Text Box: بسم الله الرحمن الرحيم Khutba Jummah HAZRAT AMIR’UL MUMINEEN MUHYI-UD-DIN Munir Ahmad Azim 15 Mars 2013 (02 Jamad’ul Awwal 1434 Hijri) (Résumé Khutba) Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire: Par la grâce d’Allah, mo pé contigne aujourd’hui Khutba Jummah ki mo ti commencé deux semaines de cela. Avant mo contigné, li ti bon ki mo explique certaine zaffaires ki bien utile pou nous conné. L’Islam enseigne ki nous, bane musulmans nous croire dans tous bane prophètes ki Allah Le Tout-Puissant fine envoyé lors sa la terre là, par exemple, couma: Hazrat Ibrahim, Moosa, Nuh, Ram, Krishna, Bouddha, Yusuf, Isa (as) etc., et nous croire dans zot tous sincèrement et aussi ki Jésus Christ – Hazrat Isa (as) li ti ene prophète d’Allah pareil couma Ram, Krisna, Bouddha (as) et nous croire aussi ki maman de Hazrat Isa (as) ti ene modèle de vertu. Le Quran Shareef mentionne les deux (Hazrat Isa (as) et so maman) comme digne de louanges. En vérité Hazrat Mariam (Marie) li mentionnée dans le Quran Shareef comme ene l’exemple de pureté, et fine faire allusion à li avec plus de révérence ki dans bane Évangiles. Toutefois le Quran Shareef condamne avec ene pli grand sévérité ki l’Église fine arriver prend sa deux là couma deux divinités, deux bondiés à être adoré aparte Allah. Sa et le refu de la religion Chrétienne pou accepté le Saint Prophète Muhammad (saws) zot bane lignes de séparation ki bien distincte (claires) ki divise l’Eglise Chrétienne et l’Islam. Bane signes de la naissance de l’Islam zot déjà visibles. Parski zot bane mailles d’ene même la chaîne. Bane signes de la naissance de l’Islam zot apparents, peut être pour certain sa bane signes là pas trop clairs azordi, mais demain zot pou capave percevoir sa bane signes là clairement. La lumière de l’Islam pou finalement léver encore dans sa siècle là dans so gloire complet et Insha-Allah li pou illumine sa le monde là. Mais avant ki sa arriver, le monde bizin expérimente ene 3ème guerre mondiale, ene bain de sang ki pou laisse l’humanité dans ene l’état secoué et purifié. Oh bane dimounes, faudé pas ki nous oubliyé ki sa prophécie là, pareil couma tout bane prophécies, li nek ene avertissement et so l’accomplissement pou capave être retardé ou même écarté à condition ki l’homme li tourne vers so Rab et li répentir. Li capave encore détourne la colère d’Allah si li arrête adore so richesse, so puissance avec l’arrogance ki li ena, parski so pouvoir li temporaire, et faudé li établir ene relation pure avec so Créateur et li éloigne li de la transgression, et li accompli so devoir envers Allah et envers l’humanité et li appranne pou travaille seulement pour le plaisir d’Allah et pour le bien-être de l’humanité. Autrement, la colère d’Allah pou alors obligatoirement sans aucaine doute déssane lors li. Si bane dimounes pas abandonne zot bane mauvais la vies et persister dans zot l’arrogance, alors ni aucaine pouvoir, ni aucaine fausse bondié pas pou capave être d’aucaine utilité pou zot contre punition ki Allah fine promette zot. Alors, zot bizin gentilles envers zot-mêmes et envers zot bane z’enfants ! Écoute la voix de zot Rab, Le Gracieux (Ar-Rahman) et Le Miséricordieux (Ar-Rahim). Ki Allah satisfait de zot, et sourire avec zot avec compassion et ki Allah accorde zot la force et l’occasion pou accepter la vérité et pou profite de sa la vérité là. Peu importe bane grand avancement extraordinaire dans bane sciences modernes, peu importe bane fabrications de bane nouveau z’armes ki nous bane adversaires pé fer, à la fin zot (nous bane adversaires) pou Insha-Allah, morde la poussière. C’est nous (l’Islam) ki pou sorti victorieux. Mo dire zot en vérité, ki Allah fine donne moi la connaissance et bane forces supérieures de l’Islam et mo donne zot la certitude ki non seulement l’Islam pas pou souffert en rien de nouveau philosophie ki ena, mais li pou aussi démontrer l’ignorance de bane l’enseignements adverses. Aujourd’hui dans tous bane continents du monde, bane site-webs du Jamaat Sahih Al Islam et le Blog (Sahih Al Islam) zot pé livré bane batailles de l’Islam. Bane musulmans considère le Quran comme ene livre fermé, mais grâce à bane faveurs et bénédictions de Hazrat Muhammad (saws) et du Messie Promis (as) sa Livre Saint là fine maintenait ré-ouvert aujourd’hui avec le Al-Azim Tafsir’ul Quran, c’est-à-dire, ene explication et commentaire approfondies du Quran et donc sakaine d’entre zot dans sa siècle là capave gagne bane nouveau connaissances de sa Livre Saint là (le Quran Shareef), parski bane commentaires du Quran Shareef zot infinis. Ene seul verset du Quran capave ena plusieurs différents significations et sa bane connaissances là, c’est Allah Qui donne sa à So serviteur choisi afin ki sa nouveau connaissance là capave faire revivre la foi authentique dans lé cœur de bane dimounes. Aucaine science au monde pas capave soulève ene objection quelconque contre l’Islam sans ki le Quran Shareef donne nous bane arguments valables pour réfute sa. L’étendard du Quran li hissé de nouveaux par nous bane z’efforts. Le monde capave déploye tous so la force contre l’Islam, mais sa religion là pou sorti vainqueur. Le soleil et bane étoiles capave change zot parcours, la terre capave arrête tourner, mais personne au monde pas pou capave arrête la marche de l’Islam vers la victoire. La-‘allaka baakhi-‘un-nafsaka ‘allaa yakuunuu Mu'-miniin. Peut-être to touye to nâme (Oh prophète) parski zot pas gagne la foi ! (Ash-Shuara 26: 4) Sa verset là montré nous l’amour sans pareil ki le Saint Prophète Muhammad (saws) fine ena pour l’humanité. Pour montrer bon direction (guidance) à bane dimounes, li ti pé sacrifié li nuit et jour et li ti pé prier beaucoup. Dans z’effort ki li ti pé fer, li ti capave ruine so la santé. Li pas ti gagne tracas si pas li pé réussi manger et boire, ni li ti pé soucier li de so repos et sommeil. Pour sauve bane l’âmes de la perdition, pour montrer zot le chemin du salut, li ti pé lever dans la nuit pou supplier Allah et li ti pé reste parfois si longtemps deboute dans Namaz ki so lipié ti pé enflé. Nous capave dire sans la moindre exagération ki le Saint Prophète Muhammad (saws) de l’Islam fine consentie à tous bane sacrifices pour assure le relèvement de so peuple et de l’humanité. Allah fine aussi accorde li ene protection extraordinaire. Bane croyants capave tire ene grand leçon de sa l’exemple du Saint Prophète Muhammad (saws) là pour faire progrès. Pou travaille pour la communauté (l’Islam comme ene sel lécorps), nous bizin sacrifier beaucoup, nous bizin sacrifié nous nette. Pour tous bane membres du Jamaat Ul Sahih Al Islam à travers le monde entier, ene signe de la foi c’est ki ene croyant dans Jamaat du Khalifatullah li bizin à chaque instant prêt à sacrifier so la vie, et so bane dibiens au nom de la religion d’Allah, l’Islam dans so nature authentique. Dans Quran Shareef Allah dire : « En vérité, Allah fine acheté de bane croyants zot dibiens et zot la vie en échange du paradis ». Donc, avant gagne paradis ena certain conditions ki ene croyant bizin respecté, et sa li basé lors bane sacrifices ki nous impose lors nous-mêmes. Azordi jours ena le Al-Azim Tafsir’ul Quran ki pé alle à la presse pour so publication Insha-Allah, en plusieurs langues et ena le Muqaddam Fund ki fine instituer (à travers la révélation divine) pour asté bane terrains et pour la construction de bane Masjeeds là kot nous ena nous Jamaat à travers le monde entier. Sa deux là, li nous bane grands priorités dans sa siècle là et mo demande à tous bane croyants dans le monde pou contribuer généreusement dans sa fonds là et aussi pou sacrifier zot nuit et jour dans Namaz et duahs pour le succès de nous bane z’efforts pour le rétablissement de la gloire de l’Islam dans le monde, Insha-Allah.