Text Box: بسم الله الرحمن الرحيم Khutba Jummah HADHRAT AMIR’UL MUMINEEN MUHYI-UD-DIN Munir Ahmad Azim 12 Juillet 2013 ~ (03 Ramzaan 1434 Hijri) À Mayotte (Petite-Terre – Labattoir) (Résumé Khutba) Après ki li fine souhaite « Assalamoualaikum Warahmatullah Wabarakaatouhou » et « Ramzaan Mubarak » à tous so bane disciples et bane chercheurs de vérité à Mayotte et ainsi ki tous bane membres du Jamaat Ul Sahih Al Islam (et tous bane les autres musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire: Ô mo bane frères et sœurs de Mayotte, Mo bien content aujourd’hui pou être parmi zot et pou passe sa bane quelques jours en sa mois de Ramadan là avec zot. Qu’Allah soit loué pour sa grâce ki Li fine faire nous kan Li fine fer nous ré-joinde après tant d’années de séparation, et mo bane salutations sincères aussi li pour bane nouveaux chercheurs de vérité ki dès ki zot fine tende parler de la venue du Khalifatullah de sa époque là, zot fine vine de l’avant pour témoigne de sa vérité là. Ki Allah ouvert pour zot le chemin vers So salut et donne zot le Tawfiq pour reste fidèle à So Manifestation Divine en sa siècle là, Incha-Allah, Amîne. Alhamdulillah, aujourd’hui pour le Khutba Jummah de sa Vendredi là, le sujet de Roza li primordial, comme pourquoi Allah fine rende li obligatoire et la philosophie derrière sa commandement là. Allah (swt) dire nous dans Quran Shareef : يَا أَيُّهَا الَّذِينَ آمَنُواْ كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ ۝ Yaaa-ayyu-hallaziina aamanuu kutibaa alay-kumus Siyaamu kamaa kutiba alallaziina min-qablikum la-alla-kum tatta-quun. « O ou ki ena la foi, jeûner (garde Roza) fine prescrire pou ou, couma li ti prescrire pou dimoune avant ou, afin ki ou marche dans chemin Allah. » (Al-Baqara 2 : 184) Ki capave ena coumsa dans Roza, pour ki Allah Ta’ala fine fer li obligatoire à travers le temps ? Le but de l’Islam c’est pou ki bane dimounes zot vine obéissants envers zot Créateur (Rab). Bane humains fine crées couma bane serviteurs d’Allah et l’adoration d’Allah faire partie de zot nature. Allah, ki pendant toute l’année fine accorde dimoune so nourriture envie maintenant tester li pou guetter si sanlà capave « laisse de côté » so manger et boire pour le plaisir d’Allah, et pou contrôle so bane désirs (nafs), et sa pendant ene mois (durant le jour). C’est pour sa ki Allah fine rende Roza obligatoire pour tous bane peuples. L’homme (Insân) li « Ashraf-oul-Makhlouqaat », c’est-à-dire, ki li pli supérieur parmi tous bane êtres vivants, et donc, li pli haut gradé parmi tous bane créatures. Li capave distingue entre le bien du mal et li capave aussi contrôle (maîtrize) so bane passions (nafs). Mais kan li laisse so bane passions contrôle li, li vine alors pli bas ki bane z’animaux. Contrairement, si li domine so bane passions et désirs, li capave alors, atteindre le degré et accomplir le but ki Allah fine fixé pour li kan Li (Allah) fine créé li, et alors li vine de sa façon là pli supérieur ki bane anges. Roza li ene signe de fermeté de nous la foi. À part le jeûne (Roza), tous bane les autres formes d’adorations (Ibâdat) zot ena bane mouvements ki bien visibles. Par exemple, pendant Salât (Namaz) nous faire différent postures ki bien visibles, pareil couma courber (Roukou), et prosterner (Sajda) ki bane dimounes capave trouver. Pendant le pèlerinage à la Mecque (c’est-à-dire, Hadj) nous accomplir ene longue voyage parmi des milliers de bane dimounes. Concernant Zakât ena ene ki donné et ene ki recevoir. Alors zot bane actes d’adorations (Ibâdat) ki nous pas capave cachiette. Mais, Roza li ene exception à sa règle là parski c’est ene acte d’adoration ki Allah Ta’ala tousel et sa dimoune ki pé garde Roza ki conné. Donc, si quelqu’un accomplir Souhour (ou Sehri) et Iftâr (ki représente respectivement bane manger ki nous prend avant et après Roza) avec les autres et ensuite li alle mange en cachiette pendant la journée, à part Allah, personne pas pou conné. Mais la réalité montrer nous ki ene Rozédaar (Celui ki garde Roza) pas pou ni manger ni boire, même en cachiette parski li garde Roza seulement pour la cause d’Allah et c’est le signe de la foi (Imân). Sa la foi en Allah là donne li la force pou résister contre la faim et la soif pendant la journée et en plus li gagne la force pou éloigne li de toutes sortes kalité mauvais action avec le but pou préserve so Roza. En fait la désobéissance envers Allah Ta’ala et bane péchés, quelque soit la quantité, zot interdits (Harâm) à bane musulmans, quelque soit so moment. Mais pendant Ramzaan, sa bane actions là vine encore pli graves. Laisse-nous guette la grandeur et l’importance de Roza à travers bane Hadiths de nous bien-aimé prophète Hazrat Muhammad (saws). 1. Hazrat Sahl Ibn Sa’ad (ra) fine rapporté ki le Saint Prophète (saws) fine dire : « Le Paradis ena huit la portes. Parmi sa bane la portes là, ena ene ki appelle Ar-Rayyaan. C’est à travers sa la porte là ki Allah pou fer bane ki garde Roza rentre dans paradis et kan bane Rozédaar pou fini rentrés, alors sa la porte là pou réfermé. » (Bukhari, Muslim, Tirmidhi). 2. Hazrat Abu Hurayrah (ra) fine rapporté ki le Saint Prophète (saws) fine dire: « Pou sak bon action ki ene dimoune accompli, li gagne 10 à 700 récompenses, excepté pour Roza, kot Allah dire: « Roza gardé pour Moi et c’est Moi ki pou donne récompense pou sa. » Pour ene Rozédaar, ena deux moments de contentement : le premier, kan li casse so Roza et le deuxième kan li rencontre so Créateur (c’est-à-dire, dans Namaz). L’odeur ki sorti de la bouche d’ene Rozédaar li pli agréable à Allah ki parfum musc. » (Bukhari, Muslim, Mishkaat). Roza li pas ene fardeau pour ene croyant, mais bizin considère li couma ene institution de discipline kot l’homme (l’être humain) li gagne pouvoir lors so bane passions, kot li appranne contrôle so bane désirs et domine sa bane passions là, et en même temps li domine satan le maudit. Si li fine capave prive li de bane kitchoses ki d’habitude permette (Halâl) en temps normal, pendant so Roza, alors kifer li pas pou capave contigne fer plisse zéffort pou éloigne li de bane actions interdits; c’est sa le but de Roza ki Allah fine imposé lors nous. En plisse de sa, Roza empêche ene dimoune pou fer ghîbat (cause mauvais causer pou fer ditort ene l’autre dimoune derrière so lédo), et Roza empêche li cause menti, et pou dire bane mauvais paroles et aussi pou pas fer bane actions ki cause la honte. En plisse de sa, kan nous réssenti la faim et la soif pendant Roza, nous prend conscience de difficulté ki bane pauvres fer face et réssenti, bane ki pas gagne manger et boire. Alors sa bizin incite nous pou fer plisse la charité et pou vine en aide pli souvent à bane ki dans le besoin. Hazrat Abu Hurayrah (ra) fine rapporté ki le Saint Prophète (saws) fine dire  que si quelqu’un observe Roza mais pas évite pou dire bane mauvais paroles, alors Allah pas pou prend li compte malgré ki sa dimoune là fine prive li de manger et boire. (Bukhari, Muslim). En fait, désobéissance à Allah Ta’ala et bane péchés, quelque soi la quantité zot interdits pou bane musulmans quelque soit so moment. Mais pendant Ramzaan, sa bane actions là vine encore pli graves. Hazrat Abu Saïd (ra) fine rapporté ki Hazrat Muhammad (saws) fine dire: « Celui ki observe ene jour Roza pour la cause d’Allah, Allah pou éloigne li de l’enfer d’ene distance de 70 ans. » (Bukhari, Muslim, Tirmidhi). Hazrat Abdullah ibn Umar (ra) fine rapporté ki le Saint Prophète (saws) fine dire  ki Roza et Quran Shareef pou intercède pour ene serviteur (d’Allah). Roza pou dire : « Mo fine empêche li pou manger et pou gagne relations sexuelles pendant le jour, donc accepter mo intercession pou li » et Quran Shareef pou dire: « Mo fine empêche li pou dormi à soir, donc accepter mo intercession pour li » et Allah par So clémence pou accepter intercession de sa deux (témoins) là. (Mishkât). Hazrat Abu Hurayrah (ra) fine rapporté ki Hazrat Muhammad (saws) fine dire: « Kan mois Ramzaan commencer, (tous) bane la portes Paradis ouvert et (tous) bane la portes l’enfer fermé et bane Shaytaans zot enchaînés. » (Bukhari, Muslim, Mishkaat). La signification de sa Hadith là, ki « (tous) bane la portes Paradis ouvert » veut dire ki Allah envoye So bane bénédictions en abondance. Tous bane bons actions et bane duahs de bane Rozédaars sans exception zot présenté devant d’Allah et Allah exauce sa bane duahs là. De ce fait, bane Rozédaar zot gagne encore plisse l’occasion pou fer beaucoup plisse bons action et duahs. La signification de « (tous) bane la portes l’enfer fermé » veut dire ki bane désirs ki pousse bane dimounes pou faire bane péchés zot contrôlé et maîtrizé. « Bane Shaytaans zot enchaînés » veut dire ki le chemin de mauvais pensée li fermé. Shaytaan so mission c’est pou mette bane dimounes dans le mauvais chemin. Puisse-ki Shaytaan li enchaîné pendant Ramzaan, alors kifer bane dimounes contigner commette bane péchés ? Ena deux catégories de Shaytaan (démons), couma mentionné dans Quran Shareef (An-Naas 114 : 7) 1. Bane démons ki trouve parmi bane djinns. 2. Bane démons ki trouve parmi bane dimounes. Premier catégorie là li enchaînée mais deuxième catégorie li reste libre et influence bane dimounes. Ene dimoune Saint fine ene fois trouve ene Shaytaan ki ti pé répozé à l’aise sans aucaine tracas et alors sa dimoune sage là fine dire li: « Toi Shaytaan, eski c’est pas to travail pou sème la guerre parmi bane dimounes, et faire zot prend le mauvais chemin et pou faire zot oublier l’adoration de zot Seigneur ? » Alors Shaytaan là fine réponne : « Ou fine dire la vérité et sa travail ki mo ti bizin faire là, bane dimounes mêmes pé fini fer li dans mo place ! Donc mo pé reposé sans aucaine tracas, parski dimoune fine prend mo place (ki pé faire mo travail). » Ô bane frères et sœurs musulmans, nous bizin profiter de sa mois béni de Ramzaan ki Allah fine donne nous. Sak seconde qui passer pendant le jour ou la nuit, nous bizin faire li nous devoir pou comprend so valeur et pou profite de li. Nous bizin faire zéffort autant ki possible pou reste loin avec la colère d’Allah et pou faire nous devoir pou éloigne nous de bane péchés et aussi pou empêche les autres pou commette sa bane péchés là, Insha-Allah, Ameen ! A la fin, avant mo terminer, mo ena le grand plaisir pour dire tous nous bane frères et sœurs ki personne pas pour capave barre le décret d’Allah malgré tant de palabres ki l’Association Musulmane Ahmadiyya fine faire lors moi, avec zot bane soi-disant Mullah et soi-disant Amir ki ti vini pour ene Jalsa Salana ici kan le missionnaire Saïd Attoumane ti là, mais tous fine aller fizét et li bien regrettable ki azordi ou trouve l’Association Musulmane Ahmadiyya péna centre ici, fermé. Bane ki ti dans Jamaat Ahmadiyya trouve zot péna Jamaat et nous bane opposant dans Mayotte ici fine saizi sa l’occasion là pour faire beaucoup critique et couma bane frères fine raconte moi tous, ki kalité bane foondi fine humilier zot, kan le centre Ahmadiyya fermé par ene Mullah ki soi-disant fine faire so l’étude dans Jamiah. Mais par la grâce d’Allah zot pas orphelin d’ene Jamaat, ni zot fine vine Chrétien. Si azordi mo parmi zot dans sa mois Ramzaan là, c’est avec ene l’instruction divine, ene instruction de côté mo Rab, mo là dépi le 06 Juillet pour redresse toute la situation et cette fois-ci, mo pas fine vini comme ene missionnaire d’ene Jamaat, mais comme ene Messager d’Allah et pou mette le Jamaat Ul Sahih Al Islam ici à Mayotte et par la grâce d’Allah, le Jamaat Ul Sahih Al Islam fine enregistré officiellement à Mayotte et publié lors Journal Officiel par la grâce d’Allah kot c’est Allah ki aide So humble serviteur pour alle plus devant dans so mission, ici à Mayotte et Insha-Allah, partout dans le monde aussi, ziska mo dernier souffle. Donc, c’est ene date historique pour le Jamaat Ul Sahih Al Islam de Mayotte ki le Khalifatullah de sa l’époque là pé faire le premier Khutba Jummah Ramzaan dans Mayotte, ici à Petite-Terre et après le Salaat-ul-Asr, Insha-Allah, le Jamaat Ul Sahih Al Islam pé pose so premier pierre pour so premier Masjeed à Mayotte et mo conné ki li loin ici, kot nous pé pose le premier pierre pour Masjeed, malgré Ramzaan, zot tous pour présent los terrain lors sa l’avènement historique là et azordi mo trouve ene la joie lors figure de sakaine de bane frères, sœurs et zenfants avec mo présence ici, et Insha-Allah nous pour ena plusieurs programmes. Et tous dézordre ki zot fine faire là, ki sa fine profite zot ? Zot fine fouille trou pour zot camarade et zot-même zot tombe dans sa trou là. Insha-Allah, nous pour vine lors sa sujet là dans nous bane les autres programmes. Ki Allah fer zot tous Mubarak ici à Mayotte et ki zot reste attaché arrive séki arrive avec Allah et Messager ki Li fine choisir pour envoye parmi zot dans sa siècle présent là. Nous ena le devoir pour préserve l’Islam et faire li briyé dans quatre coins du monde, Insha-Allah, Ameen. Ramzaan Mubarak !