|
بسم الله الرحمن الرحيم
Khutba Jummah
HADHRAT AMIR’UL MUMINEEN MUHYI-UD-DIN
Munir Ahmad Azim
(26 Dhul-Hijjah 1434 Après l’Hégire)
(Résumé Khutba)
Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:
يَا أَيُّهَا النَّبِيُّ جَاهِدِ الْكُفَّارَ وَالْمُنَافِقِينَ وَاغْلُظْ عَلَيْهِمْؕ Yaaa-‘ayyuhan-Nabiyyu jaahidil-kuffaara wal-Munaafiqiina waghluz-‘alayhim. « O Prophète! Combatte bane infidèles et bane hypocrites. Et tini ferme contre zot ». (9: 73).
Sa verset là li sans aucaine doute ene appel pour faire le djihad. Mais li pas mentionné ki bizin prend z’armes. Le Saint Prophète (saws) fine en effet engage li dans bane la guerres défensives contre bane non-croyants mecquois, mais zamais li fine prend z’armes contre bane hypocrites de Madina, même après zot trahison pendant bataille Uhud. Li donc clair ki le djihad ki trouve dans sa verset là li pas le djihad armé. Le terme djihad li dérivé de djahada ki veut dire faire bane grands grands z’efforts autant ki ene dimounes capave, ziska limites ki li capave réussi atteindre. (29: 6). Le Jihad li ene commandement tellement important pour bane musulmans ki li mentionné en pas moins de 36 places dans Quran Shareef.
Le djihad, tel couma li apparaite dans récitation Quran Shareef, indique trois types de combats:
1) Le combat contre nous-mêmes (contre nous nafs). 2) Le combat contre le mal dans n’importe ki formes. 3) La guerre armé contre l’ennemi ki nous capave trouver, ki visible.
Nous capave différencier entre sa bane trois types de djihad là kot nous capave classe zot respectivement comme djihad-i-Akbar (le plus grand djihad), djihad-i-Kabîr (grand djihad) et djihad-i-Saghir (petit djihad). Le Saint Prophète de l’Islam Hazrat Muhammad (saws) ti considère djihad-i-Akbar comme étant le combat suprême, ki plus noble et li fine dire, kan so bane troupes fine retourné de la campagne de Taboûk : « Nous sorti d’ene petit djihad (bataille physique contre l’ennemi) vers ene pli grand djihad (bataille contre nous nafs). »
Djihad-i-Akbar, c’est le combat ki nous faire sans arrêt contre nous-mêmes, contre nous bane mauvais tendances et inclinations. Donc, c’est pas ene combat ki l’état (le gouvernement) fer, mais c’est ene la lutte ki ene dimoune li faire par li-même contre so bane propres passions, kot li combatte contre l’infidélité, l’adultère, mensonge, malhonnêteté et matérialisme.
L’état ena l’obligation pou aide sak citoyen de so pays dans sa combat là, en créant bane conditions propices pour la purification interne de sa dimoune. L’état ena le devoir pou débarrasse l’environnement social de tout bane obstacles ki capave bloque le chemin de sa dimoune là vers la pureté intérieur (par exemple, couma : la vente de bane la boissons alcolik, bane la drogues, bane pratiques immorales et jeu de hasard (pou empêche dimounes vine zougadère)). Le Saint Prophète (saws) fine dire : la pureté (ou propreté) c’est la moitié de la foi.
« Pas obéir bane infidèles. Lutte contre zot avec sa Quran là avec vigueur. » (25: 53).
Dans sa verset là, fine ordonne le Saint Prophète (saws) pou lutte avec l’aide de z’arme ki pli puissant, c’est-à-dire, parole Allah, et sa démontre vrai objectif de djihad-i-Kabîr. C’est ene combat noble, ki consister pou explique la beauté de bane l’enseignements Quran Shareef et pou invite bane dimounes vers l’Islam. Au niveau d’ene dimoune, c’est ene combat ki pou capave engagé avec succès seulement kan djihad-i-Akbar (combat contre nous propre nafs) pou être accompli.
En passant, et contrairement à ene croyance très répandue parmi bane non-musulmans, zamais le Saint Prophète (saws) fine demande bane croyants pou servi z’armes pour la propagation de l’Islam. L’Islam li riche avec bane arguments convaincants et sa pou abaissant pou penser ki l’Islam bizin propager par la force et brutalize dimounes pou fer zot accepter rentre dans l’Islam. D’ailleurs le Quran Shareef li-même li garant de sa liberté d’ene dimoune pou choisir li-même so religion et forme d’adoration:
« Péna aucaine contrainte dans la religion » (2: 257).
Le djihad-i-Saghir, c’est pli tipti djihad ki ene dimoune fer, et li concerne principalement l’état. Allah dire dans Quran Shareef : Bane ki dimounes attaque zot, gagne permission pou la guerre, parski zot fine subir ene tort. Allah ena tout capacité pou aide zot. (22: 40).
Ena ene consensus parmi bane interprètes (du Quran Shareef) ki verset 40 li le premier verset kot fine donne permission à bane musulmans pou ena recours à bane z’armes pour zot défense. Verset 40 montré le principe selon quoi capave engage nous dans ene la guerre défensive (pou défendre nous), et c’est sa principe là ki fine amène ene groupe de bane musulmans mal équipé pou rentre dans ene conflit contre ene l’armée de bane mecquois bien organisée: parski zot fine être injustement traités et agressés.
Alors dans le vif de contexte de sa Khutba là, li bon ki mo mentionne sa rêve bien important ki ene nous frère fine fer Mercredi matin avant Fajr. C’est pas ene coïncidence ditout ki kan mo fine décide et fini prépare sa Khutba Jummah lors djihad là, Mercredi li fer sa rêve là:
Li raconté : « Ce matin, avant mo levé pou Namaz Fajr, mo fine trouve moi dans ene rêve, kot mo pé marché lors chemin endehors nous masjeed..., ensam avec mo madame. Pendant ki nous pé marché, nous fine trouvé ki ena beaucoup les autres dimounes lors chemin, bane dimounes ki bien antipathique (ki ena bien la haine) envers nous et ki envie fini nous nette, avec zot bane poignards. Malgré ki zot pé marché tout près, zot pas fine réalisé ki sanlà mo été. Mo ena ene poignard ki ti pé brillé dans mo la main, mais seulement zot, zot ti ena l’avantage de zot nombres et de zot bane l’angles stratégik, mais selment malgré sa, zot pas fine capave vine approche moi et gagne moi parski ena ene la force invisible/ ene barrière de protection ki pas capave trouver, et alors mo fine contigner marcher, sans ki mo vraiment guette en arrière (mo pé fer mo chemin sans guette en arrière) pou guetté sipa zot près ou, normalement parlant, sipa zot pé réussi fer saki zot envie fer (alors mo pas fine guette tout sa là, mo fine fer mo chemin).
Deuxièmement: Mo trouve moi pé deboute dehors Masjeed dans la cours, avec ene tas l’épées ki pé briyé. Tout près, ti ena ene grand champs, kot pé ena bane préparations pou ene la guerre/bataille imminent contre bane forces de l’ennemi. Mo fine trouve mo papa, mais ti ena aussi ene grande kantité de bane troupes ki fine formé avec nous (c’est-à-dire, Jamaat Ul Sahih Al Islam), et ene de sa bane troupes là (dans le Jamaat) appelle Forces « AL-AMIN » ; bane les autres troupes (de nous Jamaat) ena bane les autres noms ki trouve dans le Quran même. Et nous tout, ti pé attane avec confiance et courage pou arrive séki arrive matte are bane l’ennemies dans sa bataille là, Alhamdulillah. »
Alors nous trouver, de par sa rêve là ki arrive séki arrive, nous ena le devoir pou fer le djihad, ki li avec nous-mêmes, contre nous propre nafs afin pou purifier nous et recevoir la grâce d’Allah, et ki li au niveau de protège nous-mêmes contre bane l’attaques physiques ki fer contre nous. Dans cas ki ena l’attaque physique contre nous, alors li nous devoir pou protège nous et nous Jamaat, et c’est dans sa façon là ki bane batailles dans l’Islam au temps du Saint Prophète (saws) ti fer. Li fine défende li et Religion et Ummat ki Allah fine donne li, parski bane l’ennemies ti pé fer bane l’attaques physiques lors zot pou fini zot. Sa bane l’ennemies là ti penser ki kan zot pou touye bane musulmans, alors l’Islam pou fini, mais au contraire, Allah ti vine au secours de So prophète et de so bane disciples et fine donne zot la permission pou la guerre afin pou protège zot la vie et zot religion afin ki demain, de génération en génération, l’Islam pas teigne, dans n’importe ki façon. Kan à bane ki Shahid physiquement dans sa bane batailles là (djihad-i-Saghir), alors zot pou gagne bane rangs bien élévés, pas parski zot fine touye bane non-croyants, mais parski zot fine donne zot la vie pou protège le prophète, bane musulmans couma zot-même et zot Deen-é-Islam. L’ennemies ti envie fini zot, mais kan l’aide d’Allah fine arriver, avec bane anges, malgré zot tiguitte nombres, alors bane musulmans fine remporte victoires lors victoires, et tout saki bane l’ennemies ti coquin de zot, Allah fine accorde zot bane butins de guerre afin pou compense saki zot fine perdi dans sa le monde là, et en vérité, saki avec Allah en permanent li meilleur pou zot, et li pou meilleur pou nous dans le Jamaat Ul Sahih Al Islam, pou cherche saki éternel, et arrive séki arrive, si arriver ena kit l’attaque physique contre nous, et si Allah donne nous le commandement pou la guerre contre sa bane dimounes là, alors nous pou fer li.
Sa Hadith là li explique nous dans sa bane cas là, ki péna aucaine blâmes lors nous bane musulmans :
Hazrat Abu Huraira (ra) fine rapporté : Ene missié fine vine guette le Messager d’Allah (saws) et fine demande li : « O Messager d’Allah ! Ki mo bizin fer si ene kikaine vine vers moi avec l’intention pou prend mo bane dibiens ? » Li (saws) fine réponne : « Pas donne li sa ». Missié là fine demandé : « Ki mo bizin fer si li la guerre avec moi ? » Le Messager d’Allah (saws) fine dire : « La guerre avec li. » Sa dimoune fine dire : « Ki pou mo position dans Aakhirat si arrivé li touye moi ? » Le Messager d’Allah (saws) fine réponne : « Dans sa cas là to pou vine ene martyr. » Dimoune là fine demandé : « Et si mo touye li ? » Le Messager d’Allah (saws) fine dire : « Li (sa dimoune ki fine mort là) pou dans difé l’enfer. » (Muslim)
Alors nous trouver dans sa Hadiths là ki si ene musulman li tranquille dans so coin, et ki les autres vine vers li pou rode la guerre contre li et fer li du tort ou touye li, ou pou rasse so bane dibiens, alors Nabi-Kareem (saws) fine donne l’instructions ki nous bizin protège nous dibiens, nous la vie et même aussi nous famille et nous Deen-é-Islam contre bane ki vine de l’avant en premier pou attaque nous. C’est saki nous appelle azordi jour : Self-Defense.
Mais généralement parlant, en premier lieu, nous bizin fer la guerre contre nous propre nafs en premier, kot nous purifier nous et nous propage l’Islam, non pas par la force mais avec bane arguments solides. L’attaque physique ena so place zis kan bane l’ennemies fine dépasse tout limites et ki zot pé touye nous bane frères et sœurs musulmans seulement à cause zot bane musulmans et pou fini l’Islam.
D’après moi, azordi jours, sa tousél valables, bane djihads de bane peuples de Palestine, la Syrie, L’égypt., etc., parski sa bane dimounes là, fine mette zot en dehors de zot pays et fine persécute zot. Eski l’agression de l’Irak contre l’Iran ti ena ene but défensif contre l’oppresseur? Avec bane dictateurs de sa le monde là, pas pou capave ena aucaine dialogue autre ki servi bane z’armes (zot comprend zis langage z’armes). Et zot bizin rappelle bien, ki dans cadre islamique, faudé ki l’autorité suprême sur terre (le Khalifatullah) donne zot la permission pou engage zot dans ene la guerre sainte, kot c’est le Khalifatullah ki là pou donne instructions ki bizin fer d’après bane directives divine. Eski nous capave imaginer, au sommet de l’Islam, le déclenchement d’ene djihad armé sans la permission du prophète (saws) ou celui de so bane califes, so bane représentants (dans sak l’époque) et bane représentants d’Allah ki vini dans so Ummat?
Alors nous bizin admette ki le monde Islamique pou capave fonctionné seulement à moitié sans ene calife divinement guidé. Sois la communauté (l’Oummah) li dirigé par ene calife d’Allah, ki prend bane décisions ki l’époque actuelles exigé ki li prend, soit bon nombre de bane kitchoses, entre autres bane conflits armés, zot pou simplement interdit dans so l’absence. Alors ena là matière à réflexion pour bane ki envie bien réfléchi lors là. Insha-Allah. |
|
|
|
Écoute le Khutba Jummah du Khalifatullah Munir A. Azim en intégralité (Audio) |