Text Box: بسم الله الرحمن الرحيم Khutba Jummah HAZRAT KHALIFATULLAH AL-MASSIH AL-MA’OUD MUNIR AHMAD AZIM Munir Ahmad Azim 25 Février 2011 ~ (21 Rabi’ul Awwal 1432 Hijri) (Résumé du Khutba Jummah) Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine dire: إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ۝ ‘Innallaaha wa Malaaa-‘i-katahuu yusalluuna ‘alan-Nabiyy: Yaaa-‘ayyuhallaziina ‘aamanuu salluu ‘alayhi wa sallimuu tasliimaa. « Allah envoyé So bénédiction lors le Prophète (saws), et bane anges prié pou li, O bane croyant ! demande bénédictions et salut lors li souvent (c.à.d. avec respect et amour). » (33 Al-Ahzaab : 57) Azordi mo pou cause lors bane devoirs ki nous, bane Musulmans nous bizin ena envers nous maître le Saint Prophète Muhammad (saws) – et sa bane devoirs là c’est : 1. Devoirs de respé 2. Devoirs d’amour Objectif : Nous bizin maintenir l’attitude d’ene obéissance ek fidélité (parfait) pour le Saint Prophète (saws) ki ti le professeur ek l’exemple de bane morales du Quran, à travers ene cultivassion constant de respé et d’amour pou li ; pou ki nous comprend et suivre avec joie bane codes morales du Quran. Subjectif : Nous maintenir l’assurance, kan nous garde à l’esprit, ki l’exemple ki le Saint Prophète (saws) fine donner concernant so conduite personnel et so bane succès ki li fine faire dans le domaine morale idéale ki le Quran ine mentionné, zot réalisable. Pli grand devoir d’ene musulman c’est ki li bizin cultive l’amour d’Allah (dans so leker) et sa li bizin vine so pli grand objectif et li bizin fer tout pou réussi dans sa chemin là. Et c’est pou sa ki le Quran fine spécifier ki, pou ki sa l’amour là capave manifester li en ene croyant (musulman), sa dimoune là li bizin cultive loyauté et fidélité envers le Saint Prophète (saws) kan li suive li ek limite li (le Saint Prophète (saws) parski le Prophète Muhammad (saws) li le communicateur ek l’exemple d’Allah so guidance pour l’humanité. Le Quran dire : « Dire zot (O Messager d’Allah (saws), si ou content Allah, suive moi (et construire ou morale ek ou la vie spirituel lors moi l’exemple) : Allah pou content ou et pou pardonne ou bane péché, Allah accorde ou so pardon et so grâce ». (3 :32) Toutefois, nous pas pou capave suive et imite le Saint Prophète (saws) tanque ki nous pas développe ek maintenir le respé et l’amour pou li, et kan nous développe respé et l’amour pou li sa permette nous pou obéir li ek reste loyale envers li. 1. Devoirs de respé De ce fait, nous arrive à 4 devoirs ki concerne nous relation avec le Saint Prophète (saws) : (1) Respecter li plisse ki tous bane créatures (ki Allah fine crée). (2) Content li plisse ki tous bane créatures. (3) Obéir li sans pose question. (4) Être loyale envers li à 100%. Pour l’homme, sa 4 devoirs là forme condition essentiel pour la perfection morale de l’agent morale ek la perfection morale ek contentement de bane le zot, l’humanité en entier, parski vraie guidance dans sa connections là, li avec seulment a travers le Saint Prophète (saws) et nous pas pou capave vraiment accepter sa guidance là et suive li avec joie tanque ki nous pas maintenir l’attitude ki sa devoirs là li implique. D’après le Quran, statut du Saint Prophète (saws) c’est ki li ene Nabi et Rassoul. Malheureusement, péna aucaine mot ki capave définir sa bane termes là en profondeur ou dans ene bon façon. Kan nous prend le mot « Prophète », sa veut dire, d’après « dictionnaire », ene dimoune ki cause lors Bondié, ene kikaine ki proclame ki li gagne message de la part de Dieu, ene dimoune ki prêcher, ene dimoune ki déclarer ki li inspiré ou non. Alors, capave adopter li couma ene terme islamique zis dans ene façon qualifier et li veut dire : « Quelqu’un ki appelle vers ene sel vrai Dieu, qui recevoir message à travers Dieu par la révélation et sa dimoune là li proclamer et li prêche sa message là couma ene professeur ki Dieu (Allah) fine nommer ek li possède ene personnalité sans faute, sublime et ene morale et ene spiritualité vraiment extraordinaire. » Dans bane verse Quranic ki mentionné dans sa Khutba là, alors bane mots ‘Nabi’ et ‘Rassoul’ fine traduire comme étant ‘Prophète’ et ‘Messager’ respectivement. Aster, si nous guette au profond de bane devoirs de respé, li à la base veut dire pou considère le Saint Prophète Muhammad (saws) avec ene respé bien profond, et pou essaye pou protège so l’honneur arrive séki arrive, dans tous façon, d’après nous capacité. (1&2) Respecter et content li plisse ki tous bane créatures (ki Allah fine crée): Alors li clairement nous devoir en tant ki Musulmans pou maintenir l’attitude d’ene respé positif couma mentionné dans Quran : « Alors c’est bane ki croire dans li (le Saint Prophète) et honore li, et aide li et suive la lumière ki fine dessane avec li, c’est zot ki pou prospère. » (7: 158) Directement ou indirectement insulter le Saint Prophète (saws) li vraiment interdit. Ene Musulman sincère faudé jamais li insulter le prophète : « et faudé pas ou insulté le Messager d’Allah. » (33: 54) Ene vrai croyant li bizin fer le prophète vine so priorité (au lieu de bane les autres dimounes). Sa commandement divine là fine en premier révélé à bane premiers Musulmans pou fer zot réaliser ki bane grands bénédictions ki Allah fine envoye lors zot kan Li fine élevé parmi zot ene tel prophète ki li-même li représente la perfection de l’homme, et aussi li le sceau de bane prophètes. Quran dire : « O bane ki croire ! Pas donne zot même préférence avant Allah ek so Messager ; et craindre Allah : parceki Allah tende tout ek conne tout ». (49: 2) « O bane ki croire ! Pas élève ou la voix pli fort ki le Messager d’Allah (saws) et pas cause are li dans ene ton fort couma ou cause fort ene envers l’autre, sinon tout ou bane action pou alle dans vide et ou pas pou réalise (ou perte) ». (49: 3) « En vérité, bane ki baisse zot la voix en présence du Messager d’Allah, zot bane dimounes ki Allah ine mette dans zot leker la piété : pou zot ena le pardon et ene grand récompense ». (49: 4) Aussi, en vérité dans Quran ti cause lors bane dimounes ki comporte zot mal dans la société à sa l’époque là (au commencement de l’Islam): « En vérité, bane ki ti crié toi dépi ene distance O Messager d’Allah (saws), la plupart d’entre zot manque bonne manière. Si seulement zot ti gagne patience ziska ki to ti va zouine zot, sa ti pou meilleur pou zot : Mais Allah Li Très Pardonnant, Très Miséricordieux ». (49: 5-6) (3) Obéir li sans pose question. Obéir le Saint Prophète (saws) sans hésitation (et sans pose question), c’est sa nous l’objectif. Le Quran dire à propos pratique positif de l’obéissance (au Saint Prophète) comme suite : « ... Et obéir le Messager (saws). » (4: 60) « Réponse de bane croyants, kan Allah et So Messager pou appelle zot pou ki li juge entre zot, li comme suite : « zot dire, nous tender et nous obéir : c’est sa bane là ki pou atteindre la félicité ». (24: 52) Désobéissance dans n’importe ki manière, li interdit : « … et n’importe ki sanlà désobéir Allah et So Messager, li fine en vérité dévier dans ene erreur manifeste ». (33: 37) « Et n’importe sanlà oppose le Messager même après ki li fine recevoir la guidance, et li suive ene lotte chemin ki bane dimounes de la foi suive, nous pou laisse li dans ene égarement et mette li dans l’enfer ; ki ene mauvais place sa ! » (4: 116) 2. Devoirs d’amour : Maintenant si nous guette au profond de bane devoirs d’amour, li simplement veut dire ki nous bizin ene profond l’amour pour le Saint Prophète Muhammad (saws) et nous bizin considère li avec l’amour. Alors, li nous devoir comme bane Musulmans sincères pou maintenir l’attitude d’ene l’amour positif, ene l’amour ki dépasse l’amour ki nous capave gagner pou ene lot créature ; et quand met ene l’emphase lors sa kalité l’amour là, sa vine ene devoir : Le Quran clairement dire : « Le Prophète (saws) li pli prés avec bane croyants ki zot propre être (sa relation spirituel là fer li (c.à.d, le prophète) gagne l’amour et le respect de bane croyants kot sa bane croyants content le prophète plisse ki bane les zot créature). » (33 : 7) Nous bizin cultive sa l’amour personnel ek spirituel pou le Saint Prophète et en même temps nous bizin obéir li dans tout zaffaire avec ene l’amour débordant et nous capave gagne sa kalité l’amour là kan nous faire Namaz et nous récite le Darood lors li couma Allah fine commande nous pou fer, et c’est à travers sa contact spirituel là ki nous pou rapprocher avec li, avec amour et ene respect totale. « Allah envoyé So bénédiction lors le Prophète (saws), et bane anges prié pou li, O bane croyant ! demande bénédictions et salut lors li souvent (c.à.d. avec respect et amour). » (33: 57) (4) Être loyale envers li à 100%. Nous bizin cultive ene loyauté absolu au Saint Prophète (saws). Kan nous positivement loyale au Saint prophète (saws), Sa démontré ene condition de la foi ; alors li vine ene devoir (ki nous bizin accompli). « Mais non, to Maitre témoin, zot pas pou gagne vraiment la foi ziska ki zot amené tout dispute devant toi pou juger, et ziska ki zot pas trouve aukaine sentiment dans zot leker ki empêche zot accepter to jugement. Lèrlà, zot va soumette complètement ». (4 : 66) « C’est pas possible, à ene homme ou femme croyant, kan Allah et So Prophète (saws) fine décidé kitchose pou gagne ene choix dans sa zaffaire là. » (33 : 37) Li interdit ki nous déloyale envers li dans n’importe ki façon : « O ou ki ena la foi, pas trahir Allah et So Messager…. » (8 : 28) Alors, nous, en tant ki Musulman, si nous envie vine et reste bane bons Musulmans tout au long de nous la vie, alors nous bizin mette en pratique sa bane commandements d’Allah là, et nous pou capave fer sa kan nous fer l’Islam, et l’amour et l’honour du Saint Prophète Muhammad (saws) vine cher à nous leker. Coumsa même, kan n’importe ki Messager d’Allah ki Allah fine choisir pou vine lors la terre li vini, alors bane Musulmans pou bizin donne li ene l’amour spéciale et respecter li, mais avant tout nous l’amour et respé pour Muhammad (saws) le prophète de l’Islam bizin inconditionnel et éternel, ene tel l’amour ki amène ene changement spirituel dans sa vrai croyant là afin ki li capave façonne li dans l’image de nous modèle parfait (c.à.d, Hazrat Muhammad (saws). Insha-Allah. Ameen.