|
بسم الله الرحمن الرحيم
Khutba Jummah
HAZRAT KHALIFATULLAH AL-MASSIH AL-MA’OUD MUNIR AHMAD AZIM
Munir Ahmad Azim
(09 Safar 1432 Hijri)
(Résumé du Khutba Jummah)
Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine dire:
Aujourd’hui, par la grâce d’Allah mo pou cause lors cinq la clé pour nous réussite ki nous pou capave atteindre en suivant le modèle parfait pour l’humanité, Hazrat Muhammad (saws). Sak musulman et musulmane bizin considère sa la vie ici-bas là couma ene épreuve (Ibtilâ) : Sa c’est ki nous bane l’enseignements montrer nous.
Allah dire dans Quran:
تَبَارَكَ الَّذِي بِيَدِهِ الْمُلْكُ وَهُوَ عَلَى كُلِّ شَيْءٍ قَدِيرٌ الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا وَهُوَ الْعَزِيزُ الْغَفُورُ Tabaarakallazii bi-Yadihil-Mulk; wa Huwa ‘alaa kulli shay-‘in Qadiir: ‘Allazii khalaqal- Mawta wal-Hayaata li-Yabluwakum ‘ayyukum ‘ahsanu ‘amalaa: wa Huwal-‘Aziizul-Ghafuur.
« Louanges à Celui, ki l’autorité dans So la main. Li ena pouvoir lors tout kitchose. C’est Li ki fine créer la mort et la vie, pou tester ou et trouver ki sanlà faire meilleur travail. Li puissant et pardonneur aussi. » (67 : 2-3).
Et sa Ibtilâ (épreuve) là, li partout dans nous la vie : ki li dans nous relation avec Allah, ki li dans nous rapport avec nous-mêmes ou avec bane dimounes et bane kitchoses ki entoure nous, ki li dans sak action ki nous faire, et dans sak réaction ki nous exprimer, ki li dans sak attitude ki nous adopter, et sa continuer aller même kot li présent dans sak moment ki nous vivre.
Séki nous tout désirer le plus, c’est bien évidamment, ki nous gagne le succès et nous réussi dans nous la vie... Pour aide nous pour arrive à nous but dans tous domaines de nous l’existence, Allah de par So Miséricorde Infini fine offert nous quatre grands faveurs, ki profondément liée entre zot.
1. Li (Allah) fine gratifier sakaine d’entre nous, ki li missié ou madame de la capacité pour raisonner et pour analyse bane informations ki nous recevoir par nous bane senses, et alors kot sa permette nous pou agir avec précaution, et non pas simplement par instinct, couma bane zanimo.
2. Li fine donne nous ene conscience, afin ki nous capave donne ene bon orientation dans ene aspé morale à nous bane actions.
3. Pou permette nous pou alimente sa raison et sa conscience ki Li fine donne nous là, Allah fine fer nous trouve ene la lumière ki vine de Li, et sa la lumière là c’est la lumière de la Révélation.
4. Et pour ki nous capave comprend complètement le message et le sens de sa Révélation là, Allah fine fer li accompagné d’ene modèle pour l’humanité, ene dimoune couma nous-même, ene grand dimoune béni (saws) ki so madame bien-aimé même (Hazrat Aisha Siddiqua) fine décrire comme étant la personnification et l’expression vivant de bane enseignements de sa Révélation là, c’est-à-dire, le Quran Shareef. En d’autres mots, Hazrat Muhammad (saws) ti le Quran en pratique et kan nous étudier le Quran, nous trouve la vie de nous bien-aimé prophète (saws) réflecter là-dans.
C’est en considérant sa dernier réalité là ki li pou possible pour sak musulman et musulmane pou mesure impé plisse l’importance pour étudier la vie béni de nous bien-aimé prophète Muhammad (saws) : pas zis li ene moyen pour sakaine d’entre nous pou développe en nous l’amour et considération pour le Saint Prophète (saws), mais à travers so l’exemple parfait (Ouswah Hassanah), couma Quran décrire li, alors nous pou alle trouve bane la clés pour nous réussite personelle, ene telle réussite ki, pareil couma bane épreuves ki nous vivre, li pas concerne seulement nous bane actions dans domaine de la religion et spirituel, mais li concerne tout domaines de nous l’existence (ki li nous la vie familiale ou professionnel etc.)
Nous pou concentrer Insha-Allah zis lors sa cinq principes positifs et constructifs – parmi bane les autres ki capave compter par dizaines et même plus – à la lumière de plusieurs de bane l’évènements ki fine arriver dans Sirat (la vie) de Hazrat Muhammad (saws).
1. L’attachement à l’intelligence dans le contexte ki nous fer face et l’attachement au réalisme.
Dans so action, ene Musulman bizin prend l’habitude pour alle au bout de so bane l’objectifs ki li fine penser pour atteindre et li bizin prend en considération l’environnement dans ki li pé vivre et li bizin réaliste si pas li pou capave réalise so bane l’objectifs dans bane telles situations et circonstances, ou si pas li ena le moyen pou arrive à so but. Si li pas capave accomplir so l’objectif dans ene contexte, alors li bizin essaye trouve ene moyen pou accomplir so but dans ene différent façon.
a) C’est là ene grand enseignement ki nous capave retirer de l’attitude de Hazrat Muhammad (saws) fine adopter à partir 10ème l’année de so mission comme prophète ziska so Hijra (émigration) 3 ans plus tard. Après plisse ki dix ans zefforts constant et beaucoup de bane sacrifices à sak moment de so la vie pour faire so Dawa (pou invite dimounes vers Allah) avec so bane propres familles, kan Hazrat Muhammad (saws) fine constater ki la plupart de bane Mecquois zot non seulement pas prêt pou accepter sa réforme ki li fine vini pour faire parmi zot pour zot propre bien, mais ki en plisse de sa zot fine rode tous bane moyens pour faire li (le prophète) reste tranquille et pou arrête li dans so mission ; zot fine fer tout dans zot pouvoir pour fer li quitte so l’endroit pour alle dans bane les autres l’endroits pou fer so travail.
Alors, de ce fait, au cours de 10ème l’année de so mission, Hazrat Muhammad (saws) fine alle à Taïf pour donne zot le message d’Allah. Ensuite li fine essaye pou mette accorité entre bane représentants de bane différents tribus de l’arabie kan zot fine vini pour accomplir le Hajj. Li fine continuer dans so la lutte ziska sa bane dimounes là fine commence écoute li et ki li fine gagne ene réponse positif de la part de certains dimounes ki sorti de Yathrib (Yathrib c’est ancien nom pour Madina). Par la grâce d’Allah, après sa zot conner ki fine arriver : Hazrat Muhammad (saws) fine conclure avec zot bane alliances, bane pactes, et après li fine quitte so l’endrot kot li fine né pour alle établir li dans Madina, kot là-bas so mission fine prend ene l’autre tournant, à ene telle point ki 10 ans après, la plupart de arabes de l’Arabie fine accepter l’Islam. De ce fait, Hazrat Muhammad (saws) fine réalise donc avec succès so mission, et pareil couma bane Hadiths authentiques fine rapporter, li fine prend témoignage de so bane compagnons lors sa sujet là pendant ki zot tous ti présents pendant le dernier Hajj ki zot fer ensemble.
b) Clairvoyance et réalisme de Hazrat Muhammad (saws) fine manifester également pendant ki ti pé conclure le traité de Hudaybiya, dans 6ème l’année de l’Hégire : A sa l’occasion là, li ti conné ki kan zot pou signe sa traité pour la paix là (Soulh) avec bane Mecquois, sa pou bien important parski sa pou ene l’occasion en or pou ki li capave poursuivre so mission et prend en main l’intérêt générale de bane Musulmans.
Pour ki sa l’objectif important li réalisé, li fine accepter pour faire bane concessions (renonce) lors bane points ki pas trop importants et ki bane Mecquois ti pé faire beaucoup problèmes à cause de sa :
¨ Li fine accepter par exemple ki bane conditions de bane Mecquois kan zot fine initier sa pacte là par l’intermédiaire de zot Envoyé spécial li être exécuté.
¨ Li fine accepter aussi ki so titre comme Messager d’Allah li être enlevé depuis texte de sa pacte ki zot pé conclure là.
¨ Li fine accepter aussi pour retourne à Madina sans ki li accomplir le Umrah sa l’année là, et li fine accepter ki c’est seulement à partir l’année ensuite ki li pou capave accomplir li.
c) L’attitude de Hazrat Muhammad (paix soit sur lui), après la libération de la Mecque dans 8ème l’année de l’Hégire li ene l’autre expression d’intelligence du contexte : pareil couma so madame Hazrat Aisha (ra) rapporter, so désir c’est pas pou détruire Ka’aba, mais plutôt c’est pou reconstruire li en suivant bane fondations ki Hazrat Ibrahim (as) fine établir et aussi so deux la porte – ki pou permette bane dimounes pou facilement accéder à l’intérieur de Ka’aba Shareef, à cause li (le prophète) ti gagne peur ki sa alle cause beaucoup frictions et disputes parmi bane Mecquois ki fine fek converti dans Islam. (Bukhari et Muslim)
2. Préférence pou faire ene analyse approfondi au lieu pou adopter ene l’approche ti l’esprit ki alle à la limite de ancien religion de Mani (ene Persan) ki daté du 3ème siècle.
Dans façon ki li deal avec bane l’évènements ki déroule autour de li, ene Musulman faudé pas ena ti l’esprit et faudé pas li brite et prend décisions trop vite : en effet bane l’experiences de la vie fine montrer nous ki dans tous bane actions, c’est rare ki trouver ki li facile pou prend ene décision définitif lors ene sujet. Li rare ki dimounes distingue entre bane l’aspé purement positif et de séki purement négatif ; mo penser ki nous tous fine gagne l’occasion pou constater comment la réalité li bien au-delà de sa. Alors justement, ene Musulman li, li bizin ena ene l’esprit frais pou ki li capave analyse bane situations dans ki li trouve li et pou analyse bane l’aspé positifs et négatifs afin ki li capave juger ki li pou fer et couma li pou fer li. Concrètement, sa implique par exemple ki kan li prend le devant pou juge action d’ene l’autre dimoune au lieu de concentrer lors bane l’aspé ki paraite négatifs, li bizin faire zeffort pou trouver sipa dans sa bane mêmes l’effets négatifs là ena kitchose de positifs et bane l’avantages là-dans ki caché dépi lizié et ki pli importants : ainsi, pareil couma li autorise li-même bane choix et bane décisions personelles ki dans so l’intérêt, c’est-à-dire, si kitchose représente le moindre mal pou li, alors li bizin aussi donne so bane frères et sœurs aussi possibilité pou agir pareil li. C’est sa façon d’être là, sa libarbite ki li permette li-même ki capave permette li pou pas tombe dans piège de bane critiques, bane tels critiques ki pas rapporte li nannié.
Sa ki nous capave retenir dans l’attitude de Hazrat Muhammad (saws) kan li fine accueillir Khalid bin Walid (ra) kan li fine retourne à Madina depi bataille de Mou’tah. Sa bataille là ti bataille kot fine ena plisse morts ki bane Musulmans fine entreprendre. L’expédition de bane soldats Musulmans fine quitte Madina au cours de Jumadal Ulah en l’an 8 de l’Hégire pour zot alle venge l’assassinat de messager de Hazrat Muhammad (saws) ki Hazrat Muhammad (saws) ti envoyé kot le roi de l’empire Bizantin. En tout ti ena 3 milles soldats musulmans et zot ti ena à la tête Zaid ibn Harith pou dirige zot, et Hazrat Muhammad fine bien préciser ki si arriver Zaid trouve la mort, alors c’est Jafar (ra) ki pou bizin dirige l’armée de bane Musulmans, et si arriver li alle mort à so tour, alors commandement pou bizin vine dans la main de Abdullah ibn Rawaaha (ra).
Kan bane musulmans fine arrive dans région de la Syrie, zot fine apprane ki zot ti pou bizin faire face à près de 200,000 soldats ennemis (bane Bizantins ensam avec zot bane alliées arabes ki sorti de bane tribus de Lakhm et Judhaam). Alors certains de bane musulmans fine proposer ki zot pas alle la guerre, ki avant zot bizin informe le Prophète Muhammad (saws) de la situation et pou demande li bane renforts ou bien ki li donne zot bane nouveaux instructions. Mais Abdullah ibn Rawaha (ra) fine exhorte bane musulmans pou continuer zot la route et accomplir zot mission pour ki zot fine déplacer, sans hésitation. Et alors, c’est sa ki effectivement zot fine fer. Bataille fine commencer et tous bane ki Hazrat Muhammad (saws) fine choisir pour prend le relai de l’armée fine trouve la mort et vine martyrs ene après l’autre.
Finalement, commandement fine donné dans la main de Khalid bin Walid (ra). Sa dimoune là ti ene véritable maître de guerre et li ti ena ene longue expérience de bane stratégies militaire. Malgré ki bane témoignage pas trop claires lors sa sujet là, mais li paraite ki li (Khalid) fine trouver alors ki bane musulmans pas ti dans ene position pou la guerre avec zot bane l’ennemies. Alors li fine trouve ene joli tactique pour retire bane musulmans de situation délicat dans ki zot ti été, tout en donnant à bane l’ennemis l’impression ki zot (bane musulmans) fine recevoir bane renforts : alors kan bane bizantins fine croire vraimême ki bane les autres troupes musulmans pé vini comme renforts dans la guerre, alors zot (bane Byzantin) fine préfère arrête bataille là en place.
Et Khalid (ra) fine profite de zot réaction pour ordonne à so tour ki bane musulmans ploye bagages et retourne dans zot la ville béni (Madina), et alors kan zot fine retourner ene partie de bane dimounes de Madina fine reproche Khalid et so l’armée de zot l’attitude (ki zot fine quitte bataille sans gagne la victoire) et fine traite zot de lâche (ki fine sauver de la guerre). Mais le prophète Muhammad (saws) fine rejtte sa bane critiques là et fine dire : « Zot pas bane lâche (ki fine sauver de la guerre), zot fine arrête la guerre (pour mieux attaquer – la prochaine fois), Insha-Allah. »
Face à l’attitude ti l’esprit de certains dimounes ki zot dans zot l’esprit ena zis deux possibilités dans ene bataille, sois la victoire ou bien défaite ; alors Hazrat Muhammad (saws) face à zot réaction ti l’esprit, li fine prend ene l’autre approche, bien pli réfléchi et prenant en compte d’ene côté, la réalité de contexte difficile dans Khalid bin Walid et bane musulmans fine trouve zot et d’ene l’autre côté, la porte de bane perspectives ki sa confrontation avec bane la forces ki le monde ti considéré comme bane superpuissances de l’époque, fine ouvert : en effet, sa confrontation (sa bataille) là peut-être pas fine termine par ene victoire éclatante pour certains, mais la guerre là aussi pas fine fini par ene défaite de bane musulmans kot nous bizin rappelle ki bane musulmans ki à zis 3 milles contre 200,000 soldats ennemies, et sa li déjà en li-même ene véritable succès pour bane musulmans, à cause bane l’ennemies fine renonce pour la guerre contre bane musulmans, de peur ki bane musulmans touye beaucoup parmi zot (parski zot ti croire ki bane musulmans pé gagne bane renforts ki pou assure zot la victoire).
3. L’attachement à l’équité et à la justice en toute circonstance, et l’adoption constant d’ene conduite basé lors ene bon code morale : Tous sa li bien nécessaire ki ene musulman faudé jamais délaisser, que ce soit dans so conduite envers so bane opposants ou dans bane décisions ki li prend concernant so bane proches.
So bane sentiments faudé jamais influence so jugement au point kot li arriver vine injuste. Le Quran proclamé « O ou qui éna la foi, tini ferme pou la justice couma témoin Allah (même si ou éna pou témoigner) contre ou même, ou papa, mama, ou bien ou proche parent. Qui zotte riche ou pauve, Allah pou aide les deux. Alors pas suive ou propre désir, si ou ouler faire la justice... Mais si ou change ou témoignage ou bien ou tourne lédos avec la justice. Allah au courant de ce qui ou faire. » (4 : 136)
« O ou qui éna la foi ! Reste ferme (dans ou devoirs) envers Allah et (vine) bane témoins équitables. Et ki la haine pour ene peuple pas incite ou pou vine injuste. Pratique l’équité : sa li pli proche de la piété. Et craindre Allah. Car Allah Li certainement Parfaitement au courant de séki ou faire. » (5 : 9)
C’est bien le comportement honnête d’ene Musulman ki pou force bane les autres dimounes ki entoure li pou respecter et kot sa pou facilite so action ki li faire. Kan nous Etudier la vie du Saint Prophète (saws), nous pou bien évidamment trouve réflecter bane anecdotes et situations kot li fine implimente la justice et l’intégrité, et ena beaucoup l’examples comme sa. Comme example, nous capave considère sa deux anecdotes ki mo pou mette devant zot là ; ene là ki mette en valeur l’équité de Hazrat Muhammad (saws) et l’autre là démontrer so intégrité :
a) Fine rapporté ki, kan le prophète Muhammad (saws) ti présent dans la Mecque pendant conquête de la Mecque en l’an 8, fine trouver ki ene madame de la tribu Bani Makhzoum (ki ti ene famille noble et respecté) li responsable d’ene vol. Bane Quraysh ti bien tracasser à sa propos là : zot ti gagne peur attention ki couma l’Islam prescrire, madame là gagne sentence pou coupe so la main (à cause vol ki li fine commette). Alors zot fine demande Oussamah ibn Zayd (ra) ki ti bien proche avec Hazrat Muhammad (saw) pou alle guette le prophète pour intercéder en faveur de sa madame là.
Kan li fine faire séki bane Quraysh fine demande li, alors le Saint Prophète (saws) fine bien en colère avec so l’intervention et fine fer ene Khutba kot li fine exprime clairement l’obligation et le devoir pour implimente la justice. Li fine dire : « O bane dimounes ! Bane ki ti vine avant zot zot fine fer la perte (justement) à cause du fait, ki kan ene dimoune noble parmi zot fine commette ene vol, alors zot ti pé laisse li aller (sans puni li d’après la loi d’Allah) ; et kan c’est ene faible (ene dimoune commun) ki ti pé commette ene vol, alors zot ti pé présser pou mette en action punition ki fine prescrire. Par Allah ! Si arriver ti alle découvert ki Fatima (mo tifille) li coupable d’ene vol, mo ti pou coupe so la main. » (Bukhari)
4. Préférence pou ene action ki basée lors consultation mutuelle comparer à ene action ki le résultat d’ene décision d’ene sel dimoune : L’homme li bizin toujours prend conseil et demande l’avis de bane dimoune compétents et expérimentées avant ki li prend ene décision, et sa concerne n’importe ki domaine dans ki li été.
Celui ki prend l’habitude pour consulter les autres avant agir, bien rarement ki li regrette so bane décisions : en effet, la consultation mutuelle, kot ena beaucoup l’idées ki évoquer, kot ena bane l’échange de points de vue et kot sakaine donne so bane analyses ; alors tous sa là permette souvent pou mette en valeur bane l’aspés importants ki d’ordinaire ene seule dimoune, malgré commié compétent et savant li été, jamais ti pou penser. Arriver sa ki ene situation vini kot ene dimoune so l’enthousiasme et excitation (pour faire ene travail ou pou rode ene solution) pousse li pou agir dans ene façon, et ki action ki li ti ena l’intention pou accomplir, li en li-même bien correcte et justifier. Mais seulement, de l’autre côté, arriver ki le contexte dans ki li trouve li, li pas approprié pou décision ki li fine prend pour action ki li oulé entreprendre. En effet, c’est pas parski ene action li bon en li-même ki so réalisation li bizin forcément correcte et sensé, à n’importe ki moment ou dans n’importe ki l’endroit. Ena ene l’heure et ene moment pou sak kitchose !
Commandement ki Allah fine adresser à Hazrat Muhammad (saws) dans Quran pou consulté avec so bane compagnons (ra) li constitué ene meilleure témoignage de sa devoir là : Qui sanlà en effet capave considère li pli savant, pli expérimenter, pli raisonnable et ene meilleure visionnaire ki le Saint Prophète Muhammad (saws) ?
Pourtant Allah fine dire à So Messager (saws) : « ... Pardonne zot donc, et implore le pardon (d’Allah) lors zot. Et consulte zot à propos bane zaffaires ; mais ensuite, ene fois ki to (le prophète) fine prend to décision, confier-toi donc à Allah, parski en vérité, Allah content bane ki fer Li (Allah) confiance. » (3 : 159)
5. Préférence pour le pardon au lieu pou ena ene l’esprit de revanche et ene l’attitude bagarreuse, et, dans ene mesure plus générale, zeffort ki faire pou maîtrise nous-mêmes au lieu pou ena ene réaction violent :
Le Quran dire : « Bon action et mauvais (action) pas pareil. Repousse (le mal) par séki meilleur; et voilà ki celui avec ki to ti ena ene l’ennemité pou vine to bon camarade. » (41 : 35)
L’attitude et le comportement ki nous adopter avec ene dimoune capave ena pli beaucoup l’effet lors la nature de nous bane relations avec li au lieu de bane paroles ki nous dire li et bane discours ki nous fer.
Kan nous reprend l’example de la vie de Hazrat Muhammad (saws), nous pou constater ki c’est justement le choix du pardon ki li fine prend en l’an 8 de l’Hégire kan li fine rentre dans Makkah : li fine gracier la plupart de tous bane habitants de la Mecque, sa même place kot zot ti bien persécute li là.
Après ki fine arriver ? C’est bane ki fine refuse l’Islam et fine combatte le Messager d’Allah (saws) la nuite lizour pendant beaucoup l’années ki fine change complètement zot l’attitude envers li ; face à réaction rempli de noblesse ki le prophète d’Allah (saws) fine montrer, zot fine enfin accepter pour ouvert pour li zot lécœur et zot l’esprit, et résultat de sa pas fine tarder kot zot fine converti en grand nombre dans l’Islam, dans très peu de temps. Et sa capacité pou contrôle nous-mêmes, sa qualité là li forme ene partie intégrante dans l’enseignement du Saint Prophète Muhammad (saws), car li-même li le meilleur de bane Mouallim (professeur) ki la terre fine accueillir.
Ki Allah accorde nous l’opportunité et le Tawfiq pou adopter sa bane grands qualités du Saint Prophète Muhammad (saws) parski c’est sa bane tels qualités là ki pou agir comme bane la clés de nous réussite kan nous pou suive le modèle parfait ki Hazrat Muhammad (saws) représenter. Amîne. |
