|
بسم الله الرحمن الرحيم
Khutba Jummah
HADHRAT AMIR’UL MUMINEEN MUHYI-UD-DIN
Munir Ahmad Azim
(19 Dhul-Hijjah 1434 Hijri)
(Résumé Khutba)
Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:
ذَلِكَ الْكِتَابُ لاَ رَيْبَ فِيهِ هُدًى لِّلْمُتَّقِينَ Zaalikal kitaabu laa rayba feeh. Hudal-lil-Muttaqiin; Sa Livre là, na pas ena aucaine doute là-dans; li ene guide pou bane ki oulé suivre bon chemin. (2: 3)
تِلۡکَ اٰیٰتُ الۡکِتٰبِ الۡحَکِیۡمِ ۙ ہُدًی وَّ رَحۡمَۃً لِّلۡمُحۡسِنِیۡنَ ۙ Tilka ‘Aayaatul-Kitaabil-Hakiim. Hudaww wa Rahmatal-lil Muhsiniin. Sa bane versets ene livre rempli de sagesse. Li ene guide et ene grâce à bane ki faire du bien... (31 : 3-4)
Quran Shareef affirmé ki li ene guide, ene direction seulement pour bane pieux, bane ki suivre le bon chemin, bane ki faire du bien, bane justes. Pas pour bane les autres ki pas justes et suivre le bon chemin, ki pas mette en pratique séki Allah fine dire dans le Quran Shareef, ki lire Quran seulement couma bane perroquets, seulement lors la lèvres et ki pas comprend nannié. Pour sa bane dimounes ki zis Musulmans lors la lèvres, que des noms, alors le Quran Shareef pas applique à sa bane qualités dimounes là. Bane justes, bane ki suive le bon chemin zot bane dimounes ki déjà croire dans l’existence d’Allah malgré ki zot pas capave trouve Li, zot bane ki d’hors et déja ‘relève et rédresse’ Salat (la prière – Namaz), et zot pé déza observe le jeûne, zot pé déza dépense pour la cause d’Allah de parmi bane di biens ki Allah fine accorde zot, et sa bane là zot déza croire à l’aspé véridique de Quran Shareef et de bane les autres l’écritures saints ki fine fini révélé avant Quran Shareef (2: 3-5).
Si, couma nous capave constater, sa bane pieux et justes là fine déza prend le bon chemin, alors ki Quran Shareef capave veut dire par sa l’affirmation là? À ki niveau encore, le Quran Shareef li ena la capacité pou élève zot ? Avant ki nous capave saizi sa réponse là, nous bizin comprend ki malgré zot la foi dans Allah et bane bons actions ki zot faire, sa bane pieux là zot pas ditout satisfaits de zot l’état ; zot éprouve le grand désir pou faire preuve d’encore plisse de zéffort, pou parfaire zot fermeté dans la foi et pou avancer ziska zot arrive au sommet du progrès spirituel. Pour arrive à sa, l’effort de l’homme, si li livré zis à li-même, alors si li fer zeffort tousél, sa pou prouve totalement inefficace ; dans sa bane cas là l’intervention d’Allah li primordial, parski Allah tousél Li capave aide sa bane dimounes là dans zot but ki zot fine fixé, c’est-à-dire, pou arrive au sommet de la foi, de la spiritualité, pou atteindre à zot Maître bien-aimé, Allah (twa).
‘Ferme et endurant dans la foi’ décrire sa l’état du croyant kot li tellement accroché à so la foi dans Allah, ki aucaine épreuve pas capave faire li tomber ou fail dans so bane testes. Dans sa l’état là, la droiture même change d’aspect ; en effet, z’éffort ki sa dimoune là faire, répugnance ou dégoût ki li généralement éprouvé au moment kot li bizin faire bane actions pour la cause d’Allah disparaîte complètement, et à partir de sa moment là, z’éffort ki li faire li népli nécessaire. Depuis sa moment là, pareil couma bane manger, alors bane actions pieuses là pou nourri l’âme, et sans sa bane actions pieuses là, l’âme pou en quelque sorte mort. Sa degré de fermeté dans la foi là, ki clairement surhumain li dépasse cadre de l’effort humainement parlant, et sa degré de la foi là pas pou capave gagner zis par zéffort de l’homme. Pareil couma l’âme, sa type de fermeté et d’endurance là li ene don, ene grâce ki capave recevoir zis à travers l’aide d’Allah. Point culminant de développement spirituel c’est ki au-delà de la foi dans Allah et bane actes d’Ibaadat, ki en définitif zot représente l’aboutissement ultime de l’effort de l’homme, alors kan c’est Allah ki prend la barre et aide l’homme, alors l’homme arrive à ene telle l’état ki li en li-même ene don d’Allah.
Anou prend le cas de la foi dans Allah ; dans sa domaine là, tout séki nous capave attane de l’exercice de la raison, c’est ki li amène nous pou croire dans Allah, malgré ki en fait nous pas capave trouve Allah. En d’autres mots, la raison humaine exercé à so maximum capave tout au plusse amène nous pou croire dans Allah, sa Être ki nous pas capave trouver là. Nous conné ki Allah pas exige de personne kitchose ki au-delà de so bane capacités. Allah pas oblige personne pou gagne par so propre zéffort, kitchose ki pli grand, ki pli avancé ki la foi dans Allah. Mais sélment, sa phrase/verset, ‘li (le Quran Shareef) ene Direction pour bane justes’, li contenir la promesse ki, kan la croyance de sa dimoune pieux dans réalité du monde caché li pou solidement enracinée dans lui, alors, Allah (twa) pou faire li progresser de l’étape de la foi à celui de la réalisation d’Allah kot li vine en parfait harmonie avec Allah ; et à ce moment là, Allah le Tout Puissant pou couvert so la foi d’ene nouveau forme. Couma mo fine indiqué au commencement de mo Khutba, dans sa cercle de la foi dans Allah là, l’homme de par li-même, capave tout au plusse acquérir la foi dans ene Être ki li pas capave trouver, ene tel Être ki So l’existence li attestée par tous bane atomes de l’univers.
L’homme pas capave, par so propre capacité faire ene bon transformation de la foi ki li ena dans Allah. Li pas capave par li-même fer sa la foi là vine parfait. Dans pratique de Salat aussi, séki nous pou capave gagner, seulement par zéffort humain li pou reste confiné à l’intérieur de bane limites bien précis. Ici, pour ce ki est du domaine de l’effort, ene Musalli ki pé deboute devant Allah dans Namaz, li mette li physiquement et moralement pur, et li mette li à l’abri de tout saki capave distraire ou détourne so l’attention dans Namaz, et alors sa dimoune là pou fer zéffort pou pratique Salat dans ene telle manière kot na pas ena kit erreur dans so bane actions dans Salat/Namaz, et sa, afin ki tous bane composants de so Namaz, tel que, implorer le pardon d’Allah, prier Allah pou envoye bénédictions lors le Saint Prophète (saws) – c’est-à-dire, le Darood, le repentir, bane éloges, la glorification ainsi ki bane supplications, vine du fond de so lécœur.
Mais selment sa dépasse so pouvoir, so capacité pou gagne sa concentration et l’attention ki li bizin là, ki li ene telle l’attention et concentration ki li bizin soutenir et garde vivant dans so Salat, et ki pou veut dire ki li fine arrive dans ene l’état de pureté sublime, d’ene l’amour et d’ene marque de dévotion ki surhumain, et d’ene effacement du moi (nafs), comme si sa Ibaadi là, sa Mussalli là pé trouve Allah face à face. Li clair ki avant li vine coumsa, le Salat/Namaz pas ti parfait. D’ailleurs, c’est à juste titre ki Quran Shareef servi dans sa cadre là l’expression, ‘bane ki relève et redresse’ (Salat), parski nous relève et redresse zis kitchose ki fine tomber. Par conséquent, nous appelle ‘juste’ ou ‘pieux’ ou ‘celui ki suive bon chemin’ sa dimoune ki, en mobilizant so concentration et so l’attention, li employe tous so bane la forces pour ‘relève et redresse’ le Salat/Namaz. Toutefois, z’éffort de l’homme, si li pas gagne la grâce et l’aide d’Allah, li pas suffit pou gagne le résultat ki nous recherché.
Par conséquent, Allah, le Miséricordieux et Généreux, fine promette sa bane kalité serviteurs pieux là : « Sa Livre là li ene ‘Direction’ pour bane justes ». Par sa phrase là, Allah pé alors rassure bane ki fine prend le bon chemin, et pé conseille zot : « ki zot faire du mieux de zot capacité par la droiture, pou relève et redresse Salat/Namaz. Si zot ena la foi dans Mo parole, Mo pas pou abandonne zot dans zot zéffort, mais Mo pou prend zot par zot la main, et Moi-même, Mo pou guide zot (vers sa place kot zot pou gagne contentement et satisfaction là). A partir de sa moment là, zot Salat pou change de forme, et zot pou goûte à kitchose ki so l’existence li pas dans zot capacité pou comprend astère-là. Mo pou accorde zot sa grâce là parski zot fer zéffort, au mieux de zot capacités, pou mette en pratique bane commandements et directives du Quran Shareef ».
Donc, sa kitchose en plisse ki le Quran Shareef promette à celui ki suive le bon chemin, concernant le Salat, c’est sa moyen pou gagne et atteindre à sa degré de l’amour (divine) là, pou gagne zèle, dévotion et concentration kot sa pou permette li pou percevoir beauté éclatant et rempli de lumière de so Bien-aimé, l’Eternel, Allah (twa). Dans sa nouveau l’état spirituel, kot li comblé jusqu’au fond par ene bien-être et extaze extraordinaire, alors sa serviteur là, sa Musalli là, sa adorateur d’Allah là li éprouve tant de dégoût pour bane impuretés de sa le monde temporaire là, pou bane péchés ou manquements ki vine de la parole, de bane actions, de la vue ou de so capacité pou tendé, ki alors, sans ki li bizin fer beaucoup zéffort, et tout naturellement, li rejette sa bane impuretés mondaines là et li tenir li à l’écart de tous sa là.
Couma Allah (twa) fine affirmé dans Quran Shareef, « En vérité, Salat (Namaz) empêche faire bane kitchoses dégradants et défendus. » (29: 46)
Même si reste dans ene ti la caze la pailles, sa dimoune pieux là li, li pou capave trouve le vrai bonheur ; celui ki faire tout pou lizié dimounes et ki attaché avec sa le monde temporaire là ,quant à li, dominé par la convoitize et l’avarice, li pas pou capave gagne vrai bonheur même si li caserne li dans ene extra joli palais ki grandiose. Pli nous amasse bane biens mondaines, pli nous ena à faire face à bane difficultés et bane épreuves. Alors garde sa bien à l’esprit : Donc, li pas dans destin de sa qualité dimounes ki content bane kitchoses temporaires de sa le monde là pou trouve le vrai bonheur.
Zamais calkilé ki kan ou bien riche, ki ou ena tout à ou disposition, kot ou pé capave mange bane bon bon manger et porte bane jolis joli linges chers etc., ki tous sa là capave fer ou gagne vrai bonheur. Surement pas ! En vérité, saki pou fer ou gagne vrai bonheur c’est la droiture. Ki Allah aide zot tous mo bane cers disciples pou garde sa bane conseils là à l’esprit. Allah et So Khalifa, le Khalifatullah oulé zis zot bonheur, et sans aucaine doute, zot vrai bonheur c’est Allah tousel. Cherche l’aide d’Allah pou percevoir Allah Li-même, et le meilleur moyen ki pou amène sa l’accomplissement là c’est Salat/Namaz ki fer d’après l’illumination ki recevoir d’Allah Li-même. Insha-Allah. |
|
|
|
Écoute le Khutba Jummah du Khalifatullah Munir A. Azim en intégralité (Audio) |