بسم الله الرحمن الرحيم

 

Khutba Jummah

 

HAZRAT KHALIFATULLAH AL-MASSIH AL-MA’OUD

 

Munir Ahmad Azim

 

11 Novembre 2011 ~

(15 Dhul Hijjah 1432 Hijri)

 

(Résumé Khutba)

 

Après Salam, Hazrat Khalifatullah fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

Bane véritables possessions et réalisations d’ene dimoune c’est bane facultés ki Allah fine accorde li, et la totalité de bane réalisations collectifs de bane dimounes zot constituer vraie richesse de la nation. Sak dimoune reflécter dans ene certaine mesure bane attributs d’Allah, mais majeure partie de sa bane reflets là zot manifester dans l’homme (c’est-à-dire, bane dimounes en générale, ki li l’homme et la femme). Par conséquent, ene humain de parmi toute la création (d’Allah) li considérée comme la plus noble.

 

L’homme fine recevoir d’Allah plusieurs bane qualités, et sakaine de sa bane qualités là zot contribuer dans une proportion différent à so personnalité. So bane facultés ki au pli profond de li-même zot physique, intellectuel, moral et spirituel, mais l’homme pas capave servi sa bane facultés là ene sel coup, mais pluto sa bane qualités fer surface doucement doucement, graduellement, parski ena plusieurs facteurs ki affecter zot développement. Si nous guette ene tibébé, li commence exerce so bane faculté auprès de so maman, et c’est ensuite ki dans so développement li gagne l’aide de so papa. Alors li bien nécessaire ki sa zenfant là recevoir ene l’environnement sain ki pou facilite so évolution dans ene grande mesure. Toutefois, l’homme pas pou arrive mette so bane talents et so bane facultés ki au plus profond de li-même en valeur tanque ki li-même li pas fer so propre zeffort et li aide li-même. Tous bane dimounes pas fine hérite bane même capacités et sa bane capacités là zot pas illimité – c’est-à-dire, sa bane capacités là zot seulement pou ene ti létemps, zot pas éternel pou li. Zordi li ena li, couma demain li capave na pas ena li. Tous dépanne lors volonté d’Allah pou donne li sa faveur là ou non.    

 

Dans sak humain Allah fine impose ene l’orbite différent kot c’est de endans sa orbite là-même ki l’homme li capave exerce so bane talents. L’homme capave gagne ene capacités limité, mais saki important c’est ki li bizin tire le maximum de saki Allah fine donne li, parski si arriver li néglige so bane talents, si li refuse pou sevi au maximum so bane facultés, li pou alle vers so propre perte, kot alors, en fin de compte li alle contribuer, li alle prend ene part de responsabilités dans la ruine, dans la dégradation de la nation.

 

Mo conseille sakaine d’entre zot pou développe zot bane talents au plus haut degré, parski dans bien de bane domaines kot bane talents zot à moitié développés, alors sa capave fer du tort l’humanité. Par exemple, ena bane médecins ki malheureusement malgré ki zot pas ena bane bons diplômes ki bizin ena afin pou capave exerce la médecine, alors kan sa bane médecins là zot gagne l’autorisation pou pratique la médecine seulement avec bane diplômes faille, ou sois zot acheter certificats et passe sa couma dire bel bel degré zot fine fer, alors sa bane soi-disant professionnels là pas capave fer preuve de compétence dans l’exercice de zot bane fonctions et alors zot représentent ene danger réel pour bane ki confier zot dans la main de sa bane kalités médecins là. Mais bien sûr ena bane les autres travails (professions) ki même si dimoune là li pas servi so bane talents à 100 %, même si li servi la moitié de so capacités, alors ena bane travails ki li capave fer et kot sa pas pou représente ene danger grave (pour bane dimounes, pour la société en générale). Mais seulement kan zot pas servi zot bane capacités à 100 %, alors c’est la société ki perdi kot li privé de vrai valeur, vrai potentielle de sa dimoune (ki pé servi seulement la moitié de so capacité) là.

 

Mo attire l’attention de bane croyants lors l’existence d’ene la loi de la nature kot Allah fine faire tout provision nécessaire pou l’épanouissement de l’homme, mais c’est dimoune maintenant so devoir pou faire tout zeffort possible pour alle vers le progrès. Allah fine faire l’univers et tout saki dans l’univers au service de l’homme. La terre réserve pou dimounes so bane produits et aussi so bane richesses. Mais c’est dimounes so devoir pou alle découvert tous sa là. Li pas gagne tout lors plateau. Li bizin faire sa zeffort là pou li maximize saki Allah fine réserver pou li, pou li retire tous bane avantages ki Allah fine mette à so dispositions. C’est principalement pou sa raison là ki Allah fine donne li sa bane facultés nécessaires là. Alors zis bane ki servi zot bane talents pou découvert saki Allah fine prévoir pou zot, c’est zis bane là ki pou réussi.

 

Mo fine plusieurs fois mette l’emphase lors le développement physique et intellectuel de l’homme. Mo mette bane musulmans au courant ki faudé pas zot perdi de vue le fait ki dans sa le monde ki nous pé vivre là, faudé pas dissocier développement physique et intellectuelle de progrès morale et spirituelle. Mais seulement si bane musulmans néglige bane aspects morales et spirituelles, alors d’ene point de vue islamique zot pas pou capave faire plisse progrès ki bane infirmes. De ce fait, comparer avec ene Musulmans ki fine recevoir bane faveurs d’Allah et ki fine vine ingrat, alors li capave arriver ki bane Non-Musulmans zot recevoir plisse la miséricorde d’Allah parski zot pas fine jouir de bane faveurs ki Li fine accorder à bane Musulmans. 

 

Alors couma nous pou capave défendre nous (dans lizié d’Allah) kan nous ena Quran Shareef et ene telle modèle parfait en la personne de Hazrat Muhammad (saws) ? En plisse de zot bane zefforts, bane croyants bizin le faire devoir pou recherche Allah So compassion et pou établir bane liens solides avec zot Créateur, parski l’expérience montrer nous ki bane zefforts ki pas accompagner avec Namaz et duahs pas pou abouti à bane vrai progrès.

 

Mo lance zot ene appel O bane membres du Jamaat Ul Sahih Al Islam, grand et petit, adultes et jeunes, pour ki zot commence fer sa travail là. Ki tous bane membres du Jamaat Ul Sahih Al Islam veiller à séki zot developpe zot bane talents au maximum et applique pou faire preuve d’ene compétence maximum. Par talents, mo pas pé rode dire ki si zot conne chanter ou danser, zot alle maximise sa et vine chanteurs ou danseurs, non ! Ici, mo pé cause bane talents Halal, ki d’après plaisir Allah, ki zot bizin accomplir. Bane talents islamiques c’est sa nous devoir pou accomplir. Islam ki dans nous, nous bizin manifester li, dans ene tel façon ki le monde trouve la lumière ki briller au fond de zot, parski kan zot manifester bane talents dans bon travails, alors définitivement zot pou recevoir l’aide d’Allah ki pou permette zot arrive à zot fin (réussi dans zot travail). Alors, ki zot mette zot corps et âme au service d’Allah et aussi au service de la société. Comprends zot-même avant tout, O bane ki forme partie de mo Jamaat. Du moment ki zot comprend zot-mêmes, zot pou capave comprend les autres, parski l’essence d’Allah li dans zot-mêmes et aussi dans bane les autres dimounes aussi parski nous tous nous bane créatures d’Allah. Alors c’est mo duah sa, ki Allah reste avec zot, et ki Li prépare zot pour sa voyage dans Aakhirat là pareil couma Li ti faire pour bane compagnons de Hazrat Muhammad (saws).

 

Garde sa bien à l’esprit, et pas mette doute dans zot la tête à propos sa le monde là. Sa le monde là li ene nannié ditout. Li seulement temporaire, et li pas représente grand-chose. Maudit li sa l’existence (dimoune) ki attache (profondément) à sa le monde là, et malheureux li sa dimoune ki préoccupe li seulement avec bane kitchose matériel (de sa le monde là). Si ena ene telle dimoune dans mo Jamaat, alors so appartenance à sa Jamaat là li dans vide, sans l’importance, parski li pareil à ene branche mort, sec ki pas rapporte aucaine fruit. Alors ki Allah guide zot tout dans le droit chemin. Ameen.