Text Box: بسم الله الرحمن الرحيم Khutba Jummah HADHRAT AMIR’UL MUMINEEN MUHYI-UD-DIN Munir Ahmad Azim 16 Août 2013 ~ (08 Shawwal 1434 Hijri) (Résumé Khutba) Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire: Ene missié rempli de moquerie fine déjà décrire la femme en sa bane quelques mots bien dure et mauvais là. Et sa pensée là li réflecté dans bane z’hommes en générale concernant bane femmes. Li dire : « Dieu fine crée la terre, ensuite li fine reposé. Ensuite, Li fine crée l’homme et Li fine reposé de nouveau. Enfin, Dieu fine crée la femme mais jamais ensuite fine capave gagne repos ! » Sa bane traits là li trouve d’autant pli élevé kot ena certaines religions ki rode ene bouc émissaire pou explique la chute spirituelle de l’homme – c’est-à-dire, zot prend la femme comme la source de la dégradation spirituelle de l’homme. Zot fer li (la femme) porte sa blâme là, et zot cloué li lors sa poteau là à cause soi-disant li (la femme) fine toujours incarne le mal. L’Islam, de so côté bien condamne sa jugement ti l’esprit là. Au contraire, l’Islam li premier la religion ki fine donne la femme ene statut ki zamais avant li ti pou capave espère pou gagné. C’est l’Islam ki fine vini pou ré-établir d’ene façon définitif so valeur et so bane droits dans la société et dans le domaine spirituelle aussi. Dans le passé, avant l’avènement de l’Islam, bane madames pas ti ena aucaine rang social. Bien au contraire, zot ti pé bizin pliye zot-mêmes à bane exigences et bane caprices au-delà de bane limites ki bane z’hommes force lors zot, ki li concerne bane di biens, l’argent et l’héritage. Sans oublier ki zot ti bizin assister en silence kot zot maris et les autres z’hommes de zot familles touye zot bane zenfants. Sa ti ene pratique de bane arabes mais selment sa kalité mauvais actions là ti seulement limité à quelques familles, bane tels familles ki considère bane tifilles comme bane fardeau et ene source de la honte pour zot. Dans bane familles kot bane tifilles réussi grandi et marié, mais selment dès ki zot bane maris ti pé morts, alors ti pé brûle sa bane veuve là vivants ensam avec cadavres de zot maris. L’Islam fine vini en premier pou rétablir la dignité et le droit de vie et d’honneur de la femme. Si après l’Islam, et dans bane les autres pays ki l’Arabie bane ki pas suive l’Islam fine réussi attire l’attention lors le respect de la femme, c’est seulement à cause pression de bane dimounes seulement, à cause misère ki zot passé seulement à cause zot bane femmes. Le 8 Mars 1857, bane employées d’ene entreprise américaine fine lève ene tollé, fine révolté contre zot exploitation dans travail et fine dessane dans bane la rues de New York pour protester. La police fine bizin vine sur place kan zot fine gagne sa nouvelle là, et après plusieurs affrontements ki fine ena ensuite, fine ena plusieurs morts et blessés. Bane émeutes là pas fine arrêté pour autant mais fine reprend ene l’ampleur, quoique bien plus tard, au cours de même mois dans bane l’années 1908 et 1910. Si bien ki pour commémore sa bane l’évènements là, fine bizin décréte le 8 Mars la journée internationale de la femme. Sa journée internationale de la femme là fine première fois à Maurice célébrer officiellement célébrée en 1978. Aujourd’hui, bane femmes ki sorti de bane diver milieux sociale zot fer valoir zot bane droits tranquillement, ki li concerne pou recevoir bane services bancaires, zot droit à l’héritage ou à la protection de zot bane di biens. Selment bane femmes fer bien erreurs si zot pensé ki zot fine gagne tous sa bane droits là coumsa même. Zot bizin maginé ki ena beaucoup dimounes avant zot fine lutter pou ki zot gagne sa bane droits ki zot pé jouir azordi jours là. Mais selment là-dans si zot anaylse bien et zot alle réalise la vérité, c’est ki bien avant zot commence zot propre révolution pou gagne ene semblant de dignité, mais l’Islam bien avant sa ti fine fini donne zot tous sa bane droits là sans ki zot ti ena pou la guerre pou gagne sa. L’Islam ti fini donne zot sa bane droits là dans ene façon bien gracieux plisse ki quatorze siècles de sa ! Kan Li fine établir sa la religion là (c’est-à-dire, L’Islam), Allah fine effectivement rétablir bane femmes dans bane droits ki bane z’hommes fine retiré de zot dans ene façon rempli d’arrogance et de l’orgueil. Le Saint Prophète (saws), kan à li, li ti travail pou ki tous sa bane droits là concernant bane madames là zot fine en actions, et le Quran Shareef et Sunna fine rester, et sa ziska jour Qayamat, afin ki sa bane droits là zot légué à tous bane madames et filles ki pou vini après l’époque du Saint Prophète (saws) et sa, ziska jour du jugement, kot sa pou passe de générations en générations. C’est ene l’héritage ki bane musulmans pé toujours jouir, ki li lor le plan spirituel, intellectuel et social et ki li lors plan l’économie et politique. Lor le plan spirituel : En effet l’Islam donne l’homme et aussi à la femme, ene statut spirituel égale. Allah (swt) dire nous dans Quran Shareef : «  C’est Li qui fine créé ou à partir ene sel dimoune, et Li fine produire so pair à partir de li même, pou vivre avec li. Kan ene là fine gagne relations avec l’autre, sanlà fine porte ene petit fardeau, et fine circuler avec sa. Mais kan li fine vine lourd, les deux fine prier Allah, zot Maître : ‘Si To donne nous ene joli zenfant, nous pou toujours remercier Toi.’ » (7: 190) Aussi li (la femme) li tenue au même titre ki l’homme pou accomplir bane actes de la foi, à savoir bane Namaz obligatoires de tous les jours, Roza (Sawm), Zakaat et pèlerinage dans Makkah (Hajj); et en récompense, Allah fine réserve pour tous les deux (z’hommes et femmes) bane contentements identiques. Nous pas pou capave toutefois ignorer ki souvent des fois, ena bane l’états ou bane réalités physiologiques et psychiques particulier qui distingue la femme de l’homme – c’est-à-dire, ki malgré ene l’égalité ki apparent ki Allah fine donne les deux indistinctement, mais selment constitution de la femme et de l’homme pas pareil, et c’est pou sa ki Allah fine fer l’homme vine ene gardien (Qawaam) pour la femme. Mais selment, dans le domaine spirituel, zot ena tous les deux zot devoirs religieux à accomplir pou atteigne le plaisir d’Allah. Allah (swt) dire dans Quran Shareef : « Pou bane z’hommes et femmes musulmans, croyant, dévoué, loyal, endurant, humble, charitable (ki dépenser dans le chemin d’Allah), ki garde Roza, ki garde zot chasteté, et ki rappelle Allah beaucoup, Allah fine prépare pou zot le pardon et ene grand récompense. » (33: 36) Sa verset ki fine cité là ainsi ki bane les autres versets encore, couma (3: 195), (9: 73) et (67: 12), zot témoigne de l’aptitude ki la femme dispose comme égale à l’homme pou grimpe l’échelle de la spiritualité. Afin ki nous convaincu de sa, le Quran Shareef faire mention de la vie exemplaire ki Hazrat Mariam, maman de Jésus (Hazrat Issa (as)) fine améné. Quran Shareef dire : « Rappelez bane anges ti dire: « O Mariam, Allah fine choisir toi, fine purifié toi, et fine choisir toi pou ene rang pli haute ki tous bane femmes dans le monde. » (3: 43) D’autre part, si en règle générale, la loi Islamique sauvegarde l’honneur de la femme autant ki celui de l’homme (33 :59) et (85: 11), en revanche dans bane circonstances kot bane faiblesses ki déza encré dans so nature exposé davantage, alors li (la femme) li bénéficié à plus forte raison d’ene protection renforcé (24: 24, 25). Lor le plan intellectuel: La femme possède aussi selon l’Islam bane facultés nécessaires à so l’épanouissement intellectuel et le Quran Shareef pas renferme aucaine propos ki capave paraite pou fer l’éducation pré-primaire ou tertiaire moins accessible pou li. Le Saint Prophète (saws) fine d’ailleurs confirmé ki : « Li le devoir de sak musulman, ki li z’homme ou femme pou alle cherche la connaissance. » (Ibn Majah) Li pou donc dommage ki la femme musulmane li contente li-même seulement d’ene initiation alors même ki bane chemins ki abouti à la connaissance profond, fine étalé devant li. Lor le plan social: L’assurance d’ene coopération au sein de fondement même de sak société, c’est-à-dire l’unité familiale, li nécéssite bane structures bâties d’après bane normes Islamiques. L’union conjugale li ene parmi sa bane structures là, mais à l’opposé de saki bane dimounes habituellement fer, l’Islam pas permet ki ene tifille li marié sans ki li fine donne avant sa so consentement pour ene tel mariage. Bien entendu, bane parents bizin guide li dans so choix, mais l’acceptation ou refus li reste toutefois à la discrétion de sa tifille ou madame là. L’Islam insiste donc non sans raison ki bane prétendants au mariage zot rencontré avant ki zot engage zot dans sa relation de mariage là. Dès ki zot uni zot par le mariage, le mari et la femme bizin aide et encourage sakaine so camarade. Ene mari li autant ene vêtement pour so madame, couma madame là li ene vêtement pour li (2: 188). En vérité, le Quran Shareef rode par le moyen de cette l’exemple là pou mette l’emphase lor bane devoirs ki sakaine ena ene envers l’autre et aussi bane droits conjugal ki sa deux là ena (2: 229). Mais par delà de sa l’échange là, bane maris bizin fer zéffort pou plaire zot bane madames, parski capave zot pas content ene kitchose kot Allah fine place le plus grand bien ! (4: 20). D’ailleurs, eski le Saint Prophète (saws) pas fine dire ki le meilleur de bane hommes c’est celui qui content (et occupe) plisse so famille ? Li (saws) au moins ti pé prend la peine pou toujours occupe li de bien-être de bane madames. Ena deux incidents ki mo pou mentionné ki pou suffit pou établir sa fait là. Au cours d’ene voyage kot plusieurs bane madames ti accompagne li, le Saint Prophète (saws) fine demande bane z’hommes ki ti pé contrôle bane chameaux pou pas préssé et (pas) alle vite parski zot pé saryé sans ki zot fer attention bane « cristales », c’est-à-dire, bane madames ki zot bane êtres fragiles. Li fine compare aussi la femme à les z’os thoraxe (chest), kot si nous persister pou rode dresse li, alors li pou fini par cassé. Autrement dit, ene madame li séli li été, ene être à part avec bane qualités et bane défauts ki attribué zis pou li. Lor le plan politique: L’Islam impose l’égalité bane droits en ce ki concerne la politique aussi, kot ene musulmane capave voter aussi dans bane élections, et li capave être nommée à bane postes de caractère politiques, ou assister dans plusieurs l’autre façon le gouvernement dans couma gère bane z’affaires publiques aux niveaux local et national. L’histoire Islamique fine d’ailleurs retenir so bane plusieurs contributions à la vie de la communauté de même pour le progrès de bane pays musulmans. Et, pour clore sa sujet là pour aujourd’hui lor ene aspect de l’Islam, ene sujet ki nous pas pou capave fini causer complètement, mo cite séki ene juge American, en l’occurrence Pierre Craibites, fine dire, bane tel mots ki touche vraiment marque ki L’Islam fine laisser après tant d’années : « Treize siècles de cela, Muhammad ti fine donne bane femmes musulmanes ene rang et ene dignité ki zot bane sœurs chrétiennes et occidentales espère toujours pou gagné ». Ki Allah aide nous tous, homme et femmes du Jamaat Ul Sahih Al Islam afin ki nous respecter bane droits de chacun et ki nous rédonne vigueur et lumière à bane combats ki le Saint Prophète Hazrat Muhammad (saws) fine améné pour faire valoir l’égalité de la femme dans la société, afin ki la société ki