Text Box: بسم الله الرحمن الرحيم Khutba Jummah HAZRAT AMIR’UL MUMINEEN MUHYI-UD-DIN Munir Ahmad Azim 15 Février 2013 ~ (03 Rabi’ul Aakhir 1434 Hijri) (Résumé Khutba) Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire: وَ قُلۡ جَآءَ الۡحَقُّ وَ زَہَقَ الۡبَاطِلُ ؕ اِنَّ الۡبَاطِلَ کَانَ زَہُوۡقًا ۝ “Wa qul jaaa-al-Haqqu wa zahaqal-Baatil: Innal Baatila kaana zahuuqa.” Dire zot ki la vérité fine vini et fausseté fine disparaite, et faussetés bizin disparaite. (Bani Israil 17: 82) Mo pé continuer Khutba Jummah ki mo ti faire semaine passé, et mo fine lire devant ou Chapitre 17 Verset 82 : « Dire zot ki la vérité fine vini et fausseté fine disparaite, et faussetés bizin disparaite. » Dans ene lotte verset Allah fine mentionne exactement le même sujet bien ouvertement. Li fine mentionner ki quand la vérité vini bé ki, ki bane zaffaires ki passé. Ki, ki bane décret d’Allah ki rentre en opération. Ena ene le temps ki vini kot bane Banda d’Allah bizin faire face à bane l’ennemie puissant. Mais pas tout l’ennemie ene seul coup. Quoi ki Allah fine destiner ki So bane Banda bizin gagne la victoire, bé li pas sans ki casse bane la lois établi. C'est-à-dire, si Allah fine décréter ki azordi ene Momeen pou capave vaincre deux ennemis et demain ene Momeen pou capave vaincre dix, bé tant ki sa demain là pas arriver ene Momeen pas pou capave vaincre dix, bé sa destin là pas rentre en opération. Zotte pas réussi. Faudré ki zotte fine prêt pou sa, lerlà ki sa manifester en zotte faveur. Et en fait tout le temps li arriver ki malgré ki bane l’ennemie fort et puissant mais zotte pas capave attaquer, zotte pas réussi rassembler zotte troupe ensemble. Zotte faire l’intention pou attaquer mais zotte pas réussi. Quand zotte rassembler aussi ensemble, bé ena des dispute entre zotte même et tout sa là faire, ki zotte pas gagner même l’occasion pou lance zotte l’attaque. Zotte désorganisé. Mais c’est pas bane Banda là ki faire sa, mais c’est le destin de la vérité ki faire sa. Et le destin de la vérité faire ki de jour en jour ene faible gagne la capacité pou faire face et pou matte avec bane pli forts. Et sa c’est ene sujet ki nous trouve so preuve dans l’époque de Hazrat Muhammad (saw). À travers la pratique de so bane suivants. Sa pas veut dire ki Allah ti moins content bane Awwaleen là. Non. Mais sa c’est ene lotte sujet, c’est ki quand ene faible confronte ene fort bé psychologiquement, c’est doucement, doucement et graduellement ki li gagne ene confiance de li même et c’est pas tout d’un coup ki li gagne capacités de faire face à ene puissant. Non, Allah So la loi sa, c’est ki li pas mette ene fardeau lors ene dimoune au-delà de so capacités. Donc celui ki ti pli puissant, c’est Hazrat Muhammad (saw). Li ti vine ene personnification de la vérité. Pas capave ena aucaine autre exemple couma Hazrat Muhammad (saws). Donc c’est li même ki ti bizin pli fort et en fait li ti le pli fort. C’est so la vérité même ki ti pé propagé dans les environs. Et quand sa la vérité là fine confronte bane Reyr, bé à ce moment là Allah ti fine décidé ki doucement, doucement sa la vérité là ena pou gagne le dessus. Et ti fine destiner ki au commencement li bizin faire face à bane l’opposition et enfin ki sa sujet là appliqué ki aucaine dimoune pas gagne fardeau au-delà de so capacité. Donc malgré ki li ti faible physiquement mais spirituellement li ti bien fort. Péna personne ki ti pli fort ki li. C’est sa la force spirituelle là même ki fine donne autant la victoire. Et bane Sahaba aussi c’est lors sa la force là même ki après zotte réussi gagne bane victoire. Zotte fine réussi faire face à 1 contre 10 ou même plis ki sa. Et doucement, doucement sa fine crée ene la force psychologiquement dans zotte. Et sa montrer ki bane sacrifices ki bane avant fine faire zot vraiment extraordinaire. En fait malgré ki zotte ti faible Allah fine donne zotte ene grand puissance. Et dans Quran Allah dire ki Li fine accorde à Hazrat Muhammad (saw) ene aide puissant. Et sa puissance là vini doucement, doucement. Li crée sa confiance là et li faire sa changement psychologiquement là. Et de lotte coté li crée ene l’effet négatif kot bane l’ennemis, zotte fini conner ki sa bane là, malgré ki zotte faible mais zotte pou gagne le dessus. Et la vérité là ena deux aspés. Ene c’est ki ou bizin vine la lumière d’Allah et c’est sa la lumière là même ki faire tout sa bane changement là. Bane Sahaba fine faire sa transformation là parceki zotte ti suivre l’exemple de Hazrat Muhammad (saw) ki ti ene représentant de la Lumière. Donc sans la lutte pas capave gagne la victoire. Mais la loi d’Allah, c’est sa, ki toujours augmente bane faible et donne ene la force extraordinaire et li faire zotte gagne le dessus lors la fausseté, sa pas veut dire ki dans aucaine place ou Masjid pas pou détruire, li pas veut dire ki ou pas pou souffert aucaine perte de vie ou di bien, li pas veut dire ki jamais ou pas pou bizin faire aucaine émigration. Non. Parceki sa c’est ene zaffaires ki tout le temps fine ena et même avec bane prophètes li fine arriver. Si ou prend émigration là comme ene mensonge, comme ene fausseté, bé à ce moment là tout bane prophètes pou fausse. Naouzoubillah. Mais en fait quand ou guette Quran couma fine présente la lutte entre la vérité et fausseté, ou pou trouve ki li ene zaffaire stage par stage et lerlà lors chaque pas ou capave constater ki li la victoire de la vérité et la défaite de fausseté. Et tout le temps le mensonge fine bizin sauver et disparaitre. Maintenant ki faire ena sa la lutte entre la vérité et faussetés là ? En fait d’après sa verset Quran ki mo fine lire devant ou là, Allah dire ki c’est fausseté ki commence sa la guerre là et li guetter de quel façon li capave fini la vérité. Ki faire ? Parceki le mensonge ena sa frayeur là ki maintenant la mal pas pou propager, pas pou ena le mensonge, pas pou ena toutes sortes de vice, pas pou ena aucaine fléaux. Bane zaffaire ki déjà là. Mais dès ki ene prophète vini et li commence amène ene la lutte contre sa bane fléaux là, bé c’est sa ki la fausseté peur. Et c’est pourquoi zotte lance toutes sortes qualités l’attaque lors bane prophètes d’Allah. Zotte dire ki zotte bane représentants du mal et nous pas capave supporte ki la vérité vini et gagne la victoire. Donc zotte commence toute sorte d’opposition. Maintenant si ou comprend sa sujet là en référence avec Hazrat Isa (as), bé li vine ene zaffaire très claire. Dans so l’époque Hazrat Isa (as) ti ene représentant de la vérité et le sujet de la vérité fine vini et mensonge disparaitre là applique pou li aussi. Mais couma fine ena sa la lutte là et comment la vérité fine triompher? Premier signe de la victoire de la vérité, nous trouve li dans l’opposition sévère et cruelle ki Hazrat Isa (as) fine bizin faire face. Sa sujet là li vraiment très claire dans l’époque de Hazrat Isa (as). Dans l’époque de Hazrat Isa (as) ti ena toute sortes qualités de mal parmi bane Juifs ; zotte pas ti même conscient et personne pas ti prend aucaine compte. Mais c’est ene zaffaire ki pas capave comprend ki faire ene coup zotte fine lève contre Hazrat Isa (as), ki pourtant li ti pé enseigner, ki si quelqu’un frappe ou ene côté la joue, bé offert li lotte côté la joue. So bane enseignement ti tel ki zotte pas incite du tout à la colère. Si sa message là ti vine générale bé ki di tort, ki la peine li ti pou cause bane Juifs ? Mais ki faire zotte tout fine uni pou oppose Hazrat Isa (as) ? En fait zotte ti conner très bien ki sa c’est ene message ki pou alle triompher. C’est ene message de vérité. Si zotte pas conner si sa c’est la vérité et li pou alle triompher, bé jamais zotte pas ti pou faire sa qualités l’opposition cruelle là. Et pou chaque prophète li coumsa. Couma dire ena ene la lumière dans zotte la vérité, et effectivement li coumsa. Li exactement coumsa, kot tous bane prophètes, dans zotte message péna narien de mal, péna narien ki incite à la colère mais malgré sa bane Moushrik là, zotte rassembler ensemble pou oppose le prophète de zot l’époque. Et lors ça zotte d’accord, zotte dire ‘Oui, nous ti oppose ene à lotte. Nous ti pé dire ene à lotte Kafir mais pour oppose sa messages là nous tout fine joine ensemble.’ Pareil couma 72 sectes de bane Juifs ti réuni ensemble pour oppose Hazrat Issa (as). Quand ou guette dans l’époque Hazrat Massih Maoud (as), sa ti passé coumsa. Même aujourd’hui dans nous l’époque aussi, l’histoire se répète. En fait la vérité c’est qui zotte dans sa la vérité là, malgré ki nous nombres bien, bien peu, mais zotte conné qui sa c’est ene vérité ki pou alle triompher. C’est sa triomphe là ki pé fatigue zotte. A chaque fois ki zotte fine oppose nous ouvertement, sa fine jouer contre zotte même. Donc sa zaffaire ki quand la vérité vini et le mensonge bizin disparaitre là c’est ene zaffaire ki fine décréter et personne pas capave efface sa Taqdeer là. Zotte ti pé kimé lors mimbar de Hazrat Muhammad (saws) dans tous fonction ki ti ena, ena ti pé faire zotte ene devoir, couma bane politicien avec zotte bane langages Shaytane, zotte fine montre zotte la haine ki zotte ti ena pou nous ; tous sorte qualité blâme zotte fine metté. Mais sa pas fine empêche le Jamaat Ul Sahih Al Islam alle plisse lors la voie spirituel et pas fine capave arrête li continuer faire so travail. Donc n’importe ki zéffort zotte pou faire, zotte pas pou réussi. Donc c’est ki mo pé faire ou comprend ki signe de véracité de bane versets de Quran c’est sa ki ene groupe, malgré ki li faible mais si li ena sa la vérité là tellement puissant, ki effectivement nous capave dire ki la vérité fine vini et mensonge fine disparaitre. Et tout bane zéffort ki zotte pé faire, mette dimounes en dehors Jamaat, mette boycotte, pas faire salaam, demande pou fer Tauba devant créatures, tout bane l’oppositions, tout bane cruautés, tous sa la indiquer ki zotte ena ene frayeur. Chaque le cœur témoigner, ki li dans l’Association Ahmadiyya et bane les autres sectes de l’Islam zotte conner si zotte pas gagne support Tabshir et présent Khalifa, et bane les autres Mullahs ki croire patente la foi dans zot la main, ki zot prend couma bol’homme loulou là et zotte prend le support de mensonge dans zotte bane réunions et fonctions, coumsa zotte incite la masse contre nous, ki personne, pas causer, zotte pas va écoute le message de vérité. Donc guette ki qualité vérité Quran fine mentionner ki c’est la destinée de mensonge pou disparaitre et Quran même fine fini mette nous en garde ki quand dès le premier jour zotte pou trouve le signe de ou triomphe bé zotte pou lutter. Parceki zotte pou fini reconnaitre ou triomphe. Quand Hazrat Muhammad (saw) ti ene seul, là aussi zotte fine oppose li parceki zotte ti conner ki sa c’est ene, ki pou gagne le triomphe lors le monde entier. Donc ena ene zaffaire ki claire et pou toujours claire. C’est ki bane l’ennemie conner ki la vérité li avec Hazrat Muhammad (saws) et so bane suivants. Zotte conner ki la vérité li avec bane prophètes d’Allah tandis ki zotte, zotte privé de la vérité. Sa c’est ene zaffaire ki tout le temps zotte fine reconnaitre. Mais avec sa ena ene lotte sujet ki lier. C’est ki bane groupes de vérités pou reste vrai tant ki zotte lier avec la vérité. Dès ki ou pou coupe ou connexion avec la vérité, bé sa promesse d’Allah là, pas pou applicable lors ou. Donc kot ena des faiblesses dans la vérité, là-bas dans la victoire là aussi pou ena autant même des faiblesses. Si ou fine vine duniyadaar, si le matérialiste fine gagne le dessus, bé li pas toute suite ki ou remarquer ene manque de vie. Bane dimounes prend respiration et pou continuer prend. Zotte accompli zotte bane demandes extérieurs aussi. Quand ou guette zotte, zotte paraitre bane dimounes dans bien et tout pé marche correct pou zotte. Mais en fait fondamentalement zotte fine ena sitan de faiblesses dans zotte lien avec la vérité ki sa promesse Allah, ki la vérité fine fini et faussetés fine disparaitre pas accompli lors zotte. En fait Allah laisse zot dans zot l’ignorance et c’est dans l’ignorance même zot aller ziska kan Allah dévoile zot la vérité pou zot, bé li vine trop tard pou zot, à moins ki zot fer zeffort dans zot la vie lors la terre pou alle cherche la lumière, la vérité d’Allah et reconnaite li avant ki li trop tard pou