Text Box: بسم الله الرحمن الرحيم Khutba Jummah HAZRAT AMIR’UL MUMINEEN MUHYI-UD-DIN Munir Ahmad Azim 22 Février 2013 ~ (10 Rabi’ul Aakhir 1434 Hijri) (Résumé Khutba) Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire: وَ قُلۡ جَآءَ الۡحَقُّ وَ زَہَقَ الۡبَاطِلُ ؕ اِنَّ الۡبَاطِلَ کَانَ زَہُوۡقًا ۝ “Wa qul jaaa-al-Haqqu wa zahaqal-Baatil: Innal Baatila kaana zahuuqa.” Dire zot ki la vérité fine vini et fausseté fine disparaite, et faussetés bizin disparaite. (Bani Israil 17: 82) Mo pé continuer sa Khutba Jummah ki mo fine faire 2 vendredi ki fine passer kot Allah fine faire nous comprend le signe de véracité de sa bane versets Quran là. C’est sa ki ene groupe malgré ki li faible mais si li ena la vérité avec li, bé sa vérité là tellement puissant ki effectivement nous capave dire ki la vérité fine vini et mensonge fine disparaitre. Donc le secret de Dawa li là-dans, ki ou établi ou lien avec la vérité, ki quand quelqu’un pé attaque ou bé couma dire li pé attaque la vérité. Si quelqu’un pé guette ou travers, bé li couma dire li pé guette Allah travers. Si quelqu’un pé lever contre ou bé li couma dire, li pé lever contre Allah. C’est sa même message ki Allah pé attire mo attention, pou mo dire ou sa avec boucou de fermeté, ki bane infidèles croire l’Islam c’est ene pié faible. Li vrai ki l’Islam faible au commencement, surtout si bane musulmans pas encore prêt pour faire face bane épreuves plus dure pour la défense de la religion d’Allah. Li vrai ki bane musulman péna capacités de défense mais seulement li ene pied ki pou rapporte so fruits, et ena ene quelqu’un ki protège bane piés là pou ki zot rapporte bane fruits. Donc kot ou pou vine bane piés ki rapports bane fruits, là-bas certainement Allah pou déboute dans ou support et définitivement Allah pou faire chaque z’éffort de bane ennemis échouer. Mais pou ki sa bane z’affaire là arriver, li pas arriver comme sa même sa, li pas ene coute bâton magik sa ! Ou pou bizin établi ou lien avec Al-Haq, avec la vérité. Quand ene message vine depuis kot Allah, ou bizin prend sa en considération. Ou pas montre ou négligence là-dans et pou même ene séconde pas penser ki Munir pé dire sa, « Si pas nous bizin écouter, mette li en pratique ou non ». Si ou ena sa qualité égoïsme dans ou, alors mo demande ou pou retire ou propre égoïsme, retire ou « Moi ». Alors le travail de Dawa fine fini commencer, alors faire sa ki Allah fine dire ou faire, ou premier Dawa ou bizin faire avec ou même, si ou pé dire ki ou reconnaitre sa vérité là en pratique. Pas pensé qui travail là faire coumsa même sa. Travail de Dawa bizin fer lors terrain sa. Bizin joindre bane dimounes, bizin passe sa bane messages de vérité là. Faudé pas nous, nous couma sa bane les zot là, pas faire nannié et lors là critique bane ki pé faire zot travail ou sois décourage bane ki avec belle zèle pé faire zot travail. Au lieu, zot encourage zot dans sa travail noble là, zot bane façon azir faire zot découragé. Pense bien c’est ene plan ki Allah fine fer Li-même et arrive séki arrive bane plans d’Allah pou rentre en opération d’après décret d’Allah, d’après le moment ki Li fine choisir pou ki sa bane plans là marcher et porte so fruits. Alors nous, bane membres du Jamaat Ul Sahih Al Islam bizin continuer dans nous z’éfforts pou établir la vérité, la vérité ki Allah envie fer nous établir. Nous, nous ena pou fer Allah plaisir et travail d’arrache-pié pour fer la mission ki Allah fine donne nous triomphé. Alors, pour tout bane zaffaires ki zot fer, ki li lors Dawa, et zot bane les autres activités, ene rapport au plus vite bizin envoyé. Pour nous, sa le monde là bizin ene terrain fertile pour ki nous plante bane la grains de l’amour divine dans lékaire de bane dimounes. En vérité c’est Allah ki donne Imaan (la foi), mais li nous devoir nous pour donne zot le message, prépare sa terrain là afin ki si Allah oulé, Li guide sa bane dimounes ki Li envie et ki mérité d’être bien guidé vers le droit chemin. Ki Allah aide sakaine parmi nous bane membres pou comprend zot responsabilité. Moi, mo seulement ene humble serviteur d’Allah, message ki mo pé gagner décoté mo Rab, mo pé transmettre sa avec zot, maintenant c’est-à-zot de décider si pas ou pou azir d’après bane l’instruction reçus ou non, zot prend zot responsabilité, et Allah fine faire comprend ki ‘Arise and Create a new world’ et aussi plusieurs fois li fine dire moi : ‘You are the new Orbit’, et aussi mo Rab fine faire moi comprend, si zot tous lier zot avec la vérité, bé zot pou alle de progrès en progrès. Sa progrès là pou amène la satisfaction divine. Mais selment dès ki ou coupe ou connexion avec sa vérité là, bé Allah aussi pou coupe connexion avec ou et Allah fine faire moi comprend, plusieurs fois et mette sa devant mo bane disciples, bane membres du Jamaat Ul Sahih Al Islam ki tous séki le Jamaat Ul Sahih Al Islam pé faire, zot bizin mettre moi au courant et décision finale c’est le Khalifatullah ki pou prend. Allah pé faire moi comprend ki tous bane comités, activités, avant zot prend ene décision dans zot Amla, le Khalifatullah bizin au courant de tout et c’est à li ki révine la décision finale et si li fine donne so décision, personne dans le Jamaat Ul Sahih Al Islam pas bizin senti zot agacer ou perturber. « Ô Muhyiuddin, dire zot ‘Gloire à Allah et salut à So bane serviteurs ki Li fine choisir ; alors si Mo fine choisir zot, alors zot bizin écoute Mo bane parole et zot bizin faire Mo bane travail avec l’amour et avec accorité’. Dire zot : ‘Louange à Allah, à ki appartenir tout séki ena dans bane les ciels et la terre, et à Li tout Gloire dans la vie future. Li Sage et Li Bien Informé. Dire zot ki le Créateur Li bien informer de séki zot faire et l’heure là même li informe So serviteur et le serviteur d’Allah, li transmettre sa message là, avec zot tous. Faudré pas personne ena ene moin l’arrogance dans so le cœur, parce ki l’arrogance là, li pou détruire ou la foi, montré ou humilité. Et travail ensemble, zot tous avec tout l’humilité, pas blesse personne, surtout bane ki pé travail pou Mo cause, ou bizin faire ene manière oublier ou-même pou l’amour d’Allah. O Mo serviteur, Khalifatullah, toi, to toujours avec Moi, tous séki avec Moi, tous séki pou ena Taqwa dans so le cœur, li pou avec Moi et li pou avec toi aussi. Accepter la justice d’Allah, c’est dans sa façon là, ki ou pou dans la ligne de bane juste (pieux). » Faire séki Allah fine dire ou faire, coumsa ou pou être récompenser. Pense bien ki la Justice Divine, c’est sa ou vrai justice, c’est sa ou priorité (c’est la Justice Divine). C’est sa qualité justice là ki nous bizin gagne faim et soif, nous capave rassazier si ou content pardonner et aimer. C’est avec sa ki ou bizin lier ou, lier ou avec (Al-Haq) La Vérité. Dans sa contexte là, Quran fine mentionne so différent aspés. Mo pou mette sa devant ou en référence avec certaine versets. Premier zaffaire c’est ki ou bizin rappelle ki de toute façon ena sa confrontation là, et confrontation là ena lieu are bane ki apparamment fort et puissants. Mais avec l’aide Allah c’est faible là ki gagne le dessus. Dans ene lotte place en référence avec Hazrat Moosa (as), fine dire ki quand bane magiciens là fine vine devant Hazrat Moosa (as), bé Hazrat Moosa (as) fine dire zot ki, tout séki zot ena, jette par terre. Quand zot fine jette par terre, bé Hazrat Moosa (as) fine dire ki sa c’est magique sa et ici magique veut dire mensonge, fausseté, ene kitchose ki pas réel. Ene tel chose ki décevoir lizié dimounes, ene bane z’affaires ki péna importance. Et Hazrat Moosa (as) fine dire ki certainement Allah pas laisse bane méchants prospérer. Et Allah toujours supporte bane véridiques et Li montrer So support comme preuve. En fait là-bas, c’est ki fine arriver, c’est ki quand bane sorciers là ti fine jette zot la corde, bé sa pas ti détourner en serpents. C’était seulement ene tour de magique. Zot ti hypnotize lizié bane dimounes et bane dimounes là ti pé trouve serpents quand en fait pas ti ena aucaine serpents. Et quand Hazrat Moosa (as) fine jette so bâton, bé avec permission et bénédiction d’Allah et avec bane lois triomphante d’Allah, sa fine écarte frayeur de bane dimounes et à ce moment là aucaine hypnotisme pas ti pé travail et lerlà zot fine trouve sa comme la corde même. Pas ti ena même aucaine serpents. Donc si ou ena connexion avec la vérité, bé à ce moment là ou gagne ene courage, ene la force, ene puissance et lerlà ou trouve bane z’éfforts de bane ennemis comme ene nannié du tout. Ene z’affaire sans importance. C’est pourquoi sak fois Allah fine dire Hazrat Moosa (as) ki pas bizin to peur. Donc même si au commencement ti ena sa frayeur là, bé sa aussi ti connecter avec la vérité même. Li pas ti pense lors bane tricherie de bane ennemies, so le cœur ti propre et claire. Certainement zot ti pé trouve bane serpents même parceki sa ki zot l’idée pé dire zot, c’est sa même ki zot pou trouver. Allah ti conner ki li pé trouve sa mais Allah dire non pas bizin ti peur, nek jette to bâton par terre, lerlà to guetter ki pou arriver. Et quand li fine jetté, bé c’est la corde ki li fine trouver et pas ti ena même aucaine serpents. Donc si ler ou confronte bane l’ennemis, ou effrayer quand zot dire ki zot pou faire ceci et cela, ou reculer et ou penser ki ou fine faire erreur, bé à ce moment là ou pas pou capave vine ene bon missionnaire. Pou vine ene bon missionnaire ou bizin ena sagesse, mais pas capon, pas gagne frayeur. En ce qu’il s’agit de sagesse chaque prophète zot gagne la sagesse. Alors sans la sagesse pas capave ena le DAWA. Au début même de Dawa fine mette la sagesse comme condition. Mais à aucaine moment, Li fine mette condition de peur, de frayeur (bien sûr excepté la crainte d’Allah). Non. Allah dire ki Li avec nous. Ou capave guette anecdote la cave Thor quand Hazrat Muhammad (saws) ti à l’intérieur de cave là et bane l’ennemis ti juste en dehors. Ti ena ene frayeur extraordinaire. Hazrat Abu Bakr Siddique (ra) ti pé tracasse boucou pou la sécurité du Saint Prophète (saws). Mais avec ene fermeté et ene la force déterminant, li fine dire li, pas bizin to tracasser, nous pas seul, Allah avec nous ; sa c’est lien avec la vérité, aucaine frayeur pas capave gagne le dessus lors ou, si ou fermement attacher avec la vérité. Mais là-bas le Saint Prophète (saws) fine servi la sagesse. Li fine dire bane là (bane l’ennemies, so bane opposants), la vérité avec moi, zot capave vini et faire sa ki zot envie. Si bane dimounes subir bane pertes quand zot fer bane zaffaires en étant privé de sagesse, bé alors zot pas pou réussi. Bane vrai croyants, même ki zot trouve péna aucaine chemin de sortie, là aussi la tête haute, et confiance dans Allah bien fort dans zot lékaire, zot faire sa élaan (annonce) là, ki Allah avec nous. Sa annonce là Hazrat Moosa (as) aussi ti faire, quand li ti pé sauver de Pharaon. Li ti pé dire so peuple pas peur, Allah avec nous, si sa l’heure là li ti pé sauver de Pharaon, sa pas veut dire ki li ti pé peur non. Sa l’heure là, le Iman (la foi) et la sagesse demander ki li évite Pharaon, li aller et d’ailleurs Allah fine prouver ki sa c’était pas ene fuite de frayeur ; non, au contraire tout le peuple, y compris Pharaon aussi fine trouve manifestation d’Allah. Toute l’histoire fine ricorde sa anecdote ki ene Banda d’Allah fine triompher lors le grand Pharaon et tout l’armée de Pharaon fine noyer. Donc bane ki avec la vérité péna pou effrayer parceki la vérité li pou faire le travail mais si ou péna full lien avec la vérité et si ou péna full certitude ki ou avec Allah et Allah avec ou et si ou pas montrer sa bane signe de sa vérité là dans ou, bé jamais ou pas pou réussi dans le travail de Dawa. Ou la voix pou ena puissance, quand derrière sa la voix là, ena la puissance d’Allah ki causer ; quand