Text Box: بسم الله الرحمن الرحيم Khutba Jummah HADHRAT AMIR’UL MUMINEEN MUHYI-UD-DIN Munir Ahmad Azim 26 Juillet 2013 ~ (17 Ramadan 1434 Hijri) (Résumé Khutba) Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire: وَ اَقِیۡمُوا الصَّلٰوۃَ وَ اٰتُوا الزَّکٰوۃَ Wa ‘aqiimus-Salaata wa ‘aatuz-Zakaata « Accomplir la prière (Salaat) tous les jours et donne Zakaat régulièrement. » (2: 44) Azordi zours beaucoup dimounes zot pas bien informés lors sa aspect important de l’Islam là et Zakaat li le 3ème pilier de l’Islam. Selon la loi islamique (Shariah), Zakaat li l’aumône obligatoire (Farz), pareil couma ene taxe ki obligatoire lors tous bane musulmans ki ena les moyens et sa li bizin fer li ene fois tous les ans. Li faire partie de bane 5 piliers de l’Islam. Si kikaine refuse accepter so l’aspect obligatoire, sa dimoune là vine ene incroyant. Et celui qui pas acquitte li de Zakaat correctement li vine ene grand pécheur. Ena beaucoup bane places dans Quran Shareef kot Allah (swt) fer nous mazine sa devoir là et nécessité pou accomplir li. Zakaat li tellement important ki le premier calife de l’Islam, Hazrat Abu Bakr Siddiq (ra) pendant so Khilafat fine déclare infidèles bane ki pas accepté et paye Zakaat et li fine même déclare la guerre avec zot. Sa pilier là fine instauré dans Islam pour combattre la pauvreté et pou élimine li, dans sense ki, si bane riches et bane ki pli fortunés zot donne correctement ene partie de zot richesse et fortune tous les ans à bane ki pli pauvres, alors sa bane dimounes malhéré là ti pou trouve ene changement positif dans zot niveau de vie, et en même temps, richesse de bane dimounes pou vine équilibrée dans bane différents tranches de la population. Le principe c’est pou donne sak l’année ene quarantième de nous richesse, c’est-à-dire, 2,5% par an. Régime de l’Islam pas prévoire la misère dans la société grâce à Zakaat. Voici quelques versets Quran ki fer ressortir l’importance Zakaat : « Zamais ou pou vine vraiment pieux, ziska séki ou donne saki ou même bien content. En vérité Allah conné tout séki ou dépenser en charité. » (3: 93) « Seul dimoune ki capave entretenir mosquées Allah, c’est bane ki ena la foi en Allah et le dernier jour, ki pratique la prière (Salaat) régulièrement, ki donne Zakaat et ki peur Allah seul. Capave ki sa bane là reste lors bon chemin. » (9: 18). « Prend ene Sadaqa lor zot di bien. Avec sa to va lave zot péché et purifié zot. Faire bane la prières pou zot, parski to bane la prières pou amène sécurité lor zot. Allah tende et conne tout. » (9: 103) « Et bane ki donne Zakaat » (23: 5). Allah (swt) fine annonce ene punition sévère pour bane ki pas paye zot Zakaat, alors ki li bien nécessaire pou zot ki zot rakitte zot de sa paiement là. Allah prévenir nous : « ... Bane ki amasse l’or et l’argent et pas dépense li dans chemin d’Allah, annonce zot ki zot pou gagne ene punition douloureux. Ene jour, sa (l’or et l’argent là) pou chauffé dans difé l’enfer, et avec sa pou marque zot front, zot cottes et zot lédos : « Sa c’est trésor ki ou ti amasser pou ou-même. Alors goutte trésor ki ou ti amassé là. » (9 : 34-35) Après sa bane quelques versets Quran là, anou guette impé saki Hazrat Muhammad (saws) fine dire dans bane Hadiths lors la nécessité de Zakaat : Le Saint Prophète (saws) fine prévenir ki pou ena bane punitions pou bane dimounes ki pas paye Zakaat, parski Zakaat li bien obligatoire. D’après ene Hadith (Ibn Majah), sa dimoune ki pas paye Zakaat, so richesse (dans enfer) pou vine ene gros serpent ki pou enveloppe so licou. D’après ene l’autre Hadith (Bukhari), le Saint Prophète (saws) fine ajouté ki sa serpent là pou rentre dans lécorps de sa dimoune là par so la bouche et pou dire li : « Mo to fortine (richesse) ! » D’après ene Hadith (Tirmidhi), bane ki pas paye Zakaat lor zot bijoux, alors sa bane bijoux là pou vine bane bracelets ki faire avec difé. Le Saint Prophète (saws) fine précisé (Hadith Bukhari) ki Allah fine ordonne pou paye Zakaat pour purifier bane richesses de bane dimounes et pli zot pou donne Zakaat correctement et régulièrement, pli zot pou gagne bane bénédictions et zot pou trouve zot richesses augmenté. Astaire laisse nous guette impé bane différents règles ki concerne Zakaat, et avant tout nous bizin comprend ene certain nombre d’éléments : Zakaat li obligatoire lor tout bane dimounes ki possède bane dibiens à partir d’ene taux, ene limite fixé ki appelle « Nisaab ». Zot bane richesses ou fortune ki arrive ou dépasse ene limite ki appelle « Maaliké Nisaab » ou « Swaahibé Nisaab » et ki ena Zakaat lor zot. Bane ki possède sa minimum richesse, c’est-à-dire, ki pas « Mâliké Nisaab », alors Zakaat pas imposé lor zot. « Nisaab » li fixé à ene valeur d’approximativement 87,5 grammes d’or ou approximativement 612,5 grammes d’argent. Zakaat li obligatoire tout les l’années, c’est-à-dire, ene fois par an. Le principe c’est pou donne à bane ki pli pauvres (bane ki pas « Maaliké Nisaab »), ene quarantième de sa richesse là, c’est-à-dire, 2,5%. Si ene dimoune possède moinse ki 87,48 grammes d’or ou moinse ki 612,36 grammes d’argent (mo pas pé cause casse ici, mais l’argent, sa métal ki ena valeur là), mais en ajoutant tous les deux quantités, nous obtenir ene somme plisse ou égal à valeur de 87,48 grammes d’or ou 612,36 grammes d’argent, alors nous gagne ene « Nisaab », ene minimum, ene limite kot Zakaat applicable, c’est-à-dire, kot paye Zakaat vine obligatoire.   Zakaat pas applicable lors sa bane kitchoses ki mo pou mentionné là, que ce soi zot valeur : 1. Bane nécéssité de baze ki nous servi, couma linges, lili, draps, meubles, computer, électroménagers, bartann la cuisine, l’auto, motocyclettes et bane les autres moyens de transport ki nous possédé 2. Bane z’outils nécessaires pou ki nous fer nous métier ou ki servi couma nous gagne-pain, pareil couma ene taxi, etc. 3. Bane terrains, la caze, diamants et pierres précieuses, à condition pas faire business avec sa. Par exemple, si nous loué ene la caze, et rentes de sa location là li dépasse saki « Nisaab », alors Zakaat applicable.   Si ene dimoune possède ene somme l’argent lors quoi Zakaat li applicable, mais arrivé ki li perdi sa l’argent là ou ene partie de sa l’argent là avant ki sa l’année là aller, de sorte ki sa somme l’argent ki li ena là li népli « Nisaab », alors Zakaat pas appliqué. Si ene dimoune possède ene somme l’argent kot Zakaat li applicable, mais le fait ki après ki li paye Zakaat, sa somme l’argent là pou réduire à ene valeur ki moinse ki saki « Nisaab », alors Zakaat pas appliqué. Si ene dimoune possède ene somme l’argent kot Zakaat applicable, mais ki li fine prête dimoune ; si li sûr ki li pou régagne somme l’argent dans sa l’année là-même, alors Zakaat appliqué, mais si li pas sûr ki li pou régagne l’argent là au cours de sa l’année là, alors Zakaat pas appliqué. Si ene dimoune possède l’or ou de l’argent (métal) pour so commerce ou pour bane nécéssité de so madame, alors Zakaat appliqué. En séki concerne l’or et l’argent (métal),  bane montants de Zakaat bizin calculé d’après bane valeurs actuelles. Par exemple, si ene dimoune ti acheté l’or d’ene valeur de 87,48 grammes (ou plisse) pour Rs.10,000 avant ki li paye Zakaat, mais ki valeur actuelle fine vine Rs.20,000, alors Zakaat appliqué à valeur de Rs.20,000. Si ene dimoune possède bane bijoux de valeur « Nisaab », mais pas ena l’argent pour paye Zakaat, alors li bizin vende ene partie bane bijoux pour paye so Zakaat. Si ene dimoune ena l’argent dans la banque ou fine ramasse l’argent pour so propre compte, ou par exemple pour mariage de so bane zenfants, ou pour alle accomplir Hajj, ou pou construire so la caze ou n’importe ki bane autre nécessité personnelle ; si sa l’argent là li « Nisaab » et fine accumulé lors ene durée de 1 an, alors Zakaat appliqué. Ene madame ki possède bane bijoux de valeur ki « Nisaab » et ki so missié paye so Zakaat, alors sa Zakaat là li valable et correct, mais dans le cas kot so missié pas fer li, alors sa madame bizin paye so (propre) Zakaat. Nous pas ena le droit pou donne Zakaat à nous propre madame, et si c’est ene madame ki pé tire Zakaat, li pas gagne droit donne so missié, ni à nous maman, papa, dada, dadi, nani, nani. Nous pas ena aussi le droit pou donne Zakaat à nous bane zenfants et ti-zenfants. Sa c’est parski sa bane dimounes là zot bane parents directes ki en temps normale zot sous ou responsabilité et devoirs d’après l’Islam. Toutefois, si ou ena ene garçon ki pauvre, li permette ki ou donne Zakaat à so madame (c’est-à-dire, ou belle-fille) ou si ou ena ene tifille ki pauvre, li permette pou ou donne Zakaat à so missié (c’est-à-dire, ou zaann). Nous capave aussi donne Zakaat à nous « beau-père » c’est-à-dire, dimoune ki fine marié avec nous maman (d’ene deuxième mariage), ou à nous « belle-mère » c’est-à-dire, madame ki nous papa vine marié (de bane les autres mariages). Si ene voyageur vine nek ene coup pauvre pendant so voyage, permette pou donne li Zakaat pendant so voyage, malgré ki sa dimoune là li possède l’argent (richesse) dans so la caze dans l’endroit ki li habituellement rester.   Li pas permette pou donne Zakaat à bane pauvres Non-Musulmans ou bane ki fine rénié l’Islam, c’est-à-dire ki sa donation là pas pou considéré comme Zakaat et alors sa dimoune là pas pou gagne récompenses de Zakaat. Mo espère sincèrement ki sa bane éclaircissements là pou bénéfiques pou zot dans l’accomplissement de sa acte obligatoire là, sa grand Ibaadah ki appelle Zakaat là. Insha-Allah, Ameen.