|
بسم الله الرحمن الرحيم
Khutba Jummah
HAZRAT KHALIFATULLAH AL-MASSIH AL-MA’OUD MUNIR AHMAD AZIM
Munir Ahmad Azim
(14 Rabi’ul Awwal 1432 Hijri)
(Résumé du Khutba Jummah)
Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine dire:
لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِّمَن كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيرًا
Laqad kaana lakum fii Rasuulil-laahi uswatun hasanatul-liman kaana yarjullaaha wal yawmal aakhira wa zakarallaaha kasiiraa. (Surah Al-Ahzaab 33 V.22)
Ou fine gagne dans Prophète Allah ène l’exemple parfait, pour celui qui mette so l’espoir en Allah et dans le dernier jour et qui rappelle Allah beaucoup.
Hazrat Muhammad s.a.w ti appartenir à tribu de Quraish, ti ene tribu ki trouve dans la Mecque ki ti ene la ville principal dans l’Arabie. Banne Quraish, zot ti bane descendant de Prophète Ibrahim a.s à travers Hazrat Ismael a.s. La kaaba fine reconstruire par Hazrat Ibrahim a.s et so garçon Hazrat Ismael a.s 2,600 banané avant Hazrat Muhammad s.a.w.
L’heure de la naissance du Prophète Muhammad s.a.w le monde entier ti pé passe dans périodes bien bien difficile, ti éna ene déclin dans moralité et religions. Banne condition dans l’Arabie ti bien, bien mauvais. Banne Arabes ti pé commette toute sorte qualité vices coumma boire larak, jouer et tribus ti pé laguerre contre banne lézot tribus, lors banne kitchose banale ; générations après générations ti pé laguerre.
Commême banne Arabes ti croire dans ene Dieu Suprême et dans le Prophète Ibrahim a.s, comme même ça zot ti pé priyé plusieurs dieu en form idoles. Zot ti place 360 idols dans Ka’aba zot même, kotte banne Arabs entier l’Arabie ti pé vine faire zot pèlerinage annuel.Commême ça zot ti possède banne bon qualité coumma hospitalité, sense de l’honneur, brave et ti ène amoureux de poésies.
Banne madames pas ti éna ene grand statut dans la société Arabe. Certain familles ti éna ene mentalité sauvage, ki zot ti pé brîle zot ti bébé fille vivant.L’esclavage ti bien commun et zot banne condition ti bien déplorable et bien dur. Zot ti pé passe bien bien misère, C’est parmi sa banne qualité dimoune là, ki le St. Prophète Muhammad s.a.w fine née.
Dans l’année 570 C.E., quelque temps avant la naissance du St. Prophète s.a.w, Abraha, l’ambassadeur d’Éthiopie dans Yémen, ti envoye ene expédition dans la Mecque avec l’intention pour détruire la Ka’bah. Mais so expédition fine complètement faillir dans zot plan. Ene bon majorité de so banne soldats, ki ti lor l’éléphants, fine détruire par ene épidémie. Sa l’année là (570 C.E) ti connue comme l’année de l’Eléphant. (Dans Quran éna ene chapitre qui fine révélé Al-Fil (chapitre L’Eléphant) Ch.105V.1-6)
« Est-ce qui to pas fine trouver couma to Maître ti traite les gens de l’Eléphant? » (Verset 2)
Explication: Les gens de l’Eléphant - l’armée Abraha, ène abyssinien. Li ti attaque la Mecque, avant Islam et dans so l’armée ti éna ène l’éléphant. Allah ti envoye contre zot banne z’oiseaux, ki ti tuer zot à coup de roches.
Le St. Prophète s.a.w ti née à la Mecque dans le mois Aout 570 C.E. Éna certains chercheurs fine dire ki so date de naissance 24 Avril 571 C.E.
So papa, Abdullah fine mort quelque temps avant so naissance. So maman, Amina ti gagne ene vision quelque temps avant so naissance. Dans ça vision là, ene ange fine dire so maman, quand ça zenfant là née donne li le nom Muhammad. So maman fine illuminé par sa lumière brillant là et ça fine éclaire le monde entier.
So grand-père paternel (Dada), Abdul Muttalib, ki ti chef de la Mecque ti pé prend beaucoup soins du Prophète s.a.w et li ti pé faire ène nourrice Haleema occupe li (Hazrat Muhammad s.a.w) et ça ti ène coutume dans la Mecque.
Hazrat Muhammad s.a.w so maman mort, kan li ti éna 6 ans et juste 2 ans après, so dada (Abdul-Muttalib) aussi mort.
Maintenant le St. Prophète s.a.w fine vine sous responsabilité de so tonton paternel (chacha) Abu Talib. Abu Talib ti éna ène grand famille, mais malgré li pas ti ène dimoune riche, mais commême ça li ti pé prend ène grand soin et l’amour pour so neveu. Hazrat Muhammad s.a.w ti bien calme, obéissant et li ti éna ene manière de camaraderie.
Dans so jeunesse, li ti pé grandir avec banne excellent conduit et zot tous ti pé respecté li. Parmi banne Mecquois li ti connu bien vite coumma ene “Al-Ameen” qui signifié digne de confiance et “As-Saadiq” signifié le Véridique. Tous les jours li ti avec so chacha et li ti pé aide li dans so travail et aussi assisté li faire so travail et quand li fine gagne 12 ans, li ti accompagne so chacha à la Syrie pour faire so commerce. A chaque fois ki ti éna ene dispute entre banne dimounes, li ti pé aidé pour mette ene fin lors zot banne dispute. En résultat de ça, li ti vine ene membre bien actif dans ene l’association kotte tous banne membres de ça l’association là ti signe ene pacte ki appelle « Hilful-Fudool », kot zot fine promette ki zot pou aide banne ki pauvre et pé oppressée et établir zot droit.
En l’an 595 C.E, Khadijar.a, ene riche veuve dans la Mecque, fine tendé ki Muhammad s.a.w reconnue comme ene jeune ki bien honnête, li fine employe li pou travail dans so commerce. Khatija ti fine tende parlé de l’honnêteté du jeune Muhammad s.a.w. Sa ti impressionne li beaucoup qui plus tard li ti fine demande pour marié avec li s.a.w. Khadija so papa ti appelle Khuwaylid. A la suite de sa mariage là, le couple Muhammad s.a.w et Khatija ti gagne 7 zenfants. Trois garçons et quatres filles. Sa trois garçons là ti appelle: Qasim, Tayyib et Tahir et ça quatres tifilles là ti appelle: Zaynab, Ruqayya, Umm Kulthum et Fatima. Tous les trois garçons ti finne mort dans tipti même.
Khatija ti vine 2 fois veuve et à l’âge de 40 ans, li marier avec Hazrat Muhammad s.a.w ki ti éna 25 ans et Hazrat Khatija r.a fine place tous so dibien dans la main de so mari Hazrat Muhammad s.a.w et Hazrat Muhammad s.a.w fine partage ene parti so banne dibien avec banne pauvres.
Quand le Prophète Hazrat Muhammad s.a.w, ti à l’âge de 35 ans, banne Quraish fine décidé pour reconstruire la Ka’bah. Quand l’heure fine arrivé pour replace ça Roche Noir sacrée là dans so position, tous les 4 chef familles de Quraish fine commence disputé, chaquaine parmi ti oulé gagne sa l’honneur pour mette ça Roche Noir là dans so place. C’est Hazrat Muhammad s.a.w ki fine capave négocié avec zot et résoudre ça dispute qui ti bien grave là. Li fine trouve so solution et fine fer tous les grands familles de Quraish tini ene boute de la toile kot fine mette ça Roche Noir là, et ensuite Hazrat Muhammad s.a.w même fine mette ça Roche Noire là dans so position. Zot tous ti d’accord pou ki li-même li place ça Roche là dans so place.
Hazrat Muhammad s.a.w ti bien troublé par ça déclin morale et spirituelle de so banne dimounes. Li pas ti pé trouve l’autre chemin, ki capave retire zot de ça banne mauvais là, excepté avec l’aide d’Allah. Li fine établie ene l’habitude ki li faire retraite dans ène la cave qui appelle Hira qui trouve dans ene montagne qui appelle Nur. Sa montagne là trouve à peu près 3 milles au nord de la Mecque, kotte li ti pé fini so létemps dans la prière et méditation. Sa pratique là ti continuer pendant 10 ans jusqu’à li fine gagne 40 ans. Dans l’année 610 C.E., ene nuite de Ramadhan, quand li ti pé occupé dans la prière, ene coup, li trouve quelqu’un dans ene vision, ki ordonne li pour récite:
“Ikra bismi Rabbikallazii khalaq, Khalaqal-insaana min ‘alaq, Iqra wa Rabbukal-Akram, Allazii allama bil-Qalam, Allamal-insaana maa lam yalam”
Traduction:
“Lire, au nom de to Maître, le Créateur, Qui fine créer l’homme à partir de quelque chose qui coller, Lire.To Maître, c’est Li le plus Généreux, Qui fine enseigne par la plume, Fine enseigne dimoune ce qui li pas ti conner.” (Ch.96 Surah Iqra - Lire, V.2-6)
C’est l’ange Gabriel (Jibreel) ki fine amène li ça premier révélation Quran là depuis kotte Allah. Li ti évident ki so mission comme Prophète d’Allah ti commencer à partir ça premier révélation là. Ensuite le Prophète Muhammad s.a.w fine retourne so lacaze avec ça premier révélation là et so lé coeur ti pé batté beaucoup. Li fine dire so madame Hazrat Khatija “Couvert moi, Couvert moi!”.Hazrat Khatija fine gagne peur avec grand responsabilité ki Allah fine donne li là. So madame Hazrat Khatija r.a fine donne li ene support moral et fine assure li ki Allah jamais pour quitte li seule dans ça mission bien noble là. Hazrat Khatija r.a fine amène le prophète kotte so cousin (Khadija), Waraqa Bin Nawfal, ene Chrétien. So cousin ti étudié banne livres saints de banne prophètes d’avant, et c’est pourquoi, quand li fine tend ça l’évènement ki fine arrive le Prophète là s.a.w, li fine dire:
“Sa ange ki fine descende lors Moïse, Mo sure ki li fine descende lors toi (le Prophète S.A.W)”. (Bukhari)
Waraqa Bin Nawfal ti pé faire référence sa prophétie ki fine mentionéd ans la Bible là (Deutéronome 18:18).
Après so déclaration comme Prophète d’Allah, le St. Prophète s.a.w commence so DAWA (prêcher) secrètement. Hazrat Khatija r.a ti premier dimoune ki fine accepté le St. Prophète s.a.w après fine vine Zaïd bin Harith, Ali ibn Abu Talib so cousin qui ti âgé de dix ou onze ans, Abu Bakr r.a, suivie par Hazrat Uthman bin Affaaa r.a, Hazrat Abdur Rahman bin Auf, Hazrat Sa’ad bin Abi Waqqaas, Hazrat Zubair bin Al-Awwaam r.a, Hazrat Talha bin Ubaidah r.a. DAWA en secret fine continuer pendant trois ans. Après sous l’ordre divine, le St. Prophète s.a.w fine commence do Dawa ouvertement et avec so propre tribus Quraïsh. Li fine conseil banne dimounes dans la Mecque pour priyer ene seul Dieu, libère banne esclaves et pour vine gentille avec banne pauvres. Banne pauvres et banne esclaves de la Mecque fine attirer avec l’enseignement Islamique qui fine établie zot droit dans la société. Commême ça, banne riche et zot chefs, fine réjette so message et commence persécute et torture banne nouveaux converties dans l’Islam, spécialement banne esclaves. Parmi banne séki ti pé persécute ça banne nouveaux converties là ti éna:
(1)Umar bin Hash-Shaam (Abu Jahal), Abu Lahab (Chacha du Prophète), Abu Sufyaan et banne les autres.
Dans 5ème l’année de Hazrat Muhammad s.a.w so mission comme prophète d’Allah, banne Musulmans ti pé gagne beaucoup difficulté. Le Prophète Muhammad s.a.w ti conseil zot pour quitte Makka pour alle Abyssinie (Habasha) et ti éna 14 missiés et madames ki ti alle immigré là-bas. So l’année ensuite 101 missiés et madames ti alle immigré en Abyssinie, kotte zot ti resté avec la paix jusqu’à ki le Prophète s.a.w fine émigré à Médine.
Sa lé Roi ki ti en Abyssinie-là banne Arabes ti appelle li Najashi (Négus). Et dans la langue Ethiopienne, Négus veut dire Roi. Et Négus so nom ti As-Hama. Najashi ti ene Chrétien, mais qui plus tard ti accepté l’Islam et fine mort dans l’époque du Prophète Muhammad s.a.w comme Musulman.
Dans so 6ème l’année de so mission, deux grands dimounes influent finne accepté l’Islam : c’est Hazrat Hamzah r.a et Hazrat Umar bin Khattaab r.a. Sa évènement important là fine apporte ene grand support pour banne Musulmans. Banne Quraïsh fine décide pour puni tous banne membres du clan de Hashim (Musulman et Non-Musulmans) et fine mette boycotte lors la famille du St. Prophète s.a.w, et banne Musulmans. Boycotte là consister pou pas cause avec zot, pas marié avec banne-là, pas faire commerce avec zot. Péna droit avoye aukaine nourriture pour banne-là. Sa banne l’engagements-là banne Kafirs ti prend li entre zot-même et Mansur ibn Ikrima ti écrire zot (banne l’engagements là) et ti appendant ça lors Ka’aba pour ki zot respecté ça banne l’engagements là. A cause de ça situation là, Abu Talib, la famille du St. Prophète Muhammad s.a.w et banne Musulmans, fine bizin quitte Makka pour alle kotte ene valley qui ti appelle Shi’b Abi Talib. Zot fine reste là, à peu près 3 ans. Mangé péna. Ena ti pé mange feuilles. Z’enfants ti pé crié de faim; et dans ça 3 l’année là, zot fine passe par banne persécution térrible.
Dans 10ème l’année de so mission Hazrat Muhammad s.a.w perdi so madame Khatija r.a et so chacha Abu Talib et le St. Prophète s.a.w ti bien affecté avec ça deux grand perte là. Ti appelle ça l’année de la chagrin ou la peine.
So l’objectif ki faire li ti éna plusieurs madames:
Laisse nous comprend le circonstance ki faire le St. Prophète s.a.w ti éna plusieurs madames à la fois. So marriage avec Hazrat Khadija r.a ti durée pendant 25 ans (595-620 C.E.) et pendant ça période là, li pas ti éna lézotte madames et Hazrat Khadija r.a mort à l’âge de 65 ans et le St. Prophète s.a.w ti éna 50 ans. Après Hijrah en 622 C.E., Islam commence propagé et plusieurs tribus rentre dans l’Islam. Maintenant, le St. Prophète s.a.w ti bizin beaucoup madames pour ki li réussi dans certain l’objectif et mo pou donne zot certain là-dans:
Li ti marier avec banne madames de plusieurs tribus pour établir ene rélation camaraderie avec sa banne tribus là et pour encourage le Dawa, pour propage l’Islam parmi zot. Li fine marier avec banne veuves comme ene expression de gentillesse, générosité ou même pour protège zot, et aussi pour établir ene respé envers banne madames, pour donne à ça banne madames là zot statut, dans ene société ki ti barbare à ça l’époque là. Hazrat Muhammad s.a.w ti bizin plusieurs madames pour donne ene l’éducation réligieuse et aussi avec le but, ki sa banne madames là alle entraîne banne madames Musulmanes et spécialement banne nouvelles converties de différents tribus. Dans ça domaine là, Hazrat Aïsha r.a ti faire ene excellent travail dans ça domaine là.
Le St.Prophète s.a.w ti montré ene l’exemple excellent, noble, bon conduite et beaucoup affection envers so banne madames lors baze de Respé Mutuel, Justice et Egalité.
Ene bref aperçu lors so banne madames:-
1. Hazrat Khadija r.a: Ti ene madame bien riche dans la Mecque et 2 fois li vine veuve. Li marrier avec le St. Prophète s.a.w en l’an 595 C.E.Quand li ti éna 40 ans et le Prophète s.a.w ti éna 25 ans. Li mort 2 ans avant Hijra. Le St. Prophète s.a.w pas ti éna aucaine madame pendant ki li ti pé vive avec Hazrat Khadija r.a.
Avec le Prophète s.a.w li ti éna 7 z’enfants et pas ti éna aucaine madame ti éna zenfant avec Hazrat Muhammad s.a.w excepté Hazrat Mariah Qibtiah r.a, ki ti donne naissance ene garçon ki ti appelle Ibrahim et li fine mort à l’âge de 18 mois. Le noms de 8 zenfants de Hazrat Muhammad s.a.w c’est:
4 Garçons:-Qasim, Tahir, Tayyab et Ibrahim. 4 Filles: Hazrat Zainab, Ruqayyah, Umm Kulthum et Fatima (Qui Allah content avec zot tous).
2. Hazrat Sauda r.a: Ene veuve de 50 ans, marier en 620 E.C et mort en 24 A.H (à la fin de Khilafat de Hazrat Umar r.a).
3. Hazrat Aïsha r.a: Fille de Hazrat Abu Bakr r.a, marier en 822 C.E., dans ene jeune âge et mort en 657 A.H. Li ti le Bien-Aimé du Prophète s.a.w pour so l’intelligence exceptionel. Avant zotte mariage le St. Prophète s.a.w ti trouve 2 ou 3 rêve ki li fine fer à la suive kotte li trouve ene ange fine présente li photo de Hazrat Aïsha dans ene mouchoir (la toile) et li fine même dire li ki li (Hazrat Aïsha) li so madame lors la terre et aussi dans Aakhérat. De ce fait, le Prophète fine prend ça comme ene ordre divine ki li bizin marier avec Hazrat Aïsha. Hazrat Aïsha pas zis ti ene l’autorité dans matière de la religion mais aussi li ti ene excellent épouse pour le prophète. Li ti pé garde li bien propre et li ti bien pieuse. La plupart de banne Hadiths fine rapporté par Hazrat Aïsha r.a.
4. Hazrat Hafsah r.a: Fille de Hazrat Umar r.a, marier en 624 C.E avec le St. Prophète s.a.w après ki so mari fine mort. Li ti éna sa l’honneur pour garde le texte originale du Quran Shareef et li ti mort en 45 A.H (après l’Hégire).
5. Hazrat Zainab bint Khuzaimah r.a: Deux fois vine veuve et so second mari ti martyre dans la Bataille d’Uhud et plusieurs banne musulmans fine demande li en marriage, li fine refuse zot. Mais quand LE St.Prophète s.a.w fine propose li pour marrier avec li et li fine accepté ça l’honneur là en 625 C.E., mais li fine mort à l’âge de 30 ans, 2 ou 3 mois après so marriage. Li ti connu pou so générosité envers bane pauvres et li fine même connu sous le titre de « Ummé Masakin » (Maman de bane pauvres). Alors quand li fine mort, bane pauvres fine perdi ene support.
6. Hazrat Umm Salmah r.a: Ene veuve avec 4 zenfants, et le St. Prophète s.a.w marier avec li en 626 C.E., et li mort en 63 A.H à l’âge de 84 ans. Li même ti plus vielle madame du St. Prophète s.a.w.
7. Hazrat Juwairiah bint Harith r.a: Li ti la fille de Harith, ene chef tribu. Li ti vine veuve et li ti marier avec le Prophète s.a.w en l’an 626 C.E. à L’âge de 20 ans et li mort à l‘âge de 65 ans.
8. Hazrat Zainab bint Jahsh r.a: Li ti la fille, sœur du Prophète s.a.w so papa, Abdullah (Li ti tifille so poupou). Le St. Prophète s.a.w ti arrange mariage de Zainab bint Jahsh r.a avec so garçon adoptif Zaïd r.a. Mais puisque zot tous les deux pas ti capave vive ensemble, zot fine séparé. Après sa séparation là, le Prophète s.a.w fine marié sous instructions divine avec Zainab bint Jahsh. Li pas vrai pou dire qui le Prophète s.a.w fine marié avec so belle-fille. Zayd jamais ti le vrai garçon biologique du Prophète s.a.w. Hazrat Zainab bint Jahsh fine marier avec le Prophète s.a.w en 626 C.E., à l’âge de 38 ans et li fine mort à l’âge de 53 ans.
9. Hazrat Ummi Habibah r.a: Fille de Abu Sufyaan. Quand li fine quitte Makka pou alle cherche refuge en Abyssinie avec so mari, alors là-bas, so missié fine renonce l’Islam et vine Chrétien. Alors Umm Habiba fine séparer avec li. Ene fois li fine même rêver ki ene la voix pé appelle li « O Ummul Momeneen ! » Li ti éffrayer avec ça mais après plus tard quand le Prophète d’Allah fine envoye so demande en marriage à travers Négus (léroi) d’Abyssinie, li fine alle comprend so rêve, et alors li fine bien accepté sa proposition marriage avec le St.Prophète s.a.w. Négus, le roi d’Abyssinie, li même ti préside ça cérémonie mariage là en 628 C.E. et li fine prononce le Nikah, et li ti faire escorte Umm Habiba jusqu’à Médine. Umm Habiba r.a ti mort à l’âge de 73 ans.
10. Hazrat Safiyya r.a: Li ti la fille d’ene chef tribue Juif de Banu Nadeer; pendant la bataille de Khaybar (Khyber), so mari et so papa tous les deux ti mort. Li et avec banne les autres fine arrêté par banne Musulmans. Li embrace (accepter) Islam plutard quand li fine relâcher. Li ti accepté la proposition du St. Prophète s.a.w pour marier li en (628 C.E.). Le St. Prophète s.a.w ti expecte ki avec ça marriage là, banne Juifs pour arrête montré ene sentiment de haine envers L’Islam et Hazrat Safiyya r.a ti mort à l’âge de 62 ans.
11. Hazrat Maimunah r.a: 2 fois vine veuve – Li belle-sœur de Hazrat Abbas r.a ki ti le chacha du Prophète s.a.w. So papa , Harith, ti appartenir à la tribu Harzin. Lors ene suggestion de Hazrat Abbas r.a le Prophète s.a.w marier avec li en 629 C.E., quand li ti ena 30 ans et li fine mort à l’âge de 73 ans.
12. Hazrat Mariah Qibtiah r.a: Le St. Prophète s.a.w marier avec Hazrat Mariah en l’an 629 C.E. ; Appart Hazrat Khadija r.a, c’est li même, la seule femme ki ti donne naissance ene garçon à Hazrat Muhammad s.a.w et ça garçon là ti appelle Ibrahim. (Quand Ibrahim mort) li ti le seul garçon pour le St. Prophète s.a.w, tous so banne les autres zenfants ti fini mort excepté Hazrat Fatimah r.a. En résultat de sa même ki le Prophète s.a.w ti éna ene grand l’amour et affection pour so garçon. Mais ça c’est le décret d’Allah ça et à l’âge de 18 mois, Ibrahim mort. Le St. Prophète s.a.w ti bien chagrin quand so garçon ti mort et larmes ti pé sorti dans so li yeux, mais li ti soumette li complètement avec le décret d’Allah et ça c’est ene l’exemple excellent pour l’humanité.
Maintenant mo pou élabore impé lors bane derniers moments du St. Prophète s.a.w. Le mois Zil-Hajj ti pé approché et le Prophète Muhammad s.a.w fine décide pour accomplir le grand pèlerinage (Hajj). Li fine envoye message partout dans l’Arabie, invitant banne Musulmans pour vine joindre li pour accomplir sa Hajj là. Le Prophète Muhammad s.a.w et ene grand nombre de croyants fine faire la route vers la Mecque. A Muzdalifa, le Prophète Muhammad s.a.w et banne croyants mettre zot Ihram.
لَبَّيْكَ اللَّهُمَّ لَبَّيْكَ، لَبَّيْكَ لاَ شَرِيْكَ لَكَ لَبَّيْكَ، إِنَّ الْحَمْدَ وَالنِّعْمَةَ لَكَ وَالْمُلْكَ لاَشَرِيْكَ لَكَ
“Labbaïk Allahoumma Labbaïk, Labbaïk, laa Shareeka laka labbaïk. Innal-hamda wan nimata laka wal-mulk. La shareeka lak”.
Le Prophète Muhammad s.a.w arrive à Makkah lors le 5 Zil Hijjah après ene voyage de 19 jours. Li accomplir le Tawaaf (7 tours Ka’aba) et ensuite faire Sa’ï (entre Safa et Marwa).
Le 8 Zil Hijjah, le Prophète Muhammad s.a.w et banne croyants quitte la Mecque pour Mina kotte zot fine passe la nuite. Et le lendemain (9 Zil Hijjah) après swalaat Fajr, zot fine alle Arafat.
A Arafat, le Prophète s.a.w faire so discours d’adieu. Hazrat Muhammad s.a.w rappelle so Ummat :
1. tout d’abord lors l’Unicité d’Allah. 2. Li fér zot conner ki sakaine pou responsable de so action le Jour du Jugement. 3. Fér Salat 5 fois par jour couma fine être ordonné. 4. Garde roza durant le mois de Ramadhan. 5. Accomplir Hajj. 6. Donne Zakaat. 7. Bane croyants zot frères dans Deen (la religion) ene vis-à-vis l’autre et zot forme ene seul lé corps. 8. L’usure li pas permette en Islam. 9. Agir bien envers banne Madames. 10. Obeïr ene Amir qui pé agir d’après le Livre d’Allah (pas ene soi-disant Amir magouilleur et voleur ki noirci l’honneur de l’Islam !) 10. Pas commette l’adultère. 11. Péna supériorité ene Arabe lors ene non-Arabe, ni ene non-Arabe lor ene Arabe, ni ene blanc lors ene noir, ni ene noir lors ene blanc. Superiorité existé seulement lors la piété (Taqwa).
Pendant ki le Prophète MuhammadS.AW ti à Arafat, le verset suivant du Quran Shareef ti fine révélé.
“Al-Yawma ak-maltu lakum diinakum wa’at-mamtu alaykum mi-matii wa raziitu lakumul Islaama diinaa.”
Azordi Mo fine rende ou religion parfait et Mo fine complète Mo faveurs lors ou, li faire Moi plaisir donne ou l’Islam comme religion. (Surah Al-Maida Ch.5 V.4)
Après sa discours là, le Prophète Muhammad s.a.w complète le Hajj et à la fin du mois de Zil-Hijjah, Li s.a.w et banne croyants retourne à Médine.
A Médine, le Prophète Muhammad s.a.w fine tombe malade et ene Lundi, le 12 Rabbi-ul-Awwal, Hazrat Muhammad s.a.w fine mort. Li ti âgé de 63 ans.
Alors, nous bizin garde à l’esprit ki succès d’ene croyant (missié ou madame), lors la terre et dans Aakhérat li trouve dans l’obéissance à Allah et en suivant bane l’enseignements du Prophète Muhammad s.a.w. La vie du Prophète Muhammad s.a.w c’est ene l’exemple pour l’humanité. Nous bizin fer ene zéffort pour suive l’exemple de ç modèle parfait là. En étudiant la vie du Prophète Muhammad s.a.w nous pour apprane beaucoup lors la façon couma nous bizin comporte nous dans la vie. Si éna ene kitchose ki frappe nous c’est la PATIENCE du Prophète Muhammad s.a.w. D’ailleurs ki kantité patience li fine bizin éna pour transforme ene l’Arabie kotte chaque jour so banne habitants ti pé plongé dans l’idolâtrie et au bout de quelques années li fine dirige zot vers l’adoration d’ene seul Allah. Conne la vie du Prophète Muhammad s.a.w bizin vine ene MUST pour chaquaine de nous, bane Musulmans. Nous faire Doah ki Allah aide nous, dans ene seul but pour propage So Deen (Al-Islam) couma Li oulé nous faire li. Ameen.
Pour terminer, nous faire duas pour bane victimes de l’attaque bien horrible ki fine passé dans l’Indonésie contre bane Ahmadis. Bane Ahmadis ti recevoir bane warnings ki bane l’attaque pou fer contre zot et alors bane Ahmadis de sa l’endroit là fine cherche bane renfort de bane les autres Ahmadis de bane les autres l’endroit dans l’Indonésie. Bane Mullahs non-Ahmadi ti envie ki celui ki en charge pou enseigner li aller mais bane Ahmadis pas fine hésiter pou tini ferme lors zot position. Alors bane malfaiteurs fine pénétrer mission house de bane Ahmadi et touye 3 dimounes et fer 5 bléssés. Bane meurtres ki zot fine commette fine tellement barbare ki pas fine bane cadavres là ti méconnaissable (pas capave reconnaite zot).
Mo ti donne bane avertissements sévère à Gouvernement Indonésie et so bane Mullahs mais là zot fine dépasse les bornes. Bane coupables parmi zot pou conner bientôt ki Allah Li contre banne qui dire qui zot croire dans ene de bane élus d’Allah (c.à.d, Hazrat Massih Maoud Mirza Ghulam Ahmad a.s).
Au lieu ki le Ummat de Nabi Kareem s.a.w ti bizin ene sel lécorps couma Allah et So prophète s.a.w fine ordonné, malgré ça ena beaucoup divisions entre bane Musulmans, kot chaquaine pé prend zot pli supérieur. But seulement, quand Allah fine envoye zot dans ça siècle là ene So Messager pou ré-amène zot pou trappe fermement bane l’enseignements original de l’Islam, qui zot faire ? Zot tourne les dos avec message Allah, moque de sa et ridiculise Allah So dimoune choisi. Qui Allah aide bane Musulmans et l’humanité en so l’ensemble pou comprend ki violence (excepter si Allah ordonner pareil couma dans l’époque du Prophète de l’Islam) li pas ena aucaine utilité mais c’est respé ki lié bane dimounes ensam, et Insha-Allah, ene tel lien ki amène tous dimounes ensam dans l’adoration d’ene sel Bondié (Allah). Ameen. |
