Text Box: بسم الله الرحمن الرحيم Khutba Jummah HADHRAT AMIR’UL MUMINEEN MUHYI-UD-DIN Munir Ahmad Azim 13 Septembre 2013 ~ (07 Dhul-Qaddah 1434 Hijri) (Résumé Khutba) Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire: ظَہَرَ الۡفَسَادُ فِی الۡبَرِّ وَ الۡبَحۡرِ بِمَا کَسَبَتۡ اَیۡدِی النَّاسِ لِیُذِیۡقَہُمۡ بَعۡضَ الَّذِیۡ عَمِلُوۡا لَعَلَّہُمۡ یَرۡجِعُوۡنَ ﴿﴾ Zaharal-fasaadu fil-barri wal-bahri bimaa kasabat ‘aydin-naasi liyuziiqahum ba'dal-lazii ‘amiluu la-‘allahum yarji ‘uun. « Corruption fine paraîte lors la terre et dans la mer à cause de séki bane dimounes fine accompli avec zot propres la mains, afin ki Li (Allah) capave fer zot goûte consékances de zot actions, et afin ki zot abandonne le mal. » (30: 42). Si, à la lumière de sa verset là, Allah, en So qualité de ‘Rahman’, capave décide pou élève bane prophètes parmi bane peuples, si et kan le monde plongé dans la corruption et dans l’obscurité spirituelle, afin pou ramène bane brebis égarées dans sureté; alors li tout à fait possible pou Li pou élève ene Khalifatullah dans le manteau de Nabouwwat du Saint Prophète de l’Islam Hazrat Muhammad (saws) pour redonner ene nouveau souffle et à l’Islam et à l’humanité dans so l’ensemble. Si l’apostolat (Nabouwwat) capave être accordé à bane peuples, sans aucaine mérite de zot part, et simplement en vertu de Rahmaniyat (grâce) d’Allah, par contre le Khalifatullah (attaché au Nabouwwat du Sceau de bane Prophètes (saws)) li, li dépendant de Rahmaniyat (grâce) et de Rahimiyat (miséricorde) d’Allah, parski surtout maintenant avec l’universalité de l’Islam, li vini non seulement pour bane peuples de la terre, quel que soit zot religions pour ramener zot vers l’unicité d’Allah, mais le Khalifatullah li aussi envoyé à bane peuples ki croire dans Allah et ki faire bane bons travails, pareil couma fine décrire et promette dans Surah Nur (24: 56). Le Khalifatullah li ene faveur immense d’Allah, ki li pour le monde en entier et pour l’Oummah du Saint Prophète Muhammad (saws) et c’est Allah seul ki choisir So Khalifa. Bizin précizé, pareil couma fine révélé dans Surah Nur (24: 56) ki mo fine récité au commencement, ki c’est Allah (swt), Li tousel ki choisir et installe So Khalifa. Ene Khalifatullah li indépendant de tout et li soutenu zis par Allah (swt). Allah (swt) aide et soutenir So Khalifatullah tout au long de so mission de la même façon ki Li soutenir tous So bane prophètes. Ene Khalifatullah li indépendant de tout groupe de pression et les autres lobbies. So l’autorité, le Khalifatullah li gagne li par la faveur et l’aide d’Allah, Le Tout-puissant. Ene Khalifatullah li ene chef de bane croyants ki pas peur personne (aucaine Insaan). Li conné ki so compte c’est avec Allah seul, en accord avec bane paroles divines ki contenu dans le verset de Surah Nur (24: 56) : « Zot adore Moi et pas associer nannié avec Moi. » Il va de soi, donc, ki toute bane communautés ki bénéficié de la bénédiction d’ene Khalifatullah pou absolument libre de tout support financier logistique, matériel, politique et autres, que ce soit d’ene lobby, d’ene cartel ou de toute autre forme de pouvoir de sa lémonde là, sa pour la simple raison ki tout bane groupe de pression ki pou soutenir le Khalifa pou alors, de ce fait, ena ene l’autorité lors li. Ene Khalifatullah en aucaine façon pas bizin ene tel soutien, parski l’aide d’Allah et la contribution volontaire de bane dimounes simples, ki rempli de Taqwa, de la crainte d’Allah, li amplement suffit pou assure so réussite. Le Quran Shareef mette bane musulmans en garde contre l’ingratitude et la rébellion avec l’arrivée d’ene Khalifatullah. Kifer sa mise en garde là? Sans doute afin pou raye au départ même tous bane tentatives malsain pou contester l’autorité suprême d’ene Khalifatullah, même dans bane moindres détails. De ce fait, li pas difficile pou conclure ki ene de bane conditions essentielles au bon fonctionnement d’ene Khalifatullah c’est ki la question de la durée de so mandat pas posé même. Bane dimounes péna le droit pou demande ene Khalifatullah pou retire li ou donne so démission, et aucaine institution au sein de l’Oummah péna le pouvoir pou révoque ene Khalifatullah, aucaine organisation ou assemblée, même pas l’assemblée consultative connue couma le Majlis-e-Shourah ou « Comité Centrale/Managing Committee » péna le droit pou délimite l’espace de liberté ki le Khalifatullah jouir ou zot pas ena le droit pou porte atteinte à l’autorité suprême de l’office du Khalifatullah. Même si le Khalifatullah li conseillé pou convoque et consulter l’assemblée de bane dimounes compétents de l’Oummah, mais selment li pas obligatoire pou li pou accepter l’opinion de sa assemblée là, même si majorité fine prend ene décision, parski ene Khalifatullah li redevable de so bane décisions zis envers Allah (swt) seulement. En effet le Quran Shareef li très explicite à sa sujet là: « Allah fine promette bane parmi ou ki ena la foi et ki faire le bien, ki Li pou place zot lor la terre comme So Gérants, couma Li ti faire avec bane ki ti vine avant zot; et ki Li va renforci zot religion ki Li fine content donne zot, et ki Li va transforme zot crainte en sécurité. “Zot adore Moi et pas associer nannié avec Moi.” Bane ki refuse gagne la foi après ça, zot vraiment suive chemin travers. » (Al-Nur 24: 56). Le Khalifatullah existé dans ene cadre précis, lié avec l’Apostolat (Nabouwwat) du Saint Prophète de l’Islam (saws) afin pou assure la continuation de so travail, de so mission, et sa en étant fidèle à la promesse d’Allah ki contenir dans le verset (24: 56), et voilà kot Allah (swt) fine élève So Khalifatullah parmi zot au début de sa siècle là. Alors c’est à zot maintenant pou guetter si pas zot pou accepté ene Khalifa divine. Mo termine ici même, Laa-Ikraaha Fid-Diin. Péna aucaine contrainte dans la religion. C’est à ou de réfléchir et de reconnaîte la vérité et pou tenir ou ferme dans la vérité, mais mo pas capave force ou pou reconnaître le Khalifatullah parski sak dimoune pou bizin rende compte avec Allah pour sakaine de so action. Insha-Allah. Ki Allah donne zot le Tawfiq pou attache zot fermement à So Khalifatullah ki là présent parmi zot en sa siècle là. Rappelez bien ki ou la vie lors la terre li bien limitée et Allah fine choisir sa l’époque ki ou pé vive là pour manifester la présence de So Khalifa. Alors, le conseil ki mo donne zot c’est ki, pas perdi létemps précié dans bane doutes et bane hésitations. Tourne vers Allah et dirige zot avec la foi vers le Khalifatullah car ou salut li trouve dans reconnaîte, accepter et suivre bane directives du Khalifatullah de sa siècle dans ene l’obéissance parfait parski sa l’époque là, sa bénédiction là li très limitée. Ki Allah guide zot dans zot bane décisions et dirige zot pas vers l’acceptation du Khalifatullah de zot époque. Insha-Allah, Ameen.