Text Box: بسم الله الرحمن الرحيم Khutba Jummah HADHRAT AMIR’UL MUMINEEN MUHYI-UD-DIN Munir Ahmad Azim 17 Mai 2013 ~ (06 Rajab1434 Hijri) (Résumé Khutba) Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire: اِنَّہٗ لَقُرۡاٰنٌ کَرِیۡمٌ ۝ فِیۡ کِتٰبٍ مَّکۡنُوۡنٍ ۝ لَّا یَمَسُّہٗۤ اِلَّا الۡمُطَہَّرُوۡنَ ۝ تَنۡزِیۡلٌ مِّنۡ رَّبِّ الۡعٰلَمِیۡنَ ۝ ‘Innahuu la’-Qur’aanun-Kareem. Fii Kitaabim-maknuun – Laa yamassuhuuu ‘illal-mutahharuun: Tanziilum-mir-Rabbil-‘Aalameen. “Sa c’est ene Quran noble, dans ene livre bien préservé; Seulement bane purifiés touche li. Li ene révélation ki déssane depuis Maître l’univers.” (Al-Wakia 56: 78-81) Le Quran Shareef li le dernier Livre de loi ki fine révélé par Allah (twa) pour l’humanité en entier. Li dirige l’homme à sak étape de so la vie et à tout niveau, ki li concerne so la vie physique, matérielle, corporelle, morale et spirituelle. Le Quran Shareef capave fine révélé en Arabe mais li addressé à tout dimounes sans exception, mais Allah fine mentionner dans sa meme Livre sacré là, couma ene clause, ene exception ki seulement bane purifiés ki pou capave touche li, comprend li, bane ki vraiment intelligent, ki ouvert zot l’esprit à la vérité, et ki demande l’aide avec Allah pou percevoir sa la vérité là. Ene kikène ki vraimêm envie comprend Quran, malgré dans ki réligion li été, pour ki li réussi fér sa, li bizin tire de so l’esprit, autant ki possible, tous bane l’idée négatif ek bane l’opinions ki li ti déza éna, afin ki sa bane préjugés là pas empésse li amène à bien so l’étude avec ene l’esprit impartiél. Celui ki commence étudié Quran avec so bane préjugés ki li déza éna, li pou éna tendance rétrouve so bane propres l’idées kan li lire Quran. D’ailleurs, ene dimoune zamais pas pou capave étudier aukaine livre avec sa qualité l’attitude là, et Quran encore plisse, li ene livre sacré ki réfize ouvert li-même à sa qualité dimoune là. Pour bane ki zis envie gagne ene connaissance superficiél de bane l’enseignements du Quran, ene sél lecture pou suffit pou zot mais pour bane ki envie enrichi zot-mêmes de sa bane l’enseignements là, même ki kantité lectures zot faire, li pas pou suffizant. Sa bane kalités dimounes là, zot bizin étudié Quran plusieurs fois, et zot bizin prend note de chaque point ki capave important. Bane ki oulé étudié Quran de sa façon là, zot bizin fér sa l’éxercise là, au moins 2 fois au début, pour ki zot capave gagne ene précision lors sa monde de croyances et de bane obligations ki Quran fine préscrire pour nous. Dans ene premier l’étude, bane dimounes bizin éssaye gagne ene perspective globale du Quran et saisir bane l’idées fondamentales ki li expozé et pour comprend le système de vie ki Quran li rode métte en œuvre ; ene système ki bazé lors sa bane l’idées là. Si arrivé ki ene dimoune ki premier fois pé lire Quran et line trouve ene point ki li pas comprend, li pou meilleur pour li, ki li persévéré dans so l’étude, même commié lectures li éna pour faire du Quran et sa pour ouvert so l’esprit plisse et li pour trouve solutions à so bane questions. Quand sa dimoune là fine gagne ene premier aperçu globale du Quran, après, li pour capave entreprendre bane recherches plus détaillés de sa livre sacré là lor divers sujets concernant l’homme en générale. Par exemple, so façon de vivre et couma Quran li enseigne la bonne moralité ki pour permétte l’homme, si li suivre sa bane commandements là couma bizin, pour réussi gagne le moyen pour vivre bien dans la société, dans la paix et l’harmonie. En même temps, sa pour permétte li approche avec Allah (twa) petit à petit. Et quand li commence ouvert so l’esprit à la réalité de sa bane l’enseignements là, li commence percevoir le pouvoir de sa bane l’enseignements là pour transforme so la vie complètement. Par exemple, kot li ti avare, li vine plus généreux et li prend conscience ki l’argent li pas faire so bonheur et quand li guette tout autour de li, li réalizé ki la vie bien courte et li pour bizin ene jour rétourne vers so Seigneur (Rab) pour rendre compte pour so bane actions. Quand li réalizé ki sa bane richesses là li seulement pour ene létemps et quand li trouve bane dimounes misères, ki pas pé capave mêm manzé à zot faim ditout ; li retire ene partie de so du bien, et li donne sa à sa bane dimounes pauvres là pour le plaisir d’Allah. Parski à mesure ki li fine étudier Quran li fine réalizé ki Allah li dans tous dimounes et quand li pé donné dans le chemin d’Allah, pour la cause d’Allah, li pé contribué à so propre bonheur parski li conné ki Allah pour content avec li. Quand li étudier Quran, li analyse li-même et li parfaire li-même d’après bane l’enseignements noble ki Quran prêcher. De ce fait, li inculqué en li-même l’humilité, la politesse, la courtoisie, la douceur, la fraternité ek ene devoir pour plaire à Allah dans tous circonstances avec ene lékaire pure et sincère. L’action d’ene dimoune d’après Quran, li dépanne de lékaire de sa dimoune là ; avec ki l’intention li pé faire li. Si li éna ene bon l’intention ek ene lékaire pure et sincère pour faire bane travail nobles pour la cause d’Allah et non pour lizié dimounes. Alors sa dimoune là li gagne pli bél valeur devant lizié d’Allah comparé avec ene dimoune ki zis lor la lèvres li prononce bane joli paroles mais ki so l’intention li impure et ki so lékaire li vide de sa bane l’enseignements là, kot li-même sa dimoune là li pas pratique séki li dire. Quran Shareef li la parole par excellence d’Allah parski li combine ou inclure tous bane l’enseignements ki ti prêché avant par bane prophètes ki ti vini avant le Saint Prophète Hazrat Mohammad (saws), et ki trouve dans bane tel livres couma Tawraat, Zaboor, Injeel Bagavad Gita etc. Le message d’Allah li Universel. C’est pour sa ki Quran fine vini comme ene livre Universel. L’essentiel de bane l’enseignements du Quran, c’est ki dimounes faudé débarasse zot de zot bane pensées négatif et zot concentré zot dans sa lecture là afin ki, pareil couma ene chercheur de vérité li assoiffé de la vérité, li ouvert so l’esprit à la vérité et li concentré li dans so travail ziska ki li gagne la vérité. Beaucoup l’enseignements noble et sage existé à travers le monde mais la beauté du Quran Shareef, c’est ki li englobe tous sa bane l’enseignements riches en spiritualités et moralité là en li-même comme ene promesse pour aujourd’hui et demain, pareil couma li ti ene promesse accompli pour bane l’époques d’avant. Dans ene Hadith, Hazrat Uthman bin Affan (ra) fine rapporter ki le Saint Prophète (saws) fine dire: “Bane ki pli supérieur parmi zot c’est bane ki apprane le Quran et enseigne li (aux autres).” (Bukhari) Sa veut dire, ki ene croyant, ou ene chercheur de vérité, li bizin fine fini établir li lors le Quran, kot li conne so sujet bien, kot li bien comprend l’essentiel du Quran, ki li so côté Arabe, et so traduction aussi, parski ene dimoune ki pas Arabe, si pas ena traduction, alors li pou difficile pou li pou comprend le Quran. Faudé quelqu’un ki Allah explique li philosophie Quran et bane commandements ki renfermer dans Li, et c’est ene fait sa, ki le Quran li ene tel trésor spirituelle kot jamais nous pas pou capave fini donne so explication. Ene dimoune ki vini de côté d’Allah capave vini et explique le Quran dans ene façon, d’après révélation et inspiration divine et aussi d’après bane dimounes dans l’époque ki li pé vivre. Sak l’époque pas complètement pareil. Par example, dans l’époque Hazrat Musa (as), situation de so l’époque et so peuple ki li ti ena pou diriger, fine demander ki li dure avec zot et ki bane la loi divine ki révélé zot dure dans ene certainement mesure (par exemple, la loi du talion). Par contre après li, kan Hazrat Issa (as) fine vini, so peuple, so situation et so l’époque fine demander ki bane la loi divine ki déssane lors li zot doux, dans ene façon de “laissez-faire”, kot si ene dimoune donne ou ene kalotte, alors au lieu combatte li, ou donne ou lotte la joue pou ki li kaloppe sa aussi. Alors kan le Quran fine vini dans l’époque ki li révélé pour la première fois, et sa jusqu’au jour du jugement dernier, alors so bane l’enseignement li ni trop sévère, ni trop laisse-passer. So la loi li juste et li dépanne lors bane situation. Alors, certainement, kan Allah envie fer So bane messagers, dans sak l’époque ki Li envoye ene pour explique So Quran, pou fer dimoune conne valeur Quran, alors Li révèle li, ou Li inspire li bane telle interprétations du Quran ki apte, ki correcte pour l’époque dans ki li pé vivre et avec bane dimounes ki li pé fer face. En 2009, Allah fine inspire moi (en anglais) sa bane paroles là lors le Quran Shareef : “Le Quran capave ouvert, mais si lékaire fermer, alors ou pas pou capave profite nannié de li; Le Quran li ene telle Livre ki bizin envahir lékaire et l’âme afin ki so beauté capave ressenti dans sakaine de nous bane actions, tout au long de nous la vie. Pou arrive à ene tel état d’union avec bane paroles d’Allah, alors ene kikène bizin médite lors là, comprend zot (bane paroles Quran) bien et agir lors zot (c’est-à-dire, mette zot en pratique ou prend référence lors zot) couma Allah (twa) oulé. Le Quran li ene fontaine de connaissance et aussi ene la fontaine de la Miséricorde d’Allah à toute l’humanité.” Alors ki Allah guide bane dimounes pou zot purifié zot à tel point ki zot percevoir bane vérités du Quran Shareef, et ki zot agir couma bane “Ulul’al-Baab” et bien comprend couma Quran li ene telle Livre d’Allah ki so contenu pou envahir zot la vie si seulement zot laisse le Quran réglée zot la vie, kot zot marche d’après bane commandements divines couma bizin, Insha-Allah, Ameen. Persécutions dans Kerala : Li bon ki zot conné aussi ki bane plans pou fini le Jamaat Ul Sahih Al Islam et humilier so bane partisans, mo bane humble disciples pé continuer même. Mo fine gagne la nouvelle ki bane Ahmadis dans Kerala pé faire la tête-lipié pou fini le Jamaat Ul Sahih Al Islam so réputation dans Kerala. Zot pas pé comprend même, et zot pé répanne sa partout ki le Jamaat Ul Sahih Al Islam li ene groupe terroriste. Et zot dire ki sa humble serviteur et mo représentant dans Kerala, Mukarram Amir Jamaluddin Sahib, nous bane chefs terroristes. Et zot pé fer toutes sortes kalités complots pou incite bane les autres dimounes contre mo bane disciples et contre nous Jamaat. Et aussi surtout bane policiers Ahmadi ki pas pé établir l’ordre couma bizin, mais au contraire zot pé mette plisse dézordre et incite à la haine et l’injustice. Alors mo donne zot ene avertissement bien sévère. Arrêter dans zot démarche pou fini nous et le Jamaat Ul Sahih Al Islam, sinon Allah (twa) nous Protecteur et nous Maître d’honneur pou humilié zot dans ene telle façon ki zot pas pou ena figure pou montrer au monde. Et si zot continuer dans zot bane mauvais travail, zot complots, alors mo pou bizin lance zot ene Mubahila pou vine dans la cour d’Allah, nom par nom. Zot pé traverse tous bane limites ki bizin ; fine arrive l’heure pou mette fin à sa bane l’injustice là. Et pou mette fin à sa bane l’injustice là, bizin vine dans la cour d’Allah. Ki li zot Amir dans Kerala, et zot bane Mullahs, et soi-disant policier protecteurs de bane droits humains. Zot fine vine pli pire ki bane Sunni dans Pakistan, saki pé fer avec bane Ahmadi. Allah conné ki bane mauvais plans zot pé fer, mais zot pé oublier ki plan Allah meilleur. Essaye fer du tort au Jamaat d’Allah et à mo bane disciples sincères, et zot pou trouver couma Allah pou dévire zot en-bas là-haut. Ki Allah aide mo bane disciples dans l’Inde, Kerala et aussi nous bane les autres frères et sœurs ki pé fer face bane persécutions et bane situations difficiles dans bane les autres parties du monde. Oh mo bane disciples, prend patience, assurément zot patience pou vine de Allah seul, et kan l’heure pou vini, c’est Allah ki pou diboute pou zot et fer nous bane l’ennemis commun mange la poussière ; la patience li bien amère, mais so fruit bien doux. Ki Allah fini bane ki oulé fer zot ditort, et ki Allah contigner montrer So soutien à So Jamaat Ul Sahih Al Islam, couma Li fer continuellement. Zot fine témoigne plusieurs de bane signes extraordinaire, alors pas perdi l’espoir lors Celui ki fine donne zot la vie et ki fine guide zot lors le droit chemin. Ki Allah change les cœurs de bane ki envie fer zot du tort, et mette zot lors le droit chemin, mais si zot pas oulé change zot bane mauvais l’esprit et plans, alors Allah pou certainement humilier zot dans ene tel façon claire ki dimounes pou témoigne de zot véracité, de nous véracité en tant ki bane serviteurs et Jamaat d’Allah. Insha-Allah, Ameen. La Mort d’ene Haut Personnalité : Mardi le 14 Mai 2013, le Père Roger Cerveaux fine décédé à l’âge de 65 ans. Pour l’église catholique li pas ti ene Père ordinaire, parski so la lutte pour bane droits de bane Créole fine fer li populaire, et aussi li ti ene bon orateur et chanteur de la chorale dans l’église. Alors, nous trouver couma doucement doucement sakaine de bane prophécies ki mo ti fer la fin décembre 2012 pé réaliser. L’église à Maurice fine perdi ene de so bane top prêtre, kot li ti bien actif au sein de so communauté, et Li ti même à ene certaine moment le Rédacteur en chef de zot magazine « La Vie Catholique » et li ti en faveur de bane dialogue inter-réligieux. Li ti bien, et li ti dans ene réunion avec bane les autres prêtres aussi kan tout d’un coup li gagne ene malaise, et c’est en route vers l’hôpital ki li fine trouve la mort. Li fine enterré dans cimétière de Poudre d’Or. Et Mercredi 15 Mai 2013, tous bane catholiques et l’Église ti en deuil. Ki Allah aide bane dimounes du monde entier pou trouve avec clarté So bane manifestations, et la réalisations de bane prophécies ki Li fer sa humble serviteur ici présent là fer. Ki Allah ouvert le cœur de bane dimounes là afin ki zot reconnaite la véracité de l’Islam, et so supériorité lors tous bane les autres religions, et ki Allah contigner montrer So manifestation de Puissance en faveur de So bane serviteurs élus dans sa siècle là, dans le Jamaat Ul Sahih Al Islam, et aide nous pou dirige bane dimounes vers Li, en soumission, Insha-Allah, Ameen.