بسم الله الرحمن الرحيم

 

Khutba Jummah

 

HAZRAT KHALIFATULLAH AL-MASSIH AL-MA’OUD

 

Munir Ahmad Azim

 

16 Septembre 2011  ~

 

(17 Shawwal 1432 Hijri)

 

(Résumé Khutba)

 

Après Salam, Hazrat Khalifatullah fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

Bane « dimounes de la vérité » zot appartenir à deux catégories. Bane de premier catégorie zot marier, zot gagne zenfants, bane la cazes, gagne bane cultures mais zot les cœurs zot pas préoccupés par sa bane zaffaires mondaines là, kot sa bane zaffaires là pas vine bane voiles, bane barraze pou zot, dans zot chemin... Zot pas trouve zot-même, mais seulement Allah (Tabarak Wa Ta’ala); parski pour bane « dimounes de la vérité », sa être ki sa le monde là représenter, li l’Être d’Allah ; en réalité, tout vine de Li (Allah).

 

Deuxième catégorie de bane « dimounes de la vérité » zot reste adore Allah ; zot consumé par l’amour d’Allah et la connaissance d’Allah dans So l’unité essentielle ; et zot conne zot nafs et zot touye zot nafs, et zot affirme l’unité de zot nafs et d’Allah comme ene sel, ki pas séparé. Zot conserve zot nafs, et zot fini zot-mêmes dans zot nafs, et zot dépanne de zot nafs, d’ene tel qualité nafs ki bane les autres dimounes pas réussi parfaire. Zot détester saki manifester extérieurement à zot nafs, et zot content saki ena à l’intérieur de zot nafs, et zot méprise zot nafs, parski Rassulullah (saws) fine dire :

 

من عرف نفسه فقد عرف ربه

« Man arafa nafsahu faqad arafa rabbahu. »

Celui ki conne so moi (nafs) conne so Rab.

 

Sa parole là aussi fine révélé à moi au commencement de la Manifestation Divine, kot Allah fine enseigne moi de So bane merveilles, afin ki mo rapproche moi encore plisse de Li, ki mo mette mo confiance seulement lors Li, kan mo conne mo propre nafs, au plus profond de moi.

 

En plisse de sa, kan zot attache zot vision « en dehors » de zot nafs, malgré ki kitchose ki zot trouver, c’est zot nafs ki zot trouver ; tout saki zot contempler, c’est zot nafs ki zot contempler. Pour bane « dimounes de la vérité », le monde et zot nafs vine ene même kitchose ; n’importe saki zot trouver, c’est sûrement zot nafs ki zot trouver. Pareil couma Rassulullah (saws) fine dire :

 رأيت ربي بعين ربي

« Ra’aytu rabbi bi ayni rabbi »

 

C’est-à-dire : « Mo fine trouve mo Rab avec lizié de (la miséricorde de) mo Rab. » Sa parole là aussi mo fine recevoir comme révélation ensemble avec l’autre révélation ki mo fine mentionner plus en haut au commencement de la Manifestation Divine: Celui ki conne so moi (nafs) conne so Rab.

 

Dans ene l’autre place, Rassulullah (saws) fine dire : « Ra’aytu rabbi bi rabbi », c’est-à-dire : « Mo fine trouve mo Rab par mo Rab. »

 

Rassulullah (saws) fine dire sa bane paroles là parski le monde avec tous so bane parties péna ene l’existence réelle. Puisque le monde péna ene l’existence réelle, li pas possède ni pouvoir ni action ki vine de li-même. Si bane « dimounes de la vérité » fine gagne batté ou insulté, zot fine considère sa bane actions comme celui d’Allah, et non pas ki li vine d’ene l’autre ki Allah.

 

En ce ki concerne zot-mêmes, en conséquence, tout saki zot comprend et trouver, c’est zot nafs ki zot comprend, parski Allah (twa) fine dire :

 

 فَأَيْنَمَا تُوَلُّواْ فَثَمَّ وَجْهُ اللّهِ

« Fa-aynamaa tuwalluu fa thamma wajhul-laah. »

 

C’est-à-dire : « Kot sa ou tourner, là-même ou pou trouve le visage d’Allah. » (Al-Baqara 2: 116)

 

Pour sa raison là, bane « dimounes de la vérité » zot dire ki tous sa bane créatures là zot pas nannié excepter zot nafs, zot dire ki tous bane dimounes zot nous bane frères, dans croyance et l’incroyance, ki li ene bien-aimé et l’ennemi, ki li impur et pur, ki li dans paradis et l’enfer, ki bane ki fine gagne la colère lors zot, et bane ki recevoir la miséricorde, saki fer dibien et dimal, ki li riche et pauvre, ki li ene kikaine ki dimoune fer so louanges ou bien méprise li, ki li sain et pé passe par la faim, ki li insignifiant et ena grandeur, ki li dans la mort et la vie, la maladie et la santé, ki li juste et injuste – tout sa là li pareil pou zot, parski signification de : « Kot sa ou tourner, là-même ou pou trouve le visage d’Allah. » fine vine extrêmement claire pou zot. N’importe ki sanlà ki comprend le sens de : « Kot sa ou tourner, là-même ou pou trouve le visage d’Allah. » fine gagne ene connaissance complet, et n’importe ki zot trouver, c’est le « visage d’Allah » ki zot trouver, mais Allah conne mieux.

 

Sa dimoune ki pé recherche Allah, eski li pou satisfait pou reste loin de so Rab ? Non, parski li pas oulé nannié aparte vine ene avec so Rab. Ene vrai chercheur d’Allah, ene chercheur de la Vérité (Al-Haqq), ena ene signe lors so front ; ene tel signe ki brillé couma ene la lumière extraordinaire. Li toujours près, courtois, respectable, ferme envers bane censures indulgent, et li honore so camarade. So but dépasse tous bane les autres buts ; péna nannié ki capave vine ene obstacle pou li. Pou li, celui ki fer brite, li pou aplati, li pas ena les autres target à part so target (cible). Attachement à so famille pas détourne li de so l’objectif (Allah), ni bane blâmes. Malgré ki dimounes capave mette toutes sortes kalités blâmes lors li, mais li reste ferme avec so Allah, pou arrive à ene l’union avec Celui ki représente tout pou li. Ene sel mot capave décrire sa chercheur de vérité là, c’est joli, beau. Celui ki recherche la vérité, bé alors li faire so l’objectif (Allah) vine so seul but. Ensuite, li débarrasse de so l’âme tous bane défauts ki li ena ; kan l’âme là fini vine propre de tous bane défauts, c’est à ce moment là ki sa dimoune là, sa chercheur de vérité là li habille li de so l’âme, ene l’âme purifier. Sa dimoune là li aussi le serviteur d’Allah en tous l’occasion et dans tous bane places, et li accompli so bane obligations et rites halal, et li faire encore plisse bane bons actions de par so propre volonté ziska ki la vérité vine so zoreille, so lizié et so parole et so la main et lipié. Li mort avant so la mort afin ki li vive dans so Rab, parski c’est après sa la mort là ki li pou capave fer sa grand voyage vers so Rab là. SI nous guette bien, avant ki Allah appelle li, c’est li ki alle vers so Rab, et sa li ene de bane meilleurs signes de la vérité pou ene vrai croyant, ene vrai bien-aimé serviteur d’Allah ki soif de la Vérité (Al-Haqq), c’est-à-dire, Allah. Avant ki li prend soin de li-même, kot li guette so propre besoin, c’est la vérité ki li rodé, kot li trouve so Rab là-dans, et li trouve Li (Al-Haqq) même après li-même et de ki côté li tourner, li trouve Allah. Pou li, zis Allah ki exister, et aparte Li, pena nannié d’autres. Allah Li pareil azordi, couma Li ti été avant, Li Dernier couma Li Premier, et Li ene sel Dieu ; péna nannié excepté Li. Li l’Intérieur et l’Extérieur, sans commencement et sans la fin. N’importe ki ou trouver, ou trouve Li-même. Dans So unicité absolu, péna aucaine réserve dans Li. Couma eski l’essence d’Allah pou capave enfermer sous ene voile ? Sa ki nous pé causer ici, sel voile ki ena c’est So la lumière.

 

Kan ene chercheur d’Allah ki sincère li réussi percevoir en li-même bane premiers l’effets de sa l’attirance divine là, ki consister pou éprouve plaisir à sak fois ki li pense à Allah, ki en fait sa réalité suprême extraordinaire là, alors li bizin faire tout so zefforts pou augmente et fortifier sa l’expérience là, et en même temps li bannir tout saki incompatible avec li. Ce ki veut dire, tout saki Allah détester et pas admette, alors li reste loin avec sa pou ki Li réussi atteindre à l’union avec so Créateur. Par example, li bizin conné ki même si li passe ene eternité pou fer zeffort pou contigner pou gagne communication avec Allah, alors li pas pou réussi tanque ki li pas soumette à saki Allah dire li faire, et li reste loin avec bane zaffaires ki pou éloigne li de so communion avec Allah.

 

Rassulullah (saws) fine dire : قلب المؤمن عرش اللّه ~ Qalb-’ul mu’mini arshu Allah « Le cœur d’ene croyant li le trône d’Allah » ; et dans ene l’autre Hadith, li (saws) dire: « Le cœur d’ene croyant li pli haute ki léciel. » C’est dans sa secret de lé cœurs là, kot li représente le siège du Tawheed, c’est dans sa le cœur là-même ki ene naissance spirituelle li commence manifester. Nous bane consciences, zot couma ene vierge kot seul l’Esprit de vérité capave pénétrer. Alors, l’âme individuelle li vine enceinte, couma Maryam (ra), d’ene Messie ki conquérir sak le cœur. Non pas le Messie ki voyage lors la terre et lors la mer ; mais le Messie ki au-delà de bane limitations de l’espace. Aussi, kan l’âme fine pénétrer par l’Âme de l’âme, par ene telle l’âme, le monde li créer.

 

Allah Li le Dispensateur de la grâce – Li place So don lors paume de So la main et, de là, Li donne sa don là à tous bane ki mérite So miséricorde. Celui ki conne li-même, li conne so Rab, c’est-à-dire : Si mo conne moi, mo conne Allah. Le cœur li ene jeu, non pas le corps.

 

Véritable connaissance de nous-mêmes li consisté donc pou guette en nous-mêmes l’Esprit d’Allah. Le Seul Réalité, c’est ki Li (Allah) Li trouve Li-même par Li-même, et c’est par Li-même ki Li conne Li-même.

 

Ki Allah guide nous lors le droit chemin et éclaire nous le cœurs pou comprend sa Khutba d’aujourd’hui là. Ameen.

 

Annonces:

 

1. C’est avec ene grand tristesse ki mo fine apprane la mort de Ratheesh Sahib de Kerala, ki ti ene jeunesse bien dynamic ki ti habitué faire Presque tous nous bane travail type en Malayalam pou envoye lors website. Li fine mort dans premier semaine de Septembre. Ki Allah récompense li pou so grand l’intérêt pou faire sa travail noble là et ki Allah pardonne li et éclairci so chemin afin ki li gagne le salut. Ameen.

 

2. Mo fine apprane ki bane leaders de l’Association (Ahmadiyya) fine envoye ene Maulvi à Kerala ki plus influent ki le soi-disant ténor ki Maulvi Muhammad Ismail H.A. C’est li-même ki ti refuse accepter le Mubahila ki ti lance li, pour so bane campagne négatif ki li ti faire contre moi. Sa pas fine apporte aucaine résultat positif pour bane Ahmadis dans Kerala. Maintenant zot leader fine envoye ene soi-disant pli ténor ki appelle Maulvi Mahmood Ahmad Sahib de Kerala même pour li vine dans l’endroits kot ena nous bane membres du Jamaat Ul Sahih Al Islam et convaincre zot pou retourne dans Jamaat Ahmadiyya et convaincre zot pou rejette la manifestation divine et aussi ene grand nombre de bane Ahmadis et les autres musulmans ki en contacte avec nous Jamaat et pé étudier beaucoup concernant la Manifestation Divine et concernant Proclamation de sa humble serviteur de sa siècle là et par la grâce d’Allah, zot pé gagne beaucoup bane signes de côté d’Allah et Allah (swt) pé illumine zot par So lumière et zot pé approche avec le Jamaat Ul Sahih Al Islam, Insha-Allah.

 

Mo pé donne ene sévère avertissement à sa soi-disant Molvi Mahmood Ahmad Sahib de Kerala, ki li occupe so propre travail, nettoye li-même avant tout, et mo donne li ene conseil ki li lire et étudier sa Khutba Jummah azordi là. Pas jouer avec difé, li pou brûlé dans sa difé avec ki li pé joué là. Molvi Mahmood Ahmad Sahib croire ki sa ene l’amusement sa, li pé jouer avec la foi dimounes et zot pé empoisonne l’esprit de sa bane dimounes là contre la vérité. Faire bien attention ki zot pé joué avec réputation d’ene dimoune choisi par Allah (swt). Si li continuer après ki fine donne li ene avertissement, so conséquences pou bien grave et li pou gagne ene grand humiliation. Pareil couma Allah fine à plusieurs reprises dire moi : Mo pou humilier tous bane ki rode humilier toi.

 

3. Mercredi dernier kan mo fine en face avec ene Molvi Ahmadi à Maurice, dépi ki mo fine endehors Jamaat Ahmadiyya en 2001 et sa senior Maulvi Ahmadi là kot li ti pé trouve moi, li ti pé boycotter et pas faire Salaam. C’est après dix ans ki sa Maulvi Ahmadi Senior là, kan li fine trouve moi, pas capave nannié et c’est li-même ki faire Salaam et donne la main et prend nouvelle. Mo fine content sa action là ; zot pé commence réformer. Ou trouver kan ene réformateur vini, c’est pou réformé même.

 

Mais là ene problème là : sois sa senior Maulvi Mauricien là pas fine obéir zot leader, ni fine obéir sa so-called missionnaire ki fine sorti Londres fine vini et pé faire campagne pour dire bane Ahmadis pas faire nous Salaam et séki fine faire nous Salaam bizin alle faire Tawbah. Faire Tawbah avec ki ? Tawbah avec so-called Maulvi Abdul Ghanee Jahangeerkhan ki fine vini de Londres? Senior Maulvi pas fine obéir junior Maulvi. Guette couma zot rende zot ridicule. Kan ou pou trouve sa bane kalité imbécillité là ? C’est zis kan ena la manifestation Divine, kan Allah envoye So prophète ki ou trouve sa bane kalité réclame là. Zot ti pé rire les autres musulmans pas faire zot Salaam, mette boycott lors zot. Azordi zot fine vine pli pire ki bane les autres.

 

Ki Allah guide bane Ahmadis pou bien comprend le message de Massih Maoud (as) ki li, li ti vini pou faire revivre l’Islam pareil couma sa humble serviteur azordi. Ki Allah ouvert zot lizié, et zot pas aveugler avec tous saki l’autorité pé dire ; kot zot donne bane l’instructions non-islamique, mais kan zot ena pou vine devant la personne concerné, zot accompli zot devoir de Musulmans, tandis ki bane Ahmadi ordinaire zot égarer parski zot suivre saki sa bane Maulvi là pé dire sans ki zot servi zot l’esprit et l’intelligence et sans ki zot baze zot lors saki Quran dire. Insha-Allah.