|
بسم الله الرحمن الرحيم
Khutba Jummah
HAZRAT KHALIFATULLAH AL-MASSIH AL-MA’OUD
Munir Ahmad Azim
(09 Jamadul Aakhir 1432 Hijri)
(Résumé Khutba)
Après Salam, Hazrat Khalifatullah Al-Massih Al-Maoud fine commence so Khutba avec Tashahhud, Ta’uz, Surah Al Fatiha, et ensuite li fine dire:
وَ قُلۡ لِّلۡمُؤۡمِنٰتِ یَغۡضُضۡنَ مِنۡ اَبۡصَارِہِنَّ وَ یَحۡفَظۡنَ فُرُوۡجَہُنَّ وَ لَا یُبۡدِیۡنَ زِیۡنَتَہُنَّ اِلَّا مَا ظَہَرَ مِنۡہَا وَ لۡیَضۡرِبۡنَ بِخُمُرِہِنَّ عَلٰی جُیُوۡبِہِنَّ ۪ وَ لَا یُبۡدِیۡنَ زِیۡنَتَہُنَّ اِلَّا لِبُعُوۡلَتِہِنَّ اَوۡ اٰبَآئِہِنَّ اَوۡ اٰبَآءِ بُعُوۡلَتِہِنَّ اَوۡ اَبۡنَآئِہِنَّ اَوۡ اَبۡنَآءِ بُعُوۡلَتِہِنَّ اَوۡ اِخۡوَانِہِنَّ اَوۡ بَنِیۡۤ اِخۡوَانِہِنَّ اَوۡ بَنِیۡۤ اَخَوٰتِہِنَّ اَوۡ نِسَآئِہِنَّ اَوۡ مَا مَلَکَتۡ اَیۡمَانُہُنَّ اَوِ التّٰبِعِیۡنَ غَیۡرِ اُولِی الۡاِرۡبَۃِ مِنَ الرِّجَالِ اَوِ الطِّفۡلِ الَّذِیۡنَ لَمۡ یَظۡہَرُوۡا عَلٰی عَوۡرٰتِ النِّسَآءِ ۪ وَ لَا یَضۡرِبۡنَ بِاَرۡجُلِہِنَّ لِیُعۡلَمَ مَا یُخۡفِیۡنَ مِنۡ زِیۡنَتِہِنَّ ؕ وَ تُوۡبُوۡۤا اِلَی اللّٰہِ جَمِیۡعًا اَیُّہَ الۡمُؤۡمِنُوۡنَ لَعَلَّکُمۡ تُفۡلِحُوۡنَ
Wa qul-lil-Mu’-minaati yaghdudna min ‘absarihinna wa yahfazna furuujahuna wa laa yabdiina ziinatahunna ‘illaa maa zahara minhaa wal-yadribna bi-khumurihinna ‘alaa juyuubihinn; wa laa yubdiina ziina-tahunna ‘illa libu-‘uulatihinna ‘aw ‘aabaaa-‘ihinna ‘aw ‘aabaaa-‘i bu-‘uula tihinna ‘aw ‘aabaaa-‘ihiin ‘aw ‘aabaaa‘i bu-‘uulatihinna ‘aw ‘abnaaa-‘ihinna ‘aw ‘abnaaa-‘i bu- ‘uulatihinna ‘aw ‘ikhwaanihinna ‘aw baniii ‘ikhwaani hinna ‘aw baniii ‘akhwaatihinna ‘aw ni-saa-‘ihinna ‘aw maa malakat ‘aymaanuhunna ‘awittabi-iina ghayri ‘aymaanuhunna ‘awittabi-iina ghayri ‘ulil-‘irbati minarri-jaali ‘awit-tiflillaziina lam yazharuu ‘alaa ‘awraatin-nisaaa’; wa laa yadribna bi-‘arjulihinna liyu’-lama amaa yukh-julihinna liyu’-lama maa yukhfiina min-ziinatihinn. Wa tuubuuu ‘ilallaahi jamii-‘an ‘ayyuhal- Mu’-minuuna la-‘allakum tuflihuun.
“Dire bane femme qui éna la foi qui zot baisse zot lizié et protége zot chasteté et qui zot pas laisse voir zot “zinat” (beauté) excepté ce qui paraite ordinairement. Dire zot rabatte zot voile lor zot poitrine. Zot capave montrer zot “zinat” seulement à zot mari, zot papa, papa zot mari, zot garçon, garçon zot mari, zot frère, garcon zot sœur, zot camarade femme, bane esclave qui zot posséder, bane domestique zomme qui pas gagne l’envie et banne garçon qui pas encore gagne connaissance des parti privé bane femme. Zot pas bizin aussi faire zot lipié sonner pou faire conner qui bijou (zinat) zot porter qui pas visible. Tourne en répentir vers Allah, ou tous qui éna la foi, afin qui ou réussi.” (24:32)
Fine ena ene débat publique concernant le Pardah (à Maurice et dans bane l’Ile avoisinants). Kan mo pé cause Pardah ici, mo pé rode fer comprend lors le port du voile ki servi pou cachiette bane madames Musulmanes de la vue de bane missiés étrangers. « La séclusion » ou « séparation entre missié-madames » c’est aussi bane mots ki servi pou définir le Pardah (kot pas ena rencontre de bane missié et madame étrangers). Le Pardah fine être connu par l’occident comme ene discrimination ki la communauté musulmane pratiqué contre zot bane madames. Sa c’est ene fausse suggestion ki fine fer par sa bane qualité pensées là afin pou créer ene la guerre et cassure dans la famille musulmane et dans la société musulmane et afin pou mal-interprète Islam comme ene agent ki rabaisse bane madames.
La famille li forme partie de l’ordre sociale islamique. La société ki l’Islam envie établir li pas ene société ki diriger par nous bane senses (de désirs pou sa le monde là) ni ki diriger par le sexe. L’Islam établir ene société idéologique, avec ene grand niveau pou conscientize bane dimounes moralement (pou ki zot pas vine couma bane zanimo, mais ki zot suive le code moral). Sa système entier ki l’Islam li fer opérer li fer la famille renforci et vine pli fort et non pas le contraire. La famille li protéger par defanne gagne relations sexuelles en dehors mariage. La fornication (Zana), li bien defanne et ena ene punition pou sa. Alors l’institution de la famille li bloque tous bane chemins de bane acts sataniques (de mal) et n’importe ki sanlà ou n’importe ki mal fer ene chemin vers sa mauvais action là (Zana), alors li automatiquement éliminer. C’est pour sa ki l’indécence dans tous formes li bien defanne. Le système islamique de Hijab li ene système bien répandu ki protège la famille et ferme sa bane chemins ki dirige vers bane relations sexuelles illicite ou même bane contacte entre missiés et madames dans la société. Li prescrire bane règles et la loi essentiels couma pou habiller et pou comporter dans la société, ki li pou missié, ki li pou madames.
“Dire bane zomme qui éna la foi, qui zot baisse zot lizié et protége zot chasteté... Dire bane femme qui éna la foi qui zot baisse zot lizié et protége zot chasteté...” (24:31-32)
“O Prophète! Dire à to bane femmes et to bane tifilles et bane madames de bane croyants pou rabatte lors zot, zot grand robe…” (33:60)
L’Islam donne madame ene position vraiment honourable dans la société ; ki li en tant ki maman, épouse, sœur ou tifille. La femme ki jouir d’ene telle statut noble, alors li bizin garde li chaste (pure). Fine rapporter ki le Saint Prophète (saws) fine dire : Le monde en entier li ene commodité, et le meilleur de bane commodités du monde c’est ene madame vertueuse. (Muslim)
Pou protège so vertu et pou sauvegarde so chasteté de bane regards de désirs et la main de bane missiés, l’Islam fine fine fer provision de Pardah ki régler couma missié-madame bizin habiller, couma zot bizin comporte zot dans la société, couma zot bizin participer dans bane mouvements de réformes et kan zot alle endehors de 4 murailles de zot la caze kan le besoin présenter.
Sa protection là li en aucaine façon fassoné dans l’intention pou emprisonne bane madames ou pou mette zot en difficultés. Ena bane limites ki fine prescrire pou li (la femme), et dans sa bane limites là, li ena droit pou gagne l’éducation, et gagne bane qualifications nécessaire afin ki li gagne ene travail, pou li capave gagne so la vie ou pou servi l’humanité. En plisse de sa, so rôle principale c’est pou garde so la caze bien en ordre, occupe so la caze et contribuer so part dans occupe roulement de so la caze ; pena aucaine restrictions pou ki li alle fer bane lezottes bons travail (par exemple, pou travail pou Deen-é-Islam etc.). Tout saki li bizin c’est ki sa liberté ki li fine gagner là, alors faudé pas li abuse de sa et fer so la vie vine la vie malpropre. En d’autres mots, faudé pas ki kan li trouver li fine gagne tel ou tel liberté, li pas prend sa couma dire li fine gagne passeport pou fer saki li envie (même saki mal et condamné par Allah).
La loi islamique li pas là pou prend plaisir dans donne punition. So but c’est pou promouvoir, protéger, et préserve bane valeurs ki présent dans façon vivre de l’Islam. La femme li en égalité avec l’homme dans poursuite du bien (fer du bien) et pou empêche le mal. Bane droits de tous les deux, missié-madame zot balancé, et compatible avec bane positions (et droits) distincte de tous les deux (missié-madame) et zot bane devoirs ki zot ena. Le Saint Prophète Muhammad (saws) fine élucide sa position là en bane termes clairs : « Gagne la crainte d’Allah en séki bane madames concerné parski ou fine prend zot comme épouse en prenant Allah comme témoin, et fine fer zot vine Halal pou ou-mêmes par bane paroles d’Allah. Ou ena bane droits envers zot, et zot (bane épouses) ena bane droits lors ou. »
C’est ene penser ki fine mal comprend, mal interpréter ki le Pardah en Islam li fine instituer pou fer bane madames reste en esclavages de zot missiés. Au contraire, l’Islam fine émancipe (libère) bane madames de l’emprise de bane missiés et fine donne zot refuge contre la dégradation sociale. Li ena ene position bien défini sous le système social islamique. L’objectif de sa système là c’est pou garde l’environnement sociale au longtemps ki possible, propre, et sa inclure pou évite toutes sortes d’excitations sexuelles et bane stimulations ki pou amène vers sa (saki illégale), afin pou permette l’homme et la femme pou développe so bane propre habilités physique et mentale et pou créer ene l’atmosphère de paix afin ki sakaine de zot capave jouer zot rôle ki zot ena à bien dans la société, pou construire sa société là. Bane activités de la femme li séparé de bane activités de bane missiés. Zot (c-à-d, l’homme et la femme) zot gagne sakaine zot responsabilités dans la vie sociale, d’après nature et la capacité mentale et physique ki zot ena. Et zot bane relations mutuelle li tellement organisé ki zot coopérer avec zot camarades dans bane limites ki la loi islamique fine permette. Tous les deux, missié-madame, zot ena bane droits humains, et tous les deux zot gagne bane toutes sortes d’opportunité pou réussi dans la vie, pou alle de l’avant mais personne d’entre zot ena droit pou dépasse limites ki fine prescrire pou sakaine d’entre zot dans la société. L’Islam pas defanne nous pou alle cherche la connaissance afin ki nous travail, ou (li pas defanne nous) pou coopérer avec bane les autres dans la vie sociale, à moins ki sa pou servi pou promouvoir le bon déroulement de la communauté et kot sa pas représente ene danger pou sa société là.
Saki l’Islam pas approuver c’est bane activités de bane madames ki représente ene danger pou zot dans la société, spécialement kan zot sorti dehors et marche librement lors bane chemins et grande route, sans ki li ene nécessité pou zot fer sa. Surement personne pas capave osé dire ki bane madames capave realise zot potentiel et respect zis à travers sa bane activités banales là. Dans sa bane situations là, zot capave facilement vine bane proies facile de bane missiés ki diriger seulement par zot bane passions, et sa l’exemple là nous trouver parmi la société occidental ki bane filles soi-disant civiliser zot fine bane proie facile de sa bane kalité missiés là. Si nous bien guetter, bane dimounes ki oppose bane tradition islamiques fer exactement sa (c’est-à-dire, fer tous zaffaire librement – même bane zaffaires illicite et saki représente ene danger pou zot sécurité et chasteté) à cause zot ena ene l’envie pou gagne bane plaisirs de sa le monde là.
Tous bane dimounes sages et intelligents conné ki bane religions fine condamne l’immoralité et le manque de modestie et fine mette bel l’emphase lors la chasteté. L’Islam, comme ene Religion Divine, fine mette bel l’emphase lors la pureté, la chasteté, la modestie et la moralité. Le Quran Shareef fine montrer le chemin droit et rempli de lumière à tous bane Musulmans ; et li contenir bane l’enseignements parfait, sans fautes pour la guidance de tous bane croyants. Ena plusieurs de bane preuves ki exister pou monter l’efficacité et la veracité de tous sa bane l’enseignements ou commandements divine là. L’Histoire de l’Islam renferme assez de bane témoignage en faveur de sa. L’Islam pas capave laisse so bane suivants vivre ene la vie immoral. Le Quran Shareef ordonner ki le Pardah ou séclusion (isolement) de bane madame (dans zot la caze) li vine ene protection et ene sauveur pour zot (c.à.d, bane madames).
Kan n’importe ki dimoune transgresse bane restrictions et limites ki fine établir (par Allah), li souffert alors physiquement aussi bien ki spirituellement. L’Islam fine alors, avec beaucoup précaution et sagesse, ordonne bane madames musulmanes pou reste dans Pardah et pou pas viole bane restrictions ki fine prescrire. Augmentation de bane péchés et bien mauvais conséquences de décadence moral, capave évite tous sa zis par suivre le droit chemin ki l’Islam fine montrer.
L’Histoire donne nous assez indications lors bane causes de déclin de plusieurs de bane nations et la décadence morale ti ene là-dans. Sa liberté trop libéral ki bane madames jouir dans l’Europe, Rome (l’Italie), l’Amérique, la Grèce etc., pendant bane périodes de zot gloire et prospérité, sa fine amène vers bane rivalités entre bane dimounes puissants et ki ena ene position bien haute (et important). Bane nobles et dignitaires, ki fine risse bane jolis madames dans la haute société fine vine ene victime de zot propres complots et plans. L’amour du plaisir, de luxe et de la sensualité fine prend sitan ene l’ampleur ki bane théâtres, la piste de dance, bane clubs et bane la courts fine dominer par bane joli madames ki bien decider pou reste dans zot position « de gloire ». Bane ministres et bane officiers haut-placé fine perdi zot place à cause intel joli madame fine donne l’ordre ki sa arriver.
Avant l’avènement de l’Islam, bane madames ti pé gagne bane mauvais traitement (couma zanimo) et ti forcer pou amène ene la vie misérable. Zot fine bizin fer face à toutes sortes d’injustice, d’oppression et de bane difficultés bien pénibles. Bane missiés ti pé garde zot sous zot l’autorité complète, couma esclave et ti pé isole zot complètement. Bane madames arrive séki arrive (avant l’avènement de l’Islam) ti ene dimounes ki négliger et rejeter par la société et bane missiés ti pé guette zot comme ene pli grand mal ki Allah fine créer. Zot ti pé gagne ene position bien inferieur dans la société.
Nous bizin reconnaître, ki depuis l’avènement de l’Islam, bane madames musulmanes fine gagne le respect ki zot mériter, et zot fine gagne le droit pou hériter ; zot gagne la protection nécessaire contre mauvais traitement, bane harcèlement sexuelle et harcèlement et cruauté dans toutes sortes façon. Zot fine alors jouir de l’égalité et liberté mais dans ene certaines limites, ki en aucun cas pas diminuer so prestige dans la caze, et pas diminuer so respect dans la société. Au contraire, en observant le Pardah, sa fine vine ene bénédiction pou bane madames et fine sauve zot de toutes sortes kalités mauvais actions, bane actions immoral.
Péna assez létemps pou continue sa Khutba là en profondeur. Ki Allah donne moi le tawfiq pou continué sa Khutba là plus tard, Insha-Allah. Ki Allah béni zot tous et guide zot dans le droit chemin. Ameen.
Annonce:
1. Par la grâce d’Allah, nous bane frères de Kerala pé en ce moment fer zot Shura/Amila. S’il vous plaît fer duahs pour zot pou ki zot capave encore être au service de l’Islam, d’ene service ki bien exceptionnelle dans lizié d’Allah. C’est ene grand bénédiction d’Allah pou ena bane tels serviteurs d’Allah ki travail tellement dure pou répande le message d’Allah, à travers la venue d’ene humble Serviteur (l’Homme) d’Allah ki prend tracas pou zot pou ki zot réussi prospérer, ki li spirituellement et moralement aussi. Pas oublier, O mo bane suivants ki sa le monde là li pas zot la fin, but en vérité li le commencement d’ene longue voyage. Alors, fer ki sa voyage là fer zot atteindre Allah, kot zot gagne So l’Amour et So Satisfaction. Nous bane frères et sœurs du Jamaat Ul Sahih Al Islam de Kerala pé fer bane travails excellents. Fer ki zot aussi, ki li ici et ailleurs dans le monde, et surtout dans bane l’îles avoisinantes zot fer “Fastabiqoul Khairaat” (compétition dans bon travail), spécialement bane tels bon travail ki pou fer zot mérite l’amour, le plaisir, et satisfaction d’Allah et So humble Messager. Le Jamaat Ul Sahih Al Islam bizin ene tel groupe de bane Musulmans ki représente ene sel lécorps. En vérité, Hazrat Muhammad Mustapha (saws) ti envie ki so Ummat li vine ene sel lécorps (pas divisé) et si ene d’entre zot blesser, alors lécorps en entier de l’Ummat ressenti sa du mal là, et si ene d’entre zot content et fine recevoir la bénédiction et faveurs d’Allah, alors ki le corps en entier ressenti la joie en conséquence de sa bénédiction là. Ki Allah béni zot tous, et garde zot la foi solide, d’ene solidité ki maintenir par Allah, pli solide ki ene roche et pli solide ki l’idée ki nous ena de mot solide. Ki Allah vine zot inspiration et guide.
2. Ce matin, dans bane nouvelles fine dire ki fine ena ene cas malaria ki fine enregistrer à Maurice, ene madame ki apparamment sorti dépi dans l’Inde. Même si li ene cas, mais réalisation de tous bane ki mo fine dire zot dans mo Khutba Jummah de 07 Janvier 2011 pé doucement doucement réaliser – plus bane les autres catastrophes (tremblement de terres, incendies etc.) ki pé continuer frappe bane pays du monde entier! |
