|
بسم الله الرحمن الرحيم
Khutba Jummah
HADHRAT AMIR’UL MUMINEEN MUHYI-UD-DIN
Munir Ahmad Azim
22 Novembre 2013 ~ (18 Muharram 1435 Hijri)
(A Madagascar)
(Résumé Khutba)
Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:
اِنَّمَا الۡمُؤۡمِنُوۡنَ اِخۡوَۃٌ فَاَصۡلِحُوۡا بَیۡنَ اَخَوَیۡکُمۡ وَ اتَّقُوا اللّٰہَ لَعَلَّکُمۡ تُرۡحَمُوۡنَ ٪
‘Innamal-Mu’-minuuna ‘Ikhwatuun fa-’aslihuu bayna ‘akhawaykum wattaqullaaha la-’allakum turhamuun.
« Bane croyants, zot vraiment bane frères. Alors faire la paix entre ou bane frères, et crainde Allah, pour ki ou gagne So miséricorde. » (49 : 11).
A la lumière de sa verset ki mo fine fek réciter devant zot là, le Khutba Jummah d’aujourd’hui consacré lors la fraternité en Islam. Dans so profond intuition humain ki li ti ena, Rassulullah (saws), dès so l’arrivé à Madina fine décide pou établir bane liens de fraternité entre bane habitants de Makkah (Muhajireen) et bane habitants de Madina (Ansars). Li fine prend la résolution pou établir ene l’atmosphère de fraternité, d’intégrité et de coopération entre sa bane Muhajireen ki fine abandonne tout – zot l’endroit, familles, richesses – pour la cause de l’Islam et de zot coté, bane Ansars, zot bane tels dimounes ki fine offert zot (sa bane Muhajireen là) ene refuge sûr et ene l’hospitalité bien généreux et sans aucaine attente pou gagne kitchose en retour.
Sak musulman de Madina fine depuis sa jour là gagne comme frères ene musulman de Makkah. Tous lé cœurs de sa bane croyants là fine réuni par l’amour d’Allah, et zot fine vine ene sel lé cœur ki ti pé batte dans bane la poitrines différents. Sakaine de bane Ansars de Madina fine amène kot li avec beaucoup contentement et fierté ene Muhajir (émigrant) ki fine tiré au sort. D’après Abu Musa (ra) le Prophète d’Allah (saws) fine dire : ‘Ki ene croyant bizin vine pou so frère (croyant) couma brique d’ene bâtiment, kot sakaine renforci l’autre’, et alors li fine entre-croize so lédoigts (pou montrer sa lien solide ki bizin ena entre bane croyants là). (Bukhari).
Sak frère (Ansar) ti content so frère (Muhajir) plisse ki li-même et kan ene ti pé mort, alors sakaine ti pé hérité de so camarade, à l’exclusion de bane héritiers naturels. (Sa la loi corrigé fine après). Certains de bane Ansars fine alle dans ene tel stage ki zot ti pé préfère divorce de zot bane femmes afin ki zot bane frères (Muhajireen) capave marié avec bane pli joli madames parmi sa bane divorcées là.
« Bane ki ena la foi et ki ti émigrer et ki fine lutté avec zot du bien et zot lécorps dans chemin Allah, et bane ki ti donne sa bane là ene l’endroit pou rester et ti aide zot, sa deux bane là, zot camarades ene à l’autre. » (8: 73).
Sa fraternité là, basé lors ene la foi (Imaan) solide et incassable fine apporte l’établissement d’ene société sain et kot ena l’harmonie et alors ene nouveau l’époque, ene nouveau la porte fine ouvert pour le progrès et l’épanouissement de l’Islam. La base de sa fraternité là pas ti trouve dans couleur la peau, ni dans family-feeling, ni dans langage parlé, ni bane liens de sang etc. Mais bien au contraire li ti sourcer d’ene véritable croyance, d’ene croyance pure et sincère.
« Bane croyants, zot vraiment bane frères. Alors faire la paix entre ou bane frères, et crainde Allah, pour ki ou gagne So miséricorde. » (49 : 11).
Donc dans sa verset là Allah fine ordonne à bane croyants pou vine bane dimounes avec bane sentiment humains et pou vine pieux et pou toujours souhaite le salut de so prochain. Numan Ibn Bashir (ra) fine rapporté ki Rassulullah (saws) fine dire : « Bane musulmans zot couma ene sel lécorps. Kan lizié malade, lé corps entier souffert et kan la tête souffert tout le corps souffert! » (Muslim).
Ene l’exemple ki ena tout so poids et ki démontrer sa fraternité exceptionnelle li trouve dans bataille de Yarmuk (Tabuk) : ene soldat de l’Islam ki ti blessé demande un peu de l’eau kan kikaine (so cousin) fine passe près avec li avec de l’eau. Alors sa cousin là ti pé alle donne li de l’eau là pou boire, kan zot fine entende ene l’autre soldat ki ti pé demande de l’eau. Alors sa soldat bléssé là fine demande à so compagnon (cousin) pou alle servi de l’eau à sa l’autre frère là attention ki li ti pli besoin sa de l’eau là ki li. Alors missié là fine alle vers sa deuxième soldat là et alors ki li ti pé alle servi li sa de l’eau là, ene l’autre la voix fine demande de l’eau. Alors sa deuxième blessé fine demande sa dimoune là pou alle vers so compagnon (sa troisième bléssé là) et pou donne li sa de l’eau là attention ki li pé bizin sa de l’eau là plisse ki li.
Kan sa dimoune ki ti pé servi de l’eau là fine arrive kot sa troisième dimoune là, alors sa soldat là fine fini mort. Li fine alors retourne kot deuxième soldat là et li aussi ti fine fini mort, et kan li fine retourne kot premier là aussi (so cousin), li aussi fine fini mort. Sa montré combien le goût de l’amour, l’amitié et la fraternité fine ancré au fond de lé cœurs de sa bane compagnons là ki fine accepté pou sacrifier même zot la vie à cause de sa fraternité là.
Rassulullah (saws), nous bien-aimé prophète, ti pé considère la fraternité Islamique comme ene de bane signes claire d’ene Imaan (foi) parfait. Li caractérize même le caractère indispensable d’ene Imaan parfait. C’est-à-dire, sans l’amour pour so prochain là, Imaan en li-même li pas complète.
Le Saint Prophète Hazrat Muhammad (saws) fine dire : « Zot pas pou rentre dans paradis (jannat) ziska séki zot ena la foi (zot croire) et zot pas pou gagne la foi aussi longtemps ki zot pas content les z’uns les autres. » (Bukhari & Muslim).
Dans ene l’autre Hadith rapporté par Abdullah bin Amr, Rassulullah (saws) fine dire: « Ene vrai musulman li celui ki pas faire aucaine mal à bane musulmans ni par so la langue ni par so la mains ». (Bukhari)
Eski li pas grand temps à ene musulman pou cherche pou faire du bien pour so prochain, pou aide li autant que possible et pou maintenir le lien de fraternité ene envers l’autre ?
« Li pas ene musulman (parfait) celui ki mange à so la faim tandi ki so voisin péna manger (pou mange à so la faim). » (Baihaqi)
Allah dans So miséricorde sans limite content So bane créatures plisse ki ene mama content so bane zenfants. Si nous comprend bien, Allah fine manifester seulement ene sel pourcent (1%) de so pitié et l’affection lors la terre, d’ene telle façon ki dans sa ti ene pourcent (1%) là, même pli féroce de parmi bane zanimo arrive pou content so bane petits. Mais bien ki Li (Allah) rempli de bonté, de clémence, de miséricorde et de grâce, Allah pas pardonne celui ki nourri rancune et la haine dans so lé cœur. Pou ena l’amour pou nous frère pour la cause d’Allah li ene caractère très noble et ene qualité extra apprécié par Allah, et à travers sa, SO bane faveurs et So protection zot assuré pou sa dimoune là ki li dans sa le monde temporaire là, ki li dans Aakhérat.
« Ena 7 kalité dimounes ki Allah pou protéger de So l’ombraze le Jour du Jugement kot pas pou ena aucaine les autres l’ombraze excepté So l’ombraze. Ene de sa bane dimounes là c’est : Deux dimounes ki content zot camarades à cause Allah, ki unir à cause de Li et ki séparer à cause de Li (Allah). » (Bukhari)
En l’absence d’ene telle l’amitié, c’est la haine et la rancune ki manifesté et sa deux là zot considéré comme deux éléments destructifs de nous (Imaan) la foi, de nous bane bons actions.
Hazrat Abu Huraira (ra) fine rapporté ki le Messager d’Allah (saws) fine dire : « Sak Lundi et Jeudi bane actions de tous bane dimounes zot exposé devant Allah et Li pardonne à tous sauf bane Mushrikeen et sa dimoune ki ena la haine entre li et so frère ziska ki zot réconcilier. » (Muslim).
Rassulullah (saws) fine exhorte nous pou chercher la réconciliation aussitôt possible afin pou pas donne l’avantage à Shaïtan de ré-serre d’avantage né de la rancune et de la haine. Nous dans le Jamaat-Ul-Sahih-Al-Islam, nous prêt pou nous réconcilier avec tous nous bane frères et sœurs dans l’Islam, quelque soit ou croyance et ou divergence ; nous pas l’ennemie de quique ce soit. Nous bane frères d’ene même Oummah, ki croire dans ene sel Bondié, dans le plus grand prophète (saws), le Kitabum-Munir (le livre ki éclaire nous tous) c’est-à-dire, le Quran Shareef. Alors vini ensam nous tous comme ene sel lé corps, unir-nous pour l’amour d’Allah et So Rassool (saws) pour échapper avec la colère d’Allah et ensemble anou propage l’unicité d’Allah, Insha-Allah.
Hazrat Muhammad (saws) fine dire à sa sujet là : « Li pas permette à ene croyant pou abandonne so frère plisse ki trois jours ; celui ki faire sa pou après la mort rentre dans l’enfer ». (Abu Daoud).
Comme le Khalifatullah de sa siècle là, mo même prêt à pardonne et réconcilié avec mo frère Abdul Ghaffar Janbah, malgré bane grands batailles, duel de prière (Mubahila), et saki li fine dire lors Hazrat Mousleh Maoud (ra) et même bane frères de Lahori Party, mais à condition ki zot arrête dire et écrire bane bêtises contre Hazrat Mousleh Maoud (ra). Si zot accepter sa condition, mo prêt pou réconcilier avec zot (lors certain conditions), pou oublier nous divergence et pou unir ensemble et de même pour Jamaat Ahmadiyya International et gagne ene dialogue très amicale et cordial avec le 5ème Khalifa-tul-Massih Hazrat Mirza Masroor Ahmad et aussi avec bane frères et sœurs, ki fine quitte la Manifestation Divine, kan zot la foi dans moi bien faible pour pas dire ki zot la foi dans moi zéro.
Donc parmi bane façons pour gagne (le taqwa) la crainte d’Allah, c’est pou propage le Salam – et sa pou apporte la fraternité. Abu Hurairah (ra) fine rapporté ki Rassulullah (saws) fine dire : « Zot pas pou rentre dans Paradis tanque ki zot pas ena la foi et ki zot pas content les z’uns les autres. Eski mo guide zot vers ene telle kitchose ki si zot fer li zot pou gagne l’amour entre zot ? Répanne la paix (le Salam) entre zot. » (Bukhari).
Et en vérité Assalam-o-Alaikum li ene telle formule ki ouvert la porte de la réconciliation, ré-serre bane liens de fraternité et en même temps li ferme la porte de l’ennemité, la haine et la rancune.
Kan zot passe près avec bane dimounes ki pencher vers le mal, salué zot, zot méchanceté et zot la haine envers ou pou teigne. Insha-Allah. |
