بسم الله الرحمن الرحيم

 

Khutba Jummah

 

HAZRAT AMIR’UL MUMINEEN MUHYI-UD-DIN

 

Munir Ahmad Azim

 

 

07 Juin 2013 ~

(27 Rajab 1434 Hijri)

 

(Résumé Khutba)

 

Après ki li fine souhaite «Assalamoualaikum Warahmatullah Wabarakaatouhou» à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

Avant li rentre dans le vif de so sujet pour le Khutba, Huzur (atba) fine cause lors le Miraj et li fine aussi fer sa l’annonce suivant là :

 

~ Alhamdulillah, Abdul Muhaymine Azim ti prend part dans l’examen l’Alliance Française, Septembre l’année passé 2012. Lundi le 03 Juin 2013, li fine recevoir so résulta et Alhamdulillah li fine briyé dans so l’examen ; ene très bon résulta par la grâce et faveur d’Allah. Ki Allah continuer déverse So grâce et bénédictions lors li et augmente so connaissance dans le domaine spirituelle et académique aussi. Insha-Allah, Ameen ~

 

Hajj forme partie de bane 5 piliers de l’Islam et li obligatoire pour ene croyant ki ena le moyen pour li alle faire Hajj au moin ene fois dans so la vie, Insha-Allah. Bane musulmans bizin bien comprend, si ou fine déjà faire Hajj, cède ou place à quelqu’un ki pas encore faire Hajj et ki Hajj Faraz lors li. Conné ki nous bien-aimé prophète Hazrat Muhammad (saws), ene seule fois dans so la vie fine accomplir Hajj. Donc, li Faraz au moin ene seul fois dans la vie, si ou ena moyen financière et capacité physique. Mais par contre le prophète Hazrat Muhammad (saws) fine conseille nous pour faire le maximum Umrah ki nous capave. Allah efface nous bane péchés entre ene Umrah et ene l’autre Umrah. Bane croyants bizin comprend sa bien ki dans condition actuel couma été à Makkah, cède la place à bane ki zamais fine accomplir Hajj. Oublié la question « first come, first serve », mais bizin ena mentalité islamique. C’est dans sa moment là ki nous pour montré nous l’esprit de fraternité. Deuxième point nous ti à content soulevé séki, vu ki le visa li lors quota, alors évite amène bane zenfants car Hajj pas Faraz lors zot. Laisse sa visa-là alle à quelqu’un ki mérité.

 

Sak secrétaire Tarbiyyat dans so Masjid bizin faire l’éducation de so bane muswalli. Azordi si nous pé souffert c’est parski l’Ummah pas fine gagne assé Tarbiyyat (l’éducation) et la formation de so Deen. Kan la fin pour approché l’ignorance pour prévaloir. Eski nous pas fine vine dans sa l’époque-là ? Azordi bane musulmans Mauriciens pé gagne beaucoup problème visa pour alle Hajj et sa aussi tous les l’années même figure ou trouvé alle faire Hajj parski zot bane protégés ministres, bane ki fine sacrifié zot plusieurs l’année pour alle faire Hajj, zot pas pé gagne visa zot.

 

Si l’Ile Maurice pé passe tant de difficultés pour gagne ene bon quota visa pour Hajj parski nous péna ene ambassade en Arabie Saoudite. Et pourtant des milliers Mauriciens voyage vers sa pays là sak l’année. Pour le seul mois Avril plisse ki ene millier de bane Mauriciens ti sur place pour l’Umrah. Dans bane pays l’Afrique kot dimoune même na pas allé, nous ena nous l’ambassade. Sa quantité là sa gouvernement là pas content musulmans ; Nous l’argent bon pour rempli la caisse Air Mauritius. Le Ministre Arvin Boolell conné sa souffrance là li, ki tant de sacrifice bane musulmans faire ramasse zot l’argent sou par sou pour alle faire Hajj, pour accompli le 5ème pilier de l’Islam et pas réussi gagne visa pour Hajj, seulement 700 personnes ki pour gagne visa, li conne sa souffrance là, li, ki gagné kan nous péna ene l’ambassade dans l’Arabie Saoudite.

 

A sak fois ki l’opposition fine pose li la question lors l’ouverture ene l’ambassade dans l’Arabie, li fine joué sauvé. Voilà des années ki la question pé étudié. Sa gouvernement là so deux mandats pé alle fini et musulmans fine reste toujours souffert. L’argent l’état dépensé dans beaucoup maja karo toute longue l’année avec bane concerts ene lors l’autre mais pour facilite so peuple et surtout lors question pèlerinage, li péna casse. Et nous conné ene l’ambassade en l’Arabie Saoudite commié ouverture pour ena pour le marché travail et autres secteurs pour l’ile Maurice. L’Afrique déjà dans la misère, ene ambassade dans sa bane pays Africain là c’est du gaspillage. C’est juste pour facilite bane missiés là.

 

Ena 4 ministres musulmans dans sa gouvernement là, nannié à foutre, ki pas pé faire nannié pour l’Ummah, pour discute pour bane frères et sœurs accompli zot 5ème pilier de l’Islam, c’est le Hajj. Si temps zot pas faire poid, zot pé guette zot poche, zot dignité, l’honneur ki zot pé gagne dans sa le monde ici-bas là, même si bizin piétine l’enseignement de l’Islam, sa pas faire zot ni chaud, ni froid et si zot moindre lève zot la voix, le Premier Ministre pour dire zot « ploye bagage aller ». Bane musulmans fine arrive l’heure pour ouvert zot lizié et guette ki qualité traitement bane musulmans pé gagné avec sa gouvernement là. Ou musulman la guerre entre ou-même, divisé entre ou-même, traite ou frères et sœurs pas musulmans, mette boycott entre ou-même et pas unir et guette couma zot pé saizi sa l’opportunité là pour craze l’Ummah de Hazrat Muhammad (saws). Guette bane promotion ki bizin dans différent secteur travail Gouvernemental, ou guette dans n’importe ki ministère zot pé baffoué bane musulmans, zot promotion et ou trouve bane incompétent ki à la tête et guetter couma pays là pé coulé, par l’incompétence de sa bane qualité dimounes là. Talère pour faire un an ki bane marchand ambulant pé crazé dans tout coin, kot zot pas pé capave travail pour nourri zot bane zenfants, pé saizi zot bane marchandises, batte zot, mette zot dans van la police couma bane voleur pour dénigrer zot, à cause zot bane musulmans, zot pas gagne travail dans Gouvernement zot pas casse la tête, zot faire zot propre business, guetter si pas sa bane ministres, PPS musulmans pé discute pour zot pour zot trouve ene place pour zot travail. Si musulman ti unir, ti ene seul, pas ti la guerre entre nous, nous ti solidaire et nous tous ensemble attrape fermement le Quran Shariff fort et pas laisse nous divisé, personne pas ti pour faire dominaire.

 

Déjà musulman pé gagne crazé ici, beaucoup fine faire sacrifice pour alle faire Hajj, pas fine gagne visa, ena certain musulmans dans faveur Monsieur le Ministre pour gagne grandeur et zot faire zot vantard et arrogant. Dr. Farad Aumeer fine nommé politiquement et ki li pas mérite sa place là. Azordi dimoune pé mal parle li par so l’arrogance. Ene place ki li pas mériter, li fine gagner et li pé craze bane musulmans ki ti fini enregistrer zot plisse ki un an pour alle faire Hajj – Li pé écoute so Guru ministre li et sa kantité critique ki li fine gagné, zamais aucaine chairman pas fine gagné (ki occupe Hajj). Logiquement li ti bizin allé par li-même, pli li resté, pli so réputation pour salir. Li bizin garde so dignité comme ene docteur, et faire so travail médecin et dédié li au service de l’Islam. Pose la question suivant à Farad Aumeer, ki faire li pas oulé quitte sa poste-là ? Par la grâce d’Allah, nous ena réponses pour bane dimounes dans la catégorie de Farad Aumeer. Nous bien-aimé prophète Muhammad (saws) fine prédire ki kan la fin du monde pour approché, pour ena bane ignorants (de Deen) ki pour vine à la tête de bane institution (l’état islamique). Et azordi ki nous trouvé ? C’est bane ignorant de Deen ki à la tête de bane état islamiques et l’Ummah pé souffert. Ou pou étonné kan ou trouve certains soi-disant Uléma dire : « Nous pou donne nous soutien à Dr. Farad Aumeer, ki pé fer ene travail formidable comme chairman de l’ICC. » Et dans ene l’autre place sa même bane Uléma là pé tire à boulé rouge lors Dr. Farad Aumeer so gestion de l’ICC. Which is which ? C’est purement hypocrisie. Dr. Farad Aumeer, fine l’heure pour allé, la tête haute parski c’est ene avalanche de colère de l’Ummah ki pour abatte lors ou dans bane jours à venir. Pas pour capave barre la colère de l’Ummah. Tirage au sort pour Hajj ? Kot nous pé aller ? Bâteau pé couler, kan péna ene capitaine, ene capitaine de côté d’Allah.

 

Tous bane frères et sœurs musulmans fine apprane ki visa Hajj et Umrah gratuite, et li confirmer. Le ministre Hajj, Bandar Hajjar, fine faire la déclaration suivante pendant ene Forum à l’université King Abdul Aziz : « L’Arabie Saoudite pas charge aucaine fees pour visa Hajj et Umrah et bane les autres services de l’état ki donnée à bane pèlerins. L’argent ki zot payé alle l’organisation privé Tawafa pour bane services couma manger, place pou rester et transport. »

 

Ki faire pé bizin paye Rs.3000 pour ene visa Umrah ? Ki faire fixé trois mille roupies ? Ena bane ki pou tanne sa Khutba Jummah là ou pou lire nous Khutba Jummah ici à Maurice, pour dire ki Jamaat Ul Sahih Al Islam communale. Par la grâce d’Allah nous pas casse la tête avec zot, nous manger, boire, l’honneur, la vie, la mort, pas trouve dans zot la main. Mo bizin dire ki sa c’est ene moyen ki nous bane adversaire fine tous les temps servi contre nous. Mais nous pas pé faire communale ; au contraire nous pé défendre le Ummah de Nabi Kareem Hazrat Muhammad (saws). C’est zot ki communale dans sa pays là et aussi nous trouve sa à travers le monde entier couma zot pé craze l’Islam. Mo capave dire d’après mo bane analyses et observation sak jour ki pé passé dans sa pays là, ou dans sa le monde là, nous trouve bane minorités pé gagne crazé, surtout la communauté musulmane.

 

Inutile pour cause bane ministres ou PPS musulmans ki forme parti dans le gouvernement ; zot agenda différent de saki la communauté musulmane ti envoye zot pour faire. Après nous fine comprend ki zot servi sa slogan pour défanne l’Ummah là juste pour gagne quelques votes. La communauté trouve li ensuite orpheline de ene « VOICE », ki pour défendre so droit et faire so la voix tendé. Azordi sak communauté pé unir zot la force pour pas laisse zot droit piétiné. Sak communauté pé être défendu par zot bane dimounes ki zot fine envoyer et ki trouve dans gouvernement. Couma nous dire (à Maurice) « Sak zako protège so montagne. »

 

Mais malheureusement nous bane musulmans pas ena même ene la voix ki cause en faveur de l’Islam, nous droit pour pratique nous 5ème pilier de l’Islam et le mérite de bane musulmans pour zot compétence pour gagne promotion dans n’importe ki secteur et ministère. Ki faire tous sa là, alle réfléchi, O bane musulmans, parski nous division, la haine entre nous même, la guerre entre nous même et traite nous bane frères, sœurs couma nous-mêmes pas musulmans, comme ci-dirai nous fine gagne patente pou juge la foi les autres. Donc, sa qualité division là fine amène nous faiblesses et cela fine faire les jeux de certains politiciens. « Voice of Jamaat Ul Sahih Al Islam » fine décider pour lévé parski la communauté majoritaire fine fini accapare l’appareil de l’état. Là, c’est ene danger grave pour bane les autres communautés. Guette ki pé arrive bane musulmans en Birmanie, dans Sri Lanka. Musulmans à Maurice bizin guette loin. Presque tous bane politiciens Hindu zot controlé par bane associations Hindu. Et réssamen ou fine tende President Sanathan Dharma Temples Federation, Somduth Daltaman. Li dire ki li ena 500,000 Hindus derrière li, et tout l’appareil de l’état dans so la main et aussi ki qualité li ti faire ene conférence de presse pour critique bane prêtres catholiques et façon sa pé aller, si sa disang raciste là contigner, pas loin ene bagarre racial dans le pays.

 

Donc, si demain bane extrémiste Hindu vine au pouvoir dans sa pays là, et nannié pas impossible façon ki les choses pé bougé.

 

« Voice of Jamaat Ul Sahih Al Islam » pas pour rentre dans aucaine divergence ki existé dans la Communauté Musulmane ; pour nous ene musulman c’est ene frère, so l’honneur et so disang li sacré. Nous pou lève nous la voix kan n’importe ki touche bane droits acqui de la communauté de sa pays là ou « craze » l’Ummah. Si bane frères et sœurs musulmans envie vine donne ene coup de main dans sa travail noble là, zot tous la bienvenue ; la main dans la main comme ene seul frère de ene sel maman pour défendre l’honneur, valeur et dignité de nous bien-aimé prophète (saws), Islam et le Quran Shareef, Insha-Allah.

 

Eski le moment pas fine arriver pour bane croyants, pour ki zot lécoeur courber devant message Allah et la vérité ki fine dessane. Pas montré l’orgueil pour séki Allah (twa) fine accorde ou. Allah (twa) pas content bane orgueilleux et hautain. O bane frères et sœurs croyants, crainde Allah et gagne la foi dans so Messager. Allah (twa) va accorde ou deux parts de So grâce et Li va donne ou ene la lumière pour ou marcher avec So l’aide, et Li va pardonne ou. Allah vraiment Pardonneur et Miséricordieux, Ameen, Summa Ameen.

 

C’est Allah ki fine envoye ou So Khalifatullah avec bane révélations clairs, pour retire ou de l’obscurité et mette ou dans la lumière. Vraiment Allah doux envers ou et Li Miséricordieux. Insha-Allah, mo faire duah ki Allah (twa) ouvert sak lécoeur et faire sa message là pénétré dans zot le cœur et ki zot vine bane grand croyant et dédier zot le temps dans le chemin d’Allah ziska zot dernier souffle, Insha-Allah, Ameen.