بسم الله الرحمن الرحيم

 

Khutba Jummah

 

HAZRAT KHALIFATULLAH AL-MASSIH AL-MA’OUD

 

Munir Ahmad Azim

 

12 Août 2011  ~

 

(11 Ramadhan 1432 de l’Hégire)

 

RAMADHAN MUBARAK

 

(Résumé Khutba)

 

Après Salam, Hazrat Khalifatullah fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

Ramadhan, nous invité béni li là, mais eski nous fine accueillir li avec ene vrai contentement du cœur et eski nous fine accueil li ensam comme ene sel lécorps ? Eski nous pé veiller à séki nous accompli bane devoirs de Ramadhan, efface bane divisions, et consacrer nous à bane actions de mérite ki pou fer nous gagne, Insha-Allah le plaisir d’Allah? Li très important pou souligner ki tous bane Roza du Ramadhan li ene pilier de l’Islam. Quand nous commence garde Roza le même jour, la longueur sa Roza là li pariel pour zot tous, surtout dans ene ti petit pays couma Maurice kot nous tous attane coucher du soleil pour faire Iftaar, nous attache nous à récitation d’ene même Quran, nous faire bane mêmes cinq Namaz tous les jours prières quotidiennes ainsi ki Salat-ul-Tarawih, et nous tous pou rode la nuit du destin, le Layla-tul-Qadr dans bane mêmes dix derniers la nuits et nous tous pou bénéficier ensemble bane bienfaits et bénéfices ki Allah Le Très Généreux pou accorde nous pendant sa mois là.

 

Mais malgré le fait que nous ena tousalà en commun, même si nous appartenir à même race, même culture, même religion, mais malheureusement l’Oummah (la Communauté Musulmane) pas forme ene sel lécorps. Oui, nous faire bane rites avec nous corps ensembles, mais nous lé cœurs pas ensemble. Le Saint prophète (saws) fine dire : « Garde Roza kan zot garde Roza, et casse Roza kan zot casse Roza, et faire sacrifice le jour de zot sacrifice. »

 

Imaam Tirmidhi fine déclaré : « Ena savants explique sa Hadith là en disant : « So sens (signification) c’est pou garde Roza et casse Roza en même temps ki le Jamaat et la majorité de bane dimounes. »

 

Donc dans sa mois béni là, nous bizin ressentir ene plus grand sentiment d’unité et pou vine ene sel Oummah par le fait ki nous garde Roza ensemble. Le bien-être de bane dimounes pas pou complet, ni dans sa le monde ici-bas là ni dans Aakhirat, excepté avec l’ijitimaa (la collectivité – kot nous tous ene sel lécorps), ta’aawun (la coopération mutuelle), et tanaasur (kot sakaine aide so camarade). L’Islam accorde ene grand l’importance pou agir ensemble.

 

Quelques exemples de la collectivité:

 

Salat (Namaz): C’est pas seulement dans mois Ramadhan ki nous bizin fer Namaz, mais aussi dans bane les autres actes d’Ibaadat. Alors par l’exemple, le Saint Prophète (saws) fine mette beaucoup l’emphase lors le fait pou prier tous les cinq Namaz Farz dans congrégation (Jamaat), et ki li 27 fois plus meilleur ki prier tousel.

 

Connaissance: Même dans l’apprentissage de la connaissance, bénédiction fine placée dans collectivité pareil couma Rassoûlullâh (saws)  dire : « Péna dimounes ki réuni dans ene la caze parmi bane la caze d’Allah, ki récite le Livre d’Allah et étudier li parmi zot mêmes, excepté ki la tranquillité descende lors zot, la miséricorde enveloppe zot, bane anges entoure zot, et Allah mentionne zot à bane ki avec Li. » 

 

Alimentation: De même, même dans nous bane actions de tout les jours, couma manger, Islam enseigne nous la collectivité. De ce fait, kan des trois compagnons du Saint Prophète (saws) ti dire li : « Ya Rassoollullah, nous manger, mais nous pas satisfaits (c’est-à-dire, nous la faim pas passer). Alors li fine réponne : « Peut-être ki zot ti pé manger individuellement? »  Zot fine réponne: « Oui ! » Alors li fine dire: « Manger ensam et mentionne le nom d’Allah, pou ena alors bane bénédictions. » (Abu Dawood)

 

Le mois de Ramadhan li le moment pou augmente l’harmonie et la fraternité. Et péna aucaine doute ki sa exige ki nous travail ensemble, couma l’Islam exiger, en tant ki frères sincères, parski Allah (swt) fine dire nous : « Bane croyants et bane croyantes zot bane camarades et protecteurs envers zot camarades. » (9: 45)

 

Alors Ô bane frères et sœurs musulmans, mo faire zot ene vibrant appel dans sa mois béni là; kifer tant de divisions, de discutions, de la haine entre nous ? Eski nous pas trouve nous dans l’Oummah de Hazrat Mohammad (saws), ki croire dans l’unicité d’Allah, ki lire même Quran, donne même Azaan, kot nous tourne vers même Qibla, et garde Roza dans sa même mois béni là?

 

Dans sa mois de Ramadhan là, anou lire nous bane cinq fois Namaz, mange même manger halal. Kifer nous, bane Sunnis, bane Shias, bane Ahmadi etc., dire ki la viande ki ene Wahhabi fine fer halal, pas capave consommer ? Kifer donne l’ordre pou boycotte ene l’autre Musulman, sous prétexte ki li Wahhabi, Sunni ou d’ene l’autre secte musulman quand nous tous nous forme ensam le corps de l’Islam ? Kifer ena sa kalité boycotte, et créer la haine là entre frères dans l’Islam ? Commié létemps sa pou durer encore coumsa? Eski c’est coumsa ki l’Islam pou triomphé dans quatre coins du monde ?

 

C’est donc dans le but de l’unité d’esprit et pou nourrir la fraternité collective et plus important encore, ki nous dirige nous tous vers un sel Allah comme ene sel lécorps ki Allah (swt), fine donne nous le Ramadhan ; non pas seulement pour reste sans manger et boire, mais aussi pour vine ene vrai croyant, et vivre couma bane frères d’ene sel religion, sans aucaine division, ni offense à so frère de même la foi, ene mois kot nous tout pé vivre dans la collectivité dans tous nous bane Namaz obligatoires, bane Salat-ul-Tarawih, Iftaar, Darus-Quran, dans la patience, pardon, et dans nous volonté pou aide les autres qui en difficulté et bane pauvres etc. Alors anou uni nous tous ensemble, et anou oublier nous bane divergences d’opinions, et l’idées personnelles. Laisse nous travaille pour le progrès de l’Oummah Musulmane, ene vrai Islam ki pou retrouve li-même couma dans l’époque de sa naissance spirituelle dans le godi d’Allah et de So Saint Prophète (saws).

 

Dans sa mois de Ramadhan là vine ensemble, oublier ki ou appartenir à tel ou tel Jamaat, penser avant tout ki nous sommes tous Islam ; transforme ou et vive ou la vie comme ene Sahih-al-Islam, retourne à l’époque de nous bien-aimé prophète (saws). Comment agréable sa pensée là été kan nous mazine couma bane Sahaba ti pé vivre avec l’amour d’Allah et de So prophète (saws), et la crainte d’Allah ! Alors mette en pratique bane révélations d’Allah, accepter bane tipti fautes ki ou fine faire, prépare-zot pour le renouveau de l’Islam, et garde bien à l’esprit ki ene jour na pas ene jour ou départ de sa lé monde là vers Aakhirat fine déjà marqué dans ene registre clair. Alors autodiscipline ou-même,  maitrise ou, retenir ou colère, faire en sorte ki ou nourri ou de bane vrais nourriture spirituelles ki pou ouvert pou ou la connaissance spirituelle, kot ou propre pou sécurisé. Évaluer ou-même. Reste loin de l’immoralité et évite bane bagarres, bane désordre, stupidité etc. – la liste li bien longue.

 

O bane frères et sœurs en Islam, anou vivre en harmonie; l’harmonie li pas ene slogan, mais bien ene mission. L’harmonie pas descende du ciel couma la pluie ! C’est ene travail personnel ki sakaine bizin faire; sa demande ene engagement individuel, kot ou bizin mette de côté ou propre égo et pas promouvoir nous propre intérêts, mais promouvoir la religion d’Allah. Alors anou déracine bane mauvais l’herbes dans jardin de nous les cœurs. La haine, rancune, jalousie, soif pouvoir, sentiment de supériorité envers nous bane frères et sœurs en Islam et la conviction que nous tousel nous lors le bon chemin et les autres zot dans la perdition. Bizin cultive au lieu de sa, la tolérance, la compassion, la bonté, la patience et le pardon ; continuellement pardon les autres.

 

Eski Allah (swt) pas fine enseigne nous : « Ki zot pardonner et oublier. Eski zot pas pou content ki Allah pardonne zot ? » (24: 23)

 

Donc, nous bizin examine nous-mêmes en premier pendant sa mois de Roza là et pose nous-mêmes la question: « Ki mo rôle dans préservation de l’harmonie ? » Et sakaine de nous ena ene rôle et ene devoir – pou aide sa précieux Oummah là, « En vérité sa communauté ki appartenir à ou là li ene communauté unique » (21: 93), et pou aide li pou regagne so l’honneur et so la force en cultivant l’harmonie. De même, nous bizin réfléchi lors nous propre caractère et nous bane actions et demande nous-mêmes: « Eski nous pé aider pou répanne l’harmonie ou eski nous pé barre so chemin? » Dans So Livre (le Quran Shareef), Allah Le Tout Puissant donne nous meilleure solution pour cultive l’harmonie: « Attrape fort, zot tous ensam la corde d’Allah et pas divisé entre zot. » (3: 104)

 

Anou demande Allah pou accorde nous la possibilité pou aide nous-mêmes pou préserve l’harmonie au cours de sa mois béni là. Li Celui qui tender et Li tousel qui pou réponde (nous l’appel). Le Ramadhan, li ene l’occasion à saisir puisseki le Ramadhan li d’ene valeur inestimable ; li plisse ki jamais obligatoire à tout croyant pou vivre sa mois béni là dans la soumission totale au Créateur Suprême.

 

En vérité, l’obéissance à Allah (swt) pas pou complète sans sincérité et ene volonté rapide du serviteur. Le croyant bizin dans sa sense là travaille pou augmente so bane bons actions, bane tels actions ki digne de louanges. Puisseki le rapprochement à Allah (swt) li nous l’objectif principal, alors nous tous appeler pou écarte nous de bane interdits et de tout bane actes ki pou éloigne nous mazine nous Créateur. Alors mo propose ou ene guide détaillé ki pou en verité aide ene musulman tire avantage de sa l’occasion en or là, Insha-Allah. Saki nous bizin à tout prix éviter:

 

1. Évite dormi excessivement, la nuit et aussi dans la journée.

2. Pas manger excessivement pendant Sehri (Suhur) ou Iftaar.

3. Pas perdi ou lé temps dans bane causé initile : ki li kan ou sortie de bane mosquées, dans bane coins la rue, près kot bane tabagies etc.

4. Évite dispute, colère et bane discussions initile ; pas insulter (les autres) et pas batte zot.

5. Pas passe longue longue létemps devant télévision pour faire passe le temps.

6. Pas perdi les temps dans la cuisine. Pas cuit pli ki bizin. Evite préparation tous les jours de bane bons bons menu ki faire perdi ou létemps précieux et ki fatigue ene madame.

7. Évite alle faire magasin; ‘shopping’ tous les jours zis pou faire létemps passer faudé pas trouve dans plan ene croyant ki envie rapproche li avec Allah (swt).

8. Pas précipite récitation Quran pou termine so 30 parties pli vite. Bizin préfère la qualité au lieu de la quantité.

9. Évite tout bane lecture inutile : bane magazines, etc., ki pas rapporte ou nannié.

10. Évite la médisance (ribat), calomnie (blâmes), malhonnêteté, ruse, mensonge et tout bane actes ki amene la honte et ki diminuer valeur Roza, ou li vine pli pire kot, tous sa là fer Roza vine initile.

11. Évite bane disputes familiales ki pou perturbe l’atmosphère Islamique dans la caze. 

12. Évite bane l’endroits haram du point de vue Islamique : bane tels l’endroits kot bane interdits capave fer ou dérayé : couma la musique, l’indécence, kot ena missié-madame mixe etc.

 

C’est zis en restant dans limite ki fine prescrire par Allah (swt) ki sa serviteur ki prend tracas pou fer de sa le monde là vine ene terrain pou prépare li pou Aakhirat, c’est li ki pou capave tire profit de sa grand l’occasion ki Allah (swt) pé offert li là. Alors nous profit de sa mois là, pas conner kan sa l’occasion là pou présenter pou nous pou gagne bane bénédictions de Ramadhan encore. Ki Allah envoye lors nous So bane bénédictions et récompense nous énormément. Ameen.