Text Box: بسم الله الرحمن الرحيم Khutba Jummah HADHRAT AMIR’UL MUMINEEN MUHYI-UD-DIN Munir Ahmad Azim 02 Août 2013 ~ (24 Ramadhan 1434 Hijri) (Résumé Khutba) Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire: وَلاَ تُبَاشِرُوهُنَّ وَأَنتُمْ عَاكِفُونَ فِي الْمَسَاجِدِ تِلْكَ حُدُودُ اللّهِ فَلاَ تَقْرَبُوهَا كَذَلِكَ يُبَيِّنُ اللّهُ آيَاتِهِ لِلنَّاسِ لَعَلَّهُمْ يَتَّقُونَ ۝ ... wa laa tubaashi-ruuhunna wa ‘an-tum ‘akifuuna fil-masaajid. Tilka huduudullahi falaa taq-rabuuhaa. Kazaalika linnaasi la’-allahum yatta-quun. Mais pas gagne relation avec zot (bane madames) pendant ki ou en retraite dans mosquée. Sa, c’est limite prescrit par Allah. Pas approche trop près avec sa limite là. Coumsa, Allah explique dimoune So verset afin ki zot marche dans So chemin. (Al-Baqara 2 : 188) بِسْمِ اللَّهِ الرَّحْمَنِ الرَّحِيمِ ۝ إِنَّا أَنزَلْنَاهُ فِي لَيْلَةِ الْقَدْرِ ۝وَمَا أَدْرَاكَ مَا لَيْلَةُ الْقَدْرِ ۝لَيْلَةُ الْقَدْرِ خَيْرٌ مِّنْ أَلْفِ شَهْرٍ۝ تَنَزَّلُ الْمَلَائِكَةُ وَالرُّوحُ فِيهَا بِإِذْنِ رَبِّهِم مِّن كُلِّ أَمْرٍ ۝سَلَامٌ هِيَ حَتَّى مَطْلَعِ الْفَجْرِ ۝ Bismillaahir-Rahmaanir-Rahiim; ‘Innaaa ‘anzalnaahu fii lay-latil-Qadr: Wa maaa ‘adraakamaa Laylatul-Qadr? Laylatul - Qadri khayrum-min ‘alfi shahr. Tanazzalul-malaaa ‘ikatu war-Ruuhu fiihaa bi-‘izni-Rabbihim-min kulli ‘amr: Salaamun Hiya hattaa matla-‘il-Fajr. « Au nom d’Allah, le Très Gracieux, le Très Miséricordieux. Vraiment, Nous fine fer li (le Quran) dessane pendant la Nuit du Destin. Et ki pou faire toi conner ki été sa la Nuit du Destin ?  La Nuit du Destin li meilleure ki mille mois.  Bane anges et l’Esprit déssane pendant sa la nuit là, par permission zot Maître, avec sak l’ordre. C’est la paix, ziska ki soleil levé. » (Al-Qadr 97: 1-6). Mo fine récite devant zot 2 parties du Quran Shareef, ene ki trouve dans Surah Al-Baqara et l’autre dans Surah Al-Qadr. Le premier verset ki mo fine récité et ki trouve dans Surah Al-Baqara li cause lors Itikaaf, et en deuxième lieu mo fine récite Surah Al-Qadr ki cause lors Laila-tul-Qadr, c’est-à-dire, la Nuit du Destin. Itikaaf veut dire, faire ene retraite spirituelle avec l’intention pou faire l’adoration (Ibaadat) d’Allah et rappelle Li. Bane croyants observe sa retraite là dans Masjid. Hazrat Aisha Siddiqua (ra) rapporté ki nous bien-aimé prophète (saws) ti habitué reste Itikaaf pendant bane 10 derniers jours du mois de Ramadhan. (Bukhari, Muslim, Mishkaat). Hazrat Imam Hussein (ra) fine dire ki celui ki accompli 10 jours Itikaaf pendant Ramadhan, li pou gagne bane récompenses de 2 Hajj et 2 Umrah. (Baihaqi). La plupart dimounes reste Itikaaf pendant bane dix derniers jours Ramadhan parski c’est ene Sunnah de nous bien-aimé Hazrat Muhammad (saws) et li ene Mu’akiddah, c’est-à-dire, ene pratique ki zamais li pas ti pé néglige pou accomplir. Kan arrive 20ème Ramadhan, avant le couché du soleil, ene Muttakif (celui ki fine fer l’intention alle reste Itikaaf) bizin fine fini rentre dans Masjid avec l’intention pou reste Itikaaf. En règle générale bane dimounes prend précaution pou arrive dans Masjid pour Salaat-ul-Asr et ensuite zot monte zot « daera » (coin réservé pou ene Muttakif). Pour Itikaaf également, garde Roza li nécessaire. Kan arrive 20ème Ramadhan, celui ki alle faire Itikaaf, li bizin rentre dans l’enceinte Masjid et reste endans avant Salaat-ul-Asr et li bizin lire l’intention (Niyyat) de l’Itikaaf : « Bismillaahi Dakhaltu wa’alayhi tawakaltu wa nawaïtu sunnatal I’tikaaf » et avant ki li rentre dans so daera, li bizin lire 2 Rakaat « Tahayyatul Masjid ». Pendant Itikaaf, ene Muttakif bizin manger et boire moinse ki d’habitude pour évite alle toilette souvent et pour garde so l’estoma léger. De sa façon là, li pou gagne moinse sommeil afin pour permette li pou faire encore plisse Ibaadat. Bane ki pou reste Itikaaf faudé pas zot riyé et badiné. Au contraire, si zot faire l’intention et le pas pou reste dans Masjid pendant bane dix derniers jours Ramadhan, alors zot bizin évite pou cause de bane kitchoses mondaines dans Masjid. Hazrat Muhammad (saws) fine dire : « Celui ki cause de bane kitchoses mondaines dans Masjid, li mange so bane actions couma bane z’animaux mange l’herbe. » Riyé dans Masjid amène noireté dans Qabar (tombe). Alors prend tous ou bane précautions afin ki kan pou rétourne la caze, ou rétourner avec beaucoup de bénédictions et non pas de péchés. Quand li recevoir nouvelle de l’apparition de la nouvelle lune pou Eid-ul-Fitr, ene Muttakif faudé pas presser pour sorti dépi dans Masjid, comme ci-dirai Masjid ti ene prison pour li et ki li ti ene prisonnier. Alors, ou ki pé reste dans Masjid pou Itikaaf, au moment ki ou pé sorti dépi dans Masjid à la fin de sa retraite spirituelle là, alors ou bizin manifester ene tristesse dans ou, avec larmes dans ou lizié, pour exprime séparation avec sa grand mois béni ki pé quitte ou. D’après ene Hadith, celui ki content quand Ramadhan vini et li chagrin quand li (Ramadhan) terminé, alors li purifié de so bane péchés, pareil couma ene nouveau né. Maintenant, mo pou donne zot quelques explications lor Surah Al-Qadr – ki nous capave appelle li, La Nuit du Destin ou de la Puissance. La Nuit du Destin c’est sa la nuit béni kot Allah (swt) fine faire descendre nous constitution, nous livre de loi ki différencier entre le bien et le mal, So bane commandements, So Livre Sacré – Le Quran Shareef. Le mot Al-Quran veut dire « Lecture », c’est-à-dire, ene livre ki nous lire. Le Quran Shareef fine vine annule et remplace tous bane anciens livres et messages (Torah, Zaboor, Injeel etc.) et li sa Livre ki pou reste tous les temps authentique et protégé jusqu’au Jour du Jugement Dernier. Allah (swt) fine révèle sa Livre Sacré là à chef et sceau de tous bane prophètes, Hazrat Muhammad (saws). Allah (swt) attesté avec nous dans Quran Shareef, dans Surah Al-Qadr (Chapitre 97), ene Surah ki fine spécialement révélée lor sa sujet là: « Vraiment, Nous fine fer li (le Quran) dessane pendant la Nuit du Destin. Et ki pou faire toi conner ki été sa la Nuit du Destin ?  La Nuit du Destin li meilleure ki mille mois.  Bane anges et l’Esprit déssane pendant sa la nuit là, par permission zot Maître, avec sak l’ordre. C’est la paix, ziska ki soleil levé. » Dans ene Hadith, le Saint Prophète (saws) fine raconté ki dans le peuple d’Israël, ti ena ene dimoune ki ti pé passe tous so bane la nuits dans l’adoration d’Allah et li ti pé passe so bane la journées dans servi Allah. Et mille mois de so la vie fine déroulé dans sa façon là. Kan bane compagnons du Saint Prophète (saws) fine tende sa, zot fine exprime ene chagrin kot zot fine pensé ki zamais zot pas pou capave réussi vine égale à a dimoune là, en termes de bane Ibaadat et bane bons actions. Afin pou rédonne zot l’espoir et pou encourage zot, Allah (swt) fine fer descende Surah Al-Qadr, kot Li mette en valeur sa la nuit bénie là kot Li fine indiqué ki Oummah de Hazrat Muhammad (saws) faire Ibaadat pendant sa la nuit sacré là, alors so Ibaadat pou meilleur ki mille mois d’Ibaadat. Alors maziné ki kalité grand cadeau Allah fine fer nous de par So bonté, So générosité. Hazrat Anas bin Malik (ra) rapporté ki le Saint Prophète (saws) fine dire à l’approche de Ramadhan : « En vérité ene grand mois pé vini, ene mois kot là-dans ena ene la nuit meilleur ki mille mois. Celui ki pas pou profite de sa la nuit bénie là, alors li pou perdi tous so bane bénéfices. » (Ibn Majah, Mishkaat) Le Layla-tul-Qadr, le plus supérieur et chef de tous bane la nuits, nous capave comprend li, entre autres dans deux façons : 1. Qadr veut dire destin. Pareil couma nous récite li dans dernier Kalima, alors nous croire dans le destin. 2. Qadr veut dire aussi puissance. Couma Allah dire nous à plusieurs reprises dans Quran Shareef : « Wallahu ala kulli shayin Qadiir. » (Allah Li Puissant lor tout kitchoses). Par sa deux significations là, nous bizin comprend ki Allah manifesté So puissance et envoye bane l’ordres pour l’année en entier et change aussi destins de bane dimounes, par exemple bane ki répenti sincèrement après ki zot fine fine fer péchés, alors Allah capave tourne avec pitié envers zot et pardonne zot, et alors par sa Li change zot destin ! L’Oummah du Saint Prophète (saws) fine gagne tant honoré kan Allah fine accorde li sa grand la nuit là ; non seulement zot capave récolter plisse ki mille mois Ibaadat dans ene seul la nuit, mais aussi, aucaine peuple de bane les autres prophètes zamais fine gagne ene la nuit pareil. Dans So sagesse, Allah (swt) pas fine dévoile nous ouvertement sa la nuit là mais li fine juste précisé ki sa la nuit béni là li « cachiette » dans bane 10 derniers la nuits du mois béni de Ramadhan, de façon à ce ki bane musulmans zot fer bane zéfforts pou rode li. De sa manière là, zot pou fer beaucoup plisse z’éfforts dans fer Ibaadat pendant le dernier tiér Ramadhan. D’après ene Hadith rapporté par Hazrat Aisha Siddiqa (ra), Hazrat Muhammad (saws) ti pé fer pli beaucoup Ibaadat dans bane dix derniers la nuit Ramadhan. D’après plusieurs Hadiths, la nuit de la puissance li trouve parmi bane la nuits impaires de dernier tiers de sa mois là, c’est-à-dire dans dix derniers jours Ramadhan, donc parmi bane 21ème, 23ème, 25ème, 27ème, et 29ème la nuits. Hazrat Aisha Siddiqa (ra) fine rapporté ki le Saint Prophète (saws) fine dire : « Rode sa la nuit là parmi bane la nuits impairs de bane 10 derniers la nuits Ramadhan. » (Bukhari, Mishkaat) Plusieurs bane dimounes sages et savants de l’Islam fine indiqué ki sa la nuit béni là li 27ème la nuit Ramadhan et c’est pour sa ki la majorité de bane dimounes attache ene attention spéciale à 27ème la nuit de sa grand mois sacré là. Maintenant laisse nous guette quelques points ki démontré certains grandeurs chiffre 7 par rapport à bane les autres chiffres impairs couma 1, 3, 5 et 9. Ena 7 léciels et 7 la terres ki Allah fine créé. Dans ene semaine ena 7 jours et 7 nuits. Nous accompli 7 Tawaafs autour de Ka’aba Shareef. Nous galoupe 7 fois entre bane collines Safa et Marwah. Ena 7 compagnons parmi bane « dimounes de la cave » (Ashabé Kahf). Hazrat Yusuf (as) ti emprisonné pendant 7 l’années. Surah Al-Fatiha contenir 7 versets. Le Roi d’Égypte (dans l’époque Hazrat Yusuf (as)) ti rêve de 7 vaches. Nous accompli 17 Rakaat de Salaat Farz dans ene journée. Dans chaque Salaat, ena 7 Faraa’ïz (conditions d’obligations). En plisse de sa, mot « Laylat-ul-Qadr » li composé de 9 lettres et sa même mot là apparaît 3 fois dans Surah Al-Qadr, donc 3 multiplié par 9, sa fer 27 etc. Hazrat Aisha Siddiqa (ra) fine demande le Saint Prophète (saws) : « Si mo arrive vivre sa la nuit bénie là, ki meilleur du’a mo bizin lire ? » Alors le Saint Prophète (saws) fine réponde li pou lire sa du’a là : « Allahumma innaka afuwwun tuhibbul afwa fa’fu’anni. » – O Allah, To même ki Pardonner, to content pardonner, pardonne-moi.  (Mishkaat, Ibn Majah, Tirmidhi). Nous constate l’immensité de bane valeurs ki sa la nuit sacré là représenté. Anou passe li dans Ibaadat afin pou profite de li au maximum parski ene fois ki sa la nuit là passé, personne pas sûr pou capave rétrouve le Laylat-ul-Qadr l’année prochaine. Nous prié Allah (swt) ki Li donne nous le Tawfiq pou figure parmi So bane bons serviteurs et ki Li (Allah) permette nous pou profite le maximum de bane bienfaits infinis Ki Li fine réservé pou nous pendant sa grand mois là. Amîne, Summa Amîne !