|
بسم الله الرحمن الرحيم
Khutba Jummah
HAZRAT KHALIFATULLAH AL-MASSIH AL-MA’OUD
Munir Ahmad Azim
(11 Jamadul Awwal 1432 de l’Hégire)
(Résumé Khutba)
Après Salam, Hazrat Khalifatullah Al-Massih Al-Maoud fine commence so Khutba avec Tashahhud, Ta’uz, Surah Al Fatiha, et ensuite li fine cause lors l’importance de la barbe dans l’Islam:
Dépi aussi lontan ki mo rappelle, mo ti toujours bien encolère à propos ki bane musulmans pas garde la barbe pareil couma l’Islam prêcher. Mo fine personnellement remarqué ki plusieurs hommes et jeunes hommes dans plusieurs Jamaat et aussi dans Jamaat Ahmadiyya et surtout bane Molvis dans Jamaat Ahmadiyya préfère suivre la mode et pas garde la barbe couma bizin ou sois zot rase li carrément, comme-ci dirai, zot pas ena aucaine l’envie pou préserve sa Sunnah de nous bien-aimé prophète Muhammad (saws).
Mo ti en colère à chaque fois ki mo ti pé trouve sa bane Molvis Ahmadi avec zot la barbe dernier modèle (à la mode) et même fine ena plusieurs amirs du Jamaat et bane membres (Amila) comité central ki pas ti conne nannié concernant l’utilité et valeur de la barbe. Si mo sentiment envers sa Sunnah là ti aussi fort, c’est parski mo ti remarqué ki beaucoup dimounes ti pé néglige sa Sunnah, et ki ziska réssament, personne pas pé fer zeffort pou mette li en pratique.
Dans ene Hadith, Hazrat Aïsha (ra) fine rapporter ki Rassoollullah (saws) fine dire : « Dix kitchoses zot (fitrat) « naturel » et parmi ena, taille la moustache et laisse la barbe pousser ki mentionnés. » (Abu Dawood)
‘Fitrat’ signifie manière (Sunnah) de tous bane prophètes. Sa 10 kitchoses là, kot parmi nous capave cite taille moustache (c.àd, garde li dans ene dimension raisonnable – pas longue et touffu !) et garde la barbe longue comme étant bane commandements ki tous bane prophètes (as) fine mette en pratique, et alors, nous aussi, bane missiés et jeunes hommes, nous bizin suivre zot l’exemple.
Allah dire dans Quran : « C’est sa bane là ki Allah fine guider, alors, suivre zot l’exemple. » (Surah Al-Anâm V. 91).
C’est ene Aayat (verset) ki trouve dans 7ème Juzz (partie), kot, après avoir ki fine mentionne bane noms de bane différents prophètes, Rassoollullah (saws) li gagne sa commandement là (kot Allah ouler dire li): « Sa bane dimounes là, zot ti couma Allah fine guide zot, alors toi aussi (Ô Muhammad – saws), suivre zot l’exemple ».
Dans ene l’autre Hadith rapporté par Abu Huraira (ra) Rassoollullah (saws) fine dire : « Parmi Fitrat (Dîn) de l’Islam, nous trouve taille (corrige) moustache et garde la barbe longue parski bane Majoos (adorateurs du feu) ki pé garde bane longues moustaches et ti pé rase la barbe. Alors différencier zot de zot (sa bane dimounes là) en taillant zot moustache et en gardant zot la barbe longue. »
Dans sa Hadith là, Rassoollullah (saws) fine déclaré ki garde la barbe longue li ene nécessité fondamentale de l’Islam et li fine décrire raze la barbe comme ene caractéristique de bane Majoos (adorateurs du feu). Dans ene Hadith très connu, fine rapporté ki li (saws) fine dire : « Quiconque imite ene peuple li pou considéré comme appartenant à sa bane peuples là ».
C’est pourquoi Rassoollullah fine ordonne nous pou différencier nous de bane Majoos. Li évident (clair) ki laisse la barbe pousser li ene commandement Islamique et tous bane prophètes (as) sans exception fine d’accord sur sa point là. Donc, bane ki ena sa l’idée fausse ki garde la barbe longue ti ene coutume arabe bien avant l’arrivée de Rassoollullah (saws) alors li pé fer erreur et zot argument zot sans fondement.
Ki Allah, par So grâce et So bonté, guide nous tous pou agir selon bane l’enseignements de Rassoollullah (saws) et ki Li donne nous aussi la force pou retenir nous pou pas commette bane mauvaises actions et pou protège nous de bane différents avertissement ki LI fine donner à plusieurs reprises.
Ibn Umar (ra) fine aussi rapporté de Rassoollullah (saws) ki bane musulmans ti pé aussi différencier zot de bane Moushrikeen (Bane ki donne bane associés à Allah) en gardant zot la barbe longue et en taillant zot moustache (c.à.d, sois zot ti pé tire zot moustache ou sois garde li très très courte). Zaid ibn Arqam (ra) rapporter ki Rassoollullah (saws) fine dire : « Celui ki pas taille zot moustache (c.à.d, garde li bien courte) li pas forme partie de nous. » (Ahmad, Tirmizi).
Alors guette ki kalité sa avertissement li sévère! Bane dimounes ki garde longues moustaches prend zot couma bane membres parmi l’élite (grands dimounes) de bane musulmans et zot écrire lors bane registres officiels ki zot bane musulmans, mais Rassoollullah (saws) refuse pou accepter zot comme bane membres de so l’Ummah !
Ene dimoune ki ena ene bon nature (li ene bon dimoune) li pas pou content pou garde so moustache longue attention di thé, de l’eau ou bane lézot boissons passe par so moustache avant rentre dans so la bouche. Si ene dimoune dire zot alle lave zot moustache avant ki zot boire de l’eau, zot pou eprouve ene dégoût. Mais kan sak gorgée de sa boisson ki ou pé boire li inonde ou moustache avant ki li rentre dans la bouche, elle est avalée sans dégoût.
La barbe sa li ene sujet très important kot nous l’attention bizin attirée, parski beaucoup dimoune considère raze la barbe comme mauvais et alors, zot pas razer.
Mais seulement, zot pas considère ki garde zis ene ti la barbe ki sa pas correcte ! et zot sans aucaine tracas, zot alle taille li (zot la barbe) bien courte, tandis ki Sharia ordonner pou garde la barbe, mais seulement pas dans n’importe ki façon. Sharia fine prescrire ki longueur bizin garde la barbe – longueur ene poignée (enba menton).
Dans « Abou Dawood » fine mentionné : « Nous ti habituer laisse nous bane la barbes pousser en longueur et en largeur sauf pendant Hadj ou Umrah. » (C’est-à-dire, après sa, nous ti pé corrige li)
Li donc clair ki bane Sahaba ti ena généralement l’habitude pou laisse zot la barbe pousser pendant l’année et après Hadj ou Umrah, zot ti pé coupe bane partie ki en plisse. C’est aussi ene fait ki la barbe de Rassoollullah (saws) ti dans longueur d’ene poignée ou bien li ti impé pli grand. Et c’est pourquoi li ti pé fer Khilaal (c.à.d, peigne so la barbe avec les doigts), et li ti pé servi ene peigne pou redresse li. La barbe là ti tellement épais et touffe ki li ti pé récouvert là-haut so poitrine.
Rassoollullah (saws) fine ordonne à so bane Sahaba et à so Oummat, pou laisse zot la barbe pousser et pou fer sa vine ene symbole pou ki capave facilement reconnaite ene musulman. Sa symbole là ti bizin ene symbole servi par bane musulman, et sa bizin vine uniforme d’ene musulman. Alors li pas permette pou raze la barbe (tire la barbe nette), ni pou coupe la barbe fine courte, et fer sa tipti comme ene ene la mode pareil couma bane Molvi et amirs dans Jamaat Ahmadiyya pé fer.
Maintenant ki le fait fine clairement établi ki raze la barbe complètement ou pou raccourci li c’est ene péché ; alors bane ki, continuer persister pou fer sa, et ki prend la barbe comme ene kitchose ki zot pas content préserver, ki moque de bane dimounes ki garde la barbe, alors pour sa bane kalité dimounes là, li bien difficile pou conserve zot la foi (Iman). Li vine bien important ki zot repentir tout de suite et ki zot renouvelle zot Iman, et ki zot fer zot l’apparence (zot visage) vine couma bane l’enseignements d’Allah et de So Rassool (saws) fine prescrire.
Logiquement aussi, la barbe li pour bane z’hommes couma cheveux li pour bane madames, tous les deux zot bane créations de beauté (la barbe et cheveux). Si le fait pou raze ou coupe cheveux d’ene madame rende li vilain, alors couma pour ene z’homme, kan li raze so la barbe, eski sa pas pou détruire so l’apparence ? En vérité, péna lézot explication ki kot nous (dans l’Islam) si bane z’hommes pé raze zot la barbe, alors zot pé suive bane coutumes étrangers et zot fine aveugler par sa, kot zot fine perdi zot bon sense et zot raisonnement, et kot sa créer beaucoup désordre kot dimounes pas conner ki bizin suive et ki pas bizin suivre.
Bane ki raze zot la barbe (complètement) ou bien trop courte zot bane dimounes désobéissants (envers Allah), malgré ki pays zot sorti. Ena dimoune ki razé pou paraite pli jeune et pou cachiette zot l’âge, couma dire zot penser ki zot alle gagne bane qualifications dans zot l’âge actuelles, alors sa pou embarrassant pou zot. Sa aussi c’est ene raisonnement bien bête. L’âge li ene cadeau d’Allah ; pli ou fine vivre beaucoup l’années, pli sa ene grand bienfait. Essaye cachiette ou l’âge, li en réalité, ene sorte d’ingratitude envers sa bienfait (ni’mat) ki ou fine recevoir là. Si ou gagne n’importe ki forme de qualification, malgré ki ou fine arrive dans l’âge ene ti peu, sa O fait li ene l’honneur et li parfaitement digne d’admiration.
En effet, zot l’ardeur pour atteindre la perfection dans ene matière à sa âge là, li ene grand pas ki dimoune ti bizin rode copier. Et si pour certains imbéciles, garde la barbe li ene cause d’embarras, alors sa bane dimounes là bizin garde à l’esprit ki beaucoup de bane Kuffar (non-croyants) ena ene mauvais l’opinion lors bane musulmans kot zot penser ki bane musulman zot ene cause d’embarras et de retard (kot zot prend la religion Islam, ene religion ki perdi létemps).
Nawzobillah, eski alors nous bizin abandonne l’Islam? De la même façon ki nous pas pou abandonne l’Islam sous prétexte ki bane Kuffar considère li comme ene défaut et ene cause de retard, alors kifaire eski nous bizin néglige le symbole et l’apparence de l’Islam (c.à.d, la barbe) sous prétexte ki détrois fassiq penser ki garde la barbe longue li ene gêne et ki li change négativement l’apparence d’ene kikaine? Tout cela, c’est bane mauvais l’idées ki Shaytaan fine mette dans l’esprit.
Incha-Allah mo pou contigne sa Khutba lor l’importance de la barbe la semaine prochaine ; Ki Allah donne nous ‘Tawfiq’, la force et le courage pou conforme nous à l’Islam et pou pratique li couma Rassoollullah (saws) fine enseigne nous. Amîne. |
