بسم الله الرحمن الرحيم

 

Khutba Jummah

 

HAZRAT KHALIFATULLAH AL-MASSIH AL-MA’OUD

 

Munir Ahmad Azim

 

28 Octobre 2011  ~

(01 Dhul-Hijjah 1432 Hijri)

 

(Résumé Khutba)

 

Après Salam, Hazrat Khalifatullah fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

Allah (swt) fine dire dans Quran Shareef:

 

مَّا جَعَلَ اللَّهُ لِرَجُلٍ مِّن قَلْبَيْنِ فِي جَوْفِهِ

 

Maa ja- ‘alallaahu li-raju-lim-min qal-bayni fii jawfih.

“Allah pas fine mette deux lécoeur dans lécorps aucaine dimoune.”

(Al-Ahzaab 33 : 5)

 

Comme commentaire de sa verset Quran là: Nous bizin apprane ki Allah, La Majesté Incomparable ki fine accorde nous le bien-être de l’existence fine place zis ene lékaire dans sakaine d’entre nous, afin ki nous content zis Li tousel, et ki nous renonce à tout léreste, et ki nous consacrer nous zis à Li, en prenant précaution pou pas divise nous lékaire. Le but ultime de l’homme en fin de compte c’est pou conne Allah, et c’est là raison derrière création de l’homme.

 

Le Saint Prophète (saws) fine dire nous ki Allah fine donne li révélation ki si pas ti ena li (le prophète) – c’est-à-dire, en tant ki le modèle parfait de l’homme ki fine atteindre so statut spirituelle complète – alors Allah pas ti pour créer bane les ciels (et la terre).

 

Dans ene lotte parole inspirée ki nous appelle Hadith Qudsi, Allah (swt) fine déclarer: “Mo ti ene trésor caché et Mo ti envie être connu, c’est pour sa ki Mo fine créé l’univers”.

 

Dieu fine créé l’homme dans So l’image, Li fine soufflé dans li So l’esprit, Li fine établi li (l’homme) comme So représentant (Khalifa) lors la terre, Li fine enseigne li bane noms de tous bane kitchoses. Kan ene dimoune li arrivé libérer de so bane besoins ? Kan Allah libère li de sa ; sa pas arriver grâce à bane zefforts de l’homme, mais avec l’aide d’Allah. Tout d’abord, Allah produire dans li désir pou parvenir à sa but là. Après li ouvert pou li la porte répentir, c’est-à-dire, Tawbah. Ensuite, Allah jette dans li ene sentiment et ene l’état de mortification, – Mujaahada – c’est-à-dire, kot li touye so bane désirs, de telle sorte ki li continuer lutter, et pour ene temps, li faire éloge de so propres zefforts, en pensant ki li en plein progrès et pou réalise kitchose ; mais ensuite li tombe dans désespoir et li pas éprouve aucaine la joie. Alors, li alle réaliser ki so action li pas pure, mais li souillée (sale, pas parfait couma li ti penser), et alors li répenti pou sa bane actes de dévotion (actes d’Ibaadat) ki li fine croire zis par li li fine faire, et en plus de sa, li alle trouver ki tout sa là fine accompli par la grâce, et l’aide d’Allah, et ki li ti coupable de Shirk  kot li ti pé associer tous sa progrès là à so bane propres zefforts. 

 

Kan sa vine clair pou li, alors ene sentiment de contentement penetrer dans so lékaire. Alors Allah ouvert pou li la porte de la certitude – Yaqeen – de sorte ki pendant ene temps li prend n’importe quoi de n’importe qui et accepter l’insolence par ki sa li produire, et doute ki li ti ena lors sa sujet là li écarter de so lékaire.

 

Alors Allah ouvert pou li la porte de l’amour – Mahabba – et ici aussi l’égoïsme apparaite pendant ene temps, et li exposé à bane blâmes – Malaama : ki veut dire ki, dans so l’amour pour Allah, li affronte sans crainte tout saki capave arrive li et li pas casse la tête à bane reproches (ki dimounes capave fer li), mais dans sa l’état là, li toujours encore pense dans sa façon là, kot so « moi » encore manifester, kot li dire : « Mo content ». Alors li pas gagne aucaine repos, aucaine tranquillité ziska ki li alle comprend ki c’est Allah ki content li, et ki maintenir li dans sa l’état d’amour là, et ki c’est sa le résultat de l’amour et de la grâce d’Allah, et non pas de so bane propres zefforts.

 

Alors, Allah ouvert pour li la porte de l’unité – Tawhid – et faire ki li comprend bien ki tout action li dépende d’Allah (twa). C’est à sa moment là, ki li (l’homme) li trouve tout comme Allah, tout vine de Allah, et tout pour Allah, et li alle comprend ki Allah fine donne So bane créatures sa l’amour propre là afin pou mette zot à l’épreuve, et ki c’est Li (Allah), dans So toute puissance ki oulé ki zot (bane dimounes) zot ena sa fausses l’idée ou l’opinion là, parski sa attribut ki Allah Li tout puissance li pou Allah seul, de sorte ki kan zot considère So bane attributs, alors zot alle conner (et péna aucaine soute dans zot la tête) ki Li (Allah) Li zot Créateur, zot Rab. Saki sa serviteur là ti conné par l’habitude astaire li conne sa même zaffaire là à travers so l’instinct, tandis ki li contempler bane créations, bane actions d’Allah. Alors li reconnaite totalement ki li pas ena droit pou soit dire : « moi » ou « mo ».

 

A sa degré là, li contempler so misère : bane désirs abandonne li et li vine libre et tranquille. Li souhaite saki Allah souhaiter ; so bane propres souhaits fine disparaître. Li libérer de so bane besoins et li fine gagne la paix et contentement dans tous les deux les mondes...

 

D’abord, action li nécessaire, puis la connaissance, afin ki nous capave conner ki nous pas conne nannié et ki nous bane nannié ditout. Sa li pas facile pou conné ; c’est ene kitchose ki pas capave vraiment enseigner, ni coudre avec ene z’aiguille ou attacher avec ene difil. C’est ene don d’Allah.

 

Vision de lékaire, c’est sa même ki compte, non pas parole de la langue. Zamais li pas pou saper de nous « moi » - nafs – à moins ki nous touye li. Dire « Laa-Ilaaha Illallah » (Péna aucaine bondié aparte Allah) li pas suffit. La plupart de bane ki seulement prononce lors la lèvres sa attestation de la foi là zot bane polythéistes (ki fer Shirk), et le Shirk li le seul péché ki Allah pas pardonner.

 

Le corps en entier li rempli de bane doutes et Shirk. Nous bizin débarasse nous de tous sa afin ki nous vine en paix. Tanque ki nous pas pou renonce à nous « moi » (nafs), zamais pou pas pou croire vraiment en Allah. Nous nafs garde nous loin avec Allah et li (nafs là) faire nous dire : « Intel fine mal agir envers moi, et intel fine bien agir ». Sa façon penser là li mette l’accent lors créature (au lieu le Créateur), et alors sa li forme partie du Shirk.

 

Nannié pas dépanne de bane créatures ; tout dépanne du Créateur. Faudé nous conne sa et nous proclame li, et après ki nous fine proclame sa, nous bizin reste ferme lors là. Reste ferme – istiqaama – veut dire ki kan nous fine dire : « 1 – Ene », faudé zamais encore nous dire « deux ». Le Créateur et So créature zot « deux »... Reste ferme consister dans sa : ce qui veut dire, kan nous dire « Allah », faudé nous causer ou ena bane pensées lors bane choses ki fine créer, couma dire zamais zot fine exister... De ce fait, anous content Celui ki zamais pas pou arrête exister (Allah) kan nous tous pou arrête exister, afin ki nous fini nous-mêmes dans Allah, comme si zamais nous pas ti exister.

 

Anou vine couma sa la glace là kot la rouille couvert so surface, empêche clarté pou pénétrer et de ce fait empêche nous image pou imprime lors sa la glace là. Normalement ene miroir li ena sa attribut pou recevoir bane images et pou reflecter li couma li été. Alors celui ki envie remette li dans son bon l’état bizin faire deux travail : frotter et poli li, c’est-à-dire, elimine la rouille ki pas ti bizin exister lors là ; et ensuite li dispose la glace là face à vrai forme (ki pou ensuite reflecter là-dans). Pareil couma z’image et la glace là, li pou recevoir l’empreinte de sa vrai forme là au point ki li pou identifier li avec sa vrai forme là dans ene sense, malgré ki tous les deux zot bien séparer, c’est-à-dire, vrai forme là li séparer de l’image de li ki reflecter dans la glace...

 

Sa aptitude là li trouve éternellement en acte parmi bane anges, pareil couma li exister dans de l’eau pure, ki par nature li reflecter z’image d’ene façon caractéristique. Mais, au niveau de l’homme, li exister en puissance, non pas en acte. Si l’homme fer zeffort pou lutter contre li-même, alors li pou atteindre l’horizon de bane anges. Si, li alle céder à so bane l’appétit (de la chair, de sa le monde temporaire là), et si li persister pou provoque bane causes ki détermine  l’accumulation de la rouille lors le miroir de l’âme, alors so capacité pou reflécter le vrai pou complètement éclipser (effacer) – li pou dans vide.

 

Allah (swt) fine ene jour (au commencement de la Manifestation Divine) dire moi (en français) : « Purifier-toi de bane attributs du nafs (c’est-à-dire, efface complètement to nafs) afin ki to capave contempler to propre l’essence pure, et contempler dans to propre lécœur tous bane sciences (connaissances) de bane prophètes, sans livres, sans professeurs, sans maitres. Le livre du vrai serviteur d’Allah li pas composé de l’encre et de lettres; li rien d’autres ki ene lékaire blanc couma la neige. Ene savant li pas celui ki emprunte so connaissance dans kit livre et ki vine ignorant kan li oublier saki li fine apprane. Ene vrai savant li celui ki recevoir, kan li oulé, so connaissance de so Rab, sans l’étude ni enseignement. »

 

Avant ki mo termine sa Khutba là, Moussa Taujoo et Ganee avec so Amine pé prend zot comme bane grand ténor et defenseur Khalifa et Ahmadiyyat. Zot pé rejette séki zot pas capave saisi de Allah So connaissance, kan même zot pas encore gagne so explication. Coumsa même ena dimoune avant zot ti faire vantard, fine refuse accepter la vérité et guette couma Allah (swt) fine amène zot vers zot destruction. Toi Moussa to pé suivre seulement to propre imagination pou to gagne grandeur. To fine oublier to humiliation ki to ti gagner en 1988 kan le feu Khalifa Tahir Sahib ti vini, tellement to ti pé écoute Hussein. Kot Hussein été et kot toi ? To ti fine envoler – pense bien to imagination satanique là, ki pé faire mette boycott lors nous et pas faire Salaam pas pour capave vine plus fort ki la vérité en aucaine façon. Allah conner séki to pé faire. Allah (swt) dire dans Quran : « Inna sharraddaa-waaabbi indallaahis summul-bukmullaziina laa yaqiiluun. » - Dans lizié Allah, bane plus mauvais zanimeaux c’est bane ki faire sourdes et meut, ki pas servi zot l’intélligence.

 

O Moussa, gagne peur sa calamité ki pour tombe lors toi et bane ki ensam avec toi, ki pé faire ditort et rappelle bien ki Allah (swt) bien sévère en punition. Pense bien bane ki rejette Allah So bane signes, Allah (swt) pour laisse li alle vers so destruction doucement doucement, dans ene tel façon ki li pas pou réaliser (ki pé arriver li).

 

Pense bien, faire to plan, faire to complot mais mo Allah So plan bien solide, et celui ki Allah laisse égarer, personne pas capave guider, et Allah laisse zot tourner virer dans zot extravagances et l’arrogance. Eski to penser ki plan Allah (swt) pas pou joinde toi et to bane Mullahs ? Seulement dimounes couma zot ki penser ki zot capave évite plan Allah. Pou sak malfaiteur fine fixé ene terme. Kan zot terme arrivé, zot pas pou capave ni retard li, ni avance li, même une heure de temps. Allah (swt) laisse lékaire bane ki pas croire pencher dans sa direction là et prend plaisir dans mette boycott, mange la chair zot frère avec l’appétit, pas faire salaam, mette la haine dans le cœur les autres pour pas invite nous, to pé rode grandeur lors la terre et to pé suivre to propre imagination et continuer fabrique bane faussetés. C’est zis Allah (swt) ki plus conner ki sanlà ki fine égarer de So chemin et c’est Li ki pli conner ki sanlà ki suivre bon chemin.

 

Pareil couma plusieurs fois mo fine dire dans le passé, lors Masjeed Dar-us-Salaam pé mette bel parole pour lizié dimounes « Love for All, Hatred for None ». Bizin retire sa astaire et mette « Hatred for All, Love for None ». Saki zot fine metter lors Masjeed pas réflécter ditout dans zot bane actions. Dans zot lékaire péna « L’amour pour tous ». Sa pluto pou couyonne dimounes. Allah fine montrer zot vrai visages ki, dans zot lékaire péna l’amour pour tous, mais pluto ena ene maladie dans zot lécoeur et Allah fine faire zot saleté vine pli sale encore.

 

Alors mo donne ene avertissement sévère à sa soi-disant Amir de l’Association Ahmadiyya de Maurice, Mons. Moussa Taujoo pour so bane mauvais travail ki li pé fer kot li pé incite bane Ahmadi pou vine violent envers nous. Ena beaucoup kitchose ki li pé cachiette de bane Ahmadis. Plusieurs fois Allah fine fer moi comprend ki Moussa li ene savate noir (2001-2002). Li pas fine assez gagne so humiliation. Après so dégradation et humiliation dépi dans l’ICAC, li pas fine gagne so leçon. Badine encore avec Allah et So Rassool et So bane signes ; bientôt to pou conner. Cette fois-ci figure même to pas pou ena pou montrer tellement so dégradation pou extrême ! To pé envie fer compétition avec to prédécesseur dans mauvais travail. Bientôt très bientôt to pou goûte conséquences de to bane mauvais actions, to la haine et tous bane kitchoses ki to pé cachiette de bane Ahmadis pou vine manifeste !

 

« Wa lakum amalu-kum ! Antum-barii-uuna mimmaaa ‘a-malu wa ana bariii-um-mimmaa tamaluun » - Séki mo fer concerne moi, et séki ou faire concerne ou. Ou pas responsable pou mo actions, et mo pas responsable pou ou actions.

 

Réponse à bane commentaires ki Nasir Ahmad Sultani fine fer dans ene blog de bane Mouvement Ahmadiyya de Lahore :

 

En deuxième lieu ena ene kikaine dans Lahore Nasir Ahmad Sultani ki fine proclame li Mujaddid et li pé traite Allah So Khalifa comme ene égaré et pas Islam. Eski c’est ene surprise pour toi (Sultani) ki Allah (swt) fine envoye So révélation à ene dimoune parmi zot même, pour averti toi et bane les autres couma toi et en même temps Allah (swt) fine envoye moi pou donne sa bon nouvelle là à bane croyants sincères, ki zot pour gagne ene l’avance lors toi et bane couma toi auprès de zot Maître, en séki concerne la foi ?

 

To pé dire ki mo fausse, mo pas musulman. Eski to fine gagne patente pour juge la foi les autres. Nabi Kareem (saws) même pas ti gagne sa patente pour juge la foi les autres, alors toi ki to été toi ? To pé cherche teigne la lumière d’Allah avec to la bouche, mais laisse mo dire toi ki Allah (swt) insister pour perfectionne So clarté, même si sa pas faire toi plaisir. C’est Allah ki fine envoye So Khalifatullah avec ene guide et la religion de la vérité, pour faire li briller lors tous bane les autres religions et lors to Jamaat aussi même si sa pas faire toi plaisir.

 

Surement Allah (swt) ti bizin prend permission avec toi pour li capave élève moi comme So Khalifa (Khalifatullah). Bane messagers d’Allah vini, parski Allah pas disposer pou détruire bane la villes pou zot péchés, avant ki sa bane habitants là gagne avertissement. Allah (swt) dire dans Quran, Surah Al-Anam Ch.6 V.124 et sa verset là dans sa l’époque là applique pour toi Nasir Ahmad Sultani :

 

« Coumsa même Nous fine mette dans sak la ville bane grand dimounes méchants ki comploter. Mais zot complots affecter zot propre l’âme, sans ki zot réalisé. »

 

Et c’est bane dimounes couma toi-même ki dire kan ene signe dépi Allah vine parmi zot, zot dire : « Nous pas pou croire là-dans tant ki nous pas gagne ene signe pareil couma bane prophètes ti gagner. » Allah plus conner kot Li bizin place So message. Bientôt, lors bane dimounes couma toi Allah (swt) pour envoye ene kitchose terrible ki pou abaisse et humilier zot et aussi ene grand punition, à cause façon ki to fine azire et causer lors le Serviteur d’Allah dans sa l’époque là. Celui ki Allah oulé guider, Li ouvert so lékaire à l’Islam, Celui ki Allah oulé laisse li égarer et rende so la poitrine serré et fermé et to-même ene l’exemple flagrant.

 

O Nasir Ahmad Sultani ! Ki preuve to ena ki to ene bon musulman et to ene musulman sincere et to ene véridique et nous, nous fausse, nous pas musulmans et ki c’est seulement toi ki musulmans? Si to fine vini de côté d’Allah, prend le nom d’Allah ki Allah (swt) fine élève toi comme Mujaddid et faire nous vine ene bon, sincère et véridique musulman. Mette sa bien dans to la tête, zis avec bane pakistanais couma toi ki to cause coumsa. Pas toi ki guide dimounes dans la vérité et pas toi ki juge la foi les autres. C’est zis Allah (swt) ki guide dimoune vers la vérité. Eski celui ki Allah fine guide li vers la vérité ki pli mériter ki ou suive li, ou bien celui ki pas gagne guidé li-même, tant ki kikaine pas guide li ? Ki arrive ou ? Ki ou l’opinion ?

 

Alors mo dire zot alle relire le Quran Shareef, et arrête commande dimounes pou croire dans zot, saki zot pé fer et dire de non-islamique. Allah fine donne dimounes ene libre arbitre. Tous mo bane disciples par la grâce d’Allah fine gagne bane preuves solides de mo véracité, parski mo pas fine vini par « moi », mais mo fine vini par élévation et révélation d’Allah. C’est Allah ki fine élève moi, et mo pas ena sa droit là pou rénier saki Allah fine donne moi comme révélation. Allah et So serviteur comme ene sel, face à sa le monde là, face à bane l’ennemies et bane ignorants.

 

Ene ki déclare conner séki li pas conner pou reste toujours pas conner quand même li mettre li dans rang de bane ki conner. Parski ene dimoune ki conner li bizin conner ki li pas conner. Tout dirigeant ki injuste alors, li et ene voleur zot pareille. Tout savant de Deen ki pas pratiquant alors li et ene renard zot pareille. Tout celui ki abaisse li divant kikaine apart Allah Ta’ala, alors li et ene li chien zot pareille. Couma eski ene société (Jamaat) ki rempli avec voleur, renard et li chien capave prospérer ?

 

Mo termine avec sa duah là: Allaahumma inni assalukal afwa wal aafiyata wal Mou’aafaatata daa-imata Fid-dunyaa wal Aakhirah.

 

O Allah, mo demande Toi To pardon et To grâce, de même ki to pardonne To humble serviteur pour tous les temps, ki li dans sa le monde ici-bas là et dans Aakhirat. Ameen.