Text Box: بسم الله الرحمن الرحيم Khutba Jummah HADHRAT AMIR’UL MUMINEEN MUHYI-UD-DIN Munir Ahmad Azim ~ A Grande Montagne – Rodrigues ~ 24 Mai 2013 ~ (13 Rajab1434 Hijri) (Résumé Khutba lors la Fête des Mères) Sa faire moi ene plaisir pou cause avec mo bane frères et sœurs Rodriguais, de Rodrigues, et aujourd’hui le Salaam li transmette depuis Rodrigues ziska tous bane l’Iles avoisinants, que ce soit à Maurice, à la Réunion, à Mayotte, à Seychelles, à Comores, à Madagascar, à Kerala, à Trinidad et Tobago, dans Japon et dans le monde en entier kot ena nous bane membres, nous dire zot tous ene « Assalamoualaikum Warahmatullah Wabarakaatouhou ». C’est vrai ki depuis Lundi le 20 Mai 2013 ki mo à Rodrigues, et pas mal de travail ki fine fer, de côté administration Jamaat, de côté zoine bane membres du Jamaat, bane travails, et même de côté Dawa, et même pou trouve ene centre. Là-dans, mo tenir à faire beaucoup duah et remercier nous frère Aza ki fine aide nous dès début ki mo pé quitte Maurice même pou rentre dans Rodrigues, et c’est ene dimoune ki fine fer so travail à cœur. Li fine jette li nette dans le bataille, nuits et jours ensam avec d’autres personne, et ki Allah béni li. Rodrigues c’est ene l’île ki li connecté avec Maurice, ki appartenir à district de Maurice, et aussi nous ena beaucoup de Mauriciens ki aller à Rodrigues aussi. Ena beaucoup de bane Rodriguais ki à Maurice et zot aussi malgré ki de nationalité zot Rodriguais mais zot possède passeport et carte d’identité Mauricien, zot ena bane privilèges pareil couma bane Mauriciens, et bane Mauriciens aussi kan zot vine Rodrigues, zot aussi zot adapter zot avec la vie de Rodrigues. Comparé à travail ki nous ti vine faire au commencement, première fois à l’Ile Rodrigues, kan nous ti vini, nous ti pé propage la mission de Hazrat Mirza Ghulam Ahmad (as), le Messie du siècle passé, et nous ti pé faire beaucoup bane Dawa – en même temps invite bane dimounes vers l’unicité d’Allah – mais aussi ti pé fer zot conné ki le Messie Promis, ki tous bane religions pé attane (Exemple : la Chrétienneté pé attane la venue de Jésus) fine vini en la personne de Hazrat Mirza Ghulam Ahmad (as). Et après sa, zot tous au courant ki kan mo fine fini travail, kot siècle pé terminer, 19ème siècle pou rentre dans 20ème siècle, l’année 2000 kot 3 mois, moi et mo famille nous ti là-bas fine travaille beaucoup et dès ki fine rentre Maurice, complot fine fini fer à Maurice même, fine fini envoye bane rapports négatifs contre moi, et voilà, dès ki mo rentre Maurice – et zot tous pou rappelle dans dernier Khutba ki mo ti fer, Khutba Jummah en l’an 2000, ki kalité bane frères et sœurs ti émotionné, et dès ki mo rentre Maurice – le 1er Janvier 2001 ; ine commencé à partir de 1er Janvier 2001 même, calendrier chrétien (solaire), voilà ki mo alle en dehors de Nizam-é-Jamaat. A cause kifer ? A cause mo fine dire ki mo gagne bane révélations ki vine de côté d’Allah. Ene Messager kan li vini li pas marche lors tapis velours. So bane paroles, so bane travailles, pas tout dimounes ki apprécié so bane travails, ni so bane paroles, ni so bane messages ki li pou invite zot vers ene sel Dieu. Li gagne beaucoup de problèmes, beaucoup de persécutions, mais selment li persévérer. Li ena ene full croyance, ene full sincérité, ene full l’espoir ki Allah (twa) fine élève li comme So Messager, et li fine vini comme le Messager d’Allah, et arrive saki arrive, même zot tous persécute li, même zot tous torture li, même zot tous mal prend so bane messages, mette li dehors, fer plans, fine fer complots, fine fer bane grand grand discours lors mimbar de Hazrat Muhammad (saws) pou humilié sa humble serviteur là mais aujourd’hui Allah (twa) – zot pou rappelle bien ki en 2009 nous ti vini, mo avec mo bane familles, mo délégation, et en 2011 mo fine vine là, et maintenant c’est en 2013 ki mo présent et kot voilà Insha-Allah, nous pou ouvert nous centre maintenant. Cette fois-ci kan mo fine vini, peut-être en l’an 2000 kan mo ti fer sa Khutba là, beaucoup ti émotionné. Kan Khutba ti fini, zot fine zoine moi et dire kifer mo fine dire sa bane kalité paroles là ? Ena ressenti ki mo pou aller, mo pou alle nette, ena ti dire ki « ou pas pou vine Rodrigues astère, ou content pou alle travail dans bane pays couma La Réunion, pou reste là-bas, ou pas pou vine guette nous maintenant », ena même ti alle ziska sa « peut-être ki ou pé ressenti ki la mort pé vini, ki ou pas pou parmi nous ». Sa aussi ti ena. Mais, par la grâce d’Allah, ti ene l’autre kalité la mort. Ene la mort de complots, de la haine, de jalousie, ki zot fine persécute moi. Si pas ti ena Allah (twa) à mo côté, mo ti fine fini (ene dimoune fini). Mais doucement doucement Allah (twa) fine élève moi, et en 2009 kan mo fine vini, mo vini avec ene Jamaat ki Allah fine élève moi. Mo but cette fois-ci, pour propage l’unicité d’Allah, pou fer zot reste ferme dans zot la foi dans Hazrat Massih Maoud (as) et maintenant mo vini cette fois-ci, mo vini avec ene tabligh, ene Dawa kot mo invite zot tous pou croire dans sa humble serviteur ki Allah fine envoyé dans sa siècle là. Malgré ki kantité mensonge, ki kantité menti bane là fine causé, ki kantité complot zot fine fer, et ou ki là ki témoigné, et ou ki là ki fine raconte moi beaucoup bane zaffaires – Ena fine arrête frékante Jamaat Ahmadiyya à cause sa bane paroles, bane zaffaires ki zot fine dire là. Donc, voilà ki mone révine parmi zot, mais cette fois-ci mo pas fine vine parmi zot comme ene missionnaire du Jamaat Ahmadiyya. Cette fois-ci mo fine vini comme ene Dai-Illallah, ene serviteur d’Allah, comme ene Messager d’Allah, comme ene Prophète d’Allah et mo devant ou. Donc, mo bane séjour ici pé tire à so fin et voilà, travail pou contigner, et avant mo aller, mo bizin fer zot comprend le Khutba d’aujourd’hui. Que ce soit li à Maurice, que ce soit mo trouve sa à Rodrigues, bane grand grand shopping zot pé fer pour Fête des Mères, pour Fête Mamans... Avec sa grand mouvement ki ena dans Port-Mathurin, pé asté bane cadeaux pour maman. Fête maman pas fer dans ene sel jour. A Maurice aussi, sa kantité promotion ki ena pour Fête des Mères... (Huzur fine donne ene longue apercu lors mouvement pour Fête des Mère et fine expliquer couma zenfant fer compétition pou asté pli bon cadeau pou zot maman, mais selment lors crédit, et arriver même kot finalement kot zot pas capave payer et Magasin vine saisi cado, et kot même arriver ki parents paye zot propre cado !...) وَ وَصَّیۡنَا الۡاِنۡسَانَ بِوَالِدَیۡہِ ۚ حَمَلَتۡہُ اُمُّہٗ وَہۡنًا عَلٰی وَہۡنٍ Wa was-saynal ‘insaana bi-waalidayh: hamalat-hu ‘ummuhu wahnan ‘alaa wahnin… « Nous fine prescrire pou dimoune à propos zot papa et mama – parski so mama fine saryé li, supporte li dans la peine lors la peine... » (Luqman 31:15) Sa verset ki mo fine fek récité là li longue, mais mo fine récite seulement sa boute ki relatif à sa sujet ki mo pé développer azordi lors bane parents, surtout ene mama. Le fait ki Allah fine cause de bane parents dans le même verset ki Li cause de Li-même, kot Allah dire : « ... Remercier Moi et to parents aussi... », sa montré à ki point nous bizin faire maximum z’efforts pour servi nous bane parents – maman et papa – ki fine sacrifié beaucoup pour nous. Kan nous faire sa, c’est-à-dire, faire zéffort pour servi nous parents, alors nous vine bane meilleurs dimounes et nous attire le plaisir d’Allah lors nous. L’importance d’ene mama dans la vie d’ene être humain li incontestable. En effet, le Quran et bane Hadiths fine élabore lors sa sujet là dans bane détails. Malheureusement, bane musulmans azordi jour et la société moderne en général fine donne l’importance à choisir ene sel jour pour honore ene mama, kot zot appelle sa, La Fête des Mères ; à tel point ki sa fine prend ene tournure et ene l’ampleur tout à fait commercial. Et saki pli chagrinant c’est pour trouve bane musulmans adopter ene sel jour de l’année, pareil couma bane Européens et zot compatriotes de les autres la foi pour exprimer gratitude à zot parents et pou montrer ene forme de l’affection ki matérialiste ; alors sa pour ene musulman li ene acte égoïste. L’Islam pas bizin ki ajoute dans li bane tels innovations ki déforme la religion ; surtout bane innovations ki bane les autres dimounes fer, que ce soit La Fête des Mères  ou ene lotte kitchose. So bane l’enseignements lors le respect de bane mamans li tel ki li (l’Islam) pas bizin ki intégré dans li kit innovation couma La Fête des Mères. Au contraire, l’Islam favorise ki bane zenfants honore zot bane parents et pou démontrer surtout ene tendresse et vine pli attentionné à zot mama à cause de bane difficultés ki li fine traversé pour li (sa zenfant là) kot sa mama là fine bizin passe par: (1) la grossesse, (2) l’accouchement et (3) l’allaitement. Sa Hadith ki rapporté par Abou Hourayra (et ki nous conné très bien) et ki trouve à la fois dans Bukhari et Muslim donne nous ene l’idée bien claire de l’importance d’ene mama. Ene dimoune ti vini et fine demande le Prophète d’Allah (saws), ki sanlà pli mérite so meilleur traitement (et l’affection) et le Messager d’Allah (saws) fine à sak fois – trois fois en tout – dire ki mama vine avant, parski sa dimoune là à sak fois ti pé pose la même question, et lors quatrième fois, kan sa dimoune là pé démander ki vini après ene mama, alors le Saint Prophète (saws) fine réponde li ki so papa vine après. Alors, nous trouver ki ene mama li trois fois pli mérite bon traitement d’ene croyant (so zenfant). Bane zenfants en général zot bizin faire maximum z’éffort pou honore zot mama et papa, mais selment malheureusement bane zenfants azordi jour zot oublier bien vite valeur de zot bane parents, surtout zot mama ki fine sacrifié beaucoup pour donne zot naissance. La maternité li ene carrière, et bane ki prend sa chemin là, ki rentre dans sa domaine là, zot bizin essaye pou vine le meilleur là-dans. Li le devoir de sak mama pou cherche bane meilleures techniques et stratégies couma pou élève zot bane zenfants. Azordi jour ena beaucoup de bane matériel ki disponible, ki li Islamique et aussi bane connaissance général lors couma vine ene bon parent, mais bane sources d’information ki bien pli importants, c’est le Quran Shareef et Sunnah du Saint Prophète Hazrat Muhammad (saws). Ene bon mama li possède bane qualités rémarkables. Personne pas capave remplace li dans la vie de so bane zenfants si li pieuse, attentionné, sans l’égoïsme et rempli d’amour pou so Créateur, Allah (twa). Sa c’est bane qualités ki assure ki li pou vine meilleure l’université pour la construction de so zenfant. Sa bane qualités là agir couma ciment, di-sable et de l’eau qui assure bon construction d’ene masjid dans so la caze, ene telle masjid ki consacré pour la cause d’Allah, et sa masjid là li pas autre ki so zenfant, ki li ene zenfant ou plusieurs. Li bizin trouve en li-même sa bane qualités là afin pou fassonne avec so l’amour, discipline et bane instructions Islamiques l’avenir de prochain générations de bane musulmans. Ene telle mama li assure de sa façon là la continuation de bane traditions Islamiques, mais si li pas ena sa bane qualités là ou li laisse li plonger dans le style de vie de l’occident et li ignore so bane devoirs islamique envers so foyer et so bane zenfants, donc, pas pou récolter nannié de bon de li et so bane zenfants pou alle à la dérive, kot zot alle perdi l’essence de l’héritage spirituelle ki zot ti supposé mérité kan Allah fine fer zot né dans ene famille musulman. L’amour d’ene mama li incomparable, humainement parlant. N’importe couma zenfant là été, ki li jeune ou vieux, en bonne santé ou handicappé, obéissant ou dézordre, mama là toujours content so zenfant. Sa l’amour là li apparent dans différent formes. Parfois bane zenfants mal interprète bane criyé et réprimandes comme ene signe de manque d’amour. Li important pou assure zenfant là ki li ene bien-aimé pou so mama ou so deux parents, même kan so comportement mérite ki bizin agir sévère envers li et donne li bane corrections ou discipline ki bizin afin pou corrige li. Ene telle zenfant alors li vine confiant et heureux, et li pas pou rode confort ene l’autre place. Si l’amour d’ene mama li sa kalité pur et sans l’égoïsme là, alors prend conscience ki l’amour d’Allah pour So bane serviteurs li beaucoup pli grand ki l’amour ki ene mama capave ena pour so bane zenfants. Ena ene Hadith par Hazrat Umar (ra) kot li rapporté ki ti amène certains prisonniers devant le Messager d’Allah (saws) et parmi ti ena ene madame ki ti pé rode kikaine dans la foule avec panic. Kan li fine trouve ene bébé parmi bane prisonniers, li fine prend li dans so lébra, et fine rapproche li de so la poitrine et li fine allaite li. Le Messager d’Allah (saws) fine dire: « Eski zot penser ki sa madame là pou jette so zenfant dans difé ? » Nous (bane Sahaba) fine dire : « Par Allah, zamais! » Alors li (saws) fine dire: « Allah pli ena pitié envers So bane serviteurs croyants ki sa mama là envers so zenfant. » (Bukhari et Muslim) Valeur de l’amour d’Allah zamais pou capave estimé parski So l’amour li englobe So propre Etre même. Allah Li l’amour et c’est Li le distributeur de l’amour. Li fine mette dans ene mama bane tels sentiments ki pou agir comme ene bouclier pou protège so bane zenfants, et assure ainsi zot préservés de toute sorte danger. Malheureusement, avec la montée de l’industrialisation et maintenant avec la technologie et soi-disant ene lémonde moderne et plus développée, bane mama zot fine grandement casse le lien avec zot bane zenfants kan zot fine opté pour ene liberté ki fine promouvoir par l’insistance de l’Occident. Sa li particulièrement vrai kan zot fine encourage zot propres femmes, bane madames et bane filles de l’Ouest et aussi bane madames musulmanes pou sorti de zot quatre miraille afin pour socializé avec bane les autres dimounes (ki li madames et missiés) à travers l’environnement de travail. Sa fine largement contribué à ene négligence dans occupe grandissement de zot bane zenfants, et aussi zot l’éducation morale et spirituelle. De sa façon là ene mode de vie naturel ki fine établi par Allah fine déformée au fil des z’an kot bane dimounes fine adapter zot à point de vue de l’ouest lors la liberté de bane madames et lors point de vue concernant zot bane droits. De ce fait, perspective de la maman fine quelque peu changé, en particulier dans bane pays et culture de l’ouest, et de nos jours, même bane madames musulmanes zot vine victimes de sa. Bien sûr, exister bane exception kan ene madame pas ena d’autres choix excepté pou travaille pour vivre, pou capave élève so zenfant (ki li ene ou plusieurs), mais ki excuse ena pour ene madame ki senti li « touffé » dans la caze et ki ressenti le besoin pou sorti et zoine bane dimounes ? L’Islam li ene religion précieux et so bane l’enseignements bizin être préservés. Ena toujours ene sagesse kifaire Allah fine créé place de la femme comme étant dans so la caze, parski li la maîtresse de la maison, gardien et enseignant et li ene tel lecturer bien important pour bane futures générations. Li inestimable si li pieuse, et ressenti le besoin pou enseigne so bane z’enfants dans la religion, lors bane valeurs religieuses et façonne zot couma bane vrai citoyens du pays ki bien élevés et ki vine bane frères ou sœurs en religion (l’Islam) pour bane les autres musulmans. Li ena le devoir pou forme ene humain afin ki li vine prêt pou affronte le monde mentalement, physiquement, moralement et spirituellement. Par conséquent so l’importance li incontestable. Et ene jour seulement pour célébrer so bane réalisations continu li pas suffisant et l’Islam pas encourage ki bane tel innovations couma la Fête des Mères zot alle rabaisse vraie valeur d’ene mama ou même celui d’ene papa. La Fête des Mères et La Fête des pères bizin être célébré tous les jours, tout d’abord, kot bane vrais croyants et bane zenfants concernés zot reconnaite valeur de zot parents et prier pou zot, et demande Allah (twa) pou accorde zot le salut, pareil couma Quran Shareef encourager, pou prier pou zot dans sa façon là : « O mo Maître, donne zot To grace, couma zot ti soigne moi kan mo ti tipti. » (Bani Israël 17: 25) Et sa considération et l’amour pour zot bane parents amène sa bane zenfants là pou donne zot bane parents zot l’attention, l’amour et l’obéissance à sak fois ki sa bane parents là appelle zot bane zenfants pou accompli ene devoir, ene responsabilité en zot nom. Bane zenfants bizin garde à l’esprit ki zamais zot pas pou capave rembourser zot bane parents pour sa sacrifice sans l’égoïsme ki zot fine fer pou zot bane zenfants, pour zot bien-être global, et ki le temps pou vini kot zot bane parents pou vine vié et vulnérables et dans ene état bien faible, et alors sa bane zenfants là bizin maziner ki zot ena ene devoir pou fer pour zot bane parents, pou au moins retourne sa bane bonne actions là, pas complètement, parski zamais zot pas pou capave fer li, mais tout au moins zot fer sa ti boute là pour zot bane parents dans zot vié jours. C’est le cycle de la vie. L’homme li né ene bébé, ensuite li vine ene zenfant, ensuite ene adolescent, ensuite li marié et vine ene mari, ensuite li vine ene papa et alors li vine vieux (sa li le cas pour la plupart de bane dimounes, mo pé cause en générale) et li révine à l’état de zot innocence kan zot ti encore zenfants, kot zot oublier assez facilement zot la vie ki zot fine passée lors la terre. Alors bane zenfants bizin fer preuve de pitié et d’amour, afin ki zot connecté zot avec vrai l’essence de la vie et vrai façon de vivre, afin ki demain, kan zot aussi pou vine vié, zot zenfants aussi pou prêt pou traite zot dans ene bon façon. Mais dans l’ensemble, le premier devoir d’ene vrai croyant li reste envers Allah (et So Messager), ensuite à so bane parents, so famille et la société en général. L’obéissance à Allah bizin vine en premier, surtout en séki concerne bane questions de la foi. (Al-Ankaaboute 29: 9) Ki Allah béni zot tous et guide zot pou conforme zot au maximum à So bane l’enseignements. Insha-Allah, Ameen.