? Si Allah ti oulé maille ou pour tort ki ou faire, Li pas ti pou laisse ene seul vivant lors la terre, mais Allah (swt) donne ou ene délai ziska ou terme arrivé, ou pas pou capave avance li d’une heure de temps, ni retarde li. Alors eski ou mette ou croyance dans fausseté, et pas croire dans sa faveurs ki Allah fine faire lors ou là ? Ou rejette sa faveur ki Allah fine faire ou dans sa siècle là, ou donne l’homme – ki l’homme fine voté et fine mette là – plisse valeur ki celui ki Allah (swt) fine honoré et fine élever, fine faire li vine le Khalifatullah de sa l’époque là ? Alors pas faire bane comparaisons lors séki Allah fine décréter et fine envoyé, Allah ki conne tous, pas ou ! Eski alors ou mette ou croyance dans fausseté, dans bane kitchose ki pé contre l’enseignement d’Allah, So prophète (saws) et le Messie (as), et ou pas croire dans sa faveurs Allah ki fine faire lors ou kot Li fine envoye So humble serviteur ki pou mette ou lors le droit chemin, chemin ki pour amène vers Allah (swt). Azordi le 07 Janvier 2011, dans le 1er Jummah de l’année 2011, mo donne ene ti aperçu ki bane zaffaires capave passer dans sa l’année 2011 là, Insha-Allah. Climat sa l’année là pou ena gros la pluie d’été pour faire bien chaud et l’hiver bien frais. Pour ena aussi mauvais létemps, plusieurs anti-cyclones et Maurice pour inondé, et ene cyclone violent, et agricole pou souffert et de côté la santé, pour ena la fièvre, gastro-entérite et même malaria. Bane société social pour dégradé, pays pou ena crise syndicale de grande envergure. La population en masse pour révolter dans les pays kot bane prix lors bane kitchose pou flambé, population pour demande ene salaire plisse ki zot pé gagner. Population pou bien déçu avec ministre de finance et aussi avec sa gouvernement là – pour ena ene colère ki pou manifester et aussi bane emeutes. Pour ena ene hausse de violence, viols et assassinats, aussi pour ena bane morts accidents et suicides. Bane syndicats pour manifester contre certains changement de l’éducation. De côté politique, le MMM pour gagne ene victoire écrasante dans bane municipales. Pour ena certain changements au niveau ministères, concernant principalement avec certains conseillers incompétent – ministre de finance pou vine impopulaire – Dans l’assemblée nationale pour ena certain deuil kot ena ministre aussi pour gagne problème cardiaque – le pays pour conne ene deuil national avec la mort d’ene haute personnalité. De côté la religion : Tous la religions pour ena ene dégradation spirituel kot dimounes pas pour porte aucaine l’intérêt concernant la spiritualité, ena pour prier comme ene routine, seulement lors la lèvres et pratique zéro. Dimoune pour attachée plisse de côté mondaine ki la religion ; pour envie gagne plisse l’argent ou dibien au lieu de suivre l’enseignements divines. Bane prêtres religieux pas pou faire zot travail couma bizin ; pour créer plisse division et la haine dans le cœur bane dimounes – personne pas pou concentrer lors l’unicité de Dieu, zot pour faire tous sa ki pas Dieu vine zot bondieux. Dégradation bane musulmans pour continuer ; personne pas pour prend l’enseignement et commandement Quran et Sunnah du Saint Prophète (saws) en considération et en pratique. Zot pou la guerre entre zot-même. Jamaat Ul Sahih Al Islam pou passe toujours dans bane grand épreuves encore, kot pou ena l’attaque personnel, blâme, boycott, persecutions, mais sa pas pour empêche Jamaat Ul Sahih Al Islam faire so bane travail et sa l’année là, Insha-Allah pour ena encore plisse dimounes pour joindre Jamaat Ul Sahih Al Islam et beaucoup pour en contact avec nous website et nous pour ena beaucoup emails - Nous pou ena encore pli beaucoup travail ki nous pou ena pou faire dans tous domaines, Insha-Allah et nous pou sorte contre bane ki pou faire l’attaque lors nous et nous pour la guerre avec zot comme ene lion d’Allah, Insha-Allah. Situation bane Ahmadis : Zot Khalifa pour vine zot bondieu lors la terre, kot tous kitchose Khalifa fine dire sa et avec zot la haine ki zot ena contre moi et Jamaat Ul Sahih AL Islam, pour ena encore plisse boycott social – zot bane jeunes pour alle dans la perdition, zot bane Waqfé Naw pour tombe dans mauvais chemin et zot Amir et so bane alentours pour toujours manigance so bane complots – Moussa de sa l’époque là pou tranche bane pharaons par l’aide immense d’Allah, Insha-Allah. Ameen. Ki Allah donne le Tawfiq et ouvert le cœur de tout un chacun pour accepter sa vérité là avant ki li trop tard, Insha-Allah, Ameen !