Text Box: بسم الله الرحمن الرحيم Khutba Jummah HADHRAT AMIR’UL MUMINEEN MUHYI-UD-DIN Munir Ahmad Azim 04 Octobre 2013 ~ (28 Dhul-Qaddah 1434 Hijri) (Résumé Khutba) Après ki li fine faire Salaam à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire: قُلۡ اِنَّ صَلَاتِیۡ وَ نُسُکِیۡ وَ مَحۡیَایَ وَ مَمَاتِیۡ لِلّٰہِ رَبِّ الۡعٰلَمِیۡنَ ۝ Qul ‘inna Salaatii wa nusukii wa mah-yaaya wa mamaatii lil-laahi Rab-bil-‘aalamiin. « (Ô prophète !) Dire zotte: ‘Mo Salaat (Namaz), mo sacrifice (Nussuki ou Qurbani), mo la vie, mo la mort tous pou Allah, Maitre de l’univers ». (Al-Anam 6: 163) Mo Khutba Jummah azordi consacré lors le but de Qurbani. Sa verset ki mo fine récite au commencement là indiquer ki Allah (swt) accepter sa même Qurbani, bane sacrifices kot ena sincérité dans action aussi bien ki dans l’intention – uniquement pou plaire Allah. Dans l’époque l’ignorance (Jâhilliya), banes dimounes ti pé faire Qurbani dans tel façon kot zotte ti pé frotte disang Qurbani lors la porte Kaaba en pensant ki Allah pou besoin tout sa ! Allah (swt) même comme réponse dire dans Quran: « Zotte la viande, et zotte du sang jamais pou atteigne Allah, mais c’est zotte pureté (taqwa) ki pou arrive jusqu’à Li ». (Al-Hajj 22: 28) Qurbani ti déjà exister dans l’époque chaque prophète, mais Qurbani ki nous, Oummat du Saint Prophète Muhammad (saw) accomplir, li ena ene grand relation avec Hazrat Ibrahim (as). Bane compagnons du Saint Prophète (saw) ti demande le Saint Prophète (saw):« Ya Rassoollullah (saw), Qurbani ki li été sa? » Alors, l’Envoyé d’Allah (saw) fine répondre : « Li ene principe (Sunnat) de zotte ancêtre Hazrat Ibrahim (as). » Ki faire Allah (swt) fine content la façon dont Hazrat Ibrahim (as) fine faire Qurbani et par la suite fine ordonne nous adopter sa principe là ? Pou comprend sa, li nécessaire conne la vie Hazrat Ibrahim (as). Pas ena aucaine Musulman, Chrétien ou Juif ki pas conne Hazrat Ibrahim (as). Plus de 2/3 population du monde accepté Hazrat Ibrahim (as) comme guide. Banes prophètes couma Hazrat Moosa (as), Hazrat Isa (as), et Hazrat Muhammad (saw) zotte tous descendants de Hazrat Ibrahim (as). Ena plus de 4000 ans ki Hazrat Ibrahim (as) fine prend naissance dans ancien l’Iraq (Mésopotamie). Li ti ene grand prophète d’Allah avec le titre de Khalillullah (Camarade d’Allah). Après le Saint Prophète Muhammad (saw), Hazrat Ibrahim (as) so grade plus haut parmi bane prophètes. Hazrat Ibrahim (as) fine né dans ene l’époque kot la majorité dimounes et nations ti oublier Allah. L’endroit kot li ti né ti plus (mondainement) prospérer mais ti dans l’égarement (noirté). Banes dimounes ti pé prier z’étoiles, statues, etc. mais Hazrat Ibrahim (as) pas ti parmi sa banes dimounes là. Li ti ene dimoune ki réfléchi, ki doué d’intelligence. Li ti ena l’autre vision, ene l’autre kalité pensée (contrairement à bane dimounes de so pays) et comme tel li fine commence réfléchir : soleil, la lune, zétoiles zotte en motion, ene évolution sous ene l’ordre. Quant à bane idoles zotte banes objets qui sa banes dimounes là même faire avec zotte la main et zotte lé roi pas ti capave ene dieu parceki li ti nek ene humain couma zotte tous; comment donc li capave possible ki tous sa là vine banes dieux qui dimounes besoin adorer? Bane statues là zotte incapable pou bouger sans l’aide sa bane « dieux » là, zotte pas ena même pouvoir lors la vie, et zotte pas même capable pou aide zotte-même. Suite à sa banes réflexion là, Hazrat Ibrahim (as) déclare avec banes dimounes : « … Ô mo peuple ! Mo pas prend part dans bane associés ki zotte donner à Allah. Mo tourne mo figure seulement vers Celui ki fine crée le ciel et la terre et mo pas forme parti avec banes ki donne banes associés à Allah ». (Al-Anam 6: 79-80) Hazrat Ibrahim (as) fine commence so mission. Quand li fine invite le roi Nemrod et banes habitants de l’endroit vers ene seul Dieu, zotte tous fine vine so l’ennemis. Zotte fine commence crée banes difficultés pou faire li arrête so mission. Alors zotte fine décide pou brûle li vif dans du feu. Nous tout conné couma Allah (saw) fine sape So Khalillullah Hazrat Ibrahim (as), couma Allah même mention sa dans Quran Sharif. Pendant ki zot pé jette Hazrat Ibrahim (as) dans du feu là, de l’autre côté Allah (swt) fine ordonne du feu là, pou vine fraicheur et protection pou Hazrat Ibrahim (as). Étant donné ki Hazrat Ibrahim (as) trouver ki banes dimounes pas pou amène Iman (la foi) lors Allah, Hazrat Ibrahim (as) fine émigrer dans les autres pays pou continuer so mission. Partout li fine continuer appelle banes dimounes pou prier ene seul Allah. De sa façon là, avec létemps li fine atteindre l’âge de 80 ans et li pas fine ena aucaine zenfant. Alors c’est à sa l’âge là ki li demande dua avec Allah Ta’ala pou ki Allah donne li ene zenfant vertueux pou continuer so mission. Allah fine accepter so dua et par la suite, so Deuxième Madame Hazrat Hajra (ra) fine enfante ene garçon ki appelle Hazrat Ismaël (as). Après beaucoup de dua et dans so vieillesse, ene papa fine arriver gagne so premier enfant, ene garçon. Nous capave imaginer combien cher ene tel garçon pou été pou so papa ! D’après ene narration, ene fois bane anges (Farista) fine demande Allah Ta’ala : « Ô nous Maitre ! To fine dire ki Ibrahim li To camarade (Khaleel). Mais Hazrat Ibrahim (as) so situation li telle ki dans so le cœur fine gagne l’amour (Mohabbat) so garçon aussi : « Oh Allah ! En vérité pou porte le titre de Khaleel, c’est celui ki ena seulement To Mohabbat dans so le cœur ». Donc, Allah fine mettre Hazrat Ibrahim (as) à l’épreuve afin ki bane Farista reste convaincu ki vraiment Hazrat Ibrahim (as) mérite sa titre-là (Khalillullah), camarade d’Allah. Dans la nuit 8ème Zil-Hajj, Hazrat Ibrahim (as) fine trouve dans so rêve ki quicaine pé dire li : « Ô Ibrahim ! Faire Qurbani dans mo chemin séki to plus content dans le monde (duniya) là. » Hazrat Ibrahim (as) toute suite fine comprend ki sa l’ordre là concerne so garçon Ismaël. Vu ki sa l’ordre-là vine depuis Allah (swt) et de par so l’amour pou Allah, Hazrat Ibrahim (as) fine prend ene résolution ferme sans la moindre hésitation pou faire Qurbani so garçon. Hazrat Ismaël (as) à sa moment-la ti ena 7 ou 13 ans ; li ti très beau, obéissant et intelligent. Couma Allah (swt) faire nous comprend dans Chapitre 37 As-Swaffat, Versets 103 : « Kan sène-là (c’est-à-dire, Hazrat Ismaël (as)) ti fine arrive à ene l’âge pou voyage avec (so papa), Ibrahim dire li: « Mo petit, mo trouve dans mo rêve ki mo pé coupe to li cou. Guette ene coup, ki to penser ». Li dire (so papa) : « O mo papa, faire ce ki to fine gagne l’ordre. To va trouve moi, si Allah ouler, plein d’endurance ». Le Qurbani ki Hazrat Ibrahim (as) ti faire, montré clairement l’amour intacte, pure et ki pas capave déraciné, ki li ti ena pou Allah (swt) et ki par conséquent ene croyant besoin ena envers Allah. Insha-Allah, Vendredi prochain mo pou contigne lors sa même Khutba là, lors le grand sacrifice de Hazrat Ibrahim (as) et de Hazrat Ismaël (as).