بسم الله الرحمن الرحيم
Khutba Jummah
HADHRAT AMIR’UL MUMINEEN MUHYI-UD-DIN
Munir Ahmad Azim
13 Décembre 2013 ~
(09 Safar 1435 Hijri)
(Résumé Khutba)
Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:
اَلَا یَعۡلَمُ مَنۡ خَلَقَ ؕ وَ ہُوَ اللَّطِیۡفُ الۡخَبِیۡرُ ٪
‘Alaa ya’-lamu man khalaq? Wa Huwal-Latiiful-Khabiir.
« Eski Celui ki fine créer ou, pas pou conner ? C’est Li ki conne tous tipti détails et Li bien informé. » (67: 15).
La connaissance et la foi zot constitué différence principale et fondamentale entre l’homme et les autres êtres vivants et sa connaissance et la foi là forme la base lors quoi l’humanité de l’homme li dépende.
Nous fine trouver vendredi dernier couma l’homme li pli supérieur à ene zanimo, mais li reste toutefois ene zanimo kan li délaisse la civilisation et bane morales ki Allah fine confié li. Kan l’homme livré li-même à so bane pulsions animal, kan li laisse sa bane pulsions là domine li, alors li délaisse la décence et lance li à la recherche de so plaisir pareil couma sa zanimo ki tous les jours li vivre afin pou accomplir so bane désires. Alors, l’homme reste ene zanimo malgré ki li fine né humain parski li pas fine atteindre l’humanité ki li ti ena le devoir pou rechercher dès ki li fine arrive à l’âge de compréhension et li ti ena le devoir pou alle à la recherche de la connaissance divine afin pou reforme li physiquement, moralement et spirituellement, afin pou raffine li, et perfectionne li-même à l’image de l’être spirituel ki li représenté dans l’essence de sa conscience, kot li essaye fer so maximum pou réflétér sa pureté de l’âme ki trouve dans li là et ki Allah ti donne li sa pure kan li ti né lors sa la terre là.
L’homme ti bizin conné ki été bane désirs charnels et pou reste loin avec sa. Li bizin aussi conné ki bane caractéristiques de l’homme (ki fer li vine humain) et pou fer zeffort pou gagne sa bane caractéristiques là et pou mette sa en pratique parski li ena le devoir pou mette en pratique saki li apprane. Tout d’abord, li bizin apprane couma écarte li complètement avec so nafs, sa bane désires animales ki li ena dans li et li apprane aussi couma pou gagne bane caractéristiques humaines, et alors li bizin mette en pratique saki li fine apprane. Faudé pas li contente li de la connaissance tousél, parski sa pas pou apporte nannié si sa connaissance là pas metté en pratique dans so la vie de tous les jours.
Mauvais nature de bane zanimo pas vine ni de zot la pattes ni de zot lédents, ni de zot zoreilles ; zot vine plutôt de la nature prédataire ki trouve à l’intérieur de zot. Sa nature là li trouve aussi dans l’homme, ainsi ki bane natures humains et angéliques aussi. L’homme capave vine pire ki ene lélou ou meilleur ki ene ange. Donc, l’homme ena le devoir pou évoluer de l’état animal à l’état humain et enfin à l’état spirituel. C’est ene travail difficile, mais pas si tant vraiment si li suive guidance d’Allah et de So bane prophètes et mette en pratique bane conseils en or de banes élus d’Allah et So Livre, le Quran, afin ki li (l’homme) gagne accès à l’état angélique et même au-delà (c’est-à-dire, kot li dépasse l’état d’ene ange).
Bane zanimo zot également dans ene certaine mesure sociales, pareil couma bane abeilles et les autres zanimo ki vive en groupes et chaque groupe de bane zanimo zot conné couma pou fer louanges d’Allah dans zot propre façon, ene façon ki unique à zot. Parfois, nous capave même être choqués pou constater couma bane zanimo capave manifester bane caractéristiques humains tandis ki l’homme li, kan li fine vine prisonnier de so bane passions, alors li vine pire ki bane zanimo et zot bane instincts prédataires. Nous capave trouve décrire dans Quran Shareef la façon ki bane abeilles zot aussi gagne révélations divines ; Allah guide tous bane êtres vivants afin ki zot capave survivre lors la terre d’après zot état de vie. Seul l’homme fine gagne pli haute qualité de la connaissance et la capacité pou vine pli près avec Allah à travers bane révélations divines. Et zot recevoir bane révélations divines kan zot anéanti zot l’état animal pour arrive à ene l’état de soumission à la volonté divine.
Ene dimoune ki lutte avec so ‘moi’ (égo/nafs) pou vine ene être humain. Sa zeffort ki li faire, ensam avec fer duah et Namaz et mette so confiance dans so Rab le Tout-Puissant et li espère dans l’aide d’Allah, alors sa pou permette li pou atteindre so l’objectif, c’est-à-dire, pou débarrasse li de so bane désirs animal, pou gagne le pouvoir pou maitrize li, pou contrôle li-même et pou concentrer lors véritable l’objectif de so la vie, c’est-à-dire, Allah et faire tout d’après la volonté d’Allah.
Kan li fuzionne li avec la lumière ki pé appelle li là (la lumière d’Allah), alors li vine quelqu’un ki patient, et sa c’est ene caractéristique ki bane zanimo normales pas ena ; sa kalité dimoune là alors – so bane l’espoirs zot simples, so bane lacunes/faiblesses tiguitte, so lécœur rempli avec la crainte (d’Allah), so l’esprit content, so la religion en toute sécurité, so bane désirs morts et so colère supprimé. Dimounes attane seulement du bien de li. Zot pas ena crainte ki li fer zot kit ditort. Même si sa kalité dimoune là li trouve parmi plusieurs kalités dimounes, parmi bane ki rappelle zot d’Allah et ainsi ki bane dimounes ki cause zis bane paroles mondaines, mais alors celui ki touye so ‘moi’ charnel afin pou améliore so l’état spirituel, alors li celui ki reste préservé dans le souvenir d’Allah même kan li trouve li parmi bane dimounes ki oublier Allah. La raison c’est ki malgré so présence physique parmi sa bane kalité dimounes là, mais li pas participe avec zot dans zot bane désire et passe-temps temporaire.
Li aussi ene dimoune ki pardonner, en particulier à celui ki injuste envers li ou ki rode faire li du mal, et li quelqu’un ki prive li-même pour donne aux autres. Li comporte li bien avec celui ki comporte li mal avec li. Mais le plus grand rang ki li capave atteindre c’est kan li plonge li complètement en Allah, à ene tel degré ki so bane contentements et mécontentements zot en ligne avec bane contentements et mécontentements d’Allah. Habituellement c’est bane messagers et prophètes d’Allah ki reflécter sa bane qualités là dans zot, parski zot bane instruments d’Allah lors la terre; Zot couma bane récipients ki Allah servi pour faire passe So message à l’humanité. Et alors li important ki bane élus d’Allah zot au courant de saki plaire Allah et saki mette Li en colère.
Bien souvent bane dimounes mal comprend bane messagers d’Allah dans zot bane paroles ki zot dire, sans ki zot vraiment pense lors bane circonstances, kot zot dire ki nous (bane messagers d’Allah nous) bane dimounes ki en colère vite parfois et ki nous faire bane kitchoses ki habituellement pas permette pour bane les autres dimounes, par exemple, cause menti etc. Mo fine déza explique zot lors sa sujet là, kot mo ti prend comme l’exemple Hazrat Yusuf (as). Le plan d’Allah fine oulé ki au moment de rencontre avec so bane frères ki Hazrat Yusuf (as) dire sa bane tels mots là afin ki li capave garde so frère, de propre mama et papa ki li, avec li. Dans lizié dimounes, sa capave passe facilement couma ene mensonge, mais pas dans lizié d’Allah.
Kan ene prophète d’Allah li plongé dans bane vérités d’Allah, li arrive à ene stage au-delà de bane vérités et de bane mensonges ki dimounes normalement comprend. Li arrive à vivre selon la volonté divine. Nous trouve aussi ene exemple de sa compréhension extraordinaire dans bane actions de Khidir kan li fine invite Hazrat Musa (as) pou voyage avec li et pou permette li pou apprane certaines de bane connaissances ki Allah fine confié li. Malgré ki Hazrat Musa (as) ti ene prophète, mais kan Allah pas fine révèle li certains connaissances, alors en tant ki ene simple dimounes rempli de faiblesses, ki de chair et de sang, alors li pas fine réussi reconnaîte la sagesse d’Allah kan Khidir parmi bane les autres actions aussi ki li fine fer, fine touye sa jeune garçon là (couma fine mentionné dans Surah Al-Kahf, versets 81-82). La connaissance ki Khidir fine recevoir à ce moment là pas ti révélé à Hazrat Musa (as), et donc tandis ki Khidir ti pé accomplir l’ordre ki li fine recevoir, Hazrat Musa (as) pas fine capave comprend kifer li fine touye ene jeune garçon, ki d’après li ti ene la vie innocent! Mais Allah ti oulé la mort de sa jeune là afin pou donne à so bane parents ene l’autre zenfant ki pou pieux et gentil envers so bane parents (et non pas ene zenfant rebelle pareil couma sa zenfant ki fine touyé).
Donc, très souvent, et même la plupart du temps, bane dimounes pas percevoir la sagesse de bane actions de bane messagers d’Allah et certains de bane élus d’Allah à ki Allah accorde la connaissance de l’invisible et, ki agir lors sa connaissance là et zot pas prend compte saki dimounes capave penser ou pas lors saki zot pé fer. Pour sa bane élus d’Allah là, Allah passe avant tout, et li plus important pour zot pou obéir Allah parski zot conné et zot senti zot rassuré ki bane dimounes zot bien temporaires, tandis ki c’est Allah ki éternel pour zot.
Bane révélations divines pas concerne bane décisions de l’homme mais plutôt bane décisions d’Allah le Tout-Puissant. Bane révélations divines zot de différents types ; zot capave bane mots bien forts ki Allah servi pou décrire ene situation, bane tels mots ki pas fine servi avant, ou sa bane mots là capave bane tels mots ki sorti de So Livre sacré, le Quran Shareef, ou zot capave vine de bane mots ki dézà existés, et ki fine dézà gracié sa la terre là pour convenance de l’homme et afin ki li gagne ene meilleure compréhension de bane kitchoses.
Mo fine être envoyé dans sa le monde là comme ene Muhyi-ud-Din, ene Revivificateur de la foi, non pas comme ene fabricateur de bane nouveau la lois, et alors, Allah révèle moi bane kitchoses ki capave exister déza sous ene forme ou ene l’autre, soit exactement ou partiellement exacte, mais sa pas veut dire ki mo fine copié sa, ou « copy-paste » sa quelque part.
Faire joke ou badinaze lors bane révélations divines par ignorance li ene très grand péché dans lizié d’Allah, parski vraiment bane ki faire sa, zot pas pé fer sa en vérité lors mo bane paroles, mais en vérité, zot pé prend en badinaze et ridiculize bane paroles ki Allah Li-même fine révélé.
Permette-moi pou rappelle à mo bane camarades, bane chercheurs de la vérité et bane opposants ki tous bane connaissances ki fine gracié sa lé monde là dépi le début des temps vine de Allah seul. C’est Allah ki fine donne la connaissance à bane dimounes afin ki zot capave faire bane grands découvertes pour le progrès de l’humanité, de la société et de la civilisation. Sans la force et la puissance d’Allah, nous ti pou réduire à bane simple zanimo ki zot, zot privés de la conscience et de la connaissance. Mais la connaissance de bane élus d’Allah encore pli supérieure parski sa bane dimounes là zot ena le soutien/support complet d’Allah, et c’est Allah ki soutenir bane révélations ki zot recevoir. C’est Allah ki garant de la véracité de bane révélations ki zot recevoir, malgré ki sa bane révélations là capave déza exister ou non, ou sois ki sa bane révélations là zot servi dans ene cadre différent avec bane nouveaux mots et contenu, mais tous sa bane révélations là bizin en accord avec le dernier de bane livre sacré, le Quran Shareef.
Donc, pou faire badinaze ou moque ene révélation divine c’est ene péché et ena ene punition douloureux pour sa. Allah Li la source de la connaissance. La connaissance ki l’humanité posséder c’est seulement ene prêt. En vérité, bane expressions ki l’homme servi capave être révélée de nouveau à ene messager d’Allah pour soutenir la vérité ki vine de Allah. Sa c’est pas du tout plagia parski dans ce cas, c’est pas l’homme ki copiye bane écrits et reprend bane paroles de l’homme (kot tout bane connaissances de toutes façon vine de Allah), mais dans le cas d’ene messager d’Allah, d’ene Revivificateur de la foi (Muhyi-ud-Din), c’est Allah ki servi sa bane mots là pour révèle sa de nouveau pour: (1) So messager, afin pou enseigne li, afin ki li prophétizé (en So nom), (2) Faire le monde conné et comprend la vérité ki contenue dans sa bane mots/paroles là, même si zot exister déza, mais ki cette fois-ci sa bane mots là applique pour le nouveau messager d’Allah et bane dimounes de so l’époque.
Le Messie Promis Hazrat Mirza Ghulam Ahmad (as) fine également recevoir plusieurs mots et expressions existant comme bane révélations divines. Allah servi sa bane expressions là pour rassure So messager, pour guide li encore et encore, pour faire li comprendre en premier le message avant ki li informe le monde à ce sujet. Eski sa veut dire ki le Messie Promis (as) ti ena l’habitude pou copiye bane écrits existants et faire zot passe couma bane révélations divines?
Parmi tous bane révélations ki li fine recevoir d’Allah, ena sa révélation divine ki bien populaire, kot Allah dire : « Eski Allah pas suffit pour So serviteur ? ». Eski sa révélation là pas ene verset ki trouve dans Quran (dans Surah Az-Zumar) ki ti en premier révélé au Saint Prophète Hazrat Muhammad (saws)? Eski le Messie Promis ti copié ou reprend sa même verset là pour faire sa passe comme bane révélations divines ki li fine recevoir? Eski li ti ena l’intention pou compile so propre Quran couma bane les autres musulmans Sunni etc. ti pé accuse li pou fer ? Sa bane là ti accuse li et ti mette doute dans connaissance de l’arabe ki li (Hazrat Massih Maoud (as)) ti dire ki Allah fine enseigne li dans ene sel la nuit 40000 racines de la langue arabe. Eski ena kit vérité là-dans si nous bane messagers d’Allah nous ena pou suivre façon de pensées de bane dimounes ki na pas ena aucaine connaissance prophétique ki vine de source divine?
A l’époque du Saint Prophète Hazrat Muhammad (saws) fine arrivé ki ene jour, au moment ki bane révélations ti pé dessane, scribe ki ti pé note bane révélations ki ti pé déversé lors le prophète (saws) fine également gagne bane mêmes messages, et de ce fait confirme l’authenticité de sa bane messages là, mais malheureusement pour sa scribe là, li fine alors pensé ki, le fait ki li aussi ti pé recevoir bane mêmes révélations divines et prophétiques, alors li lors ene pied d’égalité avec le Messager d’Allah.
Bane messagers d’Allah zot pas conscients du fait ki le contenu de bane révélations divines ki zot fine recevoir déza existé ou non. Pour nous (bane messagers d’Allah), bane révélations divines zot bane véritables perles de la connaissance pour faire avance nous connaissances et pour ki bane dimounes de nous l’époque et bane ki pou vini jusqu’au jour du jugement zot capave bénéficier de sa bane paroles là, et sa bane mots là capave être prophétisé de nouveau. Allah pas bizin la permission de kit dimoune ki so la vie même temporaire, afin pou prendre encore ene fois ene l’enseignement ou ene révélation ou ene explication ki déza existé, avant pou révèle sa à So messager choisi. Si sa ti interdit, Harzat Massih Maoud (as) pas ti pou même recevoir bane versets Quran Shareef comme révélation, si sa ti contre bane pratiques d’Allah (Sunnat Allah).
Le Messie Promis Hazrat Mirza Ghulam Ahmad (as) fine ene fois recevoir révélation ki li ti « Maryam ». Plus tard, li fine affirmé au nom d’Allah ki li la deuxième venue de Jésus fils de Marie? Alors eski li ti vine accomplir la loi de Moïse, couma le premier Jésus fine faire? Eski li ti vraiment ene madame sainte couma Hazrat Maryam (as) ti été? Ou eski li ti ene fille ou madame tout court pou ki Allah fine appelle li «Maryam»?
Donc, ena bane révélations aussi ki bizin interprétation et sa bane interprétations zot donné par Allah Li-même après ki le prophète d’Allah cherche la guidance divine à sa sujet là. Certains prophécies et révélations zot spécifiques et très clair, mais certains vine également en parabole, et bizin interprété.
Mo bien-aimé maître le Prophète de l’Islam, Hazrat Muhammad (saws) fine également accusé d’ene sorte de plagia (parski li pas ti conne ni lire ni écrire) kan bane mécréants et bane hypocrites de so l’époque fine accuse li ki ene chrétien bien calé dans la langue arabe ti ena l’habitude pou vine enseigne li sa langue là. Zot fine dire ki, après sa, li (saws) fine passe sa bane l’enseignements couma bane révélations divines. Si tel ti le cas (Nawzobillah), alors eski nous pou ozé dire ki Allah fine servi ene chrétien bien calé en arabe pour enseigne So prophète? Ou eski nous pou ozé dire ki ange Jibreel fine vini sous forme humain et fine prend l’apparence de sa chrétien ki zot pé accuse le prophète pou contacté là, pou enseigne li ene arabe pur? Allah Li-même vine à la défense de So prophète kan Li fine révèle le verset Quran suivant pour effacer sa tass ki bane là fine metté lors l’essence divine de bane révélations ki ti pé dessane lors Nabi-Kareem (saws).
« Nous conne bien ki zot dire ki c’est ene dimoune ki enseigne li. Langage dimoune ki zot indiqué là pas arabe, tandis ki sa langue là ene arabe pur et clair. » (An-Nahl 16: 104)
De ce fait, sakaine de nous bizin absolument prudent avant affirme kitchose ki au-delà de so propre compréhension. La connaissance ki Allah donne à So bane élus zot bane secrets ki bane élus là jouir ziska ki Allah donne bane instructions spécifiques pour révèle sa bane connaissances là au monde ou au cercle de bane dimounes ki fine nommé/mentionné.
Tout dernièrement, ena beaucoup de commentaires ki pé faire lors bane récents révélations divines ki mo fine recevoir d’Allah concernant bane calamités ki pé attane sa le monde et ene punition ki prêt pou abatte lors certains dimounes spécifiques. Ena commentaires par bane dimounes couma – encore ene fois – Shabeeb Haneef Sahib et Nadeem Sahib et bane les autres, kot zot fine soulève ene controverse lors la nature de bane mots ki Allah servi. En vérité, Allah révèle séki Li oulé à So messager et Li (Allah) libre pou faire sa sans rendre comptes à personne.
Oh bane dimounes, sauve-zot de mots/commentaires ignorants et insensibles lors bane révélations divines, parski vengeance pour sa bane kalités péchés là, c’est Allah même, le Révélateur de bane secrets, de So bane révélations, ki pou prend sa vengeance là. Pas vine couma sa zanimo ki dépanne li lors so bane instincts ki pli bas pour survivre dans sa le monde là. Allah fine créé zot comme bane être humain avec ene l’intelligence; servi sa l’intelligence là pour promouvoir ou bon volonté spirituelle et non pas alle contre sa. Pas vine bane premiers pou lance bane roches lors bane mots/paroles/révélations d’Allah, alors ki Allah ena le pouvoir absolu pou retourne sa bane roches là lors zot avec ene telle la force ki pou laisse zot complètement anéanti.
Médite lors saki mo fine dire zot. Et d’ailleurs guette commié calamités fine frappe plusieurs pays du monde dépi ki sa révélation là (ki fine révélé le 24 Octobre 2013) fine publié lors le website officiel le 04 Novembre 2013. Ena encore bane calamités ki pé vini.
Alors mo dire Shabeeb Haneef Sahib et bane les autres, ki si zot maintenir ki mo fine copié bane paroles exactes et passe sa comme bane révélations, alors ki zot prend le nom d’Allah et zot déclare sa officielle. Mo lance zot sa challenge là ; vine dans la cour d’Allah dans sa bane paroles et croyances ki zot pé penser là ki alors mo fine bizin copiye sa quelque part. Zot mentionner si pas c’est ene fausse révélation, ou sois fine copier quelque part kan fine publier ene révélation ki fine recevoir le 24 Octobre 2013, et zot mentionner ki c’est pas Allah ki fine donne sa bane révélations là.
Ene messager d’Allah li vini pou donne zot bane avertissement et aussi bane bonne nouvelles. Li vini pou fer revivre la foi. Alors ki sakaine parmi nous prend sa en considération, et nous attane, et si ena bane les autres dimounes ki ena kit objections lors sa bane revelations là, alors ki zot vine de l’avant et prend le nom d’Allah, et mette sa publique ; et mo invite zot et mo accepter zot challenge et nous vine dans la cour d’Allah. Insha-Allah, mo attane zot, et ki Allah donne zot le Tawfiq Insha-Allah.
