Text Box: بسم الله الرحمن الرحيم Khutba Jummah HAZRAT KHALIFATULLAH AL-MASSIH AL-MA’OUD MUNIR AHMAD AZIM Munir Ahmad Azim 25 Mars 2011 ~ (19 Rabi’ul Aakhir 1432 de l’Hégire) (Résumé du Khutba Jummah) Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine dire: Par la grâce d’Allah, à travers bane l’années ki Allah fine plonge moi dans la fontaine de So Manifestation – la Manifestation Divine – Li fine enseigne moi ene tas kitchose ki mo pas ti conné avant. Li fine montré moi langages de bane zoiseau et So bane les autres joli créations lors la terre. A travers bane l’années ki fine passé, mo fine senti moi protéger sous So regard dans ene cocon spécial : cocon (protection) de so l’Amour – l’amour divine. Li fine fer moi vine ene Adam (as) pou ki mo alle vers bane dimoune et fer zot comprend philosophie de la vie pour ene but spéciale : l’adoration d’ene sel Dieu. Parmi bane kitchoses ki Li fine montrer moi c’est la nécéssité pour établir la paix, pas zis dans nous-mêmes, mais aussi au niveau mondiale. A travers bane inspirations ki li fine donne moi, Li fine montrer moi la cause réelle de bane la guerre entre bane dimounes et la guerre en générale c’est à cause ki dimoune égoiste d’ene côté, et de l’autre côté, li fine commette ene pli grave erreur kot li fine oublier Allah et fine mette bane associé avec Li dans so l’adoration pure. Kan dimoune fine abandonne le file de l’unité, de la sincérité et de la spiritualité et kan li fine préfère plonger dans guette so propre l’intérêt, et kan li fine aussi oublier pou marche d’après bane commandements divines, et oublier bane droits de bane les autres dimounes, alors dans li faire sa, li fine prend le chemin de l’enfer ; ene tel l’enfer ki li-même li fine créer. Alors kan sa situation là li coumsa, alors pena aucaine l’harmonie et accorité. C’est zis kan li ti pou suive bane commandements d’Allah et agir avec décence dans meilleure intérêt de sak dimoune ki li ti pou capave aspire à l’harmonie et l’accorité (avec li-même et avec les autres). Si li ti ena respé pou so bane voisins, so bane camarades, so l’entourage, so propre famille, et si li ti agir lors sa respé là et défanne bane valeurs spirituelles ki fine accorde li dépi la création de bane léciels et la terre, alors li ti pou réussi ouvert la porte secret ki amène vers Allah. Kan bane prophètes fine vini et aller, sa pas fer aucaine différence pou li. Au lieu ki li attrape fort bane l’enseignements d’Allah, dimoune fine vine so propre machine ki fine détruire li-même, kot li fine créer bane tels machine ki ziska azordi pé fer fracas dans le monde, pé détruire le monde et mette li en pièces. Mentionne n’importe ki pays ki zot oulé, et zot pou trouver ki sakaine d’entre sa bane pays là zot pas libérer de l’emprise de Shaytane et de so bane l’armées. Sa bane tels destructions là fine frappe nous ti le monde azordi jour. Sa l’époque ki nous pé vivre là, li pire ki destructions ki fine passer avant – tout saki dimounes fer li contre la bonne volonté d’Allah et dimoune pé concentrer pou fer li-même plaisir, pou satisfaire li-même au lieu pou gagne satisfaction et l’approbation d’Allah. Alors fine gagne bane la guerre de toutes sortes, et personne pas fine capave fer nannié pou arrête l’inévitable, parski tous sa c’est ene réflexion de bane actions et conscience de l’homme. L’homme li ene oiseau d’ene nature ignorant and en tant ki tel, li fine créer ene tel nid kot bane vautours de so passions fine détruire tout et pas fine laisse nannié de bon pour la postérité. Azordi jour, pli nous alle conne ene kitchose du monde, pli nous gagne peur, kan nous réalise commié mauvais sa la terre là contenir, parski à cause dimoune so propre vanité, kot li envie gagne pouvoir, kot li rode maintenir ene fausse dignité, et kot li réssenti le besoin pou maintenir li-même et reste au contrôle, et li content ki dimoune prend li comme supérieur kot li soi-disant conne tout zaffaire. Bane tels pensées fine au contraire créer bane monstres au lieu de créer bane serviteurs d’Allah. Zot fine invite l’humanité pou prend ene tel couteau et commette ene tel suicide ki pas zis li fatale pou l’humanité mais aussi pou bane prochaine générations. Bane récent calamités ki fine attrape Japon et la Birmanie li ene de bane l’exemples ki le monde fine bizin faire face. Nous fine témoigne toutes sortes kalités calamités, kot fine ena bane tremblements de terre incroyables, bane tsunamis, bane maladies connu et inconnu, pollution à travers bane produits chimie mortels, et fine ena aussi bane cyclones, ouragans, tifon ki fine cause beaucoup la mort, et ki fine cause bane tel l’effets negatif couma bane glissements terrain et kot tous sa fine cause la mort de milliers de dimounes dans le monde. Pour sak cause ena ene l’effet. Mais azordi jour nous fine bizin réalise le fait ki pou sak mauvais travail ena ene répercussion et astaire là Allah (swt) pé confirme So bane avertissements pour envoye punition ki dimoune pas retourne vers Li (vers So l’adoration). Séki pli éffraiyant encore c’est ki punition lors punition pou continuer vini, dans toutes sortes façons, parski bane péchés de l’homme fine vine trop lourd pou sa lémonde là. Dimoune dimoune pé la guerre, bane madames et bane missiés pé change places et zot fine oublier zot identité important et zot vrai place dans la société, et aussi respé fine disparaite : ni grand dimoune ni ti zenfant pena aucaine respé pou zot camarades. Au fait, sa l’époque ki nous pé vivre là pé témoigne d’ene tel dégradation ki li donne la honte pou vivre lors la terre et vine bane témoins de toutes sortes de sa bane dégradation et l’indécence là. Dimoune pena moral. Bane valeurs moral fine disparaite. Astaire ena sex libre, kot (comparer avec l’époque longtemps) le sex fine vine ene tel commodité ki accessible à tous dimounes sans ki zot passe par l’institution légale (c’est-à-dire, le mariage). En gros somodo, l’état barbare de l’humanité à l’époque du Saint Prophète Muhammad (saws) fine révini et c’est pour sa raison là ki Allah fine choisir pou envoye ene deuxième fois le Saint Prophète Muhammad (saws) pour faire revivre le monde (dans l’Islam, dans la spiritualité), pou défaire l’état barbare de l’homme et pou enseigne li encore ene fois couma pou faire pou li réussi atteindre l’état parfait de l’Islam (soumission à ene sel Bondié). L’époque de Hazrat Muhammad (saws) le modèle parfait de l’humanité li loin derrière nous. Ene tel l’époque zamais pou révini kot pou régagne ene prophète ki pou parfait et dans même grade ki le Saint Prophète Muhammad (saws), mais c’est ene vérité ki Hazrat Muhammad (saws) so bane reflections et so l’époque so reflections pou manifester de temps en temps, à sak fois ki Allah pou envoye dans sa le monde là So Messager Choisi. Le monde li dans filet de bane l’effets sataniques ki fine ena dans l’époque de bane prophètes couma Adam, Nuh, Lut, Musa, Dawud, Sulaiman, Issa et Muhammad (ki la paix lor li et lors zot tous) – mo fine mentionne seulement quelques prophètes mais ena plisse ki sa – et sa bane tels l’effets sataniques là azordi jour fine manifester ensam et fine fer zot l’apparition dans l’époque du Messie Promis Hazrat Mirza Ghulam Ahmad (as). Mais azordi jours, dans nous l’époque ki nous pé vivre, sa situation là fine vine pli pire ki fine passé avant. Allah fine envoye sa humble serviteur ki devant zot azordi avec ene tas signs célestes et le plus flagrant et ki représente ene prophécie ki trouve dans le Quran Shareef et aussi ki le Saint Prophète Muhammad (saws) fine prédire c’est l’éclipse la lune et soleil dans le même mois de Ramadhan, et sa fine paraîte dans nous l’époque en Novembre 2003 (le 9 et 23 Novembre 2003). A sa l’époque là (en 2003, dans Jamaat Ahmadiyya Al Mouslemeen), Allah ti faire moi deboute et proclamé ki mo sa dimoune ki so l’avènement pé annoncer à travers l’apparition de sa signe céleste là dans nous l’époque actuelle, et ki sa signe là pé annonce l’avènement de sa humble serviteur ki présent devant zot azordi. En plisse de sa, au cours de la Manifestation Divine, dans so commencement, ti ena bane manifestation rare (et frékant à sa l’époque là) de bane halos ki aussi connu comme bane cercles complet de l’arc-en-ciel (et sa phénomène rare là ti manifester en Octobre 2002 et quelques jours aussi durant sa mois là, et aussi en Décembre 2007 etc.). Après sa, en 2004 (le 8 Juin), bane scientistes entier lémonde fine prend Maurice comme zot centre d’observation pou observe ene extrêmement phénomène rare ki arriver « ene sel fois dans la vie ene kikaine » et sa phénomène rare là ti transit de Vénus. En plusse de sa, nous bizin rapplez ki plisse ki ene fois, le nom d’Allah ti apparaite dans le ciel de l’Ile Maurice, et moi-même personnellement et ensam avec ene groupe de parmi mo bane disciples, nous ti trouve sa. Après aussi, fine ena manifestation (deux fois) d’ene croissant la lune ensam avec so z’étoile (et sa représente le symbole Islamique), et dernièrement l’autre manifestation de sa symbole là (croissant la lune avec so z’étoile) mo fine personnellement trouve sa 6 mois de cela le 11 Septembre 2010 dans le ciel de Maurice (après Namaz Maghrib & Esha). Pareillement, entier le monde fine ena bane manifestation célestes rare ki fine paraite, pou ki sa vine bane tels signes pou ouvert lizié dimounes, à propos ki faire ena tant de manifestations célestes ki rare, et ki surtout zot alle réaliser ki c’est pas ene l’époque ordinaire ki zot pé témoigner (prend dépi l’an 2000-jusqu’à présent). Et maintenant, mo pé fer ene l’autre prophécie d’ene manifestation céleste, et sa signe là c’est ki la lune pou fende en deux. Ene tel phénomène fine arriver dans l’époque du Saint Prophète Muhammad (saws) et dans lmo l’époque aussi, ene tel signe pou témoigner par mo bane camarades et ennemies aussi comme ene preuve de mo véracité comme le Messager Choisi d’Allah dans sa siècle présent là, en tant ki le deuxième Muhammad (saws) ki so l’avènement fine prophétiser dans le Quran Shareef dans Surah 62 Al-Jumu’ah. Sa prophécie là (la lune fende en deux) li pou physique et spirituel, et li pou aussi littérale et métaphorique. Le monde li dans ene situation bien difficile. Bane la guerres et bane crimes zot partout dans le monde et bane ki à la tête zot pé faire tout pou bane le dessus lors ene nation et en même temps zot lizié lors so bane richesses (pou zot propre gain personelle) au lieu ki zot donne ene coup de main pou aide bane nations oppressés (sans guette zot propre gain personelle), surtout bane nations islamiques (ki de nos jours dans grand difficultés). Le monde pou témoigne bane la rivières disang kot (le monde) pou entende bane cries et larmes de bane veuves et orphelins. Bane familles pou séparé, et pou ena aussi bane miracles de vie, mais au milieu de sa Qayaamat là, Allah pou sépare le bon de bane mauvais, et Insha-Allah, doucement doucement, ene tel l’époque pou vini kot l’humanité pou conne à propos l’Islam et reconnaite so suprématie (supériorité) comme la religion finale et parfait. Avant ki sa arriver, pou ena beaucoup Jihad (la guerre religieuse) ki nous pou ena pou fer, et bane les autres serviteurs (messagers) promis pou vini pou ki sa Victoire de l’Islam là li ressenti pas zis comme ene réalité mais aussi dépi sak lékaire ki assoiffé d’Allah, assoiffé de la VÉRITÉ. Plusieurs fois mo fine cause à propos la perfection de l’Islam (et de so l’enseignements). Bane l’enseignements là zot pure mais c’est l’homme ki sois gâte so z’image ou sois li montrer so perfection. Dans nous l’époque, Allah fine envoye So Envoyé Spécial pou fer la perfection de l’Islam briller, non seulement en apparence, mais aussi afin ki la lumière de la foi capave rentre dans lékaire de bane chercheurs de la vérité et afin ki zot réalise la beauté de l’Islam et l’unicité d’Allah (swt). L’époque ki nous pé vivre (témoigner) li bien critique et seulement ene retour vers l’adoration d’Allah ki capave sauve l’humanité de bane calamités ki pé déchire li et réduire li en pièces. Ensuite, mo fine apprane ki ene certain Mansoor Ahmad Sahib, ene de bane suivants de Janbah Sahib fine vine de l’avant pou essaye réfute moi (l’humble serviteur d’Allah) – mo Khutba Jummah de 21 Janvier 2011 – au lieu de so chef (Janbah Sahib). Au fait, sa réponse là ti adresser à « Shabeeb Haneef Sahiba » et zot fine poster sa réponse là lors zot website – Quel manifestation ! Eski nous bizin considère sa boute « Sahiba » là comme ene manifestation pou découvert rôle ki Shabeeb Haneef pé amener dernierment ? En tout cas, sa dimoune là (Mansoor Sahib) oulé ki mo vine de l’avant pou prove la véracité de Hazrat Mirza Bashiruddin Mahmood Ahmad (ra). Li écrire, mo lire : « Si ou pas capave prove so véracité, alors ou proclamation pou en li-même prouver ki ou ene « fausse 2ème Musleh Maud ». Pena aucaine bane tels révélations de Hadhrat Mahdi & Massih Maud ki exister dans ki Allah le Très-Haut fine promette li ki ena Réformateurs pou apparaite après des siècles. Mirza Bashir-ud-Din Mahmud Ahmad, sa statement là li suffit pou prouver ki lie ne fausse Musleh Maud. Ici, mo demande Munir Ahmad Sahib pou montrer bane tels révélations dans quoi Allah le Très-Haut fine promette à Hadhrat Mahdi & Massih Maud de la venue de bane réformateur promis après des siècles ? En accord avec bane révélations de Hadhrat Mahdi & Massih Maud ena zis ene sel bonne nouvelle d’ene Réformateur, c’est-à-dire, Zaki Ghulam ki li ti appelle Musleh Maud. » أَمْ يَقُولُونَ افْتَرَاهُ قُلْ إِنِ افْتَرَيْتُهُ فَلَا تَمْلِكُونَ لِي مِنَ اللَّهِ شَيْئًا هُوَ أَعْلَمُ بِمَا تُفِيضُونَ فِيهِ كَفَى بِهِ شَهِيدًا بَيْنِي وَبَيْنَكُمْ وَهُوَ الْغَفُورُ الرَّحِيمُ ۝ قُلْ مَا كُنتُ بِدْعًا مِّنْ الرُّسُلِ وَمَا أَدْرِي مَا يُفْعَلُ بِي وَلَا بِكُمْ إِنْ أَتَّبِعُ إِلَّا مَا يُوحَى إِلَيَّ وَمَا أَنَا إِلَّا نَذِيرٌ مُّبِينٌ ۝ « Eski zot dire: “Li fine invente sa?” Dire zot: “Si mo ti invente sa, alors ou pas ena aucaine pouvoir pou aide moi contre Allah; Li conne très bien saki ou dire (ki kalité critique ou fer). Li suffit comme témoin entre moi et ou, et c’est Li le Pardonneur, et le Miséricordieux.” Dire: “Mo pas le premier envoyé (et mo pas fausse), et mo pas conné séki pou arrive moi ni ou. Mo suive seulement revelation ki mo fine gagner, et mo seulement ene Avertisseur Clair. » (46: 9-10) Mansoor Ahmad Sahib li paraite bien ignorant kan li fine écrire ene telle condition, kan Allah fine donne So bane vrai serviteurs le Quran Shareef comme guide et comme ene base de référence. Li dire ki ena seulement ene sel bonne nouvelle de Musleh Maoud, et ki li pas capave être le garçon biologique du Messie Promis (as) ; mais pareil couma so chef fine donne certains l’examples, kot li ti cite couma la promesse d’Allah fine opéré lors bane tels prophètes couma Hazrat Zakariyya et hazrat Ibrahim (as) ; mais alors eski li aveugle or imbécile kan li penser ki Allah pas pou réalise So promesse et envoye ene garçon physique (biologique) à So Messie en réponse à le Messie so bane duahs ? Le prophète Zakariyya ti gagne Yahya, et sa zenfant là pas ti non seulement ene garçon biologique mais aussi ene prophète d’Allah ; et à Hazrat Ibrahim (as), Allah fine donne li non seulement comme prophète Hazrat Ismail (as), mais bane les autres garçons et ti-zenfants promis (male) aussi dans so postérité, sans oublier promesse ki li pou gagne ene Messager d’Allah ki pou vini après des siècle, c’est-à-dire, le Saint Prophète Muhammad (saws). Bane paroles d’ene Messager d’Allah li pas toujours litérale, mais li ena bane signification métaphorique, et comme ene de bane Messager d’Allah, astaire mo comprend le besoin pou servi sa deux types de signification là. Dans bane révélations ki le Messie Promis (as) ti recevoir, Allah fine ene fois adresse li et dire li ki li ti So garçon. Nawzobillah, eski sa veut dire ki Allah fine gagne ene garçon physique ? Ou bien eski li veut dire ki à cause l’amour immense ki Li ena pou So Messie, Li ti servi sa mot là pou démontrer ene l’amour paternel, ki ene papa ena pou so zenfant, seulement comme ene mesure ki servi pou fer bane dimounes comprend ki Allah So l’amour pou So bane serviteurs li bien plus grand ki même l’amour paternel ? Pareillement, le Messie Promis (as) zamais fine dire ki so Zaki Ghulam pou le seul être promis ki pou vini pour fer revivre l’Islam. Si sa ti le cas, alors so garçon biologique, ki Allah fine protéger de la mort (et ki contraire à ou croyance ki Allah pou laisse ene menteur vivant), alors kan garçon là fine vine de l’avant pou proclamer ki li sa vrai fils biologique (le vrai garçon) du Messie Promis (as). Ou essaye prend ene partie de révélation du Messie Promis et servi li dans ou propre l’avantage, tandis ki ou rejette ene l’autre partie de la révélation du Messie Promis et ou fer croire ki sa applique pou ene l’autre arçon ki ensuite fine mort. Sa pas corecte du tout. Sa révélation là fine vini et sa zenfant là ti bizin de propre sémence, le garçon biologique du Messie Promis mais ou et ou chef zot paraite aveugle de sa fait là. Par la grâce d’Allah, Hazrat Mirza Bashiruddin Mahmood Ahmad (ra) fine vine de l’avant après ki li fine gagne confirmation après tant d’années ki li-même li sa garçon promis ki Allah ti promette ki Li pou élever en consékance de duahs et révélations ki le Messie Promis (as) fine recevoir d’Allah. Eski ene kikaine capave objecté à la volonté d’Allah ? Malgré ki le Messie Promis fine penser en tant ki humain ki sa garçon là pou né d’ene 3ème madame, le fait ki sa révélation là fine annuler, mais promesse Allah concernant sa garçon biologique ki Li fine promette So Messie là bizin réaliser, couma Allah fine envie. وَإِذَا بَدَّلْنَا آيَةً مَّكَانَ آيَةٍ وَاللّهُ أَعْلَمُ بِمَا يُنَزِّلُ قَالُواْ إِنَّمَا أَنتَ مُفْتَرٍ بَلْ أَكْثَرُهُمْ لاَ يَعْلَمُونَ ۝ "Kan nous remplace ene révélation par ene l’autree, et Allah conne bien ki revelation Li faire dessane, zot dire: “C’est seulement to invention. En bien, la plipart parmi zot pas comprend.” (16:102) مَا نَنسَخْ مِنْ آيَةٍ أَوْ نُنسِهَا نَأْتِ بِخَيْرٍ مِّنْهَا أَوْ مِثْلِهَا أَلَمْ تَعْلَمْ أَنَّ اللّهَ عَلَىَ كُلِّ شَيْءٍ قَدِيرٌ ۝ "N’importe ki verset Nous effacer ou faire oublier, Nous remplace li par ene l’autre meilleur ou ene pareil. Eski ou pas conner ki Allah ena pouvoir lor tout kitchose." (2:107) Mo envie demande Janbah Sahib ene question. Eski li croire dans bane Khulafa-e-Rashideen? Oui ou Non ? Bane 3 derniers ti assassiné. Alors eski zot la mort (Nawzobillah) et la mort de bane prophètes dans le passé ki ti tuer par zot bane l’enemies, eski sa bane preuves concret de bane l’opposants de l’Islam pou montrer ki zot dans fausseté ? Le Saint Prophète Muhammad (saws) ti déjà prophétisé ki zot (c.à.d, bane 4 Khulafa-e-Rashideen – et li ti nomme zot par zot rang d’honneur) pou bane gardiens de so Sunnah. Mais ensuite 3 derniers d’entre zot ti assassiner. Eski zot la mort ti bane la mort maudit et eski sa veut dire ki l’Islam et so noble prophète zot fausse ? Si la réponse, non, alors d’après Janbah Sahib, couma eski li capave osé dire ki kan li fine recevoir ene coup de poignard dans so licou (et sa ti flagrant ki attaqueur là ti conne très bien verset Quran ki prédire sa là) ki sa ene preuve de déception dans proclamation de 2ème Khalifa Hazrat Mirza Bashiruddin Mahmood Ahmad (ra)? Et spécialement kan Allah fine clairement protège So dimoune choisi dépi la mort kan ene tel l’attaque fine fer ? D’ene coté, ena la mort brutale de bane 3 Khulafa-e-Rashideen et de l’autre côté ena la survie d’ene disciple et fils biologique du Messie Promis (as) après ene tel l’attaque lors li (Hazrat Mirza Bashirudin Mahmood Ahmad (ra)), et fine ena ene tel miracle ki fine manifester dans so vié l’âge ki li fine vivre pendant encore 11 ans après sa lame de sa poignard là fine tasse dans so gros l’artère. La mort d’ene menteur li dans la main d’Allah. Sa boute là li évident dépi sa verset Quran là, et sa même verset là pas laisse aucaine doute à consékance d’ene dimoune ki menti et fabrique bane révélations divine kot li attribuer sa à Allah, et ki totalement contre bane paroles d’Allah – c’est-à-dire, Li (Allah) pou fini li dans ene telle façon ki Li pas pou laisse aucaine trace de sa dimoune là, et ki dimoune pas prend li en haute estime, et non le contraire. Sa bane dimounes là vine bane l’ennemies de bane croyants – bane pieux et bane ki lors le droit chemin, et li pas vine zot camarade et guide (et conseiller). Le Messie Promis (as) en réponse à bane Mawlana hypocrite fine cite so propre l’exemple concernant sa zaffair là (la mort maudit). Li fine clairement dire zot ki ene dimoune « ki cause menti  lors la révélation divine » (ki li vine de côté d’Allah tandis ki c’est pas vrai) ou « li ene imposteur ki ena beaucoup toupé » pas pou capave gagne répit de côté Allah si li ene menteur et imposteur ; faudé ene période de plisse ki 20 ans (ki capave caractérise so véracité). » Li fine pose zot ene question : « Eski c’est sa façon d’agir d’Allah (swt) pou accorde ene répit pendant plisse ki 20 ans à ene menteur ou imposteur ki ena toupé (pou proclame séki li pé proclamé) ? ... » (Anjam-e-Atham, Ruhani Khaza’in, Vol.2, pp.49-51, Essence de Islam Vol.2, pp.377-378) Le Messie Promis (as) fine aussi ajouter : « Mo pas dire ki ene idolâtre ou ene athée ou ene kikaine ki proclamer ki li bondié pas gagne ene longue la vie, parski sa bane erreurs et mal-guidance là pou être puni dans l’au-delà. Mais mo affirmer ki celui ki faussement proclame li comme ene récipiendaire de la révélation divine pou être saisi bien vite et ki so la vie pou bien courte. Le Torah, l’Evangile et le Quran Shareef zot bane témoin de sa et la raison aussi (témoin de sa). Ene opposant pas capave mette de l’avant ene l’exemple de sa à séki l’histoire fine montrer nous. » (Ayyam-us-Sulh, Ruhani Khaza’in, Vol.14, pp.267-268, l’Essence de Islam Vol. 2, pp.379) Kan li fine essaye salir la mémoire et proclamation du 2ème Khalifa comme Musleh Maoud, Janbah Sahib pas zis pé questionne la décision d’Allah kan à So décision pou élève ene garçon biologique du Messie Promis, mais aussi li contradire clairement proclamation du Messie Promis (as) ki c’est dépi so propre sémence (zenfants biologique) ki pou ena sa Zaki Ghulam de so l’époque, le fils promis et aussi Musleh. Janbah Sahib li téti pou dire ki bizin ena zis ene sel “Zaki Ghulam” – ene sel Musleh Maoud dépi prophécie du Messie Promis (as), pas deux ou trois. Mais li clair dépi bane prophécies du Messie Promis (as) ki pou ena encore bane les autres dimounes promis (bane Mujaddid et Messager pareil couma Quran Shareef fine promette – Eski le Messie Promis li pas ene vrai gardien du Quran Shareef et celui ki confirme li ?) Ene de sa bane dimounes promis là ti vine de so propre sémence (garçon biologique), et bane les autres pou vine de parmi so bane suivants, ki zot aussi zot pou bane vrai gardiens de so l’héritage spirituel. Moi, en tout les cas, mo fine vini en réalisation de sa promesse là et pou prend la barre de so Jamaat. Allah fine promette So Messie (as) ki Li pou élève ene kikaine dépi so propre Jamaat avec le Ruh-il-Qouddouss (Al-Wassiyat p.9). Mo sa fils spirituel du Messie Promis (as) et aussi mo accompli le côté spirituel de prophécie de Zaki Ghulam – Musleh Maoud. Mo pas fine vini pou aboli proclamation de Hazrat Mirza Bashiruddin Mahmood Ahmad (ra) mais pou renforci li avec l’aide d’Allah. Allah Li Témoin lors mo bane paroles et So support (aide) de sa humble serviteur là li suffit ! Mo pas bizin dimoune pou occupe moi, pou prend moi compte. Si zot croire, li pou bon pou zot propre l’âme ; si zot alle à l’encontre de bane décisions et la suprémacie d’Allah kan à So droit pou choisir saki Li content pou vine So Messager, alors so zaffaire dans la main d’Allah. Mais en gros somodo, définitivement la VÉRITÉ pou manifester et sa jour là pou vini kan bane vrai chercheurs de vérité pou alle réaliser ki ene Messager pas vini pou force dimoune pou croire, mais au lieu de sa, li vini seulement pou passe ene message ; si zot croire, li pou bon pou zot, si non... just too bad ! (bien chagrin pou zot !) Bane passions de l’homme li en grand nombre. Mo esperer ki Janbah Sahib li pas alle dans l’abime (trou profond) de so bane passions kan li fine osé condamne celui ki recevoir la révélation (spécialement de propre Jamaat du Messie Promis (as)), et spécialement celui ki li-même li fine suive ziska so propre proclamation comme étant (séki li proclamer !) le vrai Musleh Maoud (et kot li traite le 1er Musleh Maoud de menteur). Mo invite Janbah Sahib pou vine de l’avant personnellement et non pas à travers ene de so disciples ; laisse li personnellement vine dans le champs de bataille et dire ki li sa Zaki Ghulam ki Allah fine promette à so Messie Promis (as), sa même Zaki Ghulam (Musleh Maoud) ki Allah ti révèle le Messie dans Hoshiapur ki sa garçon là pou de so propre semence. Li dire ki bizin ena ene sel Musleh Maoud, alors laisse li vine de l’avant dans sa challenge là (et li pas passe à travers so bane disciples) et li déclarer ki li la vérité et moi mo menteur, et nous pou guetter kot Allah So la main, so l’aide, So support été. Laisse li vine de l’avant et dire ki sa garçon promis ki en même tant Zaki Ghulam et Musleh Maoud c’est li-même. Sa miracle de naissance là le Messie Promis ti envie trouve li dans so propre descendance biologique ; alors laisse Janbah Sahib vine de l’avant et dire ki li-même li sa fils biologique et spirituelle de Hazrat Massih Maoud (as) ; ki sa fils biologique et Zaki Ghulam là pas le 2ème Khalifa du Mouvement Ahmadiyya, mais ki li dire ki c’est li-même et ki li dire li-même ki Hazrat Mirza Bashiruddin Mahmood Ahmad et moi, nous tous les deux nous fausse et menteur, et li pas passe à travers so disciple pou li dire sa ! Si li dire li ene Zaki Ghulam, alors ki li vini comme ene Zaki Ghulam ! Mo ti pou content terminer en ajoutant ki comme ene signe de la véracité de bane prophécie ki mo (en tant ki l’humble serviteur d’Allah) ti fer à travers bane instructions divines, alors en ce moment (prend dépi le début de Février), nous fine témoigne d’ene chaleur épouvantable, pas pareil couma nous habituer gagner dans le passé, parski Maurice, en tant ki ene l’ile tropicale, habituer gagne ene climat agréable (ni trop chaud en été et ni trop frais en hiver), mais après mo Khutba Jummah de 07 Janvier 2011, non seulement nous fine témoigne bane la pluie torrentielle dans plusieurs l’endroit de Maurice, mais aussi fine fer bien bien chaud. En plusse de sa, nous pé tende preque tous les jours à propos bane crimes ki commette par bane jeunes, et aussi suicides. Récemment, ti ena la mort d’ene de bane advisers (conseillers) Premier Ministre. En plusse de sa, nous pé témoigne beaucoup calamité ki pé attrape sa le monde là de jour en jour. Ki Allah protège le monde dépi la destruction. O l’humanité, lever dépi zot longue sommeil avant ki li trop tard. Le jour du jugement fine vini pou zot ; reste bien tiguitte létemps pou jouir dans bane kitchoses inutiles. Change direction de zot but afin ki Allah vine zot priorité et fer ki sa changement là vini kan zot alle réalise l’importance de la situation ki nous pé témoigner azordi jour. Insha-Allah. Ameen. C’est ene grâce d’Allah ki avec sak jour ki passer, pas zis bane membres du Jamaat Ul Sahih Al Islam ki gagne régulièrement bane inspirations, révélations et signes divines, mais zot, ensam avec bane chercheurs de vérité zot bane témoin de bane miracles de duahs. Sa ti ene réalité dans le passé et li aussi vrai azordi jour aussi. Ki Allah retire tous bane voiles de lizié de bane ignorants, ki Li (Allah) guide bane vrais chercheurs de vérité afin ki zot accepter la vérité et ki zot récolter bane fruits de vrai l’amour divine. Insha-Allah, Ameen. « Commié peuples fine désobéir l’ordre zot Maître et So bane Messagers avec insolence. Nous fine faire zot rende ene compte sévère, et Nous fine puni zot avec ene punition ki jamais ti tender. Zot fine goutte la conséquence de zot mauvais conduite, et la fin de tout sa, c’était zot la perte. Allah fine prépare pou zot ene punition sévère. Alors crainde Allah, ou ki ena intelligence et ki fine gagne la foi. Allah fine déjà envoye ou ene message, (par) ene messager ki récite avec ou révélations Allah comme preuves et ki retire bane ki ena la foi et faire le bien de l’obscurité et amène zot vers la lumière. En vérité, celui ki ena la foi et faire le bien, Li (Allah) pou faire li rentre dans bane jardins avec bane la rivière ki couler au milieu, et zot pou reste là-dans pou toujours. Alors Allah fine surement accorde li ene joli don. » (Révélation)