بسم الله الرحمن الرحيم

 

Khutba Jummah

 

HAZRAT KHALIFATULLAH AL-MASSIH AL-MA’OUD

 

Munir Ahmad Azim

 

30 Décembre 2011 ~

(04 Safar 1433 Hijri)

 

(Résumé Khutba)

 

Après Salam, Hazrat Khalifatullah fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

Azordi c’est le dernier Khutbah Jummah de l’année 2011. Boucou dimounes ici à l’Ile Maurice et d’autres pays zot pé faire grand préparation pou accueillir l’année 2012. La plupart de banes dimounes pé accueillir le nouvel an avec ‘pétards’ feu d’artifices, toutes sortes d’illuminations, et couma nous dire en créole, tous pou passe ene la nuit blanche pou faire le réveillon avec la boisson alcolique, couma rom et whisky. Parmi ena aussi banes madames et zenfants ki prend banes boissons alcolisées, C’est aussi le cas à Maurice, dans le mois de Décembre kot chaque employé zot fine gagne zot salaire et bonus, et 13^ème mois très tôt, le 22 Décembre ; là presque la plupart pas casse la tête pou économise zot l’argent pou lé temps dirr. Zot dépense sa l’argent là lor banes joujou bien chers pou zot banes enfants le 24 et 25 Décembre, et aussi le 30 et 31 Décembre, kot ena boucou astère kot zot alle ‘book’ banes l’hôtels et restaurants pou zot alle célébrer le ‘Réveillon’, et zot dépense zot l’argent lors pétards et boisson alcolique. Bane jeunes, hommes et femmes nek pou amuser, danser, chanter, manger, boire et la célébration Nouvel An, prend le 1^er et le 2, pou continuer jusqu'à le 7 ou 8 Janvier, l’amusement partout – New Year Party partout. Bé nous bane musulman, le nouvel an, li pas nous fête sa, ki nous bizin perdi l’argent et le temps. Oui, bien sur ki ou capave souhaite ‘Bonne Année’ avec duah pou banes familles, camarades etc., etc., mais c’est tout !

 

Nous banes musulmans, nous bizin accueillir le Nouvel An avec boucou de duah, zikr, Namaz Tahajjud (nous, nous Réveillon c’est « Nous nous Réveillons pour le Tahajjud  », nous reste réveiller pou fer nous Namaz Tahajjud, et nous pétards et feux d’artifices c’est nous duah, kot bane anges prend sa bane duahs là et amène sa dans le ciel...) et prend ene grand détermination ki nous pou faire nous cinq fois Namaz obligatoires, nous pou lire et étudier nous Quran Shariff plus ki l’année ki fine fini aller, nous pou faire boucou de duah, de zikr, et nous pou dépense plus dans le chemin d’Allah ; nous pou faire le Dawah, c’est-à-dire, faire dimounes conne l’unicité de Dieu, adore ene seul Allah, nous bizin faire le Tarbiyyat (éducation spirituelle et bonnes manières) de nous banes enfants plisse ki l’année ki pé aller là. En d’autres mots nous augmente nous banes bonnes actions. Nous pas dépense nous l’argent couma banes imbéciles. Faut pas aussi ki nous faire camarade plaisir pou prend boisson alcolique, nous fumer et ki nous présent dans banes fêtes grandioses de fin d’année kot nous participe dans chanter, danser etc. Rappelle ki nous ene musulman ! Nous différent de banes les autres religions et cultures.

 

Dans sa dernier Khutba 2011 là, mo profite sa l’occasion là pou cause lors l’alcoolisme dans la société. L’alcool li bien bien dangereux et sa même la drogue ki dimounes pli consommer dans nous pays. L’alcool c’est ene la drogue ki boucou dimounes prend à cause de so banes effets psychologique. Bane boisson alcolique bien bien chères à Maurice. Surtout dans budget sa l’année là le Gouvernement fine mette ene augmentation lors prix de cigarette et de banes boisson alcolique. Mais sa c’est deux ditorts ki Gouvernement conner ki pas pou baisser, parski pli prix de sa bane commodities là augmenter, pli dimounes pou contigner asté, malgré ki kalité exorbitant sa bane prix là été, parski sa bane mals là fine fini vine ene la drogue pou certains de bane dimounes.

 

Donc, à la base même, la boisson alcolique li largue le système nerveux, et sa permette à l’homme pou perdi so réserve, so Sharam (la honte). Si bane compagnies ki fabriques bane médecines (ki servi aussi la drogue dans zot compositions) ti alle découvert bane l’effet de l’alcol, alors peut-être pas ti pou ena chance ki l’alcol gagne approuval depuis comité ki en charge pou veiller à séki tous bane médicaments zot safe pou bane dimounes, et alors l’alcol pas ti pou placer lors le marché pou ki dimounes consommer.

 

Banes l’effets immédiats de l’alcool:

 

¨ La perte de l’inhibition (le bon sens de l’homme)

¨ La perte de so propre conscience, so façon d’agir.

¨ Perte de contrôle lors li-même.

¨ Causer sans cesse et bane causer ki péna aucaine sens. Ou cause cause n’importe et,

¨ Ou ressenti le sens d’ene la joie personnelle ; ou tout seul ki gai, mais ou ene déguelasse dans ou l’entourage. Dimounes gagne mal au cœur quand guette ou.

 

Dans toutes les façons, l’alcool li plisse ene dépresseur ki ene stimulant (c’est-à-dire, li ene la drogue ki calmer bane activité de ou système nerveux, couma dire ene tranquillisant). Boucou buveurs d’alcol zot conscient ki zot façon de pensée li népli couma zot ti été avant.

 

Kan faire scan de bane cerveau de bane alcoliques ki pas ena signes clair d’endommagement (de zot cerveau), montrer ene rétrécissement de zot cerveau exactement pareil couma ene vieux dimoune et fine reconnu maintenant ki ene dimoune ki boire de plus en plus, so la vie diminuer de dix ans. En d’autres mots, au lieu ki zot vine sénile (perdi la tête, perdi faculté de zot raisonnement) kan zot ena environ 73 ans, zot plutôt montrer sa banes signes de sénilité là à l’âge de 63 ans. Pas ena aucun organe dans nous le corps ki immuniser (à l’abri de contamination) de l’alcol, mais c’est ki plus exposé c’est nous l’intestin et nous lé foie. Sa deux organes là zot endommagé plus vite. Dans stage de cirrhoses (maladies léfoie chroniques – dans so dernier stage)), banes cellules lé foie ki en destruction, zot remplacer par banes tissu cicatriser, ki fabriquer de banes bandes fibreux ki ramasser (couma ene la peau rempli de rides), ou le foie vine flétri et li écrase tous banes les autres parties ki en bonnes santé.

 

Le taux de mortalité avec cirrhoses fine prouver par banes pays kot ena plisse consommation de l’alcool. L’association entre l’abus l’alcool et malade le cœur li bien établi. L’effet toxique de l’alcool lors le muscle de lé cœur li affaibli l’action de la pompe du sang de lé cœur et kot sa cause banes grand dégâts, kot dimounes gagne congestion. L’alcool cause banes anomalie dans le rythme de lé cœur.

 

Banes grands buveurs d’alcol bien longtemps zot être reconnus comme banes ki ena bane pli grands risques de morts prématuré. Ene grand l’étude fine montrer ki banes hommes ki prend trop l’alcol zot ena sa sévère garanti là pou admette dans mentale et zot ena ene plus grand chance de mortalité c’est que vu ki zot morales bien bas, zot pense pou suicide zot. Zot plus pencher pou faire bane accidents, zot ena infection respiratoire, zot bane victimes d’infarctus et de cancer. Le taux de mortalité parmi banes alcoliques li 3½ plus grand ki dans la population générale.

 

Le taux de divorce aussi parmi banes alcoliques boucoup plus élévé ki dans la population générale. La boisson li ene passetemps ki coûte bien chers, même dans banes familles bien aisées, et li pas difficile pou imagine d’autres façons pli meilleur pou dépense l’argent, tellement zot content boire. Li pas surprenant ki boisson alcolique fine impliqué bien souvent dans cassure de bane familles. Banes hommes séparer ou divorcé zot ena ene tendance pou boire plisse ki ene homme marié ou célibataire.

 

L’acte sexuel li ene moyen raisonnable pou apporte ene l’harmonie et l’amour dans la vie mariage. Quand ena le problèmes de l’alcol ki fine rentre entre ene couple, sa accélère ene désintéressement dans relation sexuelle et sa même la cause principale (de bane cassures de mariage). Donc, sa kalité famille là, zot tous les temps en dispute, ena menace de violence, et sa vine ene source de stresse familiale intense et ena de temps en temps banes agression verbale et physique.

 

Plisse ki la moitié (50%) de bane femmes battues zot aussi zot fine vine banes grands buveuses d’alcol. Quand boire excessivement, sa aussi li connecter avec l’abus sexuel de bane zenfants. D’après mo estimation, près de ene tières de bane zenfants de bane familles alcoliques (kot l’alcol fine vine indispensable) zot banes zenfants déranger émotionnellement tout comme l’anxiété, zot affolé, peur, zot ressenti l’insécurité et zot ressenti aussi ki zot parents pas ena l’amour pou zot. Zenfants même trouve parents déguelasses et aussi dans bane telles familles ena la colère et zot pose zot-même la question, couma zot la famille li différent de bane les autres. Près de deux tières de bane zenfants de bane alcoliques zot aussi zot souffert ene débalancement morale et dans zot manière même, kot zot alle cappe l’école, et zot alle faire banes bétises impensable.

 

D’après bane l’étude, nous apprane ki deux tières de banes crimes vine de banes alcoliques – 60% de crimes fine être commis par banes criminels habituels  ti forme partie dans nous prison en générale. Li semblable ki plisse ki 50% de bane offenses d’ene nature violente, particulièrement banes ki arriver fort tard dans la nuit, fine être commis dans banes maisons publiques pour banes dimounes ki boire, ki sou. Ene mari ki boire boucou, sa aussi cause boucou de dégâts dans le foyer, kot femmes gagne boucou batté. Sa problème là aussi li étende lors chemin kot souvent ou trouver ena d’autres crimes, prend depuis bane offenses la route et même jusqu’à ki zot alle coquin tout, kot ene kikaine ki commette offense là li alle tappe ene ti drink juste pou ki li gagne le toupé et le courage pou ki li capave commette so bétises ki li ena en tête.

 

Donc, mo capave dire ki ena ene montagne de problèmes ki surgir quand ene dimoune li boire. Donc, ena ene ti doute ki ena ene connection ki exister entre crime et l’alcol. Banes dimounes (hommes) alcoliques bien souvent zot alle commette le viol, l’abus sexuelle avec bane zenfants (pédofili), l’homosexualité, la sodomie et encore d’autres crimes sexuelles. Pourtant quand zot na pas boire, zot mêmes bane dimounes ki pli tranquille et sages, zot manière tout corek !!!

 

La consommation de l’alcol li ene grand problème pour bane travailleurs ki fine « addict » - problème là surgir entre banes collègues alcoliques et non-alcoliques. Donc, pas ena rendement dans travail. Banes patrons zot subir ene grande perte d’argent et point de productivité à cause ki bane travailleurs zot en mauvais état d’esprit, maladies, absentéisme, pas efficient, kot zot pas capave perdi zot capacité de production de 30-40% ki bane travailleurs normales, et aussi ena plus le risque d’accidents et ene perte de staff bien entrainer et même de disputes inutile. L’alcolique li souffert d’ene perte de salaire et de promotions, plus de blessures de banes accidents, malade mentale et dans so pli grand stage, zot subir ene perte d’emploi et de famille. Fine identifier quelques personnes alcoliques, donc, fine trouver ki la plupart accidents li 50% plus ki banes dimounes normale. L’alcol et conduire c’est ene problème majeur et très sérieux de nos jours lors la route. Quand même ki l’alcol li donne ene feeling de « nissa », zot senti zot bien, dans l’air couma dire zot péna problème. Le résultat majeure c’est l’indifférence entre le contrôle musculaire et la co-ordination ki zot prend ene longue le temps pou zot réagir, et zot vision sombrer et zot en retard dans zot réaction. Et quand zot dans ene soulaison, zot difficile pou contrôle vitesse conduire et distance et zot pas ena reflexe ; zot incontrôlable. Tous sa là affecter sa conducteur là et donc sa même cause banes accidents fatale. En plus de sa, l’alcol li affecter ou jugement, coumsa zot dire zot corek, capave faire tout kitchose ; li extra confiant en li-même ki li capave conduire mais en réalité zot banes incapable, zot pas ena reflexe ditout.

 

Banes piétons soulard maintenant, pas croire zot pou sapper de bane accidents ; zot faire deux pas devant, quatre pas derrière, donc, sa mouvement là mette banes chauffeurs de véhicule dans grands difficultés – kot voilà, zot alle tappe avec sa banes dimounes alcoliques là. Chaque l’année ena des centaines et mêmes plisse ki mille alcoliques ki faire banes accidents graves.

 

Maintenant nous fer référence au Quran Shareef à propos l’alcol – ki banes l’enseignements ki nous fine recevoir ?

 

« Zot pose toi questions à propos l’alcol et le jeu. Dire zot : « Dans les deux ena ene grand péché et ene petit profit pou dimoune, mais zot péché plus grand ki zot profit. » (Al-Baqara 2: 220)

 

« O ou ki ena la foi, l’alcol, le jeu, sacrifice lors l’autel, flèches, tout sa bien malpropre, travail Satan. Écarte ou de zot, afin ki ou prospérer. » (Al-Maida 5: 91)

 

Le Saint Prophète (saws) fine dire ki « la boisson li la maman de tous banes mal. » L’Islam fine donne la réponse parfaite à problème l’alcol. Allah ki le Très Miséricordieux et plein de Compassion envers So banes créatures. Li fine donne zot le commandement le plus parfait.

 

Écarte ou de zot, coumsa ou capave prospérer. Pas ena aucaine autre moyens ou kit short-cut pou contrôle sa maladie infortuné là de la société de l’homme. Bane enseignements social de l’Islam zot extrêmement important pou la protection et la survie d’ene famille. Maintenant nous dans la dure nécéssité de l’Heure.

 

L’homme pas capave ena banes plaisirs illimité et libre quand même li désire li. Ene société ki pé cherche pou sauver de toutes responsabilités ou banes réalités de la vie avec l’aide de banes la drogues comme l’alcol, ene société ki fine obsédé par bane excitations, la joie et l’amusement initile et sans valeur, kot bane goûts fine sans cesse dépravé (vine pli pires) et kot le contrôle fine reste en possession de banes syndicats puissants kot zot seul but c’est pou ramasse tout l’argent. Ene telle société choisir tous sa au coût de banes valeurs humaines nobles, tranquillité d’esprit et la sécurité de la société en générale. Ou pas capave ena banes plaisirs illimités et en même temps ou pé maintenir valeurs humaines.

 

Séki trouve en nous pouvoir pou faire, trouve aussi en nous pouvoir pou pas faire. Celui ki gagne le dessus lors les autres li fort, celui ki gagne le dessus lors li-même li puissant. Kot ena le nafs (moi, l’égo) ki exister, ki manifester, Allah pas là-bas ; kot Allah exister, péna le nafs (ki manifester). Ki sa bane paroles là ouvert zot lizié pou ki chaque dimoune capave pense en profondeur lors sa sujet là et Insha-Allah, ki zot saisi so signification et so bane répercussions (mauvais résultats) lors nous propre lécorps, famille et la société dans so l’ensemble.

 

Avant mo termine mo Khutba Jummah azordi et c’est le dernier Khutba pour sa l’année 2011 là; l’année pour aller, l’autre l’année pour vini, Mansoor Ahmed pas pour comprend même. Malgré pé faire li comprend, li sans comprend, bé kan li pour comprend ? Pas zis pas comprend, so la tête fine fatiguer et li pour reste toujours fatiguer. Li pé envoye tous bane dimounes email, li pé challenge mo disciple courageux Fazil Jamal Sahib. Dépi l’heure, li pas encore comprend ki fine lance so Imam Janbah Sahib et li-même pour ene Mubahila. Zot pas conner couma zot pou sauver, et li (Mansoor Ahmed Sahib) pé cibler mo disciple Fazil Jamal, kan moi, la personne la plus importante dans sa challenge de Mubahila là, mo fine fini mette mo signature et mo Jamaat tous ensam, y compris mo disciple Fazil Jamal Sahib. Zot difficile pou comprend ?

 

Imbécile aussi ena ene dégré, mais Mansoor Ahmed fine dépasse tout imbécillité, ki cette fois-ci, li pé faire croire c’est li et so Imam Janbah Sahib fine lance nous Challenge de Mubahila – C’est ki mo capave dire Mansoor Ahmed, ki li ene lâche, li fine coincée, li pé rode sauver avec le challenge Mubahila mais li pas pour capave sauver, li fine fini rentre dans sa filet de Mubahila là. C’est pas ene badinage sa Mansoor Ahmed ; to pé cherche trompe Allah et bane ki fine gagne la foi dans Allah et So Khalifatullah de sa l’époque là, mais tout saki to pé faire là, c’est to pé trompe to-même Mansoor Ahmed, sans réaliser to bane consékances. Li pareil ki averti toi ou na pas averti toi, to pas pour gagne la foi et to pou prend Challenge Mubahila là ene badinage, dans to imbécillité et mo dire toi sincèrement, si to ti dans la vérité couma mo disciple Fazil Jamal Sahib, bé to ti pour signer sans aucaine frayeur, et pas jouer sauver et mo dire toi capon ki to été jamais to pas pour signer, malgré ki moi en tant ki Khalifatullah, mo fine donne toi mo parole ki to signer et to Imam Abdul Ghaffar Janbah Sahib surtout, et ensuite mo disciple Fazil Jamal Sahib aussi toute suite li pour signer. Parole donner, c’est parole sacré sa. Allah (swt) fine mette scellé lors to le cœur et lors to z’oreille et lors to lizié ena ene voile.

 

Mansoor Ahmed, cause vrai !!! Et faire le monde conne sa la vérité là. To pas fine gagne peur avec sa Challenge Mubahila là, tous saki to ti pé zazé, fine dire toi et to Imam vine dans la cour d’Allah, laisse Allah juger ki sanlà menteur, fausse ? – Si zot vrai, kifer zot capon comme sa ; zot pé sauver couma bane bourriques devant le Lion d’Allah (Allah So Khalifa).

 

Mo terminer avec sa conseil là pour azordi : Mansoor Ahmed, pas couvert la vérité avec mensonge et pas cassiette la vérité kan to conne li très bien et to bien conne mo disciple Fazil Jamal Sahib ; li ena ene l’obéissance extraordinaire envers Allah et Allah So Khalifatullah. Li pas fer nannié par li-même. C’est avec permission le Khalifatullah ki li alle de l’avant par la grâce d’Allah et li ene dimoune humble, simple, modeste, obéissant. Si le Khalifatullah donne li permission pour signe le Mubahila, toute suite li pour signer ; li pas pour faire ene tas séga couma toi, et ni li ene capon couma toi. Fazil Jamal Sahib par la grâce d’Allah conne valeur ene Khalifatullah (Khalife d’Allah). Kan li fine croire dans Allah So Khalifatullah, premier so l’obéissance totale envers so Imam ki li fine prend le Bai’at. Sa c’est bane vrai Muttaqi, mais lors forme Mubahila là, mo ré-dire toi ki li aussi forme parti ensemble avec moi et si to insister ki li mette so signature, mo d’accord, mais en premier toi Mansoor Ahmad et sans oublier to Imam signer ! L’année 2011 pé terminer, faire vite, pé rentre dans 2012 ; toi et to Imam zot jour pé compter. Couma zot extra capon (kan zot dire ki zot dans la vérité et ki moi mo fausse) ! Mo arrête là même pour azordi. L’année prochaine, si to pas fine signer, mo pour révine lors sujet Mubahila ki fine lance to Imam Janbah Sahib et toi aussi, parski to pé montrer toi pli péto ki Janbah Sahib. To Imam même fine capituler, toi to encore pé faire tapaze couma sa bane dromme vide là ; to pé zappé couma lichien ; ene lichien capon, ki nek zappé, mais pas capave mordé.

 

Mo attane to signature Mansoor Ahmed ; Relax et dormi bien, signe to forme Mubahila calmement ; pas kimé, pas peur la mort, pas faire cauchemar la mort à soir si to dans la vérité. Dépêche-toi ! Dépêche-toi, pas renvoye sa signature Mubahila là, sinon pour trop tard ; pas dire demain – vite vite avant l’année 2011 terminé, même to signé li le 31 Décembre 2011 à minuit avant rentre dans l’année 2012, coumsa toi et to Imam et zot Jamaat capave « fini moi et mo Jamaat ». Pas laisse sa chance là passer ; pas laisse sa l’occasion en l’or là aller. Vini, vini, vine dans la cour d’Allah, Insha-Allah.