Text Box: بسم الله الرحمن الرحيم Khutba Jummah HADHRAT AMIR’UL MUMINEEN MUHYI-UD-DIN Munir Ahmad Azim 12 Avril 2013 ~ (1 Jamad’ul Aakhir 1434 Hijri) (Résumé Khutba) Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire: یٰۤاَیُّہَا الَّذِیۡنَ اٰمَنُوۡا لَا تَاۡکُلُوۡۤا اَمۡوَالَکُمۡ بَیۡنَکُمۡ بِالۡبَاطِلِ اِلَّاۤ اَنۡ تَکُوۡنَ تِجَارَۃً عَنۡ تَرَاضٍ مِّنۡکُمۡ ۟… Yaaa-’ayyu-hallaziina ‘aamanuu laa ta’-kuluuu ‘amwaalakum baynakum-bil- baatili ‘illaa ‘an – takuuna tijaaratan ‘an- ta-raadim-minkum... « O ou ki ena la foi, pas mange l’argent ou camarade par l’injustice. Mais ou capave, par consentement entre ou, faire ene commerce... » (An-Nisa 4:30) Maurice, ki ti ene « Paradise Island », ene l’île paradis fine depuis quelques années rentre doucement doucement mais aussi profondémment, dans la mer fraude et corruption. Li fine perdi so bon réputation et sa fine remplacé par ene mauvais réputation, que ce soit par bane Mauriciens même, et aussi au niveau international. Et ki à blâmer pour sa? C’est en vérité bane dimounes zot-mêmes, ki de jour en jour pé vine bane dimounes ki nek tassé derrière l’argent, et ki rode gagne l’argent facilement, sans fer aucaine zéffort. Bane détournements de fonds, bane fraudes de toutes sortes, la corruption dans tous bane sphères de la société nationale et internationale, tous sa là zot fine vine bane difé ki pé enflamme nous ti l’île Maurice et aussi sa le monde là. Plusieurs l’années de cela, Allah fine révélé à So humble serviteur ki présent devant zot, lors bane nombreux fraudes et corruption ki pou abatte lors Maurice, et mo ti même rêvé ki bane piés ti pé dégringolé dépi ene montagne, et de ce fait, zis après sa, nous fine gagne scandale Air Mauritius et scandale Mauritius Commercial Bank (MCB) et bane les autres aussi kot bane la têtes ti impliqué dans le coup. Donc bane piés, qui représente bane dirigeants à la tête pou subir ene humiliation. Sa rêve là et bane les autres révélations ki mo fine recevoir pé contigner réalizé ziska azordi, et beaucoup de bane nouveaux fraudeurs pé contigner démasqués, aller même. Et le 30 décembre 2012, mo fine même dire sa boute là dans mo discours Bilan de bane Événements : « La Cour pou pli occupée sa l’année là parski pou ena plisse divorce, crimes, fraudes impliquant bane z’hommes politiques, avocats, anciens ministres et hautes personnalités dans le secteur privé couma fraude dans First City Bank, affaire de Bel Air Sugar Estate et DBM (kot l’ex-directeur général de DBM li accusé de dysfonctionnement de so bane devoirs). L’ICAC v/s MCB (Mauritius Commercial Bank) après fraude de 9 ans dans MCB et pour blanchi l’argent-fraude dans NPF (National Pension Fund). Sa fraude là li estimée plisse ki 800 millions roupies. Saki fine passé dans le passé dans Duty Free Paradise Company Limited; SAGA autour bane allégations de trafic d’armes kot Yusuf Mohammed et so garçon fine impliquée. Bernard Maigrot « aux Assises » à cause l’assassinat de Vanessa Lagesse ; Bane parents de Michaela Hart pou réclame 25 millions roupies à Sunday Times, en particulier le rédacteur en chef Imraan Hosany et Starprint Co. Ltd... La liste lit assez longue. » Nous trouve ki de plus en plus bane mauvais pé apparaite, couma bane « boîtes Pandore » ki ouvert pou révèle plisse fraude et corruption kot bane grands personnalités impliquer. En effet tout dernièrement fine ena ene grand fraude ki fine planifié par ene compagnie sous le nom de « White Dot International Consultancy Limited », ki ti avant connu sous plusieurs les autres noms depuis 2008 et ki ena comme dirigeants, Arun Mossuddee, Bhimal Bissessur, Ashir Calcuttee et Sanjiv Luchoomun – Sanjiv Luchoomun li, li ti accusé ki li celui ki fine mette so signature lors bane contrats ki li fine rémette à bane « clients », bane victimes de sa fraude là – et pas zis zot ki ti dans le coup, mais ena ene avocat et ene policier aussi zot impliqués dans le coup, ainsi ki bane les autres) – alors, sa compagnie là et so bane dimounes fine exposé par ene de bane partenaires de sa compagnie là, ki fine vine de l’avant le 25 mars 2013 pour dénonce ene de so bane collègue partenaire même ki fine sauvé, disparaite avec Rs 700 millions. Tout dernièrement, Arun Mossuddee fine dire ki li népli cerveau de sa fausse compagnie bidon et ki li ti vende so bane actions à Bhimal Bissessur pou Rs. 800 millions. Sa montant là représente bane dépôts de bane centaines, et même milliers de Mauriciens, ki zot fine attirés par sa énorme taux de rendement ki sa compagnie là fine offert zot. « White Dot » fine offert so bane clients pou augmente zot dépôts à bane taux record dans ene temps record. En effet, pou paiement de Rs 100 000, alors sa investisseur ki mette sa somme là ti pou gagne Rs 50 000 lors so capitale à la fin de six mois. Et la somme de Rs 1 million li fer ene rendement de Rs 500 000 dans six mois. Au commencement, pour ki sa fraude là li considérée comme ene extra bon transaction ki vrai et de confiance, vraimême bane clients là fine gagne profits lors zot dépôts, mais en fait sa ti ene piège pou ki sa bane clients là attire bane les autres pou ki zot mette zot l’argent dans sa compagnie bidon là. Alors, kan sa bane dimounes là fine attirer par le taux de rendement ki bien élevé, certains clients de « White Dot » fine même alle fer ene dépôt montant ziska Rs 3 millions. Même bane grands personnalités du gouvernement et même bane familles de bane ministres et bane fonctionnaires fine tombés dans sa piège là. Ene enquête fine ouvert par CCID (Central Criminal Investigation Department) et par FSC (Commission de bane Services Financiers), et bane enquêteurs fine découvert ki « White Dot » ena beaucoup de bane connexions, ki li nationale et internationale. Beaucoup de so bane connexions, couma chaîne de Pizzeria « La Napoletana » fine obligé fermer, et sa du coup fine fer so bane employés innocents perdi zot l’emploie et vine victimes de sa grand coup de fraude ki fine ena dans l’histoire de Maurice. L’argent sa sa fraude là fine transféré dans ene la Banque Suisse. Et bane victimes, environ 800, fine alle à la Banque (Centrale) de Maurice afin ki zot soumette zot plainte et pou cherche la Banque centrale so l’aide pour récupére zot bane « investissements ou dépôts » ki fine perdi, cokain. La Banque centrale fine assure bane victimes ki li pou essaye aide zot, mais ki so bane pouvoirs bien limités. Alors, la Banque centrale fine publiye ene déclaration au public pour informe zot pou « faire preuve de prudence en séki concerne certains produits ki actuellement disponibles et ki (prétendre pou) assure ene taux élevé de rendement dans ene ti létemps. » Et la banque centrale fine préciser ki bane clients « qui confié bane dépôts à bane ki pas autorizé, alors zot faire sa (bane transactions là) à zot propres risques. » Sa dimoune ki pé fer so dépôt là, li bizin garde à so l’esprit ki « zis bane la banques et bane institutions non-bancaires ki autorisées par la Banque capave accepter bane dépôts du public. » La Banque centrale fine publie en même temps lors so site Internet ene la liste de tous bane institutions financiers et bane organismes ki autorisés par Li (la Banque centrale) pou fer sa bane transactions là. Mais selement pas ena aucaine trace de « White Dot International Consultancy Limited » ! En effet, ena la sasse satte-lérat, pou conner ki sanlà ki pli stupide dans bane zaffaires, soit pour propage l’odeur et soupçon de fraude ou bien ki sanlà ki pli stupide pou fer comme-ci dirai li aveugle dans bane zaffaires ki CAPITALE ! Eski li ene cas de bane riche ki laisse zot embêter zis à cause zot soif pou gagne l’argent facile ou bien li ene leçon à tirer ki tout saki briller, zot pas nécessairement l’or ? Coumsa, ena ene la liste de bane fraudes ki fine ena tout dernièrement : 1. Ene madame ki habite Plaine des Papayes fine cokain so missié Rs 3 millions. Heureusement so missié fine gagne refuge et soutien de so famille, sinon li ti pou à la rue. 2. Dans l’affaire Clinique Medpoint, ena implication politique, ene chèque d’ene montant de Rs 144,701,300 (pour assté sa clinique là). 3. Depuis l’année dernière, fine ena controverse au sujet d’ene grand fraude ki fine fer par deux ministres. Finalement, deux frères de famille Timol (Zoobair et Ousman) fine arrêtés par CCID (Central Criminal Investigation Department) parski zot fine escroque l’argent de bane étrangers. 4. Affaire Betamax: Selon l’Opposition, « Contrat conclu avec compagnie Betamax fine taillé lors mesure afin ki« famille Jeetah/Bhunjun touche ene pactole de Rs 8 milliards ». 5. Affaire Nandanee Soornack: Li agent travailliste. To copine Premier Ministre. Li gagne soutien soutien et protection politique. Elle fine grippe rapidement l’échelle du succès par bane moyens douteux, kot li ti nek ene salesgirl, et ensuite, ene coup li fine vine actionnaire dans plusieurs compagnies (environ cinq). Ena encore bane dimounes protégés couma, par exemple Dommeswarsing Gooljaury et bane les autres encore. 6. Ene ingénieur et ene Clerk fine détourne Rs 35 millions avec zot patron lors ene période de cinq ans. 7. Fraude alléguée de Rs 50 millions dans Air Mauritius Limited (AML). Cinq dimounes (à la tête), y compris numéro 2 de la compagnie, Seewoosagur Nemchand (Shiv) fine suspanne de zot fonctions. La question c’est kifer bane employés de sa compagnie là pas fine dépose ene plainte à la Police vue l’ampleur de sa fraude là ? Si mo ena pou dire même lors corruption et fraude, la liste là trop longue pour le Khutba azordi. Kan Allah (swt) fine révèle à So serviteur choisi, définitivement la prophécie bizin réalizé ; pas dans ene mois, ni dans un an, ni dans deux ans, mais définitivement la parole d’Allah bizin triomphé. Zot même zot pou remarqué ki le Khutba Jummah semaine passé lors le déluge à Maurice pas encore terminé, et lors bane donations et Télé-don ki bane Mauriciens fine faire et solidarité, et ou pou tendé dans quelques jours, sa aussi pour ena fraude par certains malfaiteurs. Tous prophécie ki fine faire au commencement de l’année, Insha-Allah mo pou mentionne zot réalization. Ki Allah (swt) donne moi le Tawfiq pou mette tous sa là devant zot et tout l’humanité, pou ki sakaine prend conscience, Insha-Allah, et au niveau International, mo disciple de Kerala pou mette sa lors le Blog Sahih al Islam, Insha-Allah. Les évènements couma protection du gouvernement pou certains militants politiques couma Mme Nandinee Soornack, et la justice et système de revenus ki fine vine aveugles à Maurice, fer ki nous bizin conné saki l’Islam dire lors fraude et corruption, lors tricherie et cokain dibiens de bane les autres. Dans Quran Shareef Allah dire : « Pas faire di tort à ou camarade en mangeant zot dibiens, et pas bribe bane juges avec sa, afin ki ou capave mange ene partie dibien les autres, par péché et en pleine connaissance. » (Al-Baqara 2:189) « ...donne misire juste et poids exacte, et pas donne dimounes moinse ki zot mériter. Pas fer di mal et corruption lors la terre. » (Houd 11:86) « Pèze (toujours) avec poids exact et pas faire dimounes perdi dans poids. » (Ar-Rahman 55:10) L’Islam mette beaucoup l’emphase lors reste toujours lors le chemin droit dans tous bane transactions, ki li familiale, professionnelle, sociale, économique et tout ce ki concentré lors l’homme et so bane morales. L’Islam interdit fraude et l’abus de confiance et interdit zot en toutes circonstances, que ce soit dans la vente, commerce, ou dans bane sciences et transactions. Li bien triste pou trouver ki avec chaque jour ki passer, la population mondiale pé trempé d’ene manière ou l’autre dans bane activités immorales, couma fraude, corruption, bane irrégularités dans l’entreprise, donne et prend ‘bribes’ et tous bane transactions ki amène la honte à so fon spirituelle et mondaine. Et saki pli triste, c’est ki bane musulmans zot pas séparés de sa type de population ki lors la liste noire là, bane ki persister dans zot bane mauvais tout en conservant extérieurement ene visage et ene comportement islamique. Linge d’ene véritable musulman c’est so lécœur qui réussi régler so l’âme. Si so lécœur clair et rempli de la crainte d’Allah (Taqwa) et li rempli avec appréciation pour la justice et la droiture, alors arrive saki arrive, li pou fer zéffort pou faire bane commandements d’Allah vine ene réalité dans so la vie de tous les jours. Li pou faire zéffort pou faire bane dimounes autour de li pou reste fidèle à la justice et pou abandonne bane mauvais chemins. L’Islam donne ene liberté totale d’entreprise économique. Sak dimoune dans ene société islamique bénéficie d’ene liberté totale dans la recherche de so Rozi (gagne-pain). Li capave démarre, gère et organise tout bane type d’entreprise dans bane limites fixées par bane lois de l’Islam, c’est-à-dire, Shariah. Toutefois, sa liberté là li pas et li pas capave fonctionner sans ene sens de bane responsabilités. En effet, ena bane limites ki bizin respectés, parski si sa pas le cas, alors pas pou capave faire ene contrôle adéqua lors l'administration de la justice et l'équité. Ene dimoune li libre pou exerce so bane activités économiques, pourvu ki li respecter le code de conduite ki fine prescrire pour sa travail là, sa ki signifie globalement en restant dans le cadre juridique et ki li reste loin de tout saki illégal. Li ena le devoir primordial pou encourage le bien et reste loin avec le mal, et li bizin commencer par li-même, kot li régler so propre « nafs », afin pou rafinne pou l’intérieur, pou ensuite mette sa en pratique dans bane zaffaires (commerces, transactions, business deal etc.) selon bane normes islamiques. Bane prescriptions Quran et bane l’enseignements de nous Saint Prophète Hazrat Muhammad (saws) zot servi pou définir ene mesure dans sakaine so l’esprit afin pou faire la différence entre saki Halal (licite) et Haram (illicites) et pou interdit ou dézapprouve tous bane kitchoses ki moralement ou socialement inacceptable. Par exemple, dans plusieurs de so bane Khutba, le Saint Prophète Hazrat Muhammad (saws) fine dire : « Celui ki tricher li pas forme parti de nous (bane musulmans). Tromperie et fraude zot amène vers l’enfer. » L’Islam, comme ene question de principe, interdit tous bane activité ki capave cause bane dommages, soit pour bane commerçants ou bane consommateurs lors le marché. Li encourage prévalence marché libre kot tout dimounes gagne so la vie sans intervention du gouvernement. Toutefois, li mette certains limite afin pou éliminer l'injustice et pou vérifier les mauvais pratique et bane opérations illégales. Dans tous bane les autres situations, le marché en Islam li libre de kit intervention de l’État. Toutefois, si bane dimounes pas cherche guidance Quran Shareef en matière de bane transactions commerciales, ene l’État islamique pou essaye organise bane opérations de marché lors bane principes islamiques. La liberté d’entreprise dans ene marché islamique li pou, par conséquent, réglementée par bane prescriptions (1) Quran Shareef et bane l’enseignements du Saint Prophète Hazrat Muhammad (saws) et (2) bane directives de l’autorité temporelle, par exemple, le chef ou bane juges ki zot ena le devoir pou juger avec la crainte d’Allah et avec la justice. Durant bane premiers siècles de l’Islam, sa fonction là ti principalement assurée par l’institution de bane inspecteurs marché. Sa l’institution là ti ene l’institution bien important et so bane fonctions ti bien grand et diverses. Et rôle pli important ki li ena c’est pou veiller si ena kit mauvais pratique dans le marché et la société et pou vérifier kot sa-sa ena l’injustice et bane cas d’abus lors le marché. En plisse de sa l’Islam fine précise et affirme l’importance de l’honnêteté dans bane transactions l’argent et fine mette au clair so rôle important pou amène la paix et la stabilité sociale. Ene vendeur et ene acheteur zot ena le droit pou conserve ou rende bane dibiens si zot pas encore séparés ou ziska ki zot aller ; et si les deux parties zot fine dire la vérité et fine décrire bane défauts et bane qualités (de bane marchandises), alors zot ti pou béni dans cadre de zot transactions, et si zot fine cause menti et cassiette kitchose ou kit information, alors bénédiction de zot transaction perdi. (Bukhari) Sa Hadith là impliqué ki Allah béni bane transactions, bane commerces si les deux parties dans cadre de sa transaction là zot fidèles l’un à l’autre. Si arriver zot cause menti ou zot cassiette bane faits, alors zot pou perdi bane bénédictions d’Allah. Sa commerce là pas pou ena aucaine barakat. Le Saint Prophète (saws) fine dire: « Bane commerçants zot bane mauvais dimounes ». Bane Sahaba fine demander: « Ô Messager d’Allah, eski Allah pas fine fer commerce légal ? » Alors le Saint Prophète (saws) fine réponde : « En vérité, Li (Allah) fine fer commerce légale. Mais zot (c’est-à-dire, bane commerçant) pou fer serment lors Allah et fer di tort, zot pas pou causer, mais zot pou cause menti. » (Ahmad) Allah dire dans Quran Shareef : « O ou ki ena la foi, pas mange l’argent ou camarade par l’injustice. » (An-Nisa 4:30) Bane musulmans bizin faire tout zot possible pour résister à l’envie pou faire bane transactions malhonnête. Malhonnêteté, tricherie ou fraude zot amène bane problèmes. Sa faire di mal à bane les autres, et li endommage ou intégrité. Li détruire la confiance ki bane les autres ena en ou. Allah pou donne punitions pour sa bane actions là. Pareil couma Li dire dans So Quran Shareef : es actes. « Malheur à bane fraudeurs ki, kan zot dimane bane les autres mesurer, exige ki dimoune donne zot mesure correcte, mais ki, kan zot même ena pou miziré ou pézer, donne moinse. Eski sa bane là pas penser ki zot pou ressusciter, pou ene jour terrible, jour kot tout dimoune pou deboute devant Maître l’Univers ? » (Al-Moutaffifin 83:2-7) De ce fait, c’est à nous pou faire en sorte ki nous applique bane commandements Quran Shareef et bane Sounnahs du Saint Prophète Hazrat Muhammad (saws), afin ki nous société vine ene représentation de vérité et de pureté. De nos jours, bane l’États musulmans zot zis de nom. Tout en appliquant d’ene part, Shariah pour ene certain catégorie de bane dimounes, mais pour bane ki riches ou noble, toutes sortes de pratiques immorales zot tolérées au nom de modernization et mondialization. Si l’Eglise fine paganize bane chrétiens, astaire là c’est à nous, bane musulmans pou veiller à c’est ki nous pas laisse nous occidentalizé par bane la lois et bane pratiques limitées de l’Occident. Allah fine donne nous le meilleur livre, le Quran Shareef, fine donne nous le meilleur prophète Hazrat Muhammad (saws) comme modèle et fine donne nous meilleure religion, l’Islam comme vraie façon pou vivre nous la vie. Donc si nous suive sa bane exemples précié là, alors nous pou capave assure nous l’avenir et celui de nous bane z’enfants ; mais si non, alors bane musulmans pou goûte la défaite beaucoup plisse encore, kan nous pas pou mette en pratique bane commandements divine. Dans l’unité et en respectant le cadre juridique de bane pratiques islamiques, nous capave assure ene l’avenir pour bane nouveaux générations, parski sinon, zot pou vine victimes de bane mais d’ene société ki dire ki li moderne. Ki Allah donne nous Tawfiq pou accomplir nous devoir dans bane meilleures conditions. Insha-Allah, Ameen.