بسم الله الرحمن الرحيم

 

Khutba Jummah

 

HAZRAT KHALIFATULLAH AL-MASSIH AL-MA’OUD

 

Munir Ahmad Azim

 

16 Décembre 2011 ~

(20 Muharram 1433 Hijri)

 

(Résumé Khutba)

 

Après Salam, Hazrat Khalifatullah fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ

 

Wa-‘adallaa-hullazina ‘aamanuu minkum wa ‘amilus-saalihaati layastakh-lifannahum fil-‘ardi kamastakh-lafallaziina-min qablihim...

 

« Allah fine promette à bane d’entre zot ki croire et ki fer bane bons travails (action) ki Li pou fer zot vine certainement bane succésseurs (Khalifa) lors la terre... » (Surah An Noor 24: 56)

 

A la lumière de sa verset Quran ki mo fine lire devant zot azordi, mo pé adresse zot, O mo bane frères, sœurs et jeunes, pou dire zot ki l’objet pour ki Allah fine établir fondation de la foi de Muhammad (saws) li maintenant sur le point pou réaliser. Pense bien ki après Moussa (as) le Khilafat fine être de courte durée, mais après  Issa (as), parski bane ki fine vini avant Hazrat Issa (as), c’était bane Khalifa d’Allah, non pas Khalifa élu de l’homme, parski sa bane là (bane ki fine élu par l’homme) fine montrer zot l’arrogance et zot fine rejette le Messie Hazrat Issa (as) et zot fine persécute li. Malgré ki sa institution là fine continuer exister pendant plisse ki 2000 ans, d’ene façon ou d’ene l’autre, mais c’est pas l’homme ki dirige li (sa institution là), surtout en ce ki concerne ene Khilafat établi par Allah même, ene Khilafat Divine. Si nous guette ene coup bane Khalifa élu par l’homme, alors nous pou constater ki zot seulement temporaires. De ce fait, le Khilafat ki fine succède à Nabi Kareem (saws) zot ti temporaire, pareil couma le Khilafat du Messie Promis (as). Mais zamais, non zamais le Khilafat d’Allah li pas temporaire, parski c’est ene institution ki fine promouvoir par la main d’Allah pour l’ré-unification de l’Islam et de l’humanité dans so l’ensemble comme ene preuve incontestable de la véracité de l’Islam et de Nabi Kareem Muhammad (saws).

 

C’est en sa même manteau de Khilafat Divine ki mo fine apparaite dans sa siècle là par la grâce d’Allah pou dirige tous bane l’âmes perdu et aussi tout bane amoureux d’Allah vers zot Salut. Mo fine vini comme le Calife d’Allah (Khalifatullah) pou continuer le travail de Nabi Kareem Muhammad (saws) et du Messie Promis (saws) ; et mo venue fine décrétée par Allah car bane enseignements divines fine bafoué dans la main de l’homme. L’homme malheureusement fine construire pour li ene la tour de folie de grandeur à travers beaucoup beaucoup innovations (Bidat) et le Chirk (kan zot associer bane les autres partenaires avec Allah). Sa deux poisons fine infiltré le cœur de zot tous; même bane dimounes pieux zot pas à l’abri de sa bane danger là (zot capave basculer !).

 

Alors comprend sa bien ; ministère de sak Prophète ena toujours deux l’époques. Ene l’époque concerne so propre la vie et l’autre ena tré (trait) avec période ki suive immédiatement après so la mort, et sakaine de sa l’époques là commence avec bane révélations divines. Partie qui concerne li (prophète là) manifester à l’âge de 30 à 40 ans, kan mission pou réformer so peuple fine confier à li (par Allah). Deuxième phase là commence au moment de so la mort alors ki nannié pas encore décidé pour l’avenir. A sa moment là, parmi bane dimounes pieux, ena le besoin pou trouve quelqu’un d’ene façon mystérieux et pou amène li pou entreprendre bane actions ki nécessaires pour l’administration future de la communauté,  et si sa l’homme choisi par l’homme li pieux, Muttaqi, alors li va faire so travail seul pour le plaisir d’Allah et avec la crainte d’Allah en suivant bane commandements Quran Shareef et bane Sunnah du Saint Prophète Muhammad (saws) afin pour dirige la communauté lors le chemin droit ki fine établie par Allah. Mais kan avec le temps l’homme choisi par l’homme vine arrogant kot li prend li-même comme Dieu lors la terre, et applique certains la lois ki zot à l’encontre du Quran Shareef et ki contre bane Sunnah du Saint Prophète de l’Islam (saws), et de par so soif de pouvoir li entraine et encourage bane dimounes pou bafouer bane vrais l’enseignements d’Allah et pou commettre bons nombres de bane innovations et de Shirk au nom de la religion, alors Allah (swt) Li pas laisse sa situation alle dégrader. Pour mette ene stop à tous bane formes d’innovations et de Shirk commi par l’homme, bane tels poisons extrêmement fort ki détruire la foi en ene sel Allah, alors Allah Li personnellement  envoye So Élu pour faire ene réforme. Comme le message de Nabi Kareem Muhammad (saws) li universel, alors tous bane Khalifa d’Allah (Khalifatullah) ki pou vini par la suite (après le Prophète de l’Islam) zot aussi zot pou de caractère universel.

 

En vérité Allah fine révèle à So bien-aimé prophète (saws) comme conclusion de so mission prophétique : « Aujourd’hui, Mo fine parfaire pou toi to religion, et fine accompli lors toi Mo bienfait. Et sa fer Moi plaisir pou donne toi Islam comme religion. » (5: 4)

 

Kan Allah fine depuis longtemps parfaire sa religion là, eski zot penser ki Li pou délaisse So religion, ene vrai religion ki Li fine établir pour l’adoration d’Allah ? En vérité, le Quran li témoin ki Allah fine promette ki c’est Li (Allah) ki pou Gardien de sa Livre là, et ki c’est Li ki pou préserve So bane l’enseignements. Couma eski li pou accompli sa travail là ? Eski Li (Allah) pou dessane dépi léciel pou accompli sa parole là là ou eski Li envoye de temps en temps So bane représentants, bane prophètes et messagers pour la réforme de l’Islam, et pou ranime la terre après so la mort ?  Alors la réponse à tous sa bane questions c’est ene Non catégorique ! La terre, O mo bane camarades, c’est le corps de l’Islam. L’Islam li ena le besoin pou recevoir la pluie divine, bane faveurs de la révélation afin ki bane Élus d’Allah capave dirige bane dimounes et faire zot mette en pratique bane l’enseignements Quran dans zot la vie de tous les jours. Allah pas pou laisse bane dimounes bafouer So bane l’enseignements et pou vante zot de sa éternellement. Kan la religion li en déclin, alors Allah prend en main la situation et envoye So Messager élu et confié li la mission prophétique afin pou faire revivre la religion.

 

De nos jours, lé cœur li triste pou constater ki ena bons nombres de bane dimounes ki pé rentre dans l’Islam seulement lors papier ou verbalement sans sans ki sa change zot l’état d’âme. Zot vine bane Musulmans que de noms ! Zot Bai’at (serment de fidélité) à l’Islam zot lors bane papiers ki zis bons pou brûler, parski zot bane actions pas reflecter dans aucaine façon vrai l’Islam (soumission totale à Allah). Au contraire, azordi jour nous témoin couma ena ene soumission complète au calife ki fine élu par la main de l’homme, et sa même calife li apprécier ki bane dimounes fine prend li comme zot idole lors la terre. Définitivement sa genre de « dévotion » là li tout à fait ene Shirk et bane Musulmans Ahmadi zot pou bizin rende compte de sa Shirk là auprès d’Allah, parski le Shirk li le plus pire de bane péchés, ene péché abominable dans lizié d’Allah. Zot préfère satisfaire zot idole au lieu de satisfaire le Créateur de l’univers. Kan sa situation alle dépasse tous bane bornes, alors Allah impose So volonté car c’est Li le Possesseur de tout pouvoir, et c’est en vérité Li qui élève So Muhyi-ud-Din (Revivificateur de la religion), So Khalifatullah avec le Ruh-il-Qouddous (le Saint Esprit).

 

Alors zot bane jeunes et bane âgées aussi ki forme bane branches de pié z’olive de la foi de Muhammad (saws) et bane bourgeons précieux (de sa pié en fleur) du Jamaat Ul Sahih Al Islam ! Écoute l’appel de zot Rab. Ki Allah béni zot car zot fine rallier avec fidélité autour flambeau du Khalifatullah de sa l’époque là.

 

Garde sa bien dans zot l’esprit ki c’est Allah qui m’a choisi comme So Khalifa (Khalifatullah). Celui ki prétendre ki mo fine faire mo-même vine Khalifatullah seulement par ene pure désir pou vine Khalifa afin pou créer fitna (désordre) dans Jamaat Ahmadiyya, alors sa kalité dimoune sans raisonnement et ignorant là li ene menteur. Si ou étudier le Quran Shareef, zot pou comprend kifer bane dimounes (l’homme) zot péna zot mot à dire dans sa contexte là, parski Allah élève celui ki Li envie comme So représentant (Khalifatullah) avec le Ruh-il-Qouddous (bane révélations divines).

 

Mo prend Allah comme témoin, zamais mo pas fine éprouve le désir pou vine Khalifatullah ou réformateur et mo pas fine même implore Allah pou ki Li choisir moi pour sa bane fonctions là. C’est Allah Li-même de par So grâce immense ki fine choisir moi comme So Khalifa et mo-même mo étonner couma Allah fine capave choisir ene telle dimounes aussi faible ki moi. Mais malgré tout sa, le fait rester ki c’est Li ki fine choisir moi et astaire personne (no man in the power of man) pas capave retire sa manteau (ki Allah fine confier moi) de moi. C’est seulement par So grâce ki mo fine recevoir sa manteau là et c’est Li, mo Allah ki pou toujours mo Soutien. Moi mo vraiment faible, mais mo Allah li puissant. Mo fragile, mais mo Allah Li Omnipotent. Mo sans ressources, mais mo Allah li le Créateur de tous bane moyens. Péna aucaine doute ki mo sans défense, mais c’est mo Allah ki pou vine à mo secours avec So bane anges. Mo péna bane forteresses, mais mo Protecteur li Celui ki en dehors de Li mo péna aucaine les autres protecteurs. Mo bane adversaires et bane ki pense mal pou moi capave fer saki zot envie mais zamais zot pou capave gagne ene Chayne (la paix) après ki zot fine cause de mal et traite sa humble serviteur et Khalifatullah là de menteur.

 

Maintenant mo mette devant zot certains réfutations de bane correspondances ki fine vini lors bane emails officielle Jamaat Ul Sahih Al Islam.

 

1. Dans so bane correspondances lors bane emails en group (depuis Novembre 2011), Mansoor Ahmed dire ki Munir Ahmad Sahib fine reste sans paroles, pas fine capave dire ene sel mot... Mansoor Ahmed prétendre li-même le grand défenseur de Janbah Sahib et so nom mo fine mentionner dans mo challenge de Mubahila et li pé jouer sauver, kan par la grâce d’Allah li fine gagne ene l’occasion en or pour prouve véracité de Janbah Sahib et li-même ki li lors le droit chemin et li dire ki Mubahila Challenge bizin envoye officiellement et directement à Abdul Ghaffaar Sahib.

 

Azordi 16 Décembre 2011 (avant Jummah) mo recevoir sa email là de Mansoor Ahmed (disciple de A.G.Janbah Sahib) :

 

“Cher Munir Ahmad Azim & Fazil Jamal Sahib,

اسلام علیکم ورحمۃاللہ وبرکاۃ۔

Mo espéré zot tous les deux en bonne santé (Aamin). S’il vous plait, trouve attacher la réponse de nous Imam Abdul Ghaffar Janbah Sahib en réponse de ou Challenge de Mubahila. S’il vous plait envoye ene copie signé (ou signature) de sa Challenge de Mubahila là après ki ou (Munir Ahmad Azim) et ou disciple Fazil Jamal Sahib fine mette zot bane signatures. S’il vous plait envoye sa copie signé de Challenge de Mubahila là immédiatement ziska ene semaine parski nous Imam Abdul Ghaffar Janbah Sahib pas pou dans office (out of office) pendant quelques temps. Si nous recevoir ou copie signé de Mubahila Challenge après ene semaine pendant ki nous Imam li out of office, abé alors pou ena retard dans nous (c-à-d Janbah et Mansoor Sahib) signe sa Mubahila là. Alors mo request zot deux pou signer et envoye ene copie signer de sa Challenge de Mubahila là aussitot ki possible pou ki nous tous les deux capave d’après ou desire signe sa Challenge de Mubahila là! Mo remercier en avance pou donne ene réponse au plus vite. Sincerement, Mansoor Ahmed, 15 Decembre 2011.”

 

Si li pas conner, Mansoor Ahmed bizin demande so Guru Janbah Sahib, et moi et mo Jamaat entier nous fine mette sa officiellement et mo-même mo fine fini signé (Document Mubahila là depuis Novembre 2011 et li fini alle international lors mo website, kot mo fini signer en mo nom personelle et nom de tous membres de mo Jamaat !) ; alors vine de l’avant, kot zot capave prouve zot véracité. Et moi comme le Khalifatullah de sa l’époque là, mo pou suive révélation ki Allah (swt) fine déverse lors moi. Et zot dire ki zot Guru Janbah Sahib bien occupé pour le moment et laisse mo dire li, ki moi aussi mo bien bien occupé, mais kan il s’agit pour prouve à tous Musulmans et l’humanité en entier concernant ki Allah (swt) fine élève moi comme So Vice-gérant dans sa siècle là, et Allah pé déverse So bane révélations divines lors moi par So grâce immense, alors ki faire mo bizin jouer sauver ? Au contraire, Allah fine fini rassure moi dans mo véracité et mo vine de Li, Al-Haqq. Alors vine dans la cour d’Allah ; celui ki fausse et menteur, Allah (swt) va trancher !

 

Le Jour ki Janbah Sahib envoye sa lettre en Urdu là, ki faire croire li fine soi-disant accepter le Mubahila. Avant ki so lettre vine devant moi, Allah (swt) révèle moi sa verset Quran là:

 

Falaa tahinuu wa tad-‘uuu ‘ilas-salmi wa ‘antumul-‘a’-lawna wallaahu ma-‘akum wa layy-yatirakum ‘a’-maalakum. (Pas céder et pas demande la paix. C’est ou ki pou sorti victorieux. Allah avec ou et zamais Li pas pou fer ou bane actions perdi zot valeur).

 

Kan ou accepter ene Mubahila ou Challenge, kot mo fine fini signer, li ti bizin signer, mais pas fine tende ni li, ni Mansoor Ahmed et li Mansoor Ahmed pas fine tende li ditout et li pas fine signer tous pareil. Couma ou envoye ene lettre officiel et ou pas mette ou signature, eski lettre là ena so valeur ? Janbah ene dimoune intelligent ; li bizin conner ki li bien important pou mettre so signature et vine dans la cour d’Allah. So réponse, c’est ene réponse vague, sans l’importance et péna aucaine utilité dans lizié d’Allah. Alors mo attane li et aussi Mansoor Ahmed mette zot signature, et Janbah bizin mette so signature et le sceau de so Jamaat officiellement ensam kot mo signature et le sceau de mo Jamaat. Mo attane sa le plus vite possible, Insha-Allah.

 

Mansoor Ahmed Sahib, Janbah Sahib et même Shabeeb Haneef Sahib, pas vine fer palabre, écrire ou cause bane causer ki péna aucaine sense. Mo pas fine vini seulement pour zot trois moi ; mo fine vini pour le monde entier (pour tous la religion, pour bane musulmans et bane Ahmadis aussi).

 

« Innanii lakum-minhu Naziiruwwa bashir » (Kan à moi, mo fine vine parmi ou, comme (Allah) So envoyé, pour averti ou et pou donne ou bon nouvelle).

 

Mo péna létemps pou perdi avec bane dimoune couma zot. Si zot trouver ki mo fausse, alors prouver ki zot vrai et vine dans la cour d’Allah, sans aucaine dispute lors internet kot sakaine pé rode montrer ki c’est li ki vrai et ki c’est li ki dans la vérité. Alors pour pas perdi le temps dans bane débats inutile et sakaine pé dire ki li vrai et moi mo fausse, alors nek signe le forme de Mubahila et faire le monde conner ki sa fine alle dans la cour d’Allah, le plus grand Juge, et zot pé gagne ene grand l’occasion pour dénonce moi et montrer le monde ki mo fausse, ki mo va mal fini dans la main d’Allah, et sa pour ene grand victoire pour zot vis-à-vis le monde. Dans la cour d’Allah, péna saper là-dans. Allah pou fer sa vine zéro parski Allah pas laisse travail bane menteurs, méchants prospérer. La vérité fine vine devant ou depuis kot ou Maitre. Celui ki suive bon chemin, li faire sa pour bénéficier so propre n’âme. Mais celui ki égarer entre nous, so égarement alle contre so n’âme. Moi, mo pas là pour surveille ou, ou sois pou occupe ou zaffaires. Mo ena patience par patience ki vine d’Allah. Mo attane ki zot signe le challenge de Mubahila. Moi et mo Jamaat pou prend patience jusqu’à ki Allah (swt) décider.

 

Shabeeb Haneef Sahib pé cause grand grand causer et li pé amène ene bien mauvais rôle, pas couma ene bon et vrai musulman – ene dimoune double visage et double langage kot li email Mansoor Ahmed le 25 Novembre 2011, li dire ki même si li pas croire dans Janbah Sahib, mais si compare mo Khutba Jummah avec document préparer par Mansoor Sahib, alors pour li définitivement document Mansoor Sahib ena le dessus lors mo réponse. Mais seulement après li dire ki li pas forme partie de sakaine de nous deux nous group. Alors Shabeeb Haneef Sahib pé apprécier toute sorte de faussetés ki Mansoor Ahmed Sahib et Janbah Sahib fine dire lors Hazrat Mirza Bashiruddin Mahmud Ahmad (ra). Li accepter vine ene supporter de Janbah Sahib et Mansoor Sahib même si sa bane là cause toutes sortes kalités insanités lors le 2^ème Khalifa. Li bouilli de rage parski mo dire certains vérités ki pé passé dans Jamaat Ahmadiyya et séki 5^ème Khalifa et so bane Amir pé faire. Sa kalité dimoune couma Shabeeb Haneef là, zot désire séki ene malheur tombe lors ou. Zot la haine paraite depuis zot la bouche malgré zot dire « With Love », mais saki zot lékaire cassiette plus mauvais encore. Déshonneur tombe lors zot partout kot zot été parski zot fine appelle colère Allah lors zot-même, et la misère aussi pour tombe lors sa bane kalité dimounes couma Shabeeb Haneef Sahib là. Li pas seulement pé rejette signes Allah, aussi bane couma li pé dépasse tout limites. Shabeeb Haneef Sahib ena sa mentalité là dans li, ki si ene kitchose de bon arrive ou, sa faire li chagrin, mais si kitchose de mauvais tombe lors ou, voilà ki li bien content.

 

Mais ou bane membres du Sahih al Islam, si ou ena patience et suivre chemin Allah, so complot pas pou fer ou aucaine ditort. Allah (swt) pour encercler li dans tout séki li faire.

 

« Wa alallahi falyata wakkalil-muminuun » (C’est lors Allah ki bane ki ena la foi bizin place zot confiance)

 

Dimoune couma Shabeeb Haneef Sahib, parmi bane membres Sahih al Islam capave ena ki content et ena l’amitié pour li, mais li pas ena aucaine l’amour, ni l’amitié pour ou et kan li tousel, li morde so boute lédoigt avec la rage contre ou. Moi, mo dire li « mort avec to la rage parski Allah conné saki ena dans to lékaire. » Eski ou capave faire bane sourdes tender, et surtout kan sa bane kalités dimounes là pas servi zot l’intelligence. Eski ou capave guide bane aveugles, même si li pas trouve clair ? Pense bien, Allah pas faire aucaine injustice à dimoune (surtout couma Shabeeb Haneef Sahib), mais c’est zot même ki faire du mal à zot-même. Shabeeb Haneef Sahib, ou conné : « Amalii wa lakum amalukum ! Antum-barii-uuna mimmaaa amalu wa ana ba-riii-um-mimmaa tamaluun ! » (Séki mo fer concerne moi, et séki ou faire concerne ou. Ou pas responsable pou mo actions et mo pas responsable de ou actions).

 

2. Mushtaq Malik fine traite 4 dimounes UNPIOUS (pas pieux) de parmi bane ki dire ki zot vine de côté d’Allah, et li fine mette moi aussi parmi sa 4 là. Avec tout respé ki mo ena pour Mushtaq Malik Sahib, mo dire li ki la plupart parmi zot suive seulement zot propre imagination, mais imagination pas capave vine plus fort ki la vérité en aucaine façon. Et mo dire Mushtaq Malik Sahib ki Hazrat Mirza Bashiruddin Mahmood Ahmad li le vrai Musleh Maoud et li sa PIOUS son of Hazrat Massih Maoud (as) là.

 

« Wa Rabbiii innahuu la-haqq ! » (Mo fer serment avec nom mo Maitre, sa li vrai)

 

Malgré tout bouffon ki li capave fer lors li ou lors moi, à propos sa réponse inspiré lors Nikah de Hazrat Massih Maoud (as) avec so madame ki Allah ti dire ki Li fine marier li dans léciel, alors Mushtaq Malik fine fer bouffon lors là, mais sa réponse là c’est seulement pou fer zot, bane ignorants réaliser ki tout pouvoir trouve dans la main d’Allah. Guetter même dans l’époque de nous bien-aimé prophète Hazrat Muhammad (saws), bane infidèles et bane hypocrites ti pé fer objections ki le prophète (saws) change nature so bane révélations. Mais ki Allah dire dans le Quran Shareef ? Allah change so bane versets, So bane révélations pou donne saki pli meilleur, pas zis meilleur pou le prophète même, mais aussi meilleur pour tous bane croyants, et comme le Quran Shareef li ene Livre ki pou durer ziska le Jour du Jugement dernier, alors li pou ene bienfait ki Allah accorde à tous bane Khalifatullah et bane croyants ki pou exister ziska le Jour du Jugement Dernier. Kan Allah change ene révélation et donne ene saki meilleur, alors kot problème Mushtaq Malik ou bane les autres là-dans. Allah fer séki Il veut. C’est pas l’homme ki pou vine commande Allah, mais c’est bien Allah ki commande So bane créatures, bon gré, mal gré, mais zot bizin fer saki Allah fine décider et pas objecter à la volonté d’Allah.

 

C’est pas mo devoir sa Mushtaq Malik Sahib pour guide ou, mais c’est Allah ki guide bane ki li oulé sans rende compte à personne et moi, mo devoir, c’est seulement pou amène le message jusqu’à zot et c’est Allah ki surveille So bane serviteurs. Alors ou pas responsable pour mo actions et mo pas responsable pou ou actions Mushtaq Malik Sahib.

 

3. Ena ene nommée Nadeem ki fine adresse Mansoor Ahmed Sahib le 04 Décembre 2011 kot li gagne le toupé pou traite sa humble serviteur là comme « so-called Musleh Maoud 2 ». Mo dire Nadeem Sahib ki seulement Allah suffit pour nous (moi et Nadeem), pas ena meilleur ki Li pou occupe nous zaffaires. Nadeem Sahib pas bizin penser ki répit Allah pou donne nous ; saki menteur li pou gagne ene punition dégradant. C’est pas possible ki Allah (swt) quitte bane ki ena la foi dans situation kot zot été maintenant. Allah (swt) So l’intention, c’est pour sépare bane mauvais et bane bons. Alors Nadeem vine de l’avant, ene l’occasion en l’or ki to fine gagner, montrer les autres ki mo mauvais, et retire bane ki avec moi, faire zot vine bon et mette zot dans le droit chemin. Pense bien ki Allah (swt) jamais faire du mal à So bane bons serviteurs surtout couma toi Nadeem. Mais mo dire toi ki toi et les autres pé essaye teigne la lumière d’Allah avec zot la bouche, mais Allah insister pour perfectionne So la lumière même si sa pas faire toi plaisir et to bane camarades plaisir.

 

4. Nasir Ahmad Sultani fine traite moi de menteur officiellement lors so blog le 26 Novembre 2011. Mo fine senti moi honorer par le mot ki li fine servi pour moi, dire ki mo ene menteur. Si nous lire le Quran Shariff, eski ena dans ene chapitre ou ene verset ki bane Zaalims, bane ki pas croire dans Messager d’Allah fine accueillir ene Prophète ou ene Khalifatullah les bras ouvert, lors tapis velours ? Si Nasir Ahmad Sultani capave montrer ene seul verset dans Quran Shariff ki, kan ene prophète d’Allah vini, zot fine accepter li et dire ki li véridique ? Pena ene messager d’Allah ki fine vini lors sa la terre là, ki zot pas fine traite li menteur, fou, faire sorcellerie etc.

 

Nasir Ahmad Sultani penser avant ki Allah (swt) élève So Khalifatullah de sa l’époque là, Nawzobillah, ki Allah (swt) ti bizin prend permission avec Nasir Ahmad Sultani : Eski Mo (Allah) capave élève Munir Ahmad Azim comme Khalifatullah ? Laisse mo dire Nasir Ahmad Sultani ki « innal fazla bi-yadillah : yutiihi mayy-yashaaa’ : wallaahu waasi-un Aliim » (tout faveur dans la main Allah. Li donne So faveur à celui ki Li oulé. Allah contrôle tout et Li conne tout.)

 

Pour rafraichi mémoire Nasir Ahmad Sultani, kot Allah (swt) même fine dire ki commié prophète fine faire la guerre ensam avec ene grande quantité savants en religion ! Zot (bane prophètes) pas ti perdi courage à cause difficultés ki zot ti gagner, pour la cause Allah. Bane Zaalims ti pé traite zot menteur mais sa pas ti fer zot ni chaud ni froid. Zot pas ti faiblir ni zot ti céder. Finalement c’est Allah et So prophète ki fine sorti victorieux et bane ki ti traite le Messager d’Allah menteur, c’est zot ki fine alle vers zot propre destructions. Dans sa l’époque là aussi Allah (swt) pou deal avec bane menteurs et Insha-Allah, le monde pour témoigner ki sanlà menteur entre moi et Nasir Ahmad Sultani.

 

Alors mo pour dire Nasir Ahmad Sultani, pas jaloux ki Allah (swt) fine élève parmi zot, So Khalifatullah, Allah pas content bane vantards et bane ki agir traitre. Nasir Ahmad Sultani pé prétende li même pli pur ki tout et péna personne couma li. C’est l’arrogance – Allah (swt) dire dans Quran Shareef : « Alam tara ilallaziina yuzakkuuna anfusahum ? Balil-laahu yuzakkii mayy-yashaaa-u wa laa yuzlamuuna fatiila. » (Eski to fine considère cas bane dimounes ki dire zot même pur ? Mais c’est Allah ki rende pur bane ki Li oulé. Et Li pas faire personne le plus petit injustice.)

 

Nasir Ahmad Sultani, pense bien celui ki travaille pour ene faute, ou pou ene péché, et puis envoye sa blâme là lors ene innocent, li pou sans aucaine doute saryé ene fausse accusation et ene péché sûr lors so lédos. Toi et to communauté fine rejette moi et Allah So Jamaat, malgré ki li la vérité. Alors, depuis le 21 Novembre 2011, mo ti fini prépare ene document de challenge de Mubahila ki mo fine signer, et mo pas seulement invite Janbah Sahib pou vine de l’avant et signer (et mo pé attane toujours ki li mette so signature et fer le monde conner ki li fine accepter sa Mubahila dans ene langue ki le monde comprend) mais aussi tout bane ki prend moi comme menteur (sa document li lors internet : http://www.jamaat-ul-sahih-al-islam.com/mubahilajanbah.pdf (de page 64-68)). Alors, Nasir Ahmad Sultani, to pas satisfait dans choix Allah (twa) pour eleve moi comme So Khalifa (le Khalifatullah) et to pas accepter ki Allah fine nomme moi Nabi’ullah, et to pé prend toi couma ene bel péto, abé vini et signe sa form de Mubahila prend depuis page 64-68. La majeure partie de sa forme là li consacrer à Janbah Sahib, mais le fait ki toi aussi Nasir Ahmad Sultani to prend moi comme ene menteur, alors vine dans la cour d’Allah et signer officiellement ; vine dans la cour d’Allah, accepter challenge Mubahila et mo fine fini mette mo signature et mo nom ; alors toi aussi mette to signature (et mo pé attane ki Janbah Sahib aussi fer de même). C’est certainement mo Allah ki le meilleur Juge.

 

Alors mo dire toi, mo devoir, c’est pas pour prend charge ou bane zaffaire. Pense bien ki sak message Allah vine pendant ene période limité. Bientôt toi et to communauté pou conne la vérité. C’est Allah ki pou le chef, le jour ki trompette pou souffler. Allah ki conne tous secret, et tout c’est ki visible et c’est Allah ki ena tout sagesse et tout connaissance. « Inna hudallaahi huwal-hudaa. » (Guide Allah, c’est sa le vrai guide).

 

Mais couma Allah fine enseigne moi au sujet de sa bane dimounes là (Révélation): Mais zot étonner ki ene Avertisseur fine vini parmi zot, et sa bane là dire : « C’est ene kitchose étonnant. » En vérité zot fine renié la vérité kan li fine vine devant zot ; alors zot dans ene l’état de confusion. Et l’intoxication de la mort pou certainement apporte de l’avant la vérité, (et) c’est précisément saki zot pé envie éviter (c’est-à-dire, la mort). Et Allah dire : Wa innaz-zaalimiina lahum azaabun aliim – En fait, bane malfaiteurs pour gagne ene punition douloureux. Insha-Allah.

 

Alors O mo bane adversaires, zot capave employe tous zot l’énergie et exerce tous zot bane capacités pou calomnier moi ; zot capave lance moi tous zot bane flèches, et rode fer moi reculer dans ene l’impasse avec zot l’épées, mais zamais zot pou réussi détourne la vérité de mo véracité. Faible couma mo été en tant ki humain, mais zamais oublier ki Allah Li avec So Élu et So jamaat ki fine vini et instituer respectivement pour rétablir vrai l’Islam. O mo bane adversaires ! Embête et égare autant de mo bane disciples (suivants) ki zot capave accrocher avec zot bane l’hameçons, zot la chaines, zot bane ruses et zot bane complots, mais zot pou, ziska la fin de bane jours (Qayamat), tomber en ruine et gagne défaite (zot bane plans pas pou réussi, parski Allah pas pou laisse zot égare bane vrais croyants ki sincères). Sa c’est destinée (destin) ki fine prescrire pou zot par nous Rab, Allah (twa). Mo bane disciples pou toujours Insha-Allah, plus nombreux ki pou zot. Sa fine être ordonner (par Allah) et sa pas capave modifier, malgré tout zeffort ki zot capave fer, tous bane ruses ki zot capave déploiyé. O mo bane adversaires, si zot trouve moi comme le plus grand de bane menteurs, alors kifer zot pas vine dans le champ de bataille spirituel ki ena Allah comme Juge suprême lors zot lé cœurs et mo lé cœur, lors zot bane paroles mensonges et lors mo véracité ? Zot considère moi menteur, non ? Alors pou fini avec « sa grand menteur » là, vini dans sa Mubahila (duel de prière) pou trouve destruction de celui ki zot considère comme menteur. Mo capave ene menteur dans zot lizié, mais pas dans lizié de mo Créateur, mo bien-aimé Allah (twa).

 

Allah fine élève moi comme Mujjadid et aussi Li fine donne moi le statut de Messager Khalifatullah, ki responsable pou fer applique bane la lois du Quran Shareef et pou établir la foi, parski en vérité la foi fine corrompu par bane erreurs et bane innovations ki fine commette par bane soi-disant chefs spirituelles de sa siècle là ki na pas ena aucaine qui valeur spirituelle dans zot. C’est Allah Li-même ki fine choisir de parmi le monde musulman dans so l’ensemble (y compris le monde Ahmadi) et l’humanité en entier So Khalifatullah dans le but pou rassembler bane pieux sous so bannière et pou sauve l’Islam d’ene mauvais finition. Pendant le règne d’ene Khalifa d’Allah, bane ki prétende ki zot bane chefs spirituelles zot recherche le pouvoir zis pou zot propre l’avantage.

 

Bane la lois du monde spirituel oulé ki la responsabilité d’ene communauté li directement en fonction de bane bénédictions ki li fine recevoir (d’Allah). Ene Khalifatullah (Choisi par Allah Li-même) li certainement ene grâce accordée à tous bane musulmans (c’est-à-dire, li vini pour tous bane musulmans comme ene grâce de côté d’Allah) et l’humanité en entier, de nous l’époque et li (sa humble serviteur là) représente l’accomplissement de bane promesses divines. Nous reconnaissance envers Allah zamais pas pou assez grand. Nous lé cœurs rempli de louanges et nous l’âmes prosterner humblement devant nous Créateur pour sa bienfait inestimable là.

 

Bane ki sème désordre pou bientôt conné vers ki destination zot pou diriger si zot continuer pou gagne bane doutes et pou défier la décision d’Allah à travers l’apparition en ce siècle de Munir Ahmad Azim, humble serviteur et Khalifa d’Allah.

 

O Allah, O Celui ki fine habille moi de l’habit de Khalifatullah, du Choisi d’Allah en sa siècle là, vine entre moi et mo bane adversaires. Zot oulé teigne la lumière de To véracité avec zot la bouches, mais c’est Toi le plus grand Protecteur de to Khalifatullah Munir Ahmad Azim. Moi ki ene la poussière misérable, to fine élève moi dans léciel. To fine révèle Toi à moi, et alors mo fine ouvert couma ene fleur en plein printemps sous le soleil de To l’amour et de To miséricorde.

 

O mo Rab, guide bane ki sincères, bane l’âmes ki véritablement en quête de vérité, et faire zot trouver ki To la grâce li fine vine au profond de mo l’âme couma ene l’empreinte. O Allah, de bane profondeurs de la terre To fine sauve moi, et To fine élève moi à ene statut ki zis réservé à To bane bien-aimés. O mo bien-aimé, transforme bane lé cœurs rempli de doute en bane lé cœurs ki gagne la certitude (Yaqeen). Parski sans certitude zot pas pou capave gagne accès avec To la lumière, et la véracité de To humble Muhyi-ud-Din Khalifatullah. O Allah, faire ki To la volonté primé, ki li dans bane léciels et lors la terre. Amine, Soumma Amine. Ya Rabbal Aalamine.

 

« En vérité, Nous conner ki saki zot dire chagrine toi. Mais, vraiment zot pas croire ki to ene menteur, mais c’est bane révélations d’Allah ki bane injustes rejeter. » (Révélation Divine ~ 25 Novembre 2011)