|
بسم الله الرحمن الرحيم
Khutba Jummah
HAZRAT KHALIFATULLAH AL-MASSIH AL-MA’OUD
Munir Ahmad Azim
14 Octobre 2011 ~ (16 Dhul-Qaddah 1432 Hijri)
(Résumé Khutba)
Après Salam, Hazrat Khalifatullah fine commence so Khutba avec Tashahhud, Ta’uz, Surah Al Fatiha, et ensuite li fine dire:
Allah dire dans Quran Shareef:
وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ Wa maa khalaqtul-Jinna wal-‘insa ‘illaa liya’-buduun.
“Mo fine créer Jinns et dimounes pou ki zot adore Moi.” (51: 57)
Le but de la création, d’après le Quran dans Surah Az-Zariyat (51:57), c’est zis pou adore Allah, et de ce fait, Salat (la prière ; 5 fois Namaz) li le plus important forme d’adoration dans l’Islam.
Ena trois éléments d’adoration (actes d’Ibaadat) dans l’Islam, ou bien nous capave appelle sa, ene préparation ou appel. Ena premièrement la purification, ou le Wuzu et ena aussi le Salat, c’est-à-dire, la prière en li-même. Et avant Salat, ena Azaan. Sakaine de sa bane éléments zot unir ensam et zot ena ene relation entre zot et péna aucaine séparation entre zot, parski couma Azaan proclamé : « Vine vers la prospérité », tandis ki Salat en li-même fine décrire dans Surah Ash-Shams (91: 10) – Bane ki purifié zot l’âme pou fer progrès.
Azaan li l’unique appel parmi tous bane religions, kot li pas constitué d’aucaine instruments, ki li la cloche l’église ou bien trompette juifs ou instruments d’autres religions. Le Azaan li proclamé dans ene langage ki tous dimounes capave compran bane pli grand principes de l’Islam, kot li fer le témoignage de l’existence d’ene sel Bondié, et ki Hazrat Muhammad (saws) li seulement ene Messager d’Allah. Sa joli l’appel (de la prière là) nous capave tende li très tôt le matin avant l’aube, kot sak Musulman li ena le devoir, d’après Sunna de Hazrat Muhammad (saws), pou repète sa bane paroles là ensam avec le Muezzin. Sa l’appel là li tellement joli ki li faire bane dimounes réagir plus vite ki toute sorte les autres kalités ton la musique, ki li sorti de la cloche ou trompette, parski sa bane l’instruments là, faudé ene kikaine ena notion de la musique pou ki li capave vine réceptif à sa kalité la musique là, et sa perception musical là, pas tous dimounes ki ena sa ! Par exemple, kan ena la mort et kan sonne la cloche pou annonce la mort ou bien souffler dans trompette dans ene tel façon ki sa évoque la frayeur, alors tous sa là indique ene la fin et ene punition divine (kan sonne trop fort dans trompette kot sa fer lékaire paniquer au lieu gagne la paix). Et tout sa là li bien le contraire de Bondié rempli de bonté et de miséricorde ki l’Islam pé prêcher, kot l’Islam pé appelle dimoune vers progrès et prospérité, ki li dans sa le monde ici-bas là et dans l’au-delà (Aakhirat).
C’est sa la raison ki fer dans Azaan ena sa répétition là : Vine vers le succès et vine vers la prière, kot sak appel veut dire bane les mondes séparer de l’existence. L’appel (Azaan) très tôt le matin kan à li, li signifié le réveil de nous tous nous l’âme intérieur, pareil couma pou la création ki prouvé par le réveil de la nature en entier, kot la noirté disparaite, et bane zoiseaux commence chanter et kot soleil commence fer apparaite so bane premiers rayons de lumière. L’acte de Wuzu, kot de l’eau bizin trempe bane l’aspé (membres) sensible de l’homme – so figure, sa li plisse encore éveille et rafraichi so intéllecte. L’Islam bizin ene réaction positive intellectuel comme distincte d’ene réaction rituel envers la prière.
Premier mot ki fine révélé du Quran c’est Iqra ou « Lire », kot sa li représente ene processus intellectuel de reconnaissance et d’évocation. Dans Surah An-Nisa (4: 43) Allah fine dire : « O bane croyants, pas approche la prière dans ene l’état de soulaison, ziska ki zot bien compran tous saki ou dire... » Sa encore prouvé ki Salat dans l’Islam li associé avec ene l’esprit clair et ene participation actif de tous nous lécorps, nous la chair et nous l’esprit.
Bien souvent dimounes mal comprend ki retire souliers c’est pour la pureté. Tandis ki sa li basé lors anecdote de Hazrat Moosa (as), ki, pendant ki li ti pé voyager dans désert, li fine gagne so premier rencontre avec la présence divine en forme d’ene buisson ki ti en feu et kot Allah fine commande li pou retire so souliers parski li ti pé déboute lors ene la terre sainte. (Taha 20: 13)
Retire nous deux souliers veut dire nous mette derrière nous sa deux les mondes là, nous renonce à zot, c’est-à-dire, Dunya (ki représente sa le monde visible et temporaire ici-bas là) et le Ghayb (l’au-delà, le monde invisible), afin ki nous rentre dans la présence d’Allah (kot kan nous fini renonce à sa deux le mondes là, nous rentre dans le monde éternelle de la félicité – kot nous gagne nous Allah même). Sa donne indications à bane symboles bien importants ki contenir dans rituels entiers de Salat kot li inclure aussi le Wudu, parski tous sa bane actions là ena ene dua approprié pou ki nous lire. Signification de Massah (kot nous mouille nous licou avec nous la mains mouillé) par exemple, sa action là li symbolize casse bane la chaine ki pou mette lors licou de celui ki fer péché le Jour Qayamat (Jour du Jugement).
Le Wudu li ene acte externe de purification ki mentionner (chronologiquement) dans le deuxième révélation – dans Surah Al-Mudathir (74: 5); tandis ki le Salat li représente la purification interne et ki mentionner dans Surah Ash-Shams (91: 10), kot fine dire : « En vérité, li pou réussi, celui ki purifier li (c’est-à-dire, so l’âme). »
Si nous analyse bien le Quran, nous pou trouver ki bien souvent bane termes Zakat et Salat zot mentionner ensam, kot le premier pé signifié ene croissance ou purification tandis ki Salat ena plusieurs significations, prend dépi la prière (Namaz) ziska efface tous nous bane péchés. Pou nous gagne ene réaction intellectuel à Salat, alors li bien essentiel ki nous apprécier l’importance de saki li représenter, par exemple, kan nous renforce le Saff (rangs dans Namaz en congrégation), sa pas juste veut dire discipline nous-mêmes lors ene la ligne droite, mais aussi li veut dire ki nous tous nous bizin mette nous lors ene telle la ligne de disciple kot na pas ena aucaine différence parmi bane croyants ki pé déboute ensam pour ene but commun, c’est-à-dire, Salat, kot nous tous pé prié ensam ene sel Dieu, et de ce fait, nous pé attrape fort le pilier le plus important de l’Islam. La prière (Salat) li vine en principe après le Kalima (Shahada – l’attestation de la foi en Islam) kot Salat li vine le deuxième pilier de l’Islam. Salat ena ene base legal, c’est-à-dire, kot li réglementé par Shariah, ki détermine bane la lois et règlements. Li ena ene base physique dans le fait ki plusieurs postures physiques fine prescrire kan pratique li (Salat). Li ena aussi bane valeurs personnel et communautaires (au niveau de la société), kot tous sa là combiné pou élever l’homme d’ene statut animal vers ene statut angélique, ki plus près d’Allah (de l’essence d’Allah).
De l’autre côté, le Créateur, Allah (swt) Li en contacte permanent avec So création, ki mentionner à travers couche supra-conscient de l’esprit humain. Structure de la personnalité humain li sorti de bane sources du Quran, et sa structure là li tri-dimensionnel (li ena trois dimensions). Ena la consistance psychique, et aussi ene partie physique et transcendantale. Sakaine de sa bane divisions là zot mutuellement interactif, zot dépende ene à l’autre et zot co-existé. La prière li ene acte naturel, kot li à la fois ene l’exercice psychologique et physique, parski li contenir en li-mêmes bane tels actes couma cabosse lécorps couma dans Ruku (cabosse le corps la moitié), Qiyaam (position deboute), et Sijda (prosternation) ; et li contenir aussi bane pauses, ene tranquillité, kot ena démonstration de la pitié, l’adoration, la soumission, l’humiliation de soi (kot nous humilier nous devant Allah), parmi d’autres actes encore. A travers tous sa bane actes là, bane joints de nous le corps pou ena mouvements et pou relaxe. En plusse de sa, la plupart de nous bane organes, spécialement l’estomac et bas-ventre, pou bénéficier de sa bane mouvements là aussi. Tous sa bane actes là zot assez puissant pou debarasse l’homme de deux types de malpropreté physique, c’est-à-dire, tata et pipi, et li aide pou facilite passage manger dans le corps et facilite débarrasse le corps de bagasse de l’estomac.
Ena ene Hadith du Saint Prophète (saws) ki dire : « Digère zot manger avec le nom d’Allah et en faire mention de Li (Allah). » Sa c’est la raison ki accepter ki c’est la raison ki fer bizin fer le Salaatul Tarawih (Namaz Nafil), parski c’est dans Namaz ki ene kikaine gagne le meilleur de sa le monde là (en la forme de nourriture physique ki ene bénédiction) et aussi bane les autres avantages ki ene kikaine pou gagner dans l’autre monde, Aakhirat.
Bane différents postures de Salat :
Takbir : Sa acte de lève la mains li présent dans tous bane ancien traditions sémitiques, et li ene acte de salutations, ki encore présent dans nous l’époque moderne. Sa acte là li ene exercice pou lébras et muscles z’épaules.
Qiyaam ou position deboute: Sa li donne meilleur résultat pou mouvement bane muscles colonnes vertebrales, aussi bien ki muscles la jambes et l’estomac.
Ruku ou cabosse lécorps: Sa position là li fer travail (élargi) bane muscles de nous la jambes (partie haut) et bane muscles colonnes vertébrales tandis ki li restreindre bane muscles de l’abdomen (ki inclure l’estoma, colon, ti intestin, léfoi, sac la bile, la ratte, et pancréas). Sa amène vers compression de bane contenus de l’abdomen, kot sa résulte dans ene changement de position de diaphragme. Ruku li aide pou pompe disang vers le cœur. Li pas surprenant ki bane premier Ulama (savants) de la médecine ti familier avec sa réaction là kan ti pé dire ki le Ruku li redresse le cœur, et zot ti pé refère à sa retour d’ene grand quantité disang ki pompé vers le cœur ki cause ene augmentation dans débit (battement) cardiaque.
Le Ruku ti aussi recommander pou bane avec bane l’estoma larges, et bane tels médecins (Ulama) ti pé dire ki Ruku li tonifier bane muscles de l’abdomen. La prosternation (Sijda) : sa aussi li pli compresse bane contenus de cavité de l’abdomen, kot sa facilite la digestion ; li augmente aussi circulation disang vers cerveau et la tête (figure, zoreilles) et li éclairci la tête.
La prosternation li aide aussi pou ouvert bane narines et li ene guérison pou bane mal de tête. Sa li ene allusion à ene drainage postural pou sinusite ki encore préconisé aujourd'hui.
Taslim (Salam) : « Li aide pou bien tender et li guéri vertige » qui confirmé par bane conclusions modernes, kot augmentation dans circulation dans bane muscles cervicaux (licou) li conduire à ene meilleure circulation de l'oreille moyenne (kot ena sa organe ki permette nous pou tender et ki maintenir balance de nous le corps et capacité pou tender), et dans le cas de bane spasmes cervicale ki conduire à ene diminution dans circulation vers Médulle (partie cerveau ki contrôle nous respiration, digestion, pou) kot sa bane spasmes cervicale là fer nous gagne bane symptômes d’étourdissements (vertiges), perte d'équilibre, la surdité (kot nous zoreilles arrête fonctionner) et kot sa capave amène même vers confusion mentale. Alors le fer Salaam les deux côté avant termine Namaz li évite tous sa là.
Namaz li débarasse nous le corps de tous saki na pas bon, couma bane maladies, l’infirmité et li faire l’homme découvert so propre afin ki li faire zeffort pou rende parfait saki bon et pou abandonner saki pas bon. C’est à travers nous Namaz (Salat) ki nous capave trouve dessane le pouvoir d’Allah et sa nous capave trouve sa à travers la lumière ou vision d’Allah, nous Créateur. Salat faire bane dimounes goûte plaisir et li enlève bane mauvais pensées et li teigne difé colère. Tout comme le corps li recommandée pour appaize la colère lors le fait ki colère fine créé à partir Shaytane, ki fine créer avec difé, et alors pou teigne sa difé là, bizin de l’eau. Pareil couma de l’eau teigne difé, pareillement Namaz teigne difé de la colère, frustration et bane conflits (discutions, la guerre etc.).
|
