|
بسم الله الرحمن الرحيم
Khutba Jummah
HADHRAT AMIR’UL MUMINEEN MUHYI-UD-DIN
Munir Ahmad Azim
(15 Shawwal 1434 Hijri)
(Résumé Khutba)
Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:
یٰبَنِیۡۤ اٰدَمَ قَدۡ اَنۡزَلۡنَا عَلَیۡکُمۡ لِبَاسًا یُّوَارِیۡ سَوۡاٰتِکُمۡ وَ رِیۡشًا ؕ Yaa-Banii-Aadama qad-’anzalnaa ‘alaykum libaasayy-yu-waaril saw-’aati-kum wa riishaa. “Ô zenfants Adam ! Nous fine donne ou linge pou ouvert ou parties privées, pou embellir ou.” (7: 27).
یٰۤاَیُّہَا النَّبِیُّ قُلۡ لِّاَزۡوَاجِکَ وَ بَنٰتِکَ وَ نِسَآءِ الۡمُؤۡمِنِیۡنَ یُدۡنِیۡنَ عَلَیۡہِنَّ مِنۡ جَلَابِیۡبِہِنَّ ؕ ذٰلِکَ اَدۡنٰۤی اَنۡ یُّعۡرَفۡنَ فَلَا یُؤۡذَیۡنَ ؕ وَ کَانَ اللّٰہُ غَفُوۡرًا رَّحِیۡمًا Yaaa-’ayyuhan-Nabiyyu qul-li ‘azwaajika wa banaatika wa nisaaa-’il Mu’-miniina yudniina ‘alayhinna min jalaabihinn: zaalika ‘adnaaa ‘ayy yu’ rafna falaa yu’-zayy. Wa kaanallaahu Ghafuurar-Rahiimaa. “Ô Prophète ! Dire à to bane femmes, à to bane ti filles et femmes bane croyants ki zot baisse lors zot, zot grand robe. Coumsa, dimounes va reconnaite plus vite (ki zot bane musulmanes) et pas va tracasse zot. Allah pardonner et gracier.” (33: 60).
وَ قُلۡ لِّلۡمُؤۡمِنٰتِ یَغۡضُضۡنَ مِنۡ اَبۡصَارِہِنَّ وَ یَحۡفَظۡنَ فُرُوۡجَہُنَّ وَ لَا یُبۡدِیۡنَ زِیۡنَتَہُنَّ Wa qul-lil-Mu’-minaati yaghdudna min ‘absarihinna wa yahfazna furuujahuna wa laa yabdiina ziinatahunna… “Dire bane femmes ki gagne la foi, ki zot baisse zot lizié et garde zot chasteté, et ki zot pas laisse voir zot parure et zot beauté, et ki zot pas laisse voir zot parure et zot beauté...” (24: 32).
Le voile islamique, c’est-à-dire, le Hijab ou l’habillement islamique en générale – tout saki concerne le Pardah – fine depuis tout les temps sujet de débat dans plusieurs pays ki dire ki zot modernes et ki ena bane l’idées ouverts, bane pensées libérale. L’Ouest et bane pays ki fine adopter bane cultures européen de par le monde percevoir bane femmes musulmanes couma bane prisonniers et sans aucaine dignité, simplement par zot façon pou habiller, pou couvert zot de la tête au pied.
Couma nous fine constaté la semaine dernière dans mo Khutba Jummah (16 Août 2013), la femme dans bane pays de l’ouest pé toujours amène la lutte pour retrouve ene semblant de dignité et d’égalité avec bane hommes ; ene telle dignité et égalité ki l’Islam fine depuis longtemps donne zot depuis so l’avènement. Mais malheureusement, en percevant l’Islam couma ene religion ki étouffe bane madames dans bane longues linges, la femme azordi jour, ki dire ki li moderne fine perdi dignité et le vrai sense de valeur d’ene femme et la pudeur ki attribué à li (la femme). Mais seulement, si li (madame là) analyse bien l’histoire et la vie de bane femmes pieuses avant l’Islam, li pou trouvé ki l’habillement islamique, le Hijab et le Pardah en générale, kot ene madame li couvert li bien, même de la tête aux pieds, ki sa en fait ti vraiment l’identité de la femme dans le passé, non pas couma ene barrière à so liberté mais ki l’habillement pure et modeste c’est sa so vrai identité. L’exemple de la vierge Marie (Hazrat Mariam (ra)) li ene l’exemple pli précis de sa. Si la femme en général, peu importe so l’appartenance religieuse li suive l’exemple de la vierge Marie, alors li pou trouve li identifié à la femme musulmane, parski Marie (ra) li incarne l’image et le rôle de la femme avec perfection, dans so piété, so pureté et so l’habillement physique ki pure et modeste, so l’habillement morale et aussi spirituelle, ene telle l’image et l’enseignement ki l’Islam fine promouvoir et prêcher.
Malheureusement, l’habillement libérale de bane dimounes de l’Ouest zot attire bane dimounes de plus en plus et en conséquence l’habillement modeste, Pardah fine perdi so place dans la société. C’est sa même libération là ki la racine de l’adultère et d’ene mauvais nature kot bane femmes, kot sa attire la colère d’Allah lors zot. Guetté zot-même le niveau moral de bane pays ki fine encourage sa liberté là. Est-ce ki sa liberté et sa renonciation pou porte le voile fine contribué à zot progrès dans le chemin de la pureté, de la chasteté ? Ene femme musulman ki pieuse, et ki préserve so pudeur (Haya), ki préserve so lé corps, c’est li ki tenir tête à la communauté mondiale pour démontrer la beauté de bane l’enseignements de l’Islam grâce à l’habillement ki Allah fine donne li. Alhamdulillah.
Quant à bane z’hommes de sa société ki dire ki li moderne et libérale là, zot fine vine couma bane chevals sans lésse; ni zot ena la crainte pou Allah, ni zot croire dans jour du jugement. Zot adore bane plaisirs de sa le monde là. Donc couma pou change sa mauvais perception ki bane z’hommes ena lors la femme et lors so façon pou habiller modestement, sans attirer bane regard vicié de bane z’hommes vers li ?
Pour sa, nous bizin corrige en premier l’état moral de bane z’hommes parski beaucoup problèmes, sinon la plupart (de bane problèmes), zot liés à l’immoralité de bane z’hommes.
Le Quran Shareef ki so bane l’instructions zot prend en considération tous bane demandes et bane faiblesses de la nature humaine enseigne nous ene règlement bien noble : « Dire à bane z’hommes ki gagne la foi, ki zot baisse zot lizié et garde zot chasteté. C’est plus propre pou zot. » (24: 31).
Hazrat Anas (ra) fine rapporté ki Hazrat Muhammad (saws) fine dire : « L’absence de la pudeur (Haya) dans ene dimoune fer li vine villain ». Ene dimoune, que ce soit ene femme ou ene z’homme, li vine villain kan li pas ena Haya. Bane dimounes ki fine engage zot dans fer bane travails malsains zot ena ene l’apparence dégoûtant et détestable. De même bane femmes ki perdi zot pudeur à cause de certains de zot bane mouvements zot vine graduellement moins attirant.
Le Messie Promis Hazrat Mirza Ghulam Ahmad (as) quant à li fine montré nous bane symptômes de sa maladie là et fine encerclé la racine de sa bane problèmes là. Si faire la reforme de bane z’hommes et si bane femmes senti zot en sécurité en zot compagnies, c'est-à-dire, si sa bane z’hommes et femmes là capave domine zot passions, à ce moment là nous capave discuter si bane femmes capave adopter le ‘Pardah’ ou non. Pour le moment, et sa li coumsa depuis la révélation du Quran Shareef, li constitué ene idéale ki sak musulman et sak humain en générale bizin lutter pou faire concrétiser.
Le Quran Shareef et le Saint Prophète Hazrat Muhammad (saws) fine conseillé ki ene femme li protège li de bane regards de bane z’hommes, excepté bane dimounes autorisées par Allah, couma so mari, so papa etc., et ki li préserve so l’innocence kot li couvert li bien avant ki li quitte so la caze pou fer kit travail ou besoin.
Ene madame ki pas protégé par ene l’habillement décent li couma ene l’appât pour bane dimounes vicié. Dans bane circonstances actuelles la liberté pou dévoile so lé corps li pou ékivo, li pou pareille à présente bane moutons devant bane lions.
Le Messie Promis Hazrat Mirza Ghulam Ahmad (as) fine dire : « Pou bane dimounes intelligents li très clair ki la plupart de bane actions de l’homme zot influencées par so « Nafsé Amara » (l’âme ki dirige li vers le mal). Bane z’hommes zot si emportés par zot bane passions ki zot oublié la colère d’Allah. N’importe kot sa zot trouve bane jolies jeunes femmes, zot pas hésiter pou jette zot mauvais regards lors sa bane là. Pareillement, ena bane femmes, ki, sous l’influence de zot bane mauvais relations, zot jette zot regard dans ene mauvais façon lors bane z’hommes ».
L’esprit de ‘Pardah’ englobe aussi bien la chasteté et l’honnêteté aussi. Ki ou ene z’homme ou ene femme, zot bizin préserve zot chasteté, zot modestie et inculquer sa à zot bane zenfants. En effet, sa grand qualité morale là li ene bouclier contre péché. En vérité le Pardah islamique c’est la pudeur (Haya). Si ou protége ou pudeur, bane anges d’Allah pou éloigne ou de tous sortes kalités mal et péché ki ena parski meilleur ‘Pardah’ li basé lors la pudeur et l’amour-propre. Si ou protége ou pudeur, ou sens de vivre en accord avec bane commandements d’Allah, alors Allah pou vine ou Protecteur contre bane tentations sataniques ki toujours là présents pour faire ou, corps et âme dévier de Allah.
Mais kan il s’agi de vie ou de mort, alors faudé pas hésiter par pudeur. Le moindre hésitation pou transformer en la honte et sans pudeur. Dans tous bane la lois, ena bane exceptions ki Allah tout à fait comprend. Ici, le sens de la pudeur li totalement différent. Dans ene moment kot tous bane les autres z’hommes offert zot la vies couma en temps de guerre ou de Jihad, si kikaine choisir pou retire li de sa bataille ou Jihad là soi-disant par amour-propre, à ce moment-là sa dimoune là so conduite li pou ene conduite méprisable et rempli de la honte.
Donc bizin comprend le sens de l’amour-propre d’après bane circonstance. L’éducation de bane z’enfants bizin fer dans ene telle façon ki demain zot pas vine bane dimounes ki manque courage, ki gagne peur et ki bane lâches. A aucaine moment faudé pas zot recule devant zot bane responsabilités. Zot bizin être prêts pou participer pleinement pou répanne le bien autour de zot et engage zot dans bane tel activités pou promouvoir sa bien là. C’est ene défaut sa ki ene dimoune li hésiter pou prend part dans fer ene bon action. Donc, bane mamans bizin fer zot ene devoir pou inculquer le vrai sens de l’amour-propre à zot bane z’enfants : c’est-à-dire, ki sa bane zenfants là bizin être vraiment fière pou prend part dans ene bon action et ki li bizin senti li coupable, honteux et gagne ene dégoût pour kit mauvais action. De sa façon là, ‘Pardah’ pou établi par li-même. Li pou vini naturellement.
Li facile pou répére bane madames et bane filles ki observe le ‘Pardah’ islamique. Zot entre zot-même tranquille, bien à l’aise et rempli avec dignité. Par contre le comportement de certains femmes et ti filles li bien choquant. Ena tifilles âgé de dix ou douze ans ou même plus encore, ki li ti filles ou madames, zot pas hésiter pou serre la mains avec bane z’hommes étrangers. Li étonnant ki à sa l’âge là bane parents pas fine fini éduque zot et discipline zot lors le ‘Pardah’. Sa bane ti filles là zot attirées par le mode de vie de bane les autres et sa vanité et sa show-off ki zot montré azordi jours là pou fer zot vine bane dimounes sans l’amour-propre demain. La tendance européen et so perception de la liberté fine rentre d’ene façon bien drastique dans bane femmes dans l’Islam. Bane attractions ki sa soi-disant liberté là proposé – et sa c’est en fait travail Shaytane ki pas hésité pou trouve bane façons pou dévier bane dimounes du chemin d’Allah – alors sa bane attractions là donne à bane femmes musulmanes de nos jours ene perception banale de liberté ki zot trouve malheureusement attirant. Sa bane femmes là préfère alors suivre même actions de bane madames ki fine opté pour vivre ene la vie libérale, sans pudeur, bane telles femmes ki offert zot-même dans ene lé monde sans foi ni loi. Mais bane femmes vraiment pieuses, c’est zot ki bane préservatrices de bane la lois Quran, et arrive séki arrive, zot pou fer bane z’éfforts pour instituer bane la lois divines et pou obéir sa bane la lois là tout en côtoiyant bane z’hommes tous les jours, que ce soit lors zot lieux de travail et dans bane places publiques.
Donc le sens de la pudeur bizin être inculqué dès l’enfance même. Parfois li arrivé ki ene madame, sans ki li attane, et kot li trop tard pou li fer marche arrière, li arrivé par force alle serre la main d’ene z’homme et alors li fer sa en vitesse tout en portant ene dégoût pour sa action là. Alors sa li compréhensible. Mais li pas convenable pou prendre plaisir dans serre la main à gauche et à droite selment parski sa à la mode. Sa pratique là pou détruire la pudeur et la honte de nous société.
Insha-Allah, mo pou contigne lors le même sujet Vendredi prochain. Ki Allah aide nous tout, missiés et madames pou maintenir le Pardah islamique, que ce soit au niveau physique, moral et spirituel. Anou vine bane vrai l’exemples de modestie et de chasteté afin ki Allah content avec nous, et ki nous marche peu à peu vers la construction d’ene lé monde ki respecté z’hommes et femmes tous les deux couma bane êtres égaux et ki préserve zot chastetés pour ene génération pure ziska le jour du jugement. Insha-Allah, Ameen. |
