|
بسم الله الرحمن الرحيم
Khutba Jummah
HADHRAT AMIR’UL MUMINEEN MUHYI-UD-DIN
Munir Ahmad Azim
(05 Dhul-Hijjah 1434 Hijri)
(Résumé Khutba)
Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:
فَلَمَّا بَلَغَ مَعَہُ السَّعۡیَ قَالَ یٰبُنَیَّ اِنِّیۡۤ اَرٰی فِی الۡمَنَامِ اَنِّیۡۤ اَذۡبَحُکَ فَانۡظُرۡ مَاذَا تَرٰی ؕ قَالَ یٰۤاَبَتِ افۡعَلۡ مَا تُؤۡمَرُ ۫ سَتَجِدُنِیۡۤ اِنۡ شَآءَ اللّٰہُ مِنَ الصّٰبِرِیۡنَ Falammaa balagha ma-’ahussa’-ya qaala yaa-bunayya ‘inniii ‘araa fil-manaami ‘anniii ‘azbahuka fanzur maa-zaa taraa! Qaala yaaa ‘abatif- ‘al maa tumar: satajiduniii ‘inshaaa- ‘allaahu minas-Saabiriin!
« Kan sène-là (c’est-à-dire, Hazrat Ismaël (as)) ti fine arrive à ene l’âge pou voyage avec (so papa), Ibrahim dire li: « Mo petit, mo trouve dans mo rêve ki mo pé coupe to li cou. Guette ene coup, ki to penser ». Li dire (so papa) : « O mo papa, faire ce ki to fine gagne l’ordre. To va trouve moi, si Allah ouler, plein d’endurance ». (As-Saffat 37: 103)
Allah cause le sacrifice de Hazrat Ibrahim (as) et de Hazrat Ismail (as) dans bane termes rempli d’éloges. Li (Allah) informe l’humanité dans ki façon sa garçon unique de Ibrahim (as) là fine guette le décret d’Allah avant tout. Dans sa verset ki mo fine récité au commencement là, Hazrat Ismail (as) dire so papa : « O mo papa, faire ce ki to fine gagne l’ordre. To va trouve moi, si Allah ouler, plein d’endurance ». (As-Saffat 37: 103)
Alors kan papa et garçon fine tous les deux soumette à la volonté d’Allah, alors Allah même fine extrêmement content avec ene telle preuve d’amour et de soumission ki sa deux de So serviteurs choisis là ena envers Li. Hazrat Ibrahim (as) ti offert la vie so garçon lors l’ordre Allah Ta’ala, mais Allah (swt) dire : « Wa fadaynaahu bizibhin ‘aziim » (37: 108) - Et Nous ti rançonne li par ene grand sacrifice.
Sa manifestation d’amour d’ene tel envergure ki Hazrat Ibrahim (as) ti ena pou Allah Ta’ala fine marque ene évènement sans précédent dans l’histoire de l’Islam. Sa fine donne lieu à ene rite qui appelle Qurbani ou Udhiya ki fine perpétué dans l’Islam. Sa sacrifice là fine suivre par Hazrat Muhammad (saw) et Allah fine faire li obligatoire (waajib) lors bane musulmans ki ena le moyen pou faire li. Sa sacrifice là li pas seulement prescrit lors nous, le peuple, l’Oummah de Hazrat Muhammad (saw) mais li ti aussi appliqué lors les autres peuples avant, couma fine mentionné dans Quran Sharif : « Lors chaque communauté Nous fine prescrire ene rite afin ki zotte rappelle nom Allah lors bane bétails ki fine fourni zotte en nourriture ». (Al-Hajj 22: 35)
Nous vine lors sa grand décision et grand sacrifice ki Hazrat Ibrahim (as) et Hazrat Ismaël (as) ti prend et ti faire. Hazrat Ibrahim (as) le 10ème Zil-Hajj fine informe so madame Hazrat Hajrah (ra) de sa décision là et li (Hazrat Hajrah) fine répondre ki « Mo péna aucaine objection ». Hazrat Ibrahim (as) dire so garçon : « O mo garçon bien-aimé ! Mo fine recevoir l’ordre depuis Allah pou faire to Qurbani (sacrifice) dans So chemin. Alors mo garçon ! Ki to pensé ? »
Hazrat Ismaël (as) répondre : « O mo papa ! bien sûr faire séki Allah fine ordonne ou pou faire. Garde confiance ki, ni mo pou pleurer, ni mo pou crier, ni mo pou plaigné. Insha-Allah, ou pou trouve moi parmi bane ki reste ferme dans l’endurance. Ki plus grand ki sa capave ena pou moi ki mo Qurbani faire dans chemin Allah Ta’ala ! Mo ena ene grand destin ki Allah fine choisir moi pou sa sacrifice là. Oh cher papa ! Prend en considération impé lors bane kitchose ki to fine trouvé dans to rêve. »
Et quand tous les deux ti fine soumette (à l’ordre Allah) et ki Hazrat Ibrahim (as) fine renverse Hazrat Ismaël (as) lors so front, Allah (swt) dire :
« Wa naadaynaahu ayy-yaa Ibrahim ! » Nous fine crier li : Oh Ibrahim
« Qad Saddaqtar-ru-yaa ! Innaa-Kazaalika najzil-Muhsiniin ». To fine ena foi dans to vision, et coumsa Nous récompense bane ki faire du bien.
« Inna haazaa La-huwal-balaaa-ul-mubiin ». Sa, c’était vraiment ene teste.
A ce moment-là Hazrat Jibraeel (as) dire : Allahou-Akbar, Allahou-Akbar, et Hazrat Ibrahim ajoute : « La-illaaha-il-lallahou-wallahou-Akbar » et Hazrat Ismael (as) « Allahou-Akbar Walillaahil-Hamd ».
Allah Ta’ala fine faire sa remarque là à bane Farishta (anges) : « Sans doute Ibrahim c’est Mo Khaleel par la façon ki li fine soumettre à Mo l’ordre pou sacrifier so garçon unique dans Mo chemin par l’amour ki li ena uniquement pou Moi. »
En aiyant Bakr-Eid à l’esprit, ki nous pou célébrer Insha-Allah, Mercredi 16 Octobre 2013, mo cite pou azordi quelque l’importance et profits Qurbani d’après Hadiths.
1) Ummul Mo’menine Hazrat Ayesha (ra) rapporté ki le Saint Prophète Muhammad (saw) fine dire : « Jour Qurbani, pas ena aucaine meilleur action devant Allah pour bane zenfants Adam ki Qurbani. Jour Qayamat, sa zanimo (qui fine sacrifier) là pour vine (témoigner) avec so corne, so poil et so sabots. Et avant ki du sang Qurbani tombe lors la terre, li déjà fini accepter devant Allah ; alors faire Qurbani avec contentement dans le cœur (et avec sincérité) ». (Ibn Majah, Tirmizi, Mishkat)
2) Hazrat Ibn Abbas (ra) rapporté ki Nabi-e-Karim (saw) fine dire : « L’argent ki fine dépense dans Qurbani jour Eid (Eid-ul-Aziah), pas ena meilleur l’argent ki sa. »
3) Hazrat Abu Hurairah (ra) rapporté ki Rahmat-e-Alam (saw) fine dire : « Celui ki ena le moyen et li pas faire Qurbani, alors li pas bizin approche nous Eid-gah ». (Ibn Majah)
4) Hazrat Abu Sa’eed Khudri (ra) rapporte ki Rassoulloullah (saw) fine dire : « Oh Fatimah ! Déboute kot to Qurbani parce ki dans récompense chaque goutte du sang Qurbani, pour ena pardon de to bane Gounah (péchés) précédent ». Hazrat Fatimah (ra) fine demandé : « Ya Rassoulloullah (saw) ! Est-ce-qui sa récompense là li spécialement pou Ahle-Bait (la famille Nabi-e-Karim) ou pou nous et tous banes musulmans ? » Alors le Messager d’Allah fine réponde ki sa récompense là li générale pour nous et tous bane musulmans.
5) Hazrat Bara’a Bin Azib (ra) rapporté ki Rassoulloullah (saw) (jour Qurbani) fine dire : « Aujourd’hui parmi banes travaille spécial ki nous ena pou faire, premièrement nous pou faire Namaz (Eid-ul-Aziah), puis quand nous retourne depuis là-bas, nous pou faire Qurbani ; alors celui qui faire comme sa li fine fer ene accomplissement d’après nous principe. Celui ki fine faire Qurbani avant Namaz, so Qurbani pas compté ditout, mais li couma dire fine faire zabah ene zanimo simplement pour ki so famille mangé. » (C’est-à-dire, li ene acte ordinaire). (Bukhari, Muslim)
6) Hazrat Jundab Bin Soufiane (ra) rapporte : « Jour Eid-ul-Aziah, mo ti ensemble avec le prophète Muhammad (saw). Quand Rassoulloullah (saw) fine fini faire Namaz, (li) fine trouve ene cabri ki fine fini faire so zabah (sacrifice) avant Namaz. Li fine dire sa dimoune là ki li fine faire Qurbani so animal avant Namaz. (Et ki alors) Li bizin faire Qurbani ene l’autre zanimo dans so place. Et celui ki pas encore faire zabah, alors li (bizin) prend nom Allah et faire zabah ». (Bukhari, Muslim)
Sa hadith là, li ene preuve ki Qurbani li obligatoire pour bane ki ena le moyen pou faire li parce ki Hazrat Muhammad (saw) fine ordonne bane ki fine faire Qurbani avant Namaz pou réfaire Qurbani. Si Qurbani pas ti obligatoire, Hazrat Muhammad (saw) pas ti pou donne l’ordre pou refaire Qurbani. L’heure Qurbani commence depuis 10ème Zil-Hajj jusqu’à 12ème Zil-Hajj avant le coucher du soleil, c.à.d, 3 jours et 2 nuits. Mais 10ème Zil-Hajj li meilleur (afzal) puis 11ème et enfin 12ème. Pas nécessairement lors 10ème jour même fini faire Qurbani, capave faire li dans n’importe quel jour pendant sa trois jours-là.
Donc Qurbani renferme beaucoup de leçons pou tous banes musulmans jusqu’à Qayamat. Qurbani, jour Eid-ul-Aziah, li ene rappelle de sa l’évènement là. Rassoulloullah (saw) fine déclare Qurbani ene Sunnat Hazrat Ibrahim (as). Alors li nécessaire faire li avec l’amour et sincérité, pour le plaisir d’Allah et pou garde vivant sa l’esprit de sacrifice là vivant dans nous, ki nous prêt à tout moment pou sacrifier tout séki nous ena et même nous propre être dans le chemin d’Allah.
Avant mo terminé, mo ti à content informe zot lors le débat lors Ummati-Nabi ki ena lieu par bane groupes lors emails. Depuis Août-Septembre 2013, nous frère de Delhi, Hazrat Moukarram Fazil Jamal Saheb fine compile tous bane arguments ki li fine fer lors sa sujet là, en ene livre intitulé « Ummati-Nabi ». Mais malgré ki li fine mette bane arguments solides, kot li cite Hazrat Massih Maoud (as) même dans so l’affirmation ki Allah ki fine dire li ki li ene Nabi, mais en même temps Hazrat Massih Maoud (as) fine clairement écrire dans ki façon li ene « Nabi ». Li pas capave ene « Nabi » sans ki li ene « Ummati ». Dans li dire « Ummati », li fine mette sa claire ki c’est Ummat de Hazrat Muhammad (saw) ki li pé fer référence.
Mais selment bane grand défenseurs de Ahmadiyyat, bane ki anti- « Mahmudi » couma zot fer ressortir couma Rashid Jahangiri, Mustaq Malik, Abdur Rahman Puthiyavalappil etc., refuse pou trouve claire dans sa zaffaire là. Malgré zot fine lance bane grand grand challenge et fine même donne ene récompense en argent pour celui ki pou réussi prouvé ki Hazrat Massih Maoud (as) fine dire ki li ene Ummati-Nabi, mais selment kan nous frère Hazrat Moukarram Fazil Jamal fine mette sa claire, noir sur blanc devant zot, là-aussi zot faire l’aveugle !
Zot promette bel bel récompense, mais selment zot bien conné ki zamais zot pou envie accomplir séki zot fine dire maintenant ki la vérité fine établir. Nous pas bizin zot l’argent nous, mais selment zot même fine lance le challenge et nous frère Hazrat Mukarram Fazil Saheb fine rélève le défi et fine réhausse l’honneur et dignité de Hazrat Massih Maoud (as) et de Hazrat Musleh Maoud (ra) kot zot ti piétine tous sa là enbas zot lipié malpropre là. Reconnaite zot défaite, arrête kimé, zouré gros gros bétises et TENIR ZOT PAROLE LORS CHALLENGE KI ZOT FINE FER.
Après tout, sa la haine ki zot ena pour Hazrat Mirza Bashiruddin Mahmood Ahmad (ra) empêche zot pou reconnaite sa la vérité là. Zamais zot pou ena le courage pou affirme sa la vérité ki nous frère fine réussi prouve zot parski zamais zot pou oulé admette défaite devant ene « Mahmudi ».
Au fait, dans ki façon ou pé rode dire Mahmudi: celui ki ena la qualité de recevoir bane éloges et ki mérite ki dimoune ena respect pou li ou sois suivant de Hazrat Mirza Mahmud Ahmad (ra) ou bien ene l’autre Mahmud ou communauté/monde? Dans ki façon zot percevoir “Mahmudi”? Et dans ki façon zot ene “Ahmadi”? Peut-être zot bizin révise zot perception des choses, chers challengers! Zot fine mette de l’avant bane tels insinuations ki le Messie (as) pas fine fer référence ou fine dire!
Alors, bane tels dimounes couma Rashid Jahangiri fine bien kimé et révolté contre nous frère, mais astère là mo dire li, et tous bane ki contigner piétine la vérité et le nom de Hazrat Mirza Bashiruddin Mahmood Ahmad (ra), bientôt Allah pou attrape zot dans saki zot pé dire. Ki zot la langue et la main ki fine dire et écrire beaucoup de malpropreté périr. Ki Allah tranché en faveur de la vérité, afin ki le monde témoin de ki sanlà vraiment véridique et ki sanlà menteur dans lizié Allah, Insha-Allah, Ameen.
Nous faire duah aussi ki Allah (swt) garde le Oummaté Muhammadiya uni et donne nous tous l’esprit de coopération pour faire Khidmat Deen-é-Islam. Insha-Allah, Ameen. |
