Text Box: بسم الله الرحمن الرحيم Khutba Jummah HAZRAT AMIR’UL MUMINEEN MUHYI-UD-DIN Munir Ahmad Azim 08 Février 2013 ~ (26 Rabi’ul Awwal 1434 Hijri) (Résumé Khutba) Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire: وَ قُلۡ جَآءَ الۡحَقُّ وَ زَہَقَ الۡبَاطِلُ ؕ اِنَّ الۡبَاطِلَ کَانَ زَہُوۡقًا ۝ “Wa qul jaaa-al-Haqqu wa zahaqal-Baatil: Innal Baatila kaana zahuuqa.” Dire zot ki la vérité fine vini et fausseté fine disparaite, et faussetés bizin disparaite. (Bani Israil 17: 82) Al-Haq (La Vérité) c’est ene attribut d’Allah et sa nom d’Allah là ena connexion avec tout bane attributs d’Allah ki mentionner dans Surah Fatiha. Et la rencontre de tous sa bane attributs là ensemble, donne nous ene conception de la vérité. Sa Être ki possède tout sa bane excellent attributs là fine commencer par Hamd et ki alle terminer lors Maliki Yaumid-Deen, so conclusion automatique, c’est ki ene tel Être bizin La Verité. Et li pas capave narien à part la vérité, sa c’est ene zaffaire ki facilement nous comprend. Mais couma nous pou gagne avantages de sa ? Et quand nous ena lien avec tel Être, bé ki bane zaffaires ki nous gagner et ki bane responsabilités ki tombe lors nous pou ki nous bénéficier de sa vérité là. Dans sa contexte là, mo fine divise mo sujet en deux parties. Ene c’est ki dimounes ki ena lien avec la vérité, ki bane victoires zotte gagner lors bane Reyr. Et en fait sa aspé là ena ene lien avec le Dawa. So 2ème partie ena connexion avec le Tarbiyyat. C'est-à-dire quand ou fine établi lien avec ene tel Être de la vérité, bé ki, ki bane changement ki bizin ena et en résultat de sa bane changement pure là, ki révolution intérieur bizin ena. Donc premièrement mo prend le sujet de Dawa. Donc si véritablement nous illumine nous avec la lumière de l’Islam et si nous faire le travail de Dawa comme ene Mouslemeen, bé heure là par grâce d’Allah sa bénédictions là pas pour limiter seulement ici à Maurice mais li pou continuer étaler dans 4 coins du monde. Insha-Allah. Nécque ena pour porte attention et mette en pratique bane conseils et si mette bane conseils en pratique, Insha-Allah sa pour apporte bane grand révolution. Maintenant mo alle plus devant avec sa sujet là, en référence avec Haqq, la vérité. Dans Quran Allah dire : “Dire zot ki la vérité fine vini et fausseté fine disparaite, et faussetés bizin disparaite.” Ena ene bane dimounes zotte comprend sa verset là comme sa, ki, de qui la vérité vini, bé mensonge, faussetés disparaitre automatiquement. Et zotte cite l’exemple de soleil. Dès ki soleil émerger, bé l’obscurité disparaître. Kot, kot la lumière soleil apparaitre, là-bas l’obscurité changer en lumière. Li très facile. Si vraiment li ti tellement facile et si c’est sa la signification du Quran, bé après l’arrivée de chaque prophète, pas ti pou nécessaire ena aucaine la lutte. Necque prophète là vini ; li vine avec la vérité et li ena lien avec ene Être véridique, bé tout d’un coup l’environnement changer nette et éclairer et la vérité gagne le dessus sans aucaine la lutte. Sans aucaine z’éfforts. En fait c’est pas sa la signification de sa verset là. Dans certaine situation et contexte li coumsa. Oui, mais dans quel situation li coumsa et dans quel autre situation li pas coumsa. Mo pou explique sa maintenant. Premièrement en ce qu’il s’agit de bane Reyr et de la fausseté, couma zotte disparaitre avec la vérité ? Mo pou éclaire sa sujet là, à la lumière Quran. Parceki, en fait invitation vers Allah c’est ene invitation vers la vérité. Nous bizin conner ki, ki bane obstacles ena lors sa chemin là, ou sois bizin faire efforts pou sa? En fait sa bane la nuites ki nous appelle bane la nuits spirituelle là, kot ena de l’obscurité et ena éloignement avec Allah, pou bizin faire z’éfforts pou change sa bane la nuits là en l’éclairaze. Pou faire sa changement là ou pou bizin dans la nuite, prend la lumière avec Allah. C’est pas ene lumière ki vini coumsa même. En référence avec Layla-tul-Qadr, c’est sa même ki Hazrat Muhammad (saw) fine expliquer, sa la nuite, sa l’obscurité ki ti enveloppe le monde nette, coumsa fine changer ? C’est à cause ene quelqu’un ki fine fini li-même dans Allah, so bane doahs ki li fine faire quand li fine garde so bane la nuite réveiller, c’est so bane humbles supplication ki fine faire sa transformation extraordinaire de la nuite et li jour là. C’est dédication de so bane la nuite ki fine amène sa changement là et fine faire sa la lumière là paraitre. Et quand sa la lumière là fine vine bien apparent, bé bane dimounes fine guette sa sujet là comme-ci c’est ene lumière ki soudain fine apparaitre. Mais bane dimounes pas fine porte attention lors z’éfforts ki fine ena avant ki sa la lumière là paraitre. Quand l’Islam fine vine victorieux, bé bane dimounes fine penser ki maintenant péna aucaine difficulté, la lumière de l’Islam fine apparaitre et tout bane problèmes pou résoudre. Mais fine ena ene longue la lutte pou ki sa la lumière là paraitre. Quran fine mentionne sa dans différent contexte et différent situation et à chaque fois fine lier sa avec la vérité. Mais Quran pas fine dire ki li ene tel sujet ki ene coté la vérité apparaitre et lotte coté, fausseté disparaitre. Non, dans Quran, Allah dire ki ‘Nous pas envoye bane prophètes pou aucaine autre objectif, excepter comme Porteurs de bonne nouvelles et comme bane Avertisseurs’. Li (le prophète) donne bonne nouvelles aussi mais li averti aussi. Bonne nouvelles ena lien avec lizour et avertissement ena lien avec la nuite. Mais quand zotte commence zotte travail, c’est pas avec facilités ki zotte établi la vérité et faire faussetés disparaitre. Zotte lutter et faire des z’éfforts et faire face boucou de bane obstacles, bocou de bane problèmes. Quran mentionner ki zotte bizin lutter. Et en fait la lutte là commencer avec bane dimounes ki pas ouler accepter la vérité. Bane dimounes là faire tout zotte possible pou faire la vérité disparaitre et faire l’obscurité vine permanent. Quran même dire bane la faire tout pou efface la vérité. Li ene sujet totalement contraire avec le sujet ki la vérité fine vini et faussetés fine disparaitre. Allah dire ki quand la vérité vini, bé le mensonge disparaitre, mais avant ki faussetés disparaitre, li (mensonge/faussetés) faire tout so z’éfforts, li mette tout so poids, afin ki la vérité disparaitre. Et Allah dire ki zotte ridiculise et moque Nous bane paroles, Nous bane avertissements et Nous bane signes ; zotte critiquer, zotte objecter etc. Donc zotte servi tout bane moyens afin ki la vérité disparaitre et fausseté continuer dominé. Donc pou nous Dawa, nous bizin comprend ki Quran pas fine dire ki, ene coté ou donne zotte le message et de lotte coté toute suite zotte pou accepter. Non, au contraire Quran mette nous en garde, li prévenir nous, ki quand ou pou donne zotte la bonne nouvelle, bé zotte pou faire z’éfforts pou efface ou de la surface de la terre, zotte pou rode élimine ou nette. Nous trouver ki sa sujet là parfaitement applicable lors nous (Jamaat Ul Sahih Al Islam). Avec des bonnes intentions et pou le bien de l’humanité, nous pé donne zotte bane bon messages, nous conner ki c’est bane messages de la vie. Nous conner ki c’est bane messages ki donne tranquillité du cœur. Et sakaine parmi nous, nous témoin ki en dehors de sa bane messages divine là, ou sois nous dire en dehors de l’Islam et so l’enseignement ena des troubles, des inquiétudes. C’est-à-dire, si pas ti ena l’Islam et bane messages d’Allah et de So bane prophètes, alors bane peuples à travers bane siècles et l’humanité ti pou en danger. En dehors de bane messages divines, en dehors du Salut et de l’aide d’Allah, personne pas pou capave alle de l’avant pou gagne la lumière. En fait, dans le cercle de la grâce divine, c’est tout à fait ene lotte monde, ene changement extraordinaire. Dans Jamaat Ul Sahih Al Islam c’est ene tel autre monde. Si bane dimoune en dehors guette ene coup, bé zotte pou dire, ki en fait sa c’est ene l’île ki péna aucun connexion avec sa le monde là. Si zotte reconnaitre sa vérité là, bé zotte pou reconnaitre ki c’est ene le monde apart, zotte pou bizin pose zotte même question, mais couma sa pé arriver ? Ki, ki bane la lutte bizin amener ? Lors là aussi, ou bizin porte attention, parceki c’est pas ene zaffaire (la victoire) ki vini ene coup coumsa, soudainement, Non. Donc, Allah dire ki mensonges faire tout bane z’éfforts possibles pou élimine ou (bane vrais croyants, la vérité), efface ou nette. Donc li vrai ki quand la vérité vini, bé fausseté, bane faussaires disparaitre. Mais li pas juste ene zaffaire verbale seulement. Li pas juste ene simple déclaration. Parceki de lotte coté bane ki fausse là aussi revendiquer ki zotte meilleur ki la vérité et zotte pou élimine la vérité. Ene l’exemple de sa, c’est bane paroles délirant d’ene dimoune ki pé proclame li ki li vine de côté d’Allah mais ki li contre bane conceptes essentiels de l’Islam, couma la venue de bane prophètes dans l’Islam. Le Quran Shareef mentionne sa clair dans Surah An-Nisa (4 : 70) couma le degré de Nabuwwat (non porteur de loi, mais ki suive le Quran Shareef) li capave être donné à ene dimoune choisi d’Allah ki li pou suive les pas de Nabi Kareem Hazrat Muhammad (saws). Malheureusement, sa dimoune là Nasir Ahmad Sultani, kan mo fine invite li dans le passé pou vine de l’avant, li fine jouer sauvé et li fine contente li pou traite moi, sa humble serviteur d’Allah, de menteur lors so website. Et récéssament, ene dimoune originaire de Kerala fine joinde li et sa dimoune là fine dire ki li fine trouve dans ene Kashaf ki moi (Munir Ahmad Azim) mo ti pé la guerre (ene duel) avec Nasir Ahmad Sultani, et ki c’est Nasir Ahmad Sultani ki fine gagne la victoire. Maintenant laisse nous guette un peu perception de sa dimoune ki fine trouve sa rêve ou Kashf là. Pou li, automatiquement couma li fine trouve sa, alors li bizin vrai ki c’est Nasir Sultani ki le vrai et ki moi, l’humble serviteur d’Allah, anouzobillah, mo fausse. Sa c’est so l’impression, d’après saki li fine trouver factuellement dans so Kashaf, mais bane visions et rêves aussi ena bane interprétation à sa, et dans sa cas précis de duel ou la guerre là, dans ene rêve ou Kashaf, c’est celui ki perdi ki en vérité le vainqueur. Si sa nouvo disciple de Nasir Ahmad Sultani là ti conné couma pou interprète so rêve, alors li ti pou réalisé ki c’est le contraire de so Kashf ki vrai et ki c’est rang de Munir Azim ki li ti bizin suive. Alors, coumsa même la vérité li capave paraite apparent à ene dimoune ki prend mensonge comme la vérité, et alors li alle fer erreur pou prend la vérité comme fausseté et li alle joinde rang de bane ki fine éloigner du vrai Islam, du vrai concepte de l’Islam. Sa fer moi mazine ene révélation ki Allah ti donne moi dans bane commencement de la Manifestation Divine kot Li (Allah) ti dire moi ki li pou fer moi vine ene Ibn Sireen, ene kikaine ki pou conné couma pou interprète bane rêves. Allah fine bien explique sa sujet là. Allah dire ki bane la vérité revendiquer ki Nous fine vini et nous pou efface bane faussetés. De lotte coté, bane faussaires là aussi faire ene revendication ki nous pou efface zotte de la surface de la terre. Ensuite Allah so Taqdeer faire ene décision. Et lerlà ena ene bane ki continuer disparaitre tandis ki ena ene lotte bane ki continuer progresser et développer. Et sa ena connexion avec la vérité et progrès là ena lieu en résultat de la vérité même. Mais la vérité exige certaines demande ki n’importe comment, ou pou bizin accompli. Dans ene lotte place faisant référence à la bataille de Badr, Allah dire ki, to ti pour souhaiter faire face à ene adversaire qui moins nombreux qui zotte, afin qui zotte gagner, avec facilité et souffert moins de perte. Mais Allah ti ena ene l’autre objectif. Allah envie qui to faire face à sa l’armée puissant là même et qui pli nombreux là, mais ici Allah pour augmente pour toi to bane capacités et pour faire toi gagne le dessus lors zotte. Parceki Allah fine décréter ki fausseté bizin déraciner. Donc bane Momeen ti envie ene tel facilité ki le soleil sorti et l’obscurité disparaitre. Mais Allah Li, Li ti envie ki bane Momeen faire face à sa bane puissant là même, de sorte ki avec l’aide d’Allah zotte gagne le dessus lors zotte. Alhamdulillahil Aalameen. Afin ki bane là conner ki été sa zaffaire ki la vérité gagne le dessus là. Zotte bizin conner de quelle façon extraordinaire la vérité triomphé lors fausseté. Et sa c’est ene zaffaire ki vini avec la lutte. Li pas vini coumsa même. Donc Allah dire ki c’est avec sa l’objectif là, ki Nous fine donne toi la force et capacité afin ki to coupe racine de banes Kafirs. Sa c’est le sujet de la vérité ki mérite d’être comprend. Si ene dimoune faible faire face à ene dimoune bien fort et puissant, bé pou faible la, c’est ene message de destruction. Et si ene dimoune fort et puissant, la guerre avec ene faible et li gagne le dessus lors li, bé li pas ene grand gloire pou sa dimoune fort là. Sa c’est ene sujet ki ou bien bizin comprend. Parceki Allah pé cause bane causer de la vérité, ou bizin conner la vérité ki été ? Et ki, ki bane signes ena pour la vérité là ? Et si ene l’ennemi bien puissant et fort faire ene décision, ki nous pou élimine sa ti Jamaat là, si zotte réussi là-dans Naouzoubillah, bé c’est pas ene grand gloire pou zotte. Mais si zotte pas réussi et si n’importe quand zotte confronte sa ti Jamaat là, bé sa ti Jamaat là même ki gagne le dessus et Jamaat là continuer grandi et progresser et li vine pli ferme ki bane fort là, bé sa c’est ene signe de la vérité. C’est ene signe ki sa c’est ene Jamaat ki ena lien avec ene Être de la vérité, mais le fait ki Jamaat là capave tipti, paraite faible faible au commencement, mais kan le souffle d’Allah, la vérité divine pé dirige li, alors bane adversaires, bane faussaires même pou étonner : Quoi, autant de progrès avec si peu de croyants ? Mais avec sa même ferveur de la vérité là, sa la lumière grandi grandi kot sa Jamaat là grandi grandi et vine encore pli ferme couma ene forteresse, et la lumière de vérité ki Allah envoyé, c’est-à-dire, sa Messager ki Allah choisir là (et dans nous l’époque sa humble serviteur ki présent devant zot), alors Allah fer sa Messager Allah là trouve victoire ki Li (Allah) fine promette li, kot après so bane z’éfforts, ensam avec bane croyants, et la lutte ki zot amener, alors définitivement pou arrive so moment, kot zot pou goûte sa victoire de la vérité lors fausseté là, kot nous (Jamaat Ul Sahih Al Islam) nous pou trouve nous victoire, ene victoire ki aidé par Allah et So bane anges, ene victoire ki montrer couma l’obscurité disparaite avec la venue de manifestation de la vérité ki Allah, Al-Haq même envoyé dans sa le monde là. Donc si ou ena lien avec ene Être de la vérité, bé la décision de ki sanlà pou victorieux, pou dépanne lors ki vérité ki ou ena lien. Li pas ene question si pas l’ennemi pli nombreux ou moins nombreux, si pas bane là ena pli boucou l’argent et nous, nous péna ; bane là ena pli boucou Masjid et nous, nous péna autant. Non, li ene question, si ou ena ene lien avec la vérité, l’heure là, ki sa vérité là pou gagne le dessus lors bane faussaires. Donc quand l’ennemie si nombreux ki personne pas capave gagne le dessus lors zotte sans ki zotte casse bane la loi de la nature établi d’Allah, bé par Li-meme Allah pas casse sa bane la loi là, li pas ene zaffaire automatique, puisque la vérité bizin sorti victorieux, bé aller alle combatte le monde en entier. Non. Mo arrête mo Khutba lors sa sujet très important là pou aujourd’hui. Insha-Allah, mo pou continuer sa Khutba là Vendredi prochain. Et mo demande chaque membre du Jamaat Ul Sahih Al Islam réfléchi lors sa khutba là et essaye pou faire bane analyses bien profond ki