Text Box: بسم الله الرحمن الرحيم Khutba Jummah HADHRAT AMIR’UL MUMINEEN MUHYI-UD-DIN Munir Ahmad Azim 19 Avril 2013 ~ (8 Jamad’ul Aakhir 1434 Hijri) (Résumé Khutba) Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire: (Huzur(atba) fine addresse beaucoup sujets important - s’il vous plait, écoute Audio. Jazakumullah) وَ لَوۡ اَنَّ اَہۡلَ الۡقُرٰۤی اٰمَنُوۡا وَ اتَّقَوۡا لَفَتَحۡنَا عَلَیۡہِمۡ بَرَکٰتٍ مِّنَ السَّمَآءِ وَ الۡاَرۡضِ وَ لٰکِنۡ کَذَّبُوۡا فَاَخَذۡنٰہُمۡ بِمَا کَانُوۡا یَکۡسِبُوۡنَ ۝ Wa law ‘anna ‘ahlal-quraaa ‘aamanuu watta-qaw lafa-tahnaa ‘alay-him barakaatim-minas-samaaa- ‘i wal- ‘ardi wa laakin kazzabuu fa-’akhaznaahum-bimaa kaanuu yak-sibuun. « Si peuple de sa bane pays là ti ena la foi et ti suive bon chemin, Nous ti va ouvert pou zot, bénédictions léciel et la terre, mais zot fine réjette la foi et Nous fine maille zot à cause de saki zot ti faire. » (Al-Araf 7: 97) En revenant lors le sujet de mo Khutba de la semaine d’avant (05 Avril 2013) lors signes ki distingue bane punitions divines de bane calamités naturelles, alors nous capave demande nous : « Bé kifér Allah permette ki ena la souffrance ? » D’après bane versets Quran, sak cause ena so l’éffé, action et réaction. Nous récolter saki nous semer ! Ene repentir sincère et défaire bane mals ki nous fer à nous propre être, et à nous bane frères et sœurs et la nature en général, alors à travers sa, nous assure pour nous-mêmes le plaisir d’Allah. La Nature li vine saki nous fér de li. Nous préserve li par nous bane propre bonnes actions et nous reste fidèle à sa Créateur ki fine créer tous sa là, là. Et alors, nous contribuer à nous propre bien-être physique, morale et spirituelle en obéissant et mettant en pratique bane commandements d’Allah. Sa bane commandements là permette nous pou garde ene balance de nous propre être, et de nous l’environnement aussi. Sa amène nous lors deuxième signe distinctif d’ene punition divine. Le deuxième signe ki différencier ene punition divine d’ene calamité naturelle c’est ki sa catastrophe là li bien proche d’ene nation ou de la tête d’ene dimoune, et li pou abatte lors sa nation ou dimoune là si sa nation ou dimoune là pas réforme li-même, et dans le cas d’ene nation, li reste attacher à bane messages divine ki so prophète améner de côté d’Allah. Dans nous l’époque, nous pé vivre dans ene nation universelle. Kifér sa ? Parski comme le Saint Prophète Hazrat Muhammad (saws) fine vini pour le monde en entier, alors comme ene signe de l’aspé universelle de so message, bane prophètes ki vini après li zot message aussi universelle. Alors le prophète en question, kan li vini, li averti bane dimounes d’ene punition proche, mais alors si l’humanité, ou ene partie l’humanité ou ene peuple spécifique ki li addressé, zot écouter et mette en pratique bane commandements divine, alors sa calamité là li annulé. Dans bane les autres cas, Allah reporte (ou postpone) ene calamité après avoir ki So Messager fine suppliyer Li sincèrement pou pas envoye sa punition là, mais selment plus tard kan Allah envoye sa calamité là, alors li pou trop tard pour sa bane dimounes là. Ena des fois Allah tester bane peuples de So bane Messagers afin ki zot l’obéissance ou désobéissance vine manifeste, et aussi ki zot saleté vine pli sale encore. Ene l’exemple c’est le peuple de Thamud, la nation du Prophète d’Allah, Hazrat Salih (as). Allah fine tester zot avec ene chamelle. Sa chamelle ti ene moyen pou dévoile au profondeur zot nature rébelle et mette sa au clair pou ki tous dimounes trouver, et alors après personne pas pou capave blâme Allah ki Li fine détruire sa peuple là, parski zot manifester ouvertement zot la haine contre Allah et So prophète. Punition ki zot ti recevoir ti en forme d’ene tremblement de terre bien puissant (Al-Araf 7: 79), ki aussi décrire comme ene grand Cri, ene grand explosion (Al-Qamar 54 : 32). Sa explosion bien térrifiant là, kot ena capave appelle li ene iruption volcanique ou ene tremblement de terre, alors en tous les cas, sa calamité là fine détruire zot bien vite. Allah fine servi bane forces de la nature même pou détruire zot, et sa pas ene coïncidence. Zot fine décide pou rébelle contre commandement Allah et zot ti envoye le plus méchant parmi zot, ki soi-disant pena aucaine la crainte, et sa dimoune là fine fer sa mauvais travail là au nom de so peuple en entier. Zot fine coupe la patte de sa chamelle là et alors sa dans lizié Allah ti ene kitchose bien affreux et avant sa zot fine refuse pou donne sa chamelle là so tour pou boire de l’eau. Zot ti croire ki sa chamelle là ti soi-disant sorti de côté d’Allah et alors zot fine refuse pou donne li à boire et zot fine tourmente li. En plisse de sa, zot fine coupe so bane la patte. Alors Allah pas fine déssande personnellement dépi léciel pou puni li, mais Li fine manifester Li-même à travers bane forces de la nature ki entoure l’homme, de so l’environnement même, pou fini li. Kan le peuple de Hazrat Salih (as) fine vine clairement ene peuple bien détestable, alors Allah fine servi ene tremblement de terre puissant même, d’ene grand explosion ou grand Cri insoutenable pou fini zot. Sa bane dimounes là fine en fait amène zot propre destruction à travers de saki zot la main fine rodé, fine envoye de l’avant, kot zot fine tourmente le signe d’Allah lors la terre, c’est-à-dire, sa chamelle ki Allah fine envoyé spécifiquement parmi zot pou tester zot, et kot zot fine coupe so bane la patte. Le troisième signe ki distingue bane punitions divine de bane calamité naturelles c’est ki Allah pas laisse bane croyants souffert même destin ki bane non-croyants kan Li envoye So punition. Allah sauve bane croyants et fer zot progresser vers zot but ensam avec le Messager Choisi d’Allah. Zot laisse derrière zot ene peuple maudit et zot alle ene l’autre place pou répanne le message d’Allah. Dans sa cas là, li appliqué pour bane prophécies ou bane avertissements ki le prophète en question fine avant sa fini prophétizé, fine fini dire en avance ki tandique ki bane non-croyants pou subir ene punition terrible et pou fini, mais selment bane croyants zot, zot pou sain et sauf, zot pou sappé de sa bane catastrophes là. Ene exemple de sa kalité l’aide et soutien divine là li trouve dans l’histoire de Hazrat Lut (as), le Prophète d’Allah. « Peuple Lut ti démenti bane avertissements. Nous fine envoye lors zot ene tornade (avec roches), mais pas lors famille Lut. Nous ti sape zot, le matin, comme ene faveur de Nous. Coumsa Nous sape bane ki reconnaissant. Li ti averti zot de Nous Punition, mais zot ti ena bane doutes à propos avertissements là. » (Al-Qamar 54: 34-37) Par la famille Lut (as), sa pas veut dire selement Hazrat Lut (as) so propre relation de sang, mais aussi tous bane dimounes ki fine croire dans li. So peuples, Sodome et Gomorrhe fine ensuite détruire totalement kot zot fine gagne coup de roche ki vine du ciel . Sa li aussi représenter par sa tornade ki fine saryé dans so passage bane roches pou fini zot. Dans lézot places dans Quran, nous trouver ki so propre la caze, dans le sense litérale ti ena femme de Hazrat Lut (as) ki pas fine croire dans so propre missié, et alors li fine alle parmi bane ki reste derrière pou mort ene la mort maudit. Ene l’autre aspect spécifique aussi ki bien important ki mo mentionné c’est aussi kan ene prophète li quitte so pays définitivement. Tanque ki li dans so pays, alors Allah retenir à ene certain degré bane calamité ki sa peuple là mériter. Alors, même si le prophète quitte temporairement so pays, alors Allah fer zot goûte ene partie de zot punition, seulement pou secouer zot et fer zot réalise zot bane erreurs, zot bane péchés ; alors penser ki pou arriver si le prophète en question quitte so pays définitivement. Même nous Aka Hazrat Muhammad (saws) pas fine épargner avec sa, kot li fine bizin émigrer à Madina, kot l’Islam fine progresser de sa l’endroit là. Comme di sa parole là : Nulle n’est prophète en son pays. Ki le prophète li alle seule ou bane croyants accompagne li, à cause révélation ki Allah donne li ki bientôt maintenant ene punition sans pareil pou touche sa peuple rebelle là, alors, le prophète et bane croyants zot quitte zot l’endroit ou zot pays sous l’ordre divine afin ki Allah capave envoye punition lors sa bane dimounes ki ti pé challenge Allah pou fer punition là tombe vrai lors zot. Nous bizin rappler aussi ki kan ene punition divine frappé, li capave ki certains croyants souffert de sa aussi et c’est aussi li claire d’après Quran Shareef. Le chemin vers Allah rempli de piquants. Seulement bane ki prend patience et ki ena lécoeurs pur, ki malgré bane calamités, ena bon pensée lors Allah et So prophète ; C’est sa bane là ki pou pleinement récompensés pou zot patience dans bane situations bien difficiles, ki zot confrontés. Sa bane Hadiths là dire nous : Ibn ‘Umar rapporté: le Messager d’Allah (saws) fine dire, « Si Allah envoye ene punition lors ene nation, alors sa abatte lors l’ensemble de la population sans discrimination et ensuite zot pou ressuscités (et jugés) selon zot bane actions. » (Bukhari & Muslim) Hazrat Aisha (l’épouse du Prophète) fine rapporté: le Messager d’Allah (saws) fine dire: « Aucaine calamité pas arrivé lors ene musulman sans ki Allah expié certains de so bane péchés à cause de sa, même si li fine piqué par ene piquant. » (Bukhari) Allah faire donc couma Li envie. Si Li fine promette à travers révélation divine à So messager, ki averti tel ou tel bane dimounes de punition, même so propre peuple dans so l’ensemble (et kot pour bane messagers d’Allah islamique dans un aspect universel) et dire à bane croyants ki nannié pas pou arrive zot, et ki zot pou gagne secours, alors sa vraiment pou accompli. Ene exemple de sa c’est promesse ki Allah ti fer à Hazrat Massih Ma’oud, Mirza Ghulam Ahmad (as) ki aucaine mal pas pou abatte lors li et tous bane ki pou dans so la caze. « Mo pou sauve de la peste tous ki reste dans sa la caze là. » Maintenant, so la caze capave veut dire littéralement so ménage et aussi bane dimounes, bane croyants sincères ki vine cherche refuge là-dans. Zot pou sain et sauf. C’est la manière par quoi Allah faire So bane messagers comprend le bon sens de bane révélations. Parfois bane révélations zot en parabole et bane prophètes bizin interprète sa, et zot gagne sa connaissance pou interprété là avec Allah, afin ki zot accompli à bien zot bane missions dans les meilleures conditions. Le quatrième signe ki distingue ene punition divine d’ene calamité naturelle c’est ki, dans le cas d’ene punition divine, avec so passage, la philosophie ou le mode de vie de sa peuple rebelle là li anéantie ou li disparaîte et Allah créé ene « nouveau monde », ene nouveau mode de vie kot bane dimounes vive selon bane instructions divines pendant ene certain période de temps, parski li aussi ene cycle, kot bane générations futures, plus loin dans le temps zot pou détériorer aussi et punition divine pou saizi zot. Nous trouve sa mentionner dans Quran: « Fine dire, « Ô Nuh, débarqué en sécurité de Nous et avec bénédiction lors toi et lors bane nations (descendant) de bane ki avec toi (dans l’arche). Mais les autres nations (ki pou né de zot), nous pou accorde zot pou jouir; ensuite ene punition douloureux pou touche zot de Nous part. » (Hud 11:49) C’est pourquoi, nous gagne d’abord ene l’âge d’Or, kot ene messager d’Allah li présent parmi l’humanité et so mission li définie à cette époque comme ene mission dorée, ene l’âge d’or, ensuite vine le temps après lui (après so la mort) kot so bane premiers successeurs, vraies et sincères, fer zéffort pou répanne so message dans quatre coins du monde (par exemple après le Saint Prophète Hazrat Muhammad (saws) fine ena bane quatre califes justes (Khulafa-e-Rashideen), et après la mort de Hazrat Massih Maoud (as), Mirza Ghulam Ahmad (as), fine ena so bane premiers successeurs pieux, kot parmi, ene ti so fils promis avec bane qualités messianiques, pou contigne le travail de so papa, à la fois biologique et spirituel), ensuite vine l’âge de Bronze, kot bane kitchoses commence détériorer et le peuple promis arrête vine pou Allah, zot pas fer saki Allah expecte de zot, et zot tombe tête baissées dans le péché en introduizant bane innovations dans la religion d’Allah et sa l’état persister et même vine pli mauvais dans l’âge de Fer kot tout gâté, l’ir-réligion (c’est-à-dire, tout saki pas ena lien avec la religion) propager partout. Puis vine encore ene fois ene âge d’or avec la présence d’ene autre chef Messager d’Allah (ki ene vrai disciple de sa Messager d’Allah ki ti vine avant li là, et ki ti ene chef parmi bane dimounes de so l’époque, et ki ti même chefs de bane réformateurs/prophètes ki vine après li) et sa cycle continuer même ziska le jour du jugement. Dans l’Hindouisme, dans Baghavad Gita, sa procé là appelle sa Kalpa et Manvantara, kot après le Kalyug (la noirté complet, l’âge de Fer), alors ene Prophète apparaite pou ré-amène dimounes vers Allah, vers la Spiritualité. Avec l’arrivé de sa Rishi là, alors ene l’âge d’Or ré-commencer. Nous trouver aussi mentionné dans Quran couma Allah fine anéanti certains nations et fine faire la terre, di sable et même de l’eau couvert ou submerge zot complètement. Aujourd’hui, à travers bane recherches arkéologiques, fine retrace certains de sa bane nations là, mais tout sa li matière à réflexion pour bane dimounes, comme ene signe ki faudé pas zot suivre bane traces de sa bane peuple rebelle là, de peur ki zot subir même sort de sa bane dimounes ki fine frappé par sa bane punitions là. Même le Saint Prophète Hazrat Muhammad (saws) ti pé évite pou passe à travers bane l’endroit de bane nations ki Allah fine maudit et puni, et si li et so bane compagnons pas ti ena d’autre choix ki pou passe dans chemins ki trouve dans sa bane places là alors le Saint Prophète (saws) ti habituer couvert li et pleurer en passant dans sa bane l’endroit là et li fine commande so bane disciples pou faire pareil, parski zot bane l’endroit kot Allah fine envoye So bane punitions. Par ailleurs ‘Abdullah bin ‘Umar fine rapporté ki le Messager d’Allah (saws) fine dire, « Pas rentre dans (bane l’endroits) de sa bane peuples ki fine recevoir bane punitions d’Allah, à moins ki ou fer li en pleurant. Si ou pas pleuré, alors pas rentre (dans sa bane l’endroits là) attention ki même malédiction d’Allah ki fine tombe lors sa zot (sa bane nations là) tombe lors ou aussi. » (Bukhari) Alors nous constaté ki kan Allah envie extermine ene peuple rebelle, Li envoye avant sa ene Avertisseur pou averti zot et tester zot pou découvert sa ki ena dans zot lécoeur. Même bane croyants ki dire ki zot croire avec leurs lèvres bizin passe par épreuve, afin ki zot l’intérieur vine manifeste. Si ena ene diamant dans la poitrine, alors li pou réflecter lors figuire, mais si ena ene maladie dans lé cœur, alors sa maladie là pou vine manifeste. Bane dimounes dans le passé fine passe par bane tels épreuves : Oh bane ki pé zéffort pou gagne la foi et pou croire sincèrement dans la Manifestation Divine de sa siècle là ; pas penser ki bane mêmes tests pas pou tombe lors ou. Allah pou mette ou à l’épreuve pareil couma Li fine fer avec bane dimounes dans le passé. En vérité, astère, bane épreuves pou vine pli intenses et bane bon récompenses pou vine pli doux zis à cause de l’aspé universelle de l’Islam, de par so nature pure. C’est le vrai façon de vivre ki Allah fine choisir pou So bane serviteurs choisis, bane ki fer zéffort pou offert zot-même tous les jours pour Allah, bane ki faire la volonté d’Allah vine zot volonté et pas ena aucaine objection dans façon ki Allah faire les choses. Zot laisse zot guider, et servi par Allah, pareil couma ene instrument pour l’accomplissement de la victoire de l’Islam dans bane derniers jours. En vérité, au cours de sa 10 ans là et aujourd’hui c’est le 19 avril 2013 ; en vérité exactement dix ans en arrière, bane premiers croyants dans la Manifestation Divine fine prend zot premier Bai’at dans la main d’Allah (ki fine manifesté à travers sa humble serviteur d’Allah ki présent devant zot azordi). Mo la main ti la main d’Allah, pareil couma Allah expliqué dans Quran et Hadiths. La main d’Allah ti lors zot la mains. Mais ki fine arrivé ? Allah fine tester zot avec quelques épreuves, bane ti épreuves, et au lieu zot reste fidèle à Allah et So Messager et l’alliance sacré ki zot ti prend avec Allah et So messager, zot fine tourne lé dos, et imagine le pire à propos du Messager d’Allah. Toutes sortes de mauvaises pensées fine vine dans zot l’esprit, et la plupart d’entre zot pensé ki le Messager d’Allah bizin agir selon zot propre volonté, pas celui d’Allah. Dix ans ! et plus tard, zot fine prend encore Bai’ats, mais kot zot été maintenant ? Dans ene vallée déserte kot na pas ena aucaine cultivation, aucaine progrès. Allah donne répi à ene peuple, pour ki zot arrêter dans zot mauvais chemin et ki zot repentir et reconnaître zot bane péchés ou défauts. Mais si zot persister dans zot la haine contre le Messager d’Allah, alors Allah conne mieux séki Li pou fer avec zot. Attention O mo bane disciples, pas suive l’exemple de bane dimounes ki fine ridiculize le Message et le Messager d’Allah et fine créé zot propres notions, zot propre l’idées de la Manifestation Divine. Allah faire ce qu’Il veut et Li présent dans sak lé cœur, et Li conne exactement le degré de zot la foi. Si zot tourne le dos aujourd’hui, alors pas oublier ki ou demain pas pou glorieux. Li pou paraître glorieux, en rose, pour ene temps limité, mais alors la main d’Allah pou frapper et pou laisse zot dans ene l’état déplorable ou bien Li pou fini ou nette. Cultive la crainte d’Allah, le Taqwa et reste toujours sous l’obéissance d’Allah et So messager, So Khalifatullah de sa l’époque là afin ki ou capave vine sain et sauf, dans sa le monde là et dans l’au-delà. Insha-Allah, Ameen.