بسم الله الرحمن الرحيم
Khutba Jummah
HAZRAT KHALIFATULLAH AL-MASSIH AL-MA’OUD
Munir Ahmad Azim
26 Août 2011 ~
(25 Ramadhan 1432 de l’Hégire)
RAMADHAN MUBARAK
(Résumé Khutba)
Après Salam, Hazrat Khalifatullah fine commence so Khutba avec Tashahhud, Ta’uz, Surah Al Fatiha, et ensuite li fine dire:
بِسْمِ اللَّهِ الرَّحْمَنِ الرَّحِيمِ إِنَّا أَنزَلْنَاهُ فِي لَيْلَةِ الْقَدْرِ وَمَا أَدْرَاكَ مَا لَيْلَةُ الْقَدْرِ لَيْلَةُ الْقَدْرِ خَيْرٌ مِّنْ أَلْفِ شَهْرٍ تَنَزَّلُ الْمَلَائِكَةُ وَالرُّوحُ فِيهَا بِإِذْنِ رَبِّهِم مِّن كُلِّ أَمْرٍ سَلَامٌ هِيَ حَتَّى مَطْلَعِ الْفَجْرِ
Bismillaahir-Rahmaanir-Rahiim; ‘Innaaa ‘anzalnaahu fii lay-latil-Qadr: Wa maaa ‘adraakamaa Laylatul-Qadr? Laylatul - Qadri khayrum-min ‘alfi shahr. Tanazzalul-malaaa ‘ikatu war-Ruuhu fiihaa bi-‘izni-Rabbihim-min kulli ‘amr: Salaamun Hiya hattaa matla-‘il-Fajr.
« Au nom d’Allah, le Très Gracieux, le Très Miséricordieux. Vraiment, Nous fine fer (le Quran) dessane pendant la Nuit du Destin. Et ki pou faire toi conner ki été sa la Nuit du Destin ? La Nuit du Destin li meilleure ki mille mois. Bane anges et l’Esprit déssane pendant sa la nuit là, par permission zot Maître, avec tout bane l’ordre. C’est la paix, ziska ki soleil levé. » (Al-Qadr 97: 1-6)
Khutba Jummah d’aujourd’hui li divisé en 3 parties: Itikaaf, Laila-tul-Qadr et Zakaat. Au cours de bane dix derniers jours Ramadhan Hazrat Muhammad (saws) ti ena l’habitude reste Itikaaf et sa Sunnah de Hazrat Muhammad (saws) là li pratiqué également par beaucoup musulmans dans le monde pendant sa dix jours là.
Hazrat Aisha (ra) fine rapporté ki le Saint Prophète (saws), ti ena l’habitude pou reste Itikaaf pendant dix derniers jours de Ramadhan jusqu’à so la mort, et ensuite so bane madames fine reste (Itikaaf) après li. (Bukhari)
Itikaaf (ki représente retraite dans Masjid pendant dix derniers jours de Ramadhan, pou ki nous capave rapproche nous avec Allah), li ene acte d’Ibaadat qui inclure ene grand nombre de bane actes d’obéissance à Allah, par exemple, récitation Quran Shareef, accompli bane Namaz, fer Zikr Allah et supplier Li (Allah). Bane ki pas fine vivre ene telle l’expérience pou capave trouve sa pratique là trop difficile pou supporté. En fait, li vine facile pour bane qui arme zot avec vraie détermination et l’intention pou cherche seulement le plaisir d’Allah.
Itikaaf vine encore plisse d’actualité dans dix derniers jours Ramadhan, dans le but pou gagne le Laila-tul-Qadr. C’est ene acte d’Ibaadat digne de louanges, mais pas obligatoire. Allah cause de sa dans Quran Shareef comme suite:
« Au nom d’Allah, le Très Gracieux, le Très Miséricordieux. Vraiment, Nous fine fer (le Quran) dessane pendant la Nuit du Destin. Et ki pou faire toi conner ki été sa la Nuit du Destin ? La Nuit du Destin li meilleure ki mille mois. Bane anges et l’Esprit déssane pendant sa la nuit là, par permission zot Maître, avec tout bane l’ordre. C’est la paix, ziska ki soleil levé. » (Al-Qadr 97: 1-6)
Le Saint Prophète (saws), fine également déclaré concernant le Laila-tul-Qadr (la Nuit du Destin): « Celui ki prier au cours de Laila-tul-Qadr avec conviction et en espérant gagne récompense d’Allah pou pardonné pou tous so bane péchés (ki li ti fer dans le) passés. » (Bukhari, Muslim)
Le Saint Prophète (saws) ti ena l’habitude rode le Laila-tul-Qadr et li fine donne bane instructions à so bane compagnons pou ki zot aussi rode li. Li (saws) ti habituer lève bane membres de so la famille durant bane dix derniers la nuits de sa mois là (Ramadhan) afin ki zot passe sa bane la nuits bénies là dans Ibaadat. Le Laila-tul-Qadr li produire pendant ene de bane la nuits impaires de sa dix derniers jours de Ramadhan là. Ena bane suggestions ki fine fer ki la Nuit du Destin (Laila-tul-Qadr) li sois 23ème, 25ème ou 27ème la nuit du mois de Ramadhan, et ainsi ki bane les autres la nuits. Li préférable ki nous prend l’importance de sa la nuit là ensam avec saki Verset 4 dire nous, kot li dire ki la nuit d’Al-Qadr li meilleur ki mille mois.
Li surpasse le temps, parski c’est la puissance d’Allah ki efface tous bane noirté, tous bane l’obscurité de l’ignorance, par So révélation, dans sak kitchose. Nous bizin prend « mille » dans ene sens indéfini; ki veut dire ene très longue période de temps. Li pas dans nous capacité de perception pou calcule sa létemps là, mais là sa li indique ene « létemps illimité ». En fait, ene tel moment l’éclairage à travers la lumière d’Allah li meilleur ki bane milliers de mois ou l’années de la vie (ki nous vivre dans ene façon) animale ; et un tel moment li change la nuit de bane ténèbres (noirté kot le mal répanne partout) en ene période de gloire spirituelle.
Quand la nuit de bane ténèbres spirituelles disparaitre pour faire la gloire d’Allah vine manifeste, alors ene la paix extraordinaire et ene sentiment de sécurité lévé dans l’âme. Et sa durer ziska ki sa la vie (lors la terre) là fini, et le jour rempli de gloire de nous nouveau la vie lévé (et dévoiler à nous), kot tous pou lors ene plateau différent (bien différent de saki nous habituer trouver lors sa la terre là), et bane la nuits et lizours couma nous calculés dans sa le monde là pou vine bien moinse ki ene rêve.
Nous arrive maintenant lors (le sujet de) Zakaat ; Zakaat li ene acte de charité obligatoire lors sak musulman ki éligible pour contribuer là-dans. C’est ene acte d’Ibaadat et ene forme efficace pour réalise la justice sociale (kot bane dibiens reparti entre ban riches et bane pauvres). Li (Zakaat) ene de bane cinq piliers de l’Islam ki fine prescrire dans Quran et Hadiths.
La racine du mot Zakaat en arabe veut dire bénédiction, croissance, propreté ou amélioration. Dans Shariah (la loi islamique), le mot Zakaat réfère à portion déterminée de richesses ki fine prescrire par Allah pour ki sa réparti entre bane catégories de bane dimounes ki éligible pou recevoir li. Sa mot là li également servi pour signifier action pou paye sa part là. La croissance et la propreté zot pas limité à bane dibiens dans ki fine retire Zakaat, mais li affecter sa dimoune ki paye Zakaat, en conformité avec verset 104 de Surah At-Tauba (Chapitre 9).
« Prend dépi dans zot dibiens ene Sadaqa (Zakaat) par quoi to purifié et béni zot. »
Si nous guette bien, Zakaat, couma li connu dans le Shariah, appelle li parfois aussi Sadaqa. En fait, Sadaqa li couvert à la fois Zakaat et charité volontaire ki nous faire et servi pour tous bane actes de bonté. Dans l’histoire de l’Islam, bien après l’époque de nous Aka Hazrat Muhammad (saws), Sadaqa ti pé servi comme pou faire référence à tous bane dons de charité volontaire ki nous donner à bane à pauvres et démunis ; bane ki dans nécessité.
Zakaat li ene acte d’adoration qui purifier la richesse et l’âme d’ene musulman. Purification de la richesse veut dire mouvements de nous bane dibiens concrets afin ki sa servi pou croissance financier et pou faire ene distribution de sa bane dibiens là dans ene façon équitable dans la société. La purification de l’âme implique ki nous bizin libère nous le cœur de tous bane la haines, jalousie, égoïsme et soif pou gagne encore plisse richesse.
Techniquement, Zakaat li ene proportion annuelle fixe ki prend de la richesse et de bane revenus en plisse d’ene musulman. Li ensuite distribué à bane ki mérite recevoir li pour le bien-être de l’Oummah. Zakaat bizin payé totalité dibiens après ki ene musulman fine déduire so bane dépenses lors so la vie personnelle, familiale et les autres nécessités. A la fin de l’année, ki li missié ou madame, si li en possession de l’équivalent de 85 grammes de l’or ou plisse, en espèces ou bane l’articles de commerce, alors li bizin paye Zakaat d’ene taux de 2.5%. Sa appliquer aussi à bane produits agricoles et à l’élevage.
Dans Quran, le terme Zakaat fine mentionné dans plusieurs versets. Li mentionne 30 fois dans Quran; et dans 27 parmi sa 30 là, Zakaat li associé avec Salaat, et zot mentionner ensam dans même façon et style, par example : Bane ki ferme dans zot Salaat... et bane ki paye Zakaat. (Salaat vine avant et ensuite mentionne Zakaat).
Abdullah Ibn Mas’ud (ra), ene de bane premiers grand compagnons du Saint Prophète (saws), fine faire sa observation là dans contexte ki nous pé causer. Li dire: « Namaz (Salaat) de celui ki pas donne Zakaat li pas ena aucaine sense (aucaine utilité). » Sunnah de nous Aka Hazrat Muhammad (saws) rempli avec bane instructions concernant Zakaat. En mentionnant bane bases ki fine enseignés par le Saint Prophète (saws) à bane premiers musulmans, Jafar Ibn Abu Talib (ra) fine donne sa explication suivant là à léroi d’Abyssinie, « Li (le prophète) ordonne nous pou prier, paye Zakaat et garde Roza. »
Anas (ra) cite le Saint Prophète (saws) en disant: « Bane ki mort avec ene la foi sincère en Allah, ki adore Li (tousel), sans partenaires, li faire Namaz et paye Zakaat, pou trouve zot gagne le plaisir d’Allah. » Hazrat Muhammad (saws) fine condamne le fait ki ene dimoune pas paye Zakaat. Li (saws) dire : « Si Allah donne ene dimoune la richesse, mais li pas paye so bane Zakaat, alors sa richesse là pou paraite devant li jour Qayamat, sous forme d’ene gros serpent ki pou encercler et serre li, et pou dire li: « Mo to richesse, to trésor ki to ti ena l’habitude ramasser. »
Zakaat li pas ene simple charité ki seulement applicable kan dimoune gagne l’envie pou donne quelque chose en charité, et ki forme partie de bane bonne actions ordinaire ki bane croyants faire. Non ! Zakaat li ene piliers bien important de l’Islam ; li ene de bane rites bien important de l’Islam, et li le deuxième parmi bane quatre actes Ibaadat principales de l’Islam. Si pas paye li (Zakaat), sa li égale au fait ki sa dimoune ki pas paye li là fine égarer.
Pou nous bien comprend li, Zakaat li le droit de bane pauvres dans richesse de bane riches, et sa droit là, c’est Celui ki vrai propriétaire de sa bane dibiens là (Allah) ki fine donne sa bane dimounes pauvres là. Et Allah fine rende sa obligatoire pou ki tous bane dimounes ki bizin tire Zakaat, bizin tirer, parski c’est Allah ki fine donne zot contrôle de sa richesse là, et c’est zis Li-tousel ki capave donne sa instruction là pou ki donne ene partie de sa bane richesses là à bane pauvres. Alors, de ce fait, Zakaat li pas humilier ou diminuer celui ki recevoir li. Ki Allah (swt) guide sakaine d’entre nous lors le droit chemin. Ameen.
