|
بسم الله الرحمن الرحيم
Khutba Jummah
HADHRAT AMIR’UL MUMINEEN MUHYI-UD-DIN
Munir Ahmad Azim
(09 Jamad’ul Awwal 1434 Hijri)
(Résumé Khutba)
Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:
L’année 1835 occupe ene place de fierté dans calendrier de l’homme. C’est dans sa l’année là même ki ene z’enfant fine né à Qadian, ki ene village bien retiré au nord de l’Inde. Pendant plusieurs bane générations so bane ancêtres fine régné avec distinction lors la région tout autour de Qadian. Avant so l’arrivée, même l’Islam fine tombe en déclin et fine perdi beaucoup de so gloire. Sa z’enfant ki ti né là pas ti ordinaire. Li ti destiné pou amène ene grand révolution non-seulement dans le domaine de l’esprit, mais aussi bien dans le domaine de la matière. Li fine né le 13 Février 1835 et so bane parents fine donne li le nom Ghulam Ahmad et bien plus tard, li fine plus connu sous le nom de Hazrat Mirza Ghulam Ahmad Qadiani. Allah ti choisir li comme le Messie et le Mahdi.
L’époque de so l’avènement ti ene l’époque d’ignorance, ene siècle noire dans l’histoire de l’Islam. Bane Musulmans pas ti conné couma pou défende la religion pure de l’Islam face à bane l’attaques de bane opposants. En plus de sa, pas ti ena beaucoup de bane dimounes dans sa partie de l’Inde là ki ti content pou apprane et gagne la connaissance. Ti à peine si ti ena détrois dimounes ki ti capave lire et écrire. Très souvent, à cause manque d’ene dimoune ki capave lire, ene lettre ti pé reste coumsa même, sans ki kikaine fine lire sa. Concernant l’enfance de Hazrat Mirza Ghulam Ahmad (as), alors dès so jeune âge même, so parents ti employe bane professeurs pou donne li quelques instruction, mais sa bane professeurs là même zot connaissance pas ti trop fort. Zot fine ensiegne li pou lire le Quran Shareef, mais zot pas ti assez compétents pou donne li ene l’éducation de base de la signification et bane profondeurs spirituelles du Livre Saint d’Allah. Ena professeurs fine donne li ene l’éducation ou l’instruction élémentaire de l’arabe et persan. Li fine apprane pou lire sa deux langues là sans faire toutefois bane grands progrès. Il fine étudié quelques livres lors la médecine locale sous la direction de so papa ki ti ene physicien (docteur) renommé. Sa ti tout concernant so l’éducation formelle.
C’est vrai ki li ti content lire bane livres, et li ti toujours occupé à lire dans librairie de so papa. Mais le fait ki dimounes pas ti trouve la connaissance et l’étude avancé dans le domaine de la connaissance comme ene nécéssité dans sa l’époque là, alors so papa ti oulé ki Hazrat Mirza Ghulam Ahmad (as) aide li dans so bane zaffaires mondaines et pou intéresse li pou gagner popularité et l’estime sociale. En conséquence, so papa fine essaye empêche li pou continuer avec so l’étude et fine mette li en garde pou fini so létemps avec bane livres. Li clair ki avec ene telle l’éducation de base, li pas ti capave mette en exécution le grand travail ki Allah fine confié li. Donc Allah Li-même fine vine so Guide et Professeur, et fine enseigne li la signification du Quran Shareef, et bane secrets de l’âme et de la vie. Allah fine illumine so l’esprit avec So propre la lumière, et fine béni li avec ene maîtrise de la plume et de l’expression pour défende l’Islam. Li (Allah) fine aide li pou écrire plusieurs livres d’ene éclat supérieur et pou prononce bane discours ki bane riches réservoir du savoir et de la connaissance spirituelle.
Dans zot bane paroles et écrits, bane anciens prophètes fine prédire le temps de so naissance. Mo mentionne aujourd’hui la prophécie ki le Saint Prophète Hazrat Muhammad (pssl), le chef de bane prophètes fine faire, kot pou ena deux grands signes ki pou manifester dans léciels.
Sa bane signes là c’est bane l’éclipses du soleil et de la lune ki pou ena lieu dans le même mois Ramazan. L’éclipse de la lune pou produire dans premier de bane la nuits possibles pou bane telles l’éclipses. L’éclipse soleil pou produire dans deuxième de bane jours possibles pour bane telles l’éclipses. Faudé li ene vrai prophécie et ki bien important même ki le Saint Prophète Hazrat Muhammad (saws) avec l’aide d’Allah fine donne sa bane telle précisions là. Pou prédire bane telle l’évènement ti bizin vraiment ki Hazrat Muhammad (saws) ti gagne bane telles connaissances ki au-delà de bane limites de la connaissance humaine.
En fait, kan sa moment fine arriver kot Hazrat Mirza Ghulam Ahmad (as) fine déclare li le Mahdi, alors sa proclamation là fine suivi de sa deux grands signes célestes là, sa deux l’éclipses là couma ti fine prédire avec précision et exactitude. Pa ena doute ki ene telle déclaration et prophécie de Hazrat Muhammad (saws) ti basé lors la révélation divine et bane l’évènements ki fine passé 1400 ans plus tard et ki fine passé dans nous l’époque actuelle aussi fine prouve sa. Sa prophétie là ti d’ene nature ki l’homme pas capave dire sa par li-même. Ti bizin ki Allah même fine donne sa connaissance là et alors dans l’époque de Hazrat Mirza Ghulam Ahmad, sa prophécie là ti réaliser pour la première fois depuis l’époque du Saint Prophète Hazrat Muhammad (saws).
Alors sa z’enfant ki ti né en 1835 fine déclaré en 1891 ki li-même li le Messie Promis et Mahdi. Pour prouve so révendication, li fine mette en avant plusieurs arguments et fine cite ene plus grand nombre de bane signes célestes. Li fine présente aussi au monde ene nombre de so bane prophécies kot détrois là-dans fine accomplie durant so la vie, et l’accomplissement de bane les autres fine accompli plus tard et pé même continué ziska azordi. Bane théologiens de sa l’époque là fine rejette so révendication. D’après zot, ene de bane raisons pour sa rejet là c’est ki sa prophétie du Saint Prophète Hazrat Muhammad (saws) là, ki ena tré à bane l’éclipses lunaires et solaires ki ti bizin ena lieu dans ene certain mois et à bane dates précis et ki ti bizin vine ene signe de la véracité d’ene telle prétendant, pas fine encore accomplie. Sa c’est zot pensé ! Et alors, d’après zot, Hazrat Mirza Ghulam Ahmad (as) pas capave être le Mahdi.
Mais Allah (twa) tenir toujours So bane promesses et traite So bane serviteurs sincères avec l’amour et constance. En accord avec So promesse et prophécie du Saint Prophète Hazrat Muhammad (saws) ; bane éclipses lunaires et solaires fine ena lieu au mois exact et à bane dates exactes en 1894, et fine manifesté encore au monde entier l’année suivant dans l’hémisphère de l’ouest. Sa deux l’éclipses là fine manifester dans mois précis et à bane date précis, de sorte ki bane peuples de l’Orient et de l’occident, du nouveau monde et de l’ancien monde capave témoigne de la gloire suprême d’Allah et de la véracité du Saint Prophète Hazrat Muhammad (saws) et de so garçon spirituel, Hazrat Mirza Ghulam Ahmad (as). Grand li sa prophète exceptionnelle là, c’est-à-dire, Hazrat Muhammad (saws) ki fine faire sa prophétie là lors base de connaissance divine, et so garçon spirituel (Hazrat Mirza Ghulam Ahmad) aussi so statut bien grand, ene telle garçon en ki sa prophécie là fine réalisé. De Hazrat Muhammad (saws) à Hazrat Mirza Ghulam Ahmad (as) au cours de 1300 ans, bien tiguitte dimounes fine déclare être le Mahdi, mais le soleil et la lune pas fine témoigne d’aucaine so véracité sauf dans le cas de Hazrat Mirza Ghulam Ahmad (as).
Sa tousel li assez pour faire zot réfléchi, sans passion et avec empressement, la revendication de prétendant (Hazrat Mirza Ghulam Ahmad) ki so message c’est pou prouve la véracité de l’avènement du Messie Promis et Mahdi à travers sa deux éclipses ki fine manifester au mois précis et à bane dates précis et le soleil et la lune zot témoins de so véracité. Tout sa fine arrivé en conformité avec la volonté divine couma fine révélée au Messie Promis (as). Ki Allah accorde zot la force et l’occasion pou accepter sa vérité là et pou profite de sa. Insha-Allah, Ameen. |
