Text Box: بسم الله الرحمن الرحيم Khutba Jummah HADHRAT AMIR’UL MUMINEEN MUHYI-UD-DIN Munir Ahmad Azim 06 Septembre 2013 ~ (29 Shawwal 1434 Hijri) (Résumé Khutba) Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire: وَّ اٰخَرِیۡنَ مِنۡہُمۡ لَمَّا یَلۡحَقُوۡا بِہِمۡ ؕ وَ ہُوَ الۡعَزِیۡزُ الۡحَکِیۡمُ ۝ Wa ‘aakhariina minhum lammaa yal-haquu bihim: wa Huwal-‘Aziizul-Hakiim. « Et Li (Allah) pou envoye li pou d’autres peuples aussi, à part sa bane là (bane premiers) ki pas encore joine zot. Et c’est Li le puissant, le Sage. » (62: 4) Pou ajoute à séki fine mentionné dans sa verset Quran Shareef là concernant l’apparition d’ene Khalifatullah, d’ene Messie de bane derniers temps, et ki pou symbolise en fait la Deuxième Manifestation Spirituelle du Saint Prophète (saws) parmi bane « Aakhareen », alors sa verset Quran Shareef là li révèle beaucoup lors là: « Li (Allah) contrôle tout et envoye So l’ordre depuis léciel à la terre. Ensuite tout pou monte vers Li ene jour, ki so longueur couma mille ans, dans façon ki ou compter. » (32: 6) D’après sa verset là, l’Islam pou passe par ene période some (noir) ki pou dure mille ans, après ki li fine conne ene premier période de progrès et de prospérité. Sa premier période de gloire là pou d’ene durée de trois cents (300) ans, d’après bane traditions (Hadiths et Sunnah). En effet le Saint Prophète (saws) fine déclaré : « Mo siècle li meilleur de tous. Ensuite (après comme meilleur siècle) pou vine le siècle de bane ki pou vine après mo bane compagnons (bane Tabéïnes) ensuite li pou celui de bane ki pou vine après bane Tabéïnes (c’est-à-dire, bane Tabé-Tabéïnes). » Bane savants musulmans fine baze zot lors sa bane informations là pou dire ki le Messie Promis ou ene Revivificateur de la Foi (Muhyi-ud-Din/Mujaddid, ene Messager (Élu) d’Allah) pou vini; et en vérité, après le Messie Promis du siècle passée Hazrat Mirza Ghulam Ahmad (as), en sa siècle présent là, Allah fine élève So Khalifa (le Khalifatullah) et Revivificateur de la religion (Muhyi-ud-Din) ki fondé lors bane préceptes de la prophétie (lors le Nabuwwat de Hazrat Muhammad (saws)), et sa pou fini Insha-Allah sans aucun doute avec la victoire promis de l’Islam, le Sahih Al Islam – l’Islam dans so nature pure. Ene extrait de bane paroles suivants ki sorti de la bouche du Saint Prophète (saws) bizin incite bane musulmans en générale pou fer sa réflexion là: 1. Kan zot trouve le Mahdi prend Bai’at (serment de fidélité) avec li. Alle vers li, même si zot bizin rampé lors la neige, parski li le Mahdi, le Calife d’Allah (Khalifatullah). (Ibn Majah). 2. Pour mieux donne précision lors sa sujet de Khilafat (divine) là, le Saint Prophète (saws) fine aussi dire: « Suive moi (suive mo l’exemple) et celui de bane Khulafa-e-Rashideen (bane califes ki pou bien guidés). » (Musnad Ahmad bin Hanbal). 3. « Reste attaché fermement à Jamaat de bane musulmans et à zot Imam, mais si aucaine Jamaat ni Imam pas existé, alors reste à l’écart de tous bane différents sectes même ou bizin morde racines de bane piés ziska ki ou zoine Allah dans sa l’état là. » (Bukhari). 4. À noter ki le Saint Prophète (saws) fine prédire ki ene seule Jamaat, ene seul parmi bane soixante-treize pou véridique et ki sa Jamaat là même uniquement ki pou couma li et so bane disciples. Mieux encore, le prophète (saws) fine mette l’Ummah en garde contre l’égarement et déviation ki représente ene danger pou li, et li fine donne sa bane avertissements là dans bane termes bien sévères. Le Khalifa, spécialement celui pou recevoir bane faveurs divines et ki l’Élu d’Allah li essentiellement porteur de rang de Nabuwwat (prophète). Dans sa sens là, alors sa veut dire ki li bizin être nécessairement ene prophète. Sans Nabuwwat pas ena aucaine Khalifatullah (Khalifa d’Allah); donc si l’ensemble de bane musulmans oulé régagne le Khilafat d’Allah, alors li bizin absolument cherche sa Nabuwwat ki vine avant toute forme de calife. De ce fait, si sa concerne l’époque (1) d’ene Khalifatullah (Calife d’Allah), alors le Calife d’Allah li également sa dimoune ki nommée par Allah et prophète d’Allah dans de l’eau (le bain) de Nabuwwat du sceau des prophètes ki porteur de loi, c’est-à-dire, Hazrat Muhammad (saws), et (2) si le calife en question li ene calife du prophète d’Allah ou Khalifatullah ki fine décédé, alors sa Khilafat là li lors traces de sa prophète/Khalifatullah ki fine (relativement fek) quitte sa le monde là. Li (sa calife élu par l’homme là) li dirigé par l’obéissance de sa prophète ki fine mort là, kot li aussi sa prophète ki fine mort là ti nécessairement et absolument sous l’obéissance de Hazrat Muhammad (saws). Mais en tout les cas, ene calife d’Allah/prophète d’Allah li d’ene importance primordiale comparé avec ene calife nommé par l’homme ki là seulement pour continuer la mission établie d’ene Khalifatullah. Les deux dans ene sense zot bazé lors «préceptes de Nabuwwat» kot le Khalifatullah li ene prophète d’Allah dans so propre identité, comme étant nommé directement par Allah au sein de l’obéissance du Saint Prophète Muhammad (saws), et l’autre (calife élu par l’homme) li nek le successeur de sa prophète/Khalifatullah ki fine mort là et ki fonde li-même, baze li-même lors bane enseignements de l’Islam et aussi de sa rénovateur de la foi/prophète d’Allah ki fine décédé là et ki li sous so l’obéissance ziska séki Allah élève ene l’autre prophète, So prophète, So Khalifa (ki pou toujours dans l’obéissance de Hazrat Muhammad (saws), de l’Islam), et sa jusqu’à le Jour du Jugement, parski Allah bizin nécessairement faire l’Islam reste toujours vrai, toujours solide, et pour sa, li nécessaire ki Allah envoye So Élu, So choisi spéciale avec le Ruh-il-Quddus afin pou établir bane véritables l’enseignements de l’Islam et pou guide bane dimounes vers sa bane vraies enseignements là, encore et encore. Mais selment, bane musulmans dans l’ensemble zot fine reste téti depuis 14 siècles dans ene interprétation très stricte de « Khatme Nabuwwat » kot zot oulé rode faire croire ki le Saint Prophète (saws) li le dernier de bane prophètes dans tout perspectives (sous tout l’angle). C’est-à-dire, d’après zot, pas pou ena aucaine Nabuwwat après le Saint Prophète (saws). Et alors, puisse-ki pas ena aucaine Nabuwwat, pas pou ena aucaine Khalifa. Et pourtant sa Khilafat là, si nous guette bien saki pé passer dans le monde, le monde musulman en général désire gagne sa faveur là. La nécessité de sa Khilafat divine là li ressenti partout. Et sa pé indiqué à ki point le monde musulman en général et astère aussi Jamaat Ahmadiyya, Jamaat du Messie du siècle passé fine rentre dans ene l’engrainaze pas possible de par zot propre mauvais raisonnement, bane tel raizonnement ki dépasse saki l’Islam fine choisir pou zot. Si d’ene côté bane musulmans en général fine ferme la porte de bane prophètes après le Saint Prophète Muhammad (saws), alors azordi jours, après tant d’années de tabligh ki Jamaat Ahmadiyya fine fer lors la venue de bane prophètes après le Saint Prophète Muhammad (saws), mais malheureusement aujourd’hui bane mêmes pensées égaré ki bane musulmans dans le passé fine ena et même ki bane musulmans azordi jour encore ena dans zot la tête, et aussi bane pensées égaré ki aussi bane suivants du Messie Hazrat Mirza Ghulam Ahmad (as) ena azordi jour. Ki sa pensée là sa ? Ki aucaine Khalifa Messager Élu d’Allah pou vini après le Messie Promis Hazrat Mirza Ghulam Ahmad (as). Alors, tous les deux catégories (le monde musulman en général, et aussi bane Ahmadis) pas pou sorti de sa ti l’esprit ki zot ena, pas pou sorti de sa mauvais cercle de pensées là – mais selment nous souhaiter du plus profond de nous lé cœur ki zot sorti de sa afin ki zot recevoir bane grâces et plaisir d’Allah – Alors zot pou sorti de sa cercle là zis kan zot pou révise et change zot interprétation de « Khatme Nabuwwat » (Dernier Prophète) et « Khatme Massih Maoud » (Dernier Massih Maoud). Dans sa siècle là, aujourd’hui Jamaat Ul Sahih Al Islam tout sel pé revendiqué ki Li fine établi par Allah Li-même, avec l’arrivée de sa humble serviteur d’Allah là comme le Messie et Khalifatullah. De même, c’est sa Jamaat là tousel ki diriger par le système béni d’ene Khalifatullah, le Khilafat ki Allah même fine établir pou zot lors la terre. C’est aussi li (Jamaat Ul Sahih Al Islam) tousel ki proclame, avec bane bénédictions d’Allah, ki la victoire finale de l’Islam pou arrivé à travers li (le Jamaat d’Allah – Jamaat Ul Sahih Al Islam). Mo annonce au monde entier ki ena aujourd’hui le Khalifatullah lor la terre de bane z’hommes et mo exhorte le monde musulman sans relâche pou vivre et agir d’après mo bane conseils afin ki l’Ummah capave conne bane lendemains meilleurs. L’unité de l’Ummah et le progrès de l’Islam pou capave réaliser zis sous l’autorité du Khalifatullah de l’époque. Aussi, pas ena place pour ene l’autre Khalifa, fabriqué par la main de l’homme, tandis ki le Représentant d’Allah li présent et pé préside dézà lor bane destinées de l’Ummah. Li bon pou rappeler ki le Saint Prophète (saws) fine prédire ki ene sel Jamaat parmi bane quelques 73 ki pou forme partie de l’Ummah, pou en fait véridique. Mais bane Ulémas de bane les autres sectes musulmanes et de l’Association Ahmadiyya ki sans scrupules et sans hésitation fine foncé dans mauvais travail pou empoisonne l’esprit de bane dimounes honnêtes pendant la Manifestation Divine de sa siècle là, en publiant et en circulant contre Jamaat Ul Sahih Al Islam et contre sa humble serviteur d’Allah là, le Khalifatullah bane mensonges de plus en plus dégoûtants. Ainsi bane ki content vraiment la vérité bizin vine bien perspicaces. En guise de conclusion, mo cite sa bane quelques paroles de Hazrat Ali (ra), le quatrième calife du Saint prophète (saws) concernant le Calife ki inspiré par Allah, et sa bane paroles là zot bane extraits de collection de bane Khutba de Hazrat Ali (ra) : ‘Nahjul Balagha’ publié par l’organisation ‘World Shia Muslim’, en 1978 : « Li pas seulement recommandé mais li très nécessaire pou zot pou écoute bane conseils ki le Khalifatullah (Khalifa d’Allah) pou donne zot et zot bizin agir d’après sa… pas essaye reste à l’écart de l’Imam véridique couma ene dimoune ki pé sauvé d’ene dimoune ki souffert d’ene maladie contagieux… Satan pou mette bane pièges bien attirant pou zot … Au début le Mahdi pou couma ene étranger misérable, inconnu et délaissé. L’Islam pou alors dans ene l’état pitoyable et désespéré couma dire ene chameau ki fine fatigué ki fine pose so la tête lor la terre et ki pé bouge so la queue. Malgré ene tel commencement, li pou établi l’Empire d’Allah lor la terre. » Ki Allah illumine lé cœurs de bane croyants, bane chercheurs de vérités et même bane dimounes ki ena ene mauvais perception de Khatme Nabuwwat. Et à mo bane frères et sœurs Ahmadi, mo donne zot sa ti conseil ki pou Insha-Allah pénétrer dans zot lé cœurs : Bane messagers d’Allah (as) ki fine vini dans le passé, nous bien-aimé prophète Hazrat Muhammad (saws) et Hazrat Massih Maoud – Hazrat Mirza Ghulam Ahmad (as) pas fine souffert dans vide. Zot fine bizin passe par tant de difficultés et d’épreuves afin pou faire la religion d’Allah, l’unicité d’Allah briyé dans tout So Gloire. L’Islam étant dernier religion ki pou ena, et l’Ummah Mohammadiyya (saws) étant le dernier Ummah sous le commandement d’ene Livre divine parfait, le Quran Shareef, alors tous bane Messagers d’Allah, Khalifatullah pou vine dans l’obéissance du Saint Prophète de l’Islam (saws) et du Messie Promis Hazrat Mirza Ghulam Ahmad (as). Bane peuples par le passé fine sakaine ferme la porte de bane prophètes d’Allah après la mort de zot prophète respectif. Dans le Quran ena mention de fermeture de sa la porte là par bane dimounes après la venue de Hazrat Yusuf (as) – le Prophète Joseph, mais malgré sa, plusieurs prophètes fine en vérité vini après li, et à sak fois Allah fine montré zot couma zot ti fausse dans zot jugement parski Allah pas fine créer l’homme dans zot jugement parski Allah à aucaine moment pas fine créé l’homme pour ki l’homme décide de la destinée de bane dimounes par zot-mêmes. Mais de temps en temps Li (Allah) envoye vers zot bane guides (Quran 2: 39) afin ki zot renoué avec Allah après zot faiblesses et égarement du droit chemin. Ce ki fait ki tant ki pou ena bane z’hommes et bane femmes et bane enfants lor terre, c’est-à-dire, bane humains lor la terre, alors à sak fois ki zot pou dévié de Allah, de So chemin, de So religion (l’Islam – la religion parfait), de So bane commandements – de So Livre (le Quran Shareef), alors Allah pou envoye So bane guides élus afin pou ramène l’Ummah Mohammadiyya (saws) et l’humanité en générale vers l’adoration d’ene sel Dieu, Allah et par la même occasion pou casse tous bane idoles par bane arguments divinement inspiré afin ki bane lé cœurs assoiffés de la vérité divine capave percevoir sa vérité là et embrasse la religion pure d’Allah en toute tranquillité. Parski malgré bane z’épines lor zot chemin, zot pou fer plusieurs de bane zéfforts, guidés et aidés par Allah Li-même afin ki zot capave arrive à reconnaître et accepter et obéir zot guide spirituel, guide élu d’Allah (non pas par l’homme) pour guide zot vers zot but réel : Allahu, l’Unique, le Sublime. Insha-Allah, Ameen. Mo termine par sa verset de Quran-e-Kareem, ki représente bane paroles prononcé par bane Messagers d’Allah dans le passé et aussi bane Messagers d’Allah ki pou contigner vini ziska le Jour du Jugement Dernier : « Et nous devoir, c’est seulement pou prêche (le message) clairement. » (36: 18). Ki Allah inspire zot tout la guidance. Insha-Allah, Ameen.