Text Box: بسم الله الرحمن الرحيم Khutba Jummah HADHRAT AMIR’UL MUMINEEN MUHYI-UD-DIN Munir Ahmad Azim 20 Septembre 2013 ~ (14 Dhul-Qaddah 1434 Hijri) (Résumé Khutba) Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire: وَعَدَ اللّٰہُ الَّذِیۡنَ اٰمَنُوۡا مِنۡکُمۡ وَ عَمِلُوا الصّٰلِحٰتِ لَیَسۡتَخۡلِفَنَّہُمۡ فِی الۡاَرۡضِ کَمَا اسۡتَخۡلَفَ الَّذِیۡنَ مِنۡ قَبۡلِہِمۡ ۪ وَ لَیُمَکِّنَنَّ لَہُمۡ دِیۡنَہُمُ الَّذِی ارۡتَضٰی لَہُمۡ وَ لَیُبَدِّلَنَّہُمۡ مِّنۡۢ بَعۡدِ خَوۡفِہِمۡ اَمۡنًا ؕ یَعۡبُدُوۡنَنِیۡ لَا یُشۡرِکُوۡنَ بِیۡ شَیۡئًا ؕ وَ مَنۡ کَفَرَ بَعۡدَ ذٰلِکَ فَاُولٰٓئِکَ ہُمُ الۡفٰسِقُوۡنَ ۝ Wa-’adallaa-hullazina ‘aamanuu minkum wa ‘amilus-saalihaati layastakh-lifannahum fil-’ardi kamastakh-lafallaziina-min qablihim: wa la-yumakkinanna lahum diinahumullazir-tadaa lahum wa layubaddi-lannahum mim-ba’-di khaw-fihim ‘amnaa: ya’-bu-duu-nanii laa yushrikuuna bii shay-’aa. Wa man kafara ba’ da zalika fa-’ulaaa-’ika humul-faasiquun. « Allah fine promette bane parmi ou ki ena la foi et ki faire le bien, ki Li pou place zot lor la terre comme So Gérants, couma Li ti faire avec bane ki ti vine avant zot; et ki Li va renforci zot religion ki Li fine content donne zot, et ki Li va transforme zot crainte en sécurité. “Zot adore Moi et pas associer nannié avec Moi.” Bane ki refuse gagne la foi après ça, zot vraiment suive chemin travers. » (Al-Nur 24: 56). Tous bane formes de Khilafat ki fabriqué par la main de l’homme li voué à l’échec. Kifer? Ena évidamen plusieurs réponses à sa question là mais li pou zis possible aujourd’hui ki mo mentionne détrois seulement. Premièrement: Aucaine humain péna sa droit là pou choisir ene Khalifa ; sa c’est parski c’est seulement à Allah pou choisir So bane Khalifa pareil couma Li fine promette de parmi ‘bane ki ena la foi et ki faire le bien’. (24: 56). Au lieu de fer zeffort pou installe ene Khalifa par l’approbation de l’homme ou par le moyen d’ene vote, la communauté musulmane ti bizin sa cherche Khalifa d’Allah là parmi bane quelques soixante-treize (73) groupes, ou plus, qui constitué l’Oummah, ene telle Jamaat ki so bane suivants ena vrai la foi et ki faire bane bons travails, et ki dans lizié d’Allah mérite ki li recevoir sa bénédiction de Khilafat d’Allah là. Deuxième: Nous bizin bien comprend aussi ki type de Khilafat d’Allah ki mo pé causé ici li la suite naturelle, logique, et même chronologique de Nabouwwat de Hazrat Muhammad (saws), Nabouwwat ki li-même li dépendant de Rahmaniyat (grâce) d’Allah, et ki le Khalifa d’Allah li ena, aussi bien ki le Rahimiyat (miséricorde) d’Allah. Troisième: L’honneur et le privilège pou rassembler bane musulmans sous bannière de Khilafat d’Allah afin pou mieux défanne l’Islam. Alors nous capave dire ki zis sa communauté, sa Jamaat là pou régné, sa telle Jamaat au cœur de l’Islam ki fine créer suite à l’apparition du premier de bane Messies Islamiques. Couma nous conné, le siècle passé le premier Messie ti Hazrat Mirza Ghulam Ahmad (as) et c’est dans Jamaat de sa même Messie (as) là ki Allah fine élève pour sa siècle présent là ene Khalifatullah et Messie Promis (pour mo l’époque). Donc couma eski bane les autres sectes musulmans capave accepter le Khalifatullah de sa siècle là, si zot pas accepter le Messie Promis (as) du siècle passé ? Pareil couma pou bane les autres religions, zot pas ti capave accepter Hazrat Mirza Ghulam Ahmad (as) comme le Messie, si avant sa zot pas ti accepté nous bien-aimé Hazrat Muhammad (saws) et croire dans l’unicité d’Allah et croire aussi sincèrement dans le premier pilier de l’Islam. Vu la division ki existé au sein de l’Oummah, couma pou espérer ki ene Khalifa ki fine choisi par ene secte li accepter par bane membres de bane les autres sectes si astaire-là zot pé fini déjà traite zot entre zot-mêmes Kaafirs? Quant à bane chances de succès de bane l’organisations non-religieux au sein de l’Oummah, dans zot tentative pou choisir pou zot ene Khalifa, bane possibilités zot tellement minimes ki li pas pou convenir pou pense lor là à sa stade là. Faudé pas oublier ki Allah fine enseigne nous dans premier Surah du Quran Shareef (Al-Fatiha) pour prier entre autres pour ki nous pas prend même chemin de bane Juifs, bane Maghdhoubé alaihim. Sa bane là zot plus grand péché, zot plus grand malheur, c’est ki zot fine refuse, zot fine rejette zot Messie Jésus – Hazrat Issa (as), parski zot ti pé attane ene Messie guérrier, ki pou fanne disang, ene telle Messie ki pou ré-établir par sa moyen là pour zot le royaume de David ki ti sous contrôle de bane les autres. Dans place de sa Messie ki fanne disang là, c’est ene dimoune humble couma Jésus – Hazrat Issa (as) ki fine vini, avec dans so la main ene bâton, et ki ti ena seulement bane signes divines et bane arguments convaincants en so faveur. So royaume pas ti de sa lé monde là. Sa Surah Al-Fatiha là, nous récite li dans sak Rakaate de nous bane Namaz (Salaat). Pour ki nous lé cœurs vine réceptif (de So la vérité et pou accepter So Khalifa), Allah (swt) oulé, de par so grâce, ki nous répéte sa mise en garde sévère là plisse ki 30 fois par jour. Alors c’est à nous pou ouvert nous les cœurs pou ki li comprend. Donc, pareillement li pas indispensable ki le Khalifatullah de nous époque li ena ene royaume de sa dunya là. Au contraire li vine plisse avec ene royaume spirituelle, mais avec le temps, par Allah So l’aide, li gagne bane royaumes spirituelles et matérielles ; matérielles dans ki façon ? Seulement pour l’avancement de sa royaume spirituelle là, pou veille lors progrès et rétablissement de l’Islam comme la religion parfait ki Allah fine confié en premier à nous bien-aimé prophète Hazrat Muhammad (saws). Quatrièmement: Li clair ki tout type de Khilafat ou réformateur (Moujaddid) fabriqué par bane humains pou contrôler de près ou de loin par sa bane dimounes là. Kifer eski mo fine mentionne réformateur (Moujaddid), c’est parski Mawlana Shah Ahmad Noorani Siddiqui ti déclaré ki li même le réformateur du 15ème siècle et voilà bane Sunni fine publie ene livre pour faire comprendre ki feu Mawlana Shah Ahmad Noorani Siddiqui ti le réformateur du 15ème siècle et après la publication de sa livre là, voilà ki li fine mort, et moi personnellement jamais avant sa mo fine tende la proclamation de Mawlana Shah Ahmad Noorani Siddiqui officiellement kot li déclaré ki li-même Moujaddid ou réformateur du 15ème siècle. Même, ena beaucoup Sunni ki pas conne sa, et aujourd’hui so bane suivants pé prend li couma ene Pir (saint) et zot alle lors so tombe et faire Urs. Sa li à l’encontre de bane paroles d’Allah ki impose à bane musulmans sa ligne de conduite couma fine mentionner dans sa verset Quran là : « Zot adore Moi et pas associer nannié avec Moi » (Al-Nur 24: 56). Le danger ki le ‘Shirk’ représenté, c’est-à-dire, l’adoration, dans n’importe ki forme li été, d’ene l’autre ki Allah, li ici sévèrement condamné. Donc pou souligner ki tout bane formes de Khilafat ou réformateur ki pou soutenue financièrement, politiquement ou autrement par ene pouvoir temporaire quelconque, li pou symbole d’ene déviation ki rempli avec ‘Shirk’ et li pou constitué dans lizié d’Allah ene acte inacceptable à bane fondements même du Khilafat. A partir de sa consta là, ki bane perspectives pour le monde musulman? Li bon ki mo faire la communauté musulmane rappler sa message divine ki ena dans sa verset Quran là : « Et quiconque obéir à Allah et à So Messager pou parmi bane lors ki Allah fine répanne So bane faveurs, à savoir, bane prophètes, bane véridiques, bane martyrs et bane justes; ki kalité bons compagnons sa bane là été. » (An-Nisa 4: 70). La promesse contenue dans sa verset là li addresser uniquement à l’Oummah Muhammadiyya (saws) et non pas à ene l’autre Oummah, et sa bizin suffi pou fer lécoeurs de tous bane musulmans rempli avec la joie et l’espoir ziska l’éternité. Allah (swt) fine promette sa Khilafat Divine là à bane musulmans ki pou obéir Li et pou obéir à So Messager, et sa consisté en gro-somodo, en matière de bénédiction spirituelle, l’Apostola après le Saint Prophète (saws). Allah promette, au delà de rang de bane justes, de bane martyrs et de bane véridiques, bane statuts de Nabouwwat ou apostola non-porteur de loi. C’est-à-dire, entre autre choses, sa Nabouwwat ki pou déclenche, parmi bane Aakhareen, le deuxième cycle du Khilafat d’Allah (ki choisir par Allah) non pas par l’homme, ki fondé lors bane préceptes de l’Apostola et ene telle cycle ki destiné pou durer dans le temps. Donc pour le salut de l’Oummah nous bizin tout simplement avant décoince sa raisonnement là, c’est-à-dire, fer bane musulmans comprend ki la porte Nabuwwat encore ouvert, mais seulement pas ene Nabuwwat ki pou amène ene l’autre Quran, mais ene telle Nabuwwat ki pou reflé parfait de Nabuwwat de Hazrat Muhammad (saws), sans pour autant dépasse perfection de Hazrat Muhammad (saws), ene telle Nabuwwat ki pou fer l’Islam régagne so gloire, et sa, ziska le Jour du Jugement. Alors eski l’Oummah li disposée pou revoir so conception de ‘Khatme Nabouwwat’? Mo espère bien de tout cœur ! Ki Allah ouvert le cœur, lizié spirituelle de bane musulmans et de l’humanité pour ki zot attache zot à la valeur ki Allah fine donné à la vérité, surtout avec l’avènement de So représentant choisi afin pou guide zot tous vers Allah sain et sauf. Insha-Allah. Ameen.