Text Box: بسم الله الرحمن الرحيم Khutba Jummah HAZRAT AMIR’UL MUMINEEN MUHYI-UD-DIN Munir Ahmad Azim 21 Juin 2013 ~ (11 Shabaan 1434 Hijri) (Résumé Khutba) Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire: « … Et ene vrai Mouhajir, c’est celui ki évite saki Allah (Ta’ala) fine interdit. » (Boukhari) Mouhajir c’est ene dimoune ki fine faire Hijra. Littéralement Hijra signifié abandonner, quitter, déplacer, immigrer etc. Dans Shariah, li faire référence à sa l’évènement kan bane Sahaba et Hazrat Muhammad (saws) ti bizin quitte zot l’endroit natale, Makkah pour alle établir à Madina afin pou capave pratique Deen-é-Islam avec liberté. Donc, bane Sahaba fine bizin quitte zot bane madames, zenfants, zot du biens et tout saki zot ti possédé. Zot ti sorti la main vide pou alle établir à Madina avec l’unique but pou capave vive dans le plaisir d’Allah Ta’ala dans la liberté totale. C’était vraiment ene sacrifice énorme. Dans sa Hadith là, le Saint Prophète (saws) fine attire nous l’attention vers le fait ki l’essentiel dans tout sa là, c’est l’obéissance à Allah Ta’ala, non pli le déplacement ou changement de l’endroit. Le déplacement dépi Makkah à Madina, c’était la forme de Hijra et l’obéissance à Allah c’est le fond. Li vrai ki la forme li très important mais sa aussi li vrai ki le fond li pli essentiel ki tout. Ene forme sans fond, li vine ene kitchose tellement insignifiant couma dire li pas existé même. C’est dans sa sens-là même ki Rassoollullah (saws) pas fine considère ene déplacement ou changement de l’endroit sans l’obéissance à Allah Ta’ala comme Hijra. Acoze sa ene dimoune dans l’Europe ki pé pratique Deen, li pli bon ki ene dimoune dans Madina ki pas pé pratique l’Islam. Dans sa sens-là, le véritable Mouhajir c’est celui ki fine abandonne tout séki Allah Ta’ala fine interdit kan même li reste loin de Madina. Sa genre de Hijra là pour continuer existé ziska le Jour du Jugement. Dans sa sens-là, tout dimoune ki pour abstenir de saki Allah Ta’ala fine interdit, li pour ene véritable Mouhajir et jour Qayamat, li pour être décoré et honoré comme ene Mouhajir. D’après ene Hadith ki trouve dans Musnad de Imam Ahmad, le Saint Prophète Hazrat Muhammad (saws) fine dire: « Le véritable Hijra veut dire ki ou abstenir de bane actes immorale ki visible et invisible et ki ou observe Namaz et ou donne Zakaat. Après sa, ou déjà ene Mouhajir kan même ou mort dans « Khadramah » (ene l’endroit dans l’Arabie). » C’est-à-dire, kan même ou mort dans Khadramah ki li ene l’endroit apart, malgré sa ou ene Mouhajir si ou applique bane commandements Allah (twa) et ou pas casse So bane l’ordres parski l’essentiel c’est l’obéissance Allah (twa). A ene certaine l’époque, alle établir dans Madina, pratiquement parlant ti le seul moyen pour capave pratique la religion l’Islam librement sans aucaine contrainte. Acoze sa, dans sa l’époque là, Hijra ou bien alle établir dans Madina ti Faraz. Li ti nek Faraz pour ene certaine but. En li-même li pas ti pas ti sa nécéssaire là. Acoze sa kan le Saint Prophète Hazrat Muhammad (saws) fine conquérir Makkah et kan Makkah aussi fine vine sous contrôle totale de l’état Islamique. Hijra dépi Makkah à Madina aussi fine népli reste Faraz parski couma ene dimoune ti libre pou pratique so Deen dans Madina, li fine gagne la même liberté dans Makkah aussi. Mais le Hijra dans le sens abstenir de toute sorte péché, li pou reste en vigueur ziska tout le temps. Apart sa, si ene dimoune pé gagne difficulté pou pratique so l’Islam couma bizin dans ene certaine l’endroit, alors li Faraz lors li d’après so capacité pou alle établi dans ene l’autre l’endroit dans la mesure du possible kot li capave pratique so l’Islam. Coumsa même ene dimoune li bizin garde so distance avec bane milieu et l’environnement ki défavorable et ki bien pas bon pou so l’Islam. Sa genre de Hijra là c’est l’essence de Hijra ki pou applicable pou tout les temps. Et c’est sa même type de personne ki fine être qualifié de véritable Mouhajir par le Saint Prophète Muhammad (saws). Dans le Hadith, Nabi Kareem (saws) fine qualifié de véritable Mouhajir ene dimoune ki abstenir de faire saki Allah (twa) fine interdit. Eski sa li ene façon pour dire ki li pas important pour exécute l’ordre Allah Ta’ala pour être ene véritable Mouhajir ? Nous capave gagne so réponse à la lumière ene Hadith ki trouve dans Musnad Ahmad et Tirmidhi kot le Saint Prophète (saws) fine dire : « ... Abstenir de bane actes interdit, ou pou vine pli grand (celui ki reste engager dans Ibaadat) parmi tous bane dimounes. » Dans sa Hadith là, Hazrat Muhammad (saws) fine considère l’abstention de bane actes illicite et interdit comme élément le plus essentiels ki faire ene dimoune vine ene pli bon pratiquant. Pou explique sa, bane savants de la religion (Islam) dire ki l’obéissance à Allah (twa) li constitué de deux éléments : 1. Abstention de bane actes interdit, 2. Exécution de bane commandements. Mais abstenir de bane actes interdit li pli difficile. Donc li pli important. Ene dimoune ki ena sa dans li, li pou exécute bane commandements Allah (twa) pli bien. Peut-être c’est la raison pour laquelle le Messager d’Allah (saws) fine mentionne sa ene seul élément là dans le but pour attire l’attention et mette l’emphase lors so l’importance. Sinon sans éxécute commandements Allah Ta’ala, ene dimoune pas capave vine ene vrai Mouhajir. Si le Saint Prophète Hazrat Muhammad (saws) fine contente li avec mentionne sa ene seul-là, c’est nek àcoze ki sa ene seul-là li implique et nécéssite sa l’autre-là aussi ou bien àcoze ki sa ene seul-là li ene indication ki la personne li ena sa l’autre-là pli bien dans li. Maintenant mo ti envie explique quelque mots lors « Houb-boud-Dounya » (L’amour pour sa le monde là) après ki mo fine cause un peu lors Mouhajir. « Houb-boud-Dounya » veut dire attachement mondaine. Kan ene dimoune attache so le cœur avec dounya, alors sa créer bane maladie couma la gourmandise, l’orgueil, la jalousie etc. Et sa bane maladies là li induire ene dimoune dans bane péchés grave couma vol, viol, crime ki ranne la société invivable. Pou rémédié tous bane problèmes ki ena dans la société bizin cherche ene moyen pour traite le « Houb-boud-Dounya » ki selon Nabi Kareem (saws) li racine de tous péchés. Sa capave être remédié par devéloppe l’amour pour Aakhirat avec l’aide ene ki ena sa l’amour là dans li. L’amour pour Aakhirat li ena l’effet faire dimoune dézintéressé avec dounya sans faire li néglige ou abandonne dounya totalement. Dimoune vive dans dounya. Li pas capave dire ki li pas bizin dounya. Li bizin cherche dounya aussi mais sans aveuglé par dounya et sans vine esclave pour dounya. L’homme li couma dire ene navire ki pé navigué dans ene l’océan ki bizin de l’eau pour navigué mais sans ki de l’eau pénétré dans navire là. Sinon pou ena naufrage. Dans la même façon, kan dounya rentre dans le cœur ene dimoune, li noye so le cœur et li jette li dans péché et dans vice. Ene quantité ki ene dimoune bizin pour li vive lors sa la terre là, sa li Faraz. Mais sa dounya là ki faire ene dimoune blié Aakhirat et consékament faire li néglige so Deen li Haraam. Ena des fois sa démarcation, sa séparation entre Faraz et Haraam là li tellement sensible ki li difficile à distingué. Bizin ene guide spirituel compétent ki capave faire sa dimoune là traverse sa la passe difficile là, sain et sauf. Acoze ene guide spirituel fine toujours être considéré comme indispensable par bane vrai Uléma de tout l’époque ki sincère dans Deen, pou capave développe l’équilibre ki nécéssaire entre dounya et Aakhirat. Nous faire duah avec Allah (twa) ki Li vine nous guide n’importe kot nous été et protège nous dans bane moments difficile et bane moment kot nous pas pé capave prend ene décision, Insha-Allah, Ameen. Annonce (Manifestation Divine) : Alhamdulillah, Summa Alhamdulillah, kan nous cause Manifestation Divine, là-dans ena l’idée ki Allah manifesté Li. Alors, la Manifestation Divine dans le cadre de la venue d’ene Khalifatullah parmi zot, alors Allah manifester Li-même aussi en faveur de bane disciples sincère de So Khalifatullah comme ene preuve de So véracité et pou tranquilize lékaire de bane sincères. Alors pour aujourd’hui mo mentionne ene de bane signe de Manifestation Divine, Manifestation d’Allah dans dua ki nous frère de Delhi, Hazrat Mukarram Fazil Jamal Sahib fine fer. Li raconté : «... La semaine dernière, ti ena ene incident interéssant mais effrayant ki mo penser mo bizin mentionne à Huzur (atba). Le fait ki Delhi li pé passe sous ene intense canicule (climat extrêmement chaud) comme d’habitude dans l’été de Juin, mo fine souhaite et prié pour la pluie, malgré pas ti ena ene chance pou gagne la rain dans sa bane moments (mois) là, parski d’habitude saison Mousson li arrive à Delhi depuis Kerala seulement à partir de Juillet. Dans mo duah, mo fine envie ki (sa vine) ene signe de Mubahila spéciale en faveur de la véracité de nous cause. Alhamdulillah, miracle lors miracle, ti ena ene la pluie bien doux et joli pendant deux jours dans nous partie de Delhi et bane conditions climatique fine grandement amélioré en terme de moin de chaleur/ l’air chaud. Dans bane les autres parties de Nord de l’Inde, toutefois, sa même la pluie là fine dévasté (détruire) bane grand partie (de terre) et l’endroits, spécialement kot l’adoration massif de bane faux dieux ki sans pouvoir fer depuis bien longtemps. Des milliers de bane dimounes alle là-bas pou visite sa bane dieux silencieux là et astère zot littéralement lors la rue. Déluge dans le Nord de l’Inde paraite fine envahir bane la villes et villages entiers et des milliers (dimounes) zot dans grand tracas et la peine, et bane estimations en termes de bane coûts de bane dommages li colossal, concernant bane dibiens et pertes de la vies de bane dimounes ki pas encore bien estimé. Le gouvernement pé cause à propos des milliers de « crores » de roupies ki pou bizin pou résoudre sa « Tsunami Himalaya » là.... » (c’est-à-dire, sa très très très grand la perte là). Ki Allah gagne pitié lors So bane vraies serviteurs. Bane calamités de sa genre là li inévitable dans nous l’époque. Allah oulé crée ene nouvo monde, et pour sa Li bizin néttoye sa le monde là pour fer li vivable pour So bane vrais serviteurs. Nous fer duah ki Allah fer bane dimounes réalise zot bane erreurs et abandonne l’adoration de bane idoles pour consacrer zot l’adoration exclusivement à Allah. Insha-Allah, Ameen. Et Insha-Allah, ki Allah donne nous le Tawfiq pou fer nous Dawa dans la meilleur façon afin ki dimounes zot réalise et trouve la véracité de l’Islam. Ameen.