|
بسم الله الرحمن الرحيم
Khutba Jummah
HAZRAT KHALIFATULLAH AL-MASSIH AL-MA’OUD
Munir Ahmad Azim
(22 Rajab 1432 Hijri)
(Résumé Khutba)
Après Salam, Hazrat Khalifatullah fine commence so Khutba avec Tashahhud, Ta’uz, Surah Al Fatiha, et ensuite li fine dire:
Mo pé faire ene vibrant appel avec bane mamans, élever zot zenfants dans ene meilleur tradition Islamique afin ki zot vine bane soldats de l’Islam. Sa de l’eau pure ki coule dans jardin de l’Islam là, ene c’est l’amour d’Allah et lotte c’est (l’amour) du prophète (saws) et sa sacrifice là même ki prend so source dans le cœur de l’homme. L’autre source dans le cœur ene maman, c’est l’amour maternel, le devoir instinctif ki bizin bien élever bane zenfants.
Le but de l’arrivée d’ene Messie c’est d’établir la supériorité de l’Islam sur toutes les autres religions dans sa l’époque là. Nous bizin faire nous mieux possible ki nous gagne ene victoire lors tous nous bane adversaires, et nous bizin ki zot accepter la supériorité et l’invincibilité de l’Islam. Hazrat Massih Ma’oud (as) ti faire deux prophéties lors la victoire de l’Islam:
1. L’Islam pou vine ene religion officielle dans tous bane pays. 2. Sa victoire là pou ene victoire écrasante ki pou durer très longtemps et bane générations entières, ene après lotte pou participe dans bane bienfaits et tous bane faveurs de l’Islam.
Dans Surah Ar-Rahman Allah fine promette 4 paradis aux croyants: 2 pou donne bane musulmans lors sa la terre la-même et 2 dans l’au-delà. Bane croyants pou jouir sa bane paradis là bien longtemps.
Bane maman bizin faire tous zot sacrifices pou ki zot bane zenfants gagne ene bon place dans paradis. Zot bizin faire zot zenfants adopter la culture Islamique à cent pour cent et rejette tous saki Non-Islamique.
Ene grand responsabilité pé pèse lors z’épaules de bane mamans, car bane générations future li entre zot la main, c.à.d, zot bizin élever zot bane zenfants bien et faire zot cultive l’amour d’Allah et de So prophète (saws) dans zot le cœur et soumette zot totalement seulement avec Allah, pas d’autre ki Allah et kan zot fine réussi construire sa base là, et ene base solide, lerlà séki pou vini après, zot aussi zot pou lors sa base solide là. Ki bane mamans vine bane musulmanes pures et pieuses afin ki zot rempli zot devoirs ki Allah fine place lors zot, Insha-Allah.
Zenfant c’est ene dépôt sacré ki Allah fine confié bane parents. Zot ena ene le cœur pur couma ene diamant de belle valeur. Zot l’esprit li vierge de tous façons (côtés) ; ou capave même grave ene image. Zenfant là li prend ene direction ki ou, ou donne li.
Si ou ouler ki li vine ene dimoune sage, ou donne li ene bon l’éducation et ou élever li bien. Par la grâce d’Allah, si zenfant là li élever dans ene bon l’environnement, ene bon l’entourage, li pou gagne bane bon kitchoses dans sa la vie là et dans l’au-delà. Si ou laisse li couma ene zenfant abandonné, couma ene zenfant sans guide, li pou alle vers la dérive, et bane parents ki pou responsable de sa devant Allah demain.
Dans Surah Al-Ahzaab Ruku 4, Allah ordonne le Saint Prophète (saws) pou dire à so bane épouses : « Si ou préfère la vie ici-bas avec so décor, alors vini mo va donne ou ene compensation divorce, et mo va libère ou gentiment. Mais si ou préfère Allah, So prophète et la vie future, alors Allah fine prépare pou bane parmi ou ki faire le bien ene grand récompense. »
Quand sa verset là ti révéler, Hazrat Muhammad (saws) fine communique sa message divine là à so épouse Hazrat Aisha (ra) en premier, et Hazrat Muhammad (saws) ti dire Hazrat Aisha (ra) réfléchi bien et consulter to bane parents avant ki to prend ene décision.
Nous tous conner ki réponse de Hazrat Aisha (ra) ti été, kot li ti catégoriquement dire à so époux (saws) ki « Mo pas bizin réfléchi, ni mo bizin consulter mo parents lors sa sujet là. Allah et So Rassool beaucoup plus chers ki bane dibiens et bane luxe de sa le monde là. »
Hazrat Muhammad (saws) fine communique sa message là avec so bane les autres madames aussi. Li ti ena neuf épouses ki ti vivantes et tous fine donne la même réponse. Bane épouses du Saint Prophète (saws) ti appelle zot « Oummahatoul-Moumenine » - Bane mamans des croyants.
Sa bane mamans là fine donne ene grand l’exemple à bane musulmanes du monde entier. Zot fine trouver à la suite de sa message là ki zot pas pou capave profite nannié de sa bane du bien et luxe mondaine là. Couma zot pou satisfaire zot avec tous sa là, kan zot conné ki zot ene voyageur dans sa le monde là ?
Kan sa verset Quran là fine révéler, zot fine trouver ki la vie éternelle de l’au-delà li mille fois plus meilleur. Bane épouses du Saint Prophète (saws) fine prend ene décision ki ti bizin prend, c’est sa même décision ki tous bane madames musulmane bizin prend kot zot préfère Allah, So Messager, zot Deen-é-Islam et bane douceurs de Aakhérat de lieu de bane kitchoses temporaires de sa le monde là. Ensam avec bane missiés, zot aussi bizin vine de l’avant pou accepté toutes sortes de privations et faire tous sacrifices pour servir Allah et l’Islam.
Eh bien ! Ici aussi bane madames bizin suivre l’exemple de bane « Oummahatoul-Moumenine » et zot bizin prêt pou faire beaucoup sacrifice afin ki la religion l’Islam triompher lors la terre. La vie ici lors la terre péna aucaine valeur ; c’est l’autre la vie ki bizin chercher.
Avant la venue du grand prophète de l’Arabie, bane femmes dans tous bane pays et tous religions, zot ti pé subir bane pire injustices. Zot ti bane victimes kot bane hommes ti pé prend zot comme ene objet de plaisirs pou satisfaire zot désires personnels. Dans certains pays, bane petite filles ti pé bruler vivants, bane veuves pas ti pé capave remarier, bane femmes ti pé obliger brule zot, au moment de la crémation de zot maris. Dans bane les autres cas, bane femmes pas ti ena droit possède bane di biens.
Le prophète Muhammad (saws) fine paraitre comme libérateur et protecteur du sexe faible. Li fine annoncer ki li ena ene devoir spécial pou protège bane femmes à cause zot ti pé piétiné par bane missiés. Par la grâce d’Allah, Quran Shariff fine proclame l’égalité essentielle des deux sexes.
« O dimounes, suivre chemin ou maitre, ki fine crée ou à partir ene seul personne, et ki fine répande (lors la terre) à partir de ces deux personnes là beaucoup d’hommes et de femmes. » (4 :2).
En vertu de zot origine commune, bane dimounes, ki zot bane z’hommes et bane femmes, zot égaux. Bane madames zot ene vêtement pou bane missiés et bane z’hommes aussi zot ene vêtement pou bane madames.
Ene jour Hazrat Muhammad (saws) fine dire : « Si ene tifille li élevée couma bizin, alors so papa pou épargné du feu l’enfer. Si ene homme ena bane garçons et bane ti filles ou jeunes frères et sœurs et li donne zot l’éducation et occupe zot bien de tous zot bane besoins, ene z’homme coumsa pou gagne paradis. »
D’après l’Islam so l’enseignement, bane parents péna droit marié zot tifilles selon zot propre désire sans le consentement de zot tifilles couma dans cas de zot bane garçons. La relation du mariage fine bien expliquer dans le Quran Shareef kot chaque partie (garçon ou fille) ena ene travail (rôle) différent pou faire (dans la société) et zot ena ene liberté pou choisir zot partenaire.
Pareil couma ene garçon li ena ene choix pou choisir ene fille en mariage, de la même façon la fille aussi ena ene choix. Le Quran Shareef et Hazrat Muhammad (saws) aussi fine établi ene code de lois, kot li vine obligatoire pou ene mari au moment du mariage donne so madame ene dot (Mahr) pou so bane dépense indépendante et sa ene faveur avantageuse (pour la femme), et ene mari selon la loi Islamique bizin donne so madame ene l’argent pou so dépense personnel et pou zot bane zenfants aussi.
Allah fine déjà faire moi comprend, c’est ene l’exemple bien important ki ene mari bizin donne le Mahr et après ki li fine donne sa so madame, sa pas veut dire fini là-même, ki li pas bizin donne li encore l’argent ou les autres cadeaux. Au contraire, tous les mois ene mari bizin donne so madame ene l’argent pou so bane dépenses indépendantes.
Hazrat Muhammad (saws) fine élève le statut intellectuel et spirituel de la femme. L’acquisition de l’éducation li ene devoir pou bane musulmans ki li ene garçon ou ene fille. Dans le Qu’ran Shareef Allah dire : « Celui ki faire de bonnes actions, hommes ou femmes et li ena en même temps la foi, li pou rentre dans paradis et aucaine injustice, même le plus petit, pas pou faire li. » (4 : 125).
Le fondateur de l’Islam (saws) fine montrer ene grand l’exemple kot li fine remarier avec bane veuves et bane divorcées et fine traite zot égales et Hazrat Muhammad (saws) fine rendre ene grand hommage et avec ene respect unique à la maternité, kot ou pas trouve sa dans bane les autres religions kot li fine faire comprend ki « Paradis trouve enbas lipiés maman ». Tout le long de so la vie Hazrat Muhammad (saws) fine conseille so bane compagnons pou agir avec gentillesse envers bane madames et li fine dire ki meilleur parmi zot, c’est celui ki traite so madame bien.
Zot conner ki bane adversaires de l’Islam fine cause et écrire toutes sortes d’insanités lors nous bien-aimé prophète (saws), même zot fine dire ki li ene homme ki pé garde beaucoup madames et ki li même ti pé commette l’adultère et voilà so bane suivants aussi pé faire pareil.
Le Messie Promis (as) li fine deboute et la guerre avec sa bane imbéciles là ; li fine saute lors zot couma ene lion, kan li ti pé tende zot dire bane paroles imbéciles lors le prophète (saws). Hazrat Massih Ma’oud (as) pou montrer sa valeur, sa beauté de sa sunnah de Rassoûlullâh (saws) là, li fine écrire dans so livre Kishti Nuh – L’Arche de Noë :
“De nos jours bane madames pé entretenir certain fausse notions de la religion. Bane madames zot guette la polygamie avec ene mauvais œil, comme-ci dirait ki zot pas d’accord avec sa. Zot pas conner ki le Shariah d’Allah ena tout remèdes pour tous bane maladies. Si Shariah pas ti permette la polygamie, alors pas ti pou ena dans l’Islam bane solutions pou ene z’homme ki confronter avec ene problème kot li forcer pou prend ene deuxième épouse...
Le Shariah d’Allah couma ene pharmacie. Li dire, Si ene pharmacie li péna toutes sortes médicaments, abé li bizin ferme so la porte.
Hazrat Massih Maoud (as) continuer dire : Réfléchi bien, si ene homme pas ti bizin prend ene deuxième madame comme so épouse, ki bon ti pou ena avec ene Shariah ki péna solution pour tous bane problèmes ? C’est le devoir d’Allah ki li inclure dans So Shariah, bane différents problèmes ki pour confronter par bane Musulmans. Li dire, Sinon le Shariah ti pour incomplet.
Hazrat Massih Maoud (as) dire : Zot bane madames ! Si zot maris décide pour prend ene deuxième épouse, faudé pas zot montrer zot colère contre Allah. Au contraire, faire duah, prier Allah ki Li éloigne ou avec bane malheurs et bane épreuves.
Pour ene z’homme ki prend deux madames et li pas traites zot pareil, li pé faire ene grand péché et so mérite c’est ki li pour gagne l’enfer. Mais zot, bane madames, pas attire lors ou la malédiction divine kot ou objecter avec l’ordre de Dieu. Sakaine pour êtes questionné par Allah saki zot fine faire.
Hazrat Massih Maoud (as) dire : O bane madames, vine pieuse. Pas attache trop zot lékaire avec sa le monde là et avec so bane attractions. Pas flatte ou-même ki ou plus supérieur ki lotte ; pas tire défaut avec les autres madames – Kan ou-même pas pé trouve ou propre défaut. Pas demande zot maris bane kitchose au-delà de so moyen [Allah fine fer moi – le Khalifatullah – comprend ki ena bane madames ki faire zot maris faire bane dépenses exagéré inutilement].
Faire ene manière ki zot zoine zot tombe innocent et chaste. Pas néglige zot devoirs envers Allah, couma Namaz, Zakaat etc. Montrer ene obéissance totale envers ou maris. L’honneur de zot maris, li trouve dans zot la main. Rempli zot obligation dans ene façon exemplaire, kot Allah capave mette ou parmi bane Swalihaates et Qaanitates (bane femmes justes et pieuses).
Allah fine donne comme l’exemple à bane madame, dans Quran – Surat At-Tahrim Ch.66 V.11-13, bane femmes ki fine arrive au niveau de la piété (ki Allah désire trouver dans zot). Ena parmi bane femmes là ti reconnaissante envers Allah pou bane faveurs ki Li fine faire lors zot, tandis ki bane les autres parmi zot ti ingrate envers Allah et ti désobéir zot maris.
« Allah donne comme exemple, pou bane ki pas ena la foi, femmes Nuh et Lut. Sa deux là ti sous deux de Nous bons serviteurs, et ti trahir zot, et zot pas ti capave vine d’aucaine utilité pou sa bane là contre punition Allah. Ti dire zot : ‘Entre avec les autres dans du feu. Et Allah donne comme exemple, pou bane ki ena la foi, femme Pharaon. Rapplez, li ti dire : « O mo Maitre, construire auprès de Toi ena la case pou moi dans Paradis. Sape moi de moi de Pharaon et de ce qui li faire, et sape moi de bane malfaiteurs. – Rabbibni lii indaka baytan-fil-Jannati wa najjini min-fir-awna wa ‘amalihi wa najjini minal-qawmiz-zaalimiin. » Et Mariam, tifille Imran, ki ti préserve so chasteté. Nous ti souffler Nous l’esprit en li, et li ti accepter comme vérité paroles So Maître et So bane livres, et li ti dévoué à Allah. »
WORDS OF ADVICE/ QUELQUES CONSEILS
“For me, of course, all of you are my spiritual children, and my prayers are, accordingly, for all of you alike... So I warn you against your indulging yourselves in the worldly temptation so much as to forget your spiritual development altogether. If you really wish to share the blessings of Allah, through your accepting the manifestations and revelations, you will have also to hand over your entire selves and all your belongings to Allah and thus bring death to your temporary pleasures.
1. The more is a man’s attachment to the world, the less is he likely to attain knowledge. The less his attachment to the world, the more is the probability of his gaining knowledge.
2. If you must be mad, be it not for the things of the world. Be mad with the love of God.
3. That knowledge which purifies the mind and heart alone is true knowledge, all else is only a negation of knowledge. As soft clay easily takes an impression, but not hard stone, so also Divine Wisdom impresses itself on the heart of a devotee, but not on a bound soul.
4. He alone enters the kingdom of Heaven who is not a thief of his own thought. In other words, guilelessness and simple faith are the roads to that kingdom.” (Revelation)
Traduction: Pour moi, zot tous zot mo bane zenfants spirituels, et mo duahs de ce fait li pou zot tous... Alors mo mette zot en garde contre laisse zot tenter par sa le monde présent là dans ene tel façon ki zot alle oublier tout de zot développement spirituel. Si zot envie partage bane bénédictions d’Allah, à travers ki zot fine accepter bane manifestations et révélations (d’Allah), (pas zis sa) mais zot ena aussi pou donne tout de zot-mêmes et tous zot bane possessions à Allah, et alors (dans sa façon là) zot amène ene la mort à zot bane plaisirs temporaires (de sa le monde là).
1. Pli ene dimoune li attacher avec sa le monde là, moinse so probabilité ki li gagne la connaissance. Moinse so l’attachement à sa le monde là, pli so probabilité ki li gagne la connaissance.
2. Si ou ena pou vine diwaana (fou), alors faire ki li pas pou sa le monde là. Vine diwaana (fou) dans l’amour d’Allah.
3. Sa connaissance ki purifier l’esprit et le cœur tousel li vrai connaissance ; tous les autres zot le contraire de connaissance. Pareil couma l’argile mou capave facilement prend ene forme, mais pas ene roche dure, pareillement la Sagesse d’Allah li imprime li lors le cœur d’ene dévôt (serviteur d’Allah), mais pas lors ene l’âme ki attacher (ki pareil couma ene roche).
4. Li tousel pou rentre dans le royaume du ciel ki pas ene voleur de so propre pensées. En d’autres mots, la pureté (l’absence du mal) et ene la foi simple c’est bane chemins ki amène vers sa royaume là. (Revelation) |
