بسم الله الرحمن الرحيم

 

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim

27 Décembre 2013 ~

(23 Safar 1435 Hijri)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

Nous fine trouver ki la science et la foi, loin d’être en contradiction, zot parfaitement complémentaires. Ene l’autre question posé maintenant : eski li possible ki la science et la foi capave remplace ene à l’autre ; eski ene capave prend place l’autre là ?

 

Kan nous pou fini défini le rôle de la science et celui de la foi, alors li pou népli nécessaire, ni pou pose sa question là ni pou réponde à sa. Li clair ki la science pas capave remplace la foi ; la foi ki en plus de la lumière et pouvoir, faire nous gagne l’amour et l’espoir, li réhausse le niveau de nous bane buts ki nous envie atteindre ; ene telle la foi ki non seulement aide nous dans le choix de bane buts et de bane objectifs et guide nous dans chemin ki nous ena pou faire pour atteindre à sa bane l’objectifs là, mais en plisse de sa, ki faire nous change certains objectifs et buts – ki d’instinct et par nature, zot concentré lors l’individualisme et l’égocentrisme, (nafs) d’ene dimoune kot so moi manifester (kot li concerné par zis li tousél) – et amène nous vers bane buts ki fondé lors l’amour et la passion spirituelle du bien; li, c’est-à-dire, la foi, li l’instrument à nous disposition, li capave transforme nous l’essence et qualité de nous l’essence en li-même. La foi pas pou capave aussi remplace la science, kot la science faire nous conne, ou gagne connaissance de la nature et pou découvert so bane la lois, et permette nous pou conne nous-mêmes.

 

Bane expériences historiques fine démontré ki coupure entre la science et la foi fine cause bane dégâts et bane situations irréparables. C’est à la lumière de la science ki nous bizin saizir et comprend la foi et c’est à la lumière de science ki la foi, kan li éloigner de la science, alors la foi transforme en ti l’esprit, en ene fanatisme ki rende bane dimounes aveugle et finalement, en bane l’idées fixes ki pas amène aucaine part. Là kot na pas ena science et connaissance, la foi de bane fidèles ki ignorants zot vine ene moyen à la disposition de bane imposteurs et de bane hypocrites ki rusés et ki nous zoine sous bane formes différents à travers l’histoire et ene de bane l’exemple de sa bane kalités dimounes là au commencement de l’Islam, c’est bane Khawaarij.

 

La science sans la foi li couma ene l’épée tombée entre la mains d’ene dimoune sou ; li couma ene la lampe laissée à portée de main d’ene voleur, pour permette li, au milieu de la nuit, pou choisir pli bien so butin. C’est pour sa raison là ki entre ene savant sans la foi d’aujourd’hui et l’ignorant sans la foi de hier, au point de vue de comportement et de bane actions, na pas ena la moindre différence. Ki différence ena entre bane Washington, bane Blair, Sharon, bane Al-Sa’ud et Hussein d’aujourd’hui et bane Nemrod, Pharaons, bane Genghiz, Attila, Churchill, Johnson, Nixon et bane Staline du passé?

 

Nous capave avance sa point là ki, si li vrai ki la science accorde la lumière et pouvoir, mais seulement sa la lumière et sa pouvoir là pas servi seulement pou éclaire nous et pou montrer nous le monde extérieur mais, sa rende nous aussi capables pou conne bane transformations du monde intérieur. Par conséquent, la science capave aussi bien construire le monde et aussi fassonne l’homme. Li capave donc accomplir en même temps so propre rôle de « construction de l’univers » et le travail de la foi, c’est-à-dire « la formation de l’homme ». Tout sa li exact mais, ena ene nuance fondamental ki vine du fait ki le pouvoir de la science li d’ordre instrumental, c’est-à-dire, ki li dépende de la volonté de l’homme. L’homme, quelque soit le domaine, réalise pli bien so travail avec l’aide de la science. C’est pourquoi mo affirmé ki la science li le meilleur collaborateur de l’homme pour atteindre so bane buts, et pour guide li dans chemin ki li ena pou faire pou atteindre à sa but là.

 

Mais le problème li ailleurs. Avant ki li dirige ou guide li-même, l’homme choisir so but. Alors ki donc l’origine de so bane l’objectifs puisseki l’homme li de nature animale et ki li gagne petit à petit so bane capacités humains. Ki la forme ki faire li transformer, ki faire so  conscience révolte ou éveiyé pour guide li dans sa nouvo chemin là ? Si sa pas la foi, alors ki li été, parski la science pas fine capave ziska maintenant découvert sa phénomène ki contrôle l’homme.

 

Certains valeurs dans l’esprit de l’homme et bane qualités sacré de sa bane valeurs là, en li-même, li enclenché par ene série de bane tendances exceptionnelles dans l’homme. Sa bane tendances là, à zot tour, zot nées de bane appréhension ou peur particulier, zot né de bane conception spécifique lors l’univers et l’homme ki nous pas capave gagner, ni dans bane laboratoires ni dans le contenu de bane raizonnements et de bane analogies. Sa bane appréhensions ou peur là zot pas accessibles par la science.

 

L’histoire, ki li ancien et moderne, fine démontré ki ki mauvais résultats fine produire par la séparation de la science et de la foi. Kan la foi exister par li tousél, et sans l’aide de la science, bane z’éfforts humanitaires de bane dimounes zot abouti sans résultats, tout du moins zot gagne bane résultats médiocres, ou encore, le plus souvent, sa bane zéfforts et résultats là fine influencés par fanatisme, ti l’esprit et même, sa fine créer par bane dissensions bien graves. L’histoire de l’humanité li rempli de sa bane genre d’évènements là.

 

Kan science fine régné seule, sans l’intervention de la foi, couma dans beaucoup de bane sociétés modernes, tout le pouvoir scientifique fine vine ensam pour réalise l’égoïsme, bane ambitions, prézomptions (bane causé ki pas dans sire), colonization, l’exploitation, et  tromperies de bane dimounes.

 

Nous capave considère sa deux ou trois derniers siècles là couma l’époque de culte de la science fine prend l’ampleur et couma dimounes fine abandonne la foi. Beaucoup de bane savants ti croire ki zot ti pou capave résoudre tous bane problèmes humains à travers la science, mais l’expérience fine prouve le contraire, et c’est saki nous pé constater azordi jours.  Même bane savants ki pli matérialistes ki ena reconnaite sa fait là. Ene travail matériel quelconque pas ena d’autre but ki gagne ene la paye, et pas capave donne ene résultat satisfezan. Pour obtenir ene résultat, bizin choisir ene métier qui ena comme concentré en li-même la « foi » en ene dimoune, en ene idéologie ou en ene haute destination/but.

 

Aujourd’hui, bane matérialistes zot-mêmes sont forcé pou prétendre ki philosophiquement, zot bane matérialistes et moralement zot bane idéalistes, c’est-à-dire ki du point de vue théorique, zot matérialiste et pratiquement, zot idéaliste. Sa c’est ene problème paradoxal et bien compliqué et c’est à sa bane matérialistes là-mêmes pou alle rode ene réponse et ene solution à sa.

 

Ena certains théologiens ki exprime l’insuffizance dans bane relations humains et dans la réalisation de bane besoins immédiats de l’homme sans la force de la foi. Zot de l’opinion ki dans certains domaines, la science fine faire bane progrès énormes et extraordinaires, mais dans d’autres domaines, par exemple la politique nationale ou internationale, ki concerne bane relations de bane sak humain entre zot, alors zot trouver ki bane dimounes zot encore dans sa cercle pou moque sakaine de zot camarade.

 

Zot reconnaite ki la foi ki l’homme bizin li ene foi religieuse. Donc, l’homme ena ainsi besoin de tous les deux : la science et la foi. Sans la foi ene dimoune li complètement perdu parski si li vivre lors science seulement, alors li destiné à ene la mort spirituelle, mettant ainsi l’humanité en danger. Sa danger là li l’éloignement avec Allah, avec ene pouvoir ki au-delà de la compréhension totale de l’homme.

 

Avec l’épanouissement de l’Islam, couma ene fleur ki laisse répande so parfum partout, alors la foi en ene Dieu Unique fine réclame tous bane lécœurs ki assoiffé de la vérité. Le Quran, ki li la base de données ki irréfutable, li donne à l’humanité, et en particulier à bane musulmans le moyen pou faire progrès ki li au niveau matériel et aussi spirituellement afin ki zot arrive à but ki zot fine destinés pou atteindre, c’est-à-dire : Allah, l’Unique. Avec z’éffort ki li déploiyé, et avec la science et la foi solide ki li obtenir, alors le croyant musulman capave traverse bane milliers de stages pour parvenir à sa but là. À ce moment là Allah même pou aide li.

 

Allah fine inspire moi sa bane quelques paroles là en français, et mo mentionne seulement ene partie de sa révélation là (le 25 Décembre 2013) ki en relation avec le sujet de sa Khutba là:

 

« Bizin conné ki dans la création de l’homme Allah fine mette en marche ene telle procéssus ki oulé ki l’homme (dimounes) progrésser de l’état animal vers ene l’état moral et spirituel ki pou donne li satisfaction en li-même, en so l’environnement et en so Créateur, Allah le Tout-Puissant.

 

Bizin préciser ici ki bane idolâtres, bane soi-disant savants, et réligieux pas représente la loi d’Allah lors la terre. Avec l’aide de la révélation divine, Allah élève So serviteur choisi pour guide li tout d’abord, perfectionne li en ene créature ki soumette à la volonté d’Allah, ki pou conné demain couma pou guide le monde lors le droit chemin.

 

En vérité c’est la manifestation de l’égoïsme et de l’avarice ki diminué la foi pour créer ene cancer spirituelle. L’humanité, sak dimoune prend li-même comme pli supérieur ki l’autre. Allah fine crée sak humain avec ene but et fine inscrire à sakaine so destinée. Allah fine aussi crée la relation humaine et kan li rencontre so bane semblables, alors ena ene satisfaction ki ressenti parski bane dimounes zot tous vine de l’essence divine, du moins, zot l’âmes.

 

Ena certains théologiens ki trouve zot-mêmes dans ene trou ; zot pas conné vraiment couma réalise sa balance ki pou faire ene humain vine ene être complet, ene être satisfait dans tous bane sphères de so l’existence. Heureusement ki dans sa siècle là, Allah fine envoye ene petit Muhammad ki ena le courage pou dire ki li vine de côté d’Allah. Mais malheureusement pour certains dimounes, zot faire bane l’attaques extrêmes, ki rempli de poisons lors l’homme (choisi) d’Allah. Comme ene messager d’Allah avec ene la lampe (de lumière) et ki so système nerveux (Nervous System) li illuminé par Allah, alors li réssenti ki bane dimounes ki pas écouté, et ki tourne lédos à bane messages divines, alors sa bane dimounes là perdi de tous côtés. Zot pas vivre vraiment parski zot la foi en danger. Zot vine aveugle spirituellement, et zot refize pou reconnaîte le serviteur et Messager d’Allah ki fine envoyé à zot dans zot siècle pour faire zot sorti de l’état animal afin pou fer zot vine bane dimounes ki non seulement cultivés, mais morales et spirituelles.

 

Dieu, Allah dirige en vérité So messager kot, dans ki l’endroits ki li bizin aller pou témoigner de la dégradation de bane dimounes. En vérité, Allah fine faire So messager trouver comment dans le nord de Maurice, bane jeunes amène ene la vie de prostitués, ene la vie animale ki pli détestable. Le messager quant à li fine vine apporte la lumière spirituelle. Li bizin passe le message ; bane dimounes content ou pas, mais li, li ena le devoir pou transmettre le message divine.

 

Allah informé aussi à So serviteur choisi avant ki bane nouvelles arrive à li à travers l’homme, et Li (Allah) indique li saki pé passer dans l’Europe, bane morts avec ene tempête ; en France, commié français fine morts.

 

Zot très chanceux ; Accepter ene messager d’Allah pas facile. Li vine transforme bane dimounes pou faire zot sorti de l’état animal vers l’humanisme. Demain pou teigne mais zamais le Créateur pou teigne.

 

Avec la venue d’ene messager d’Allah pour passe le message au monde entier, avec bane avertissements ki li faire en So nom, alors le monde pou témoigne de bane miracles en faveur du Messager d’Allah de sa siècle là, et ki bane paroles ki vine de so la bouche zot seulement bane paroles ki Allah inspire li pour passe le message au monde entier... » (Ene partie de révélation ki fine recevoir de côté d’Allah le 25 Décembre 2013 dans l’après-midi).

 

Et avant ki mo termine mo Khutba, mo ena le grand plaisir pou informe zot ki nous bane frères et sœurs de Kerala/Tamil Nadu fine fer zot Jalsa Salana avec succès le 22-23 Décembre 2013. Avec rénovation ki fine ena pou nous Masjid Noor-ul-Islam, alors nous bane frères fine réussi fer ene grande partie de rénovation et fine fer zot Jalsa Salana après rénovation par la grâce d’Allah. Insha-Allah le compte rendu de sa programme là pou disponible lors nous website officiel prochainement.

 

Pou ena Insha-Allah ene page website ki pou créer lors la langue Tamil pou permettre à nous frère de Tamil Nadu pou capave, après ki zot fine rédige bane travails Jamaat en langue Tamil, pou mette sa lors website pour zot tous capave prend connaissance de sa. Et Insha-Allah, le livre « le vrai visage de bane hypocrites » pou publié bientôt en langue Malayalam.

 

Mo bizin ajouter aussi ki dans zot programme de tabligh aussi, en réponse à l’invitation de Amir de l’Association Ahmadiyya de Mathra, Kerala, nous bane frères fine accepter so l’invitation et fine alle cause avec li lors la Manifestation Divine à Maurice et lors sa humble serviteur d’Allah là. Et Alhamdulillah, nous bane frères fine mette devant li bane telle arguments solides ki trouve dans le Quran devant li ki li pas fine capave renié le fait ki Allah capave élève encore bane messagers dans le future, et à cause li pas fine capave défendre so système Khilafat couma li ti envie, alors Amir là fine boui de rage et fine sorti contre moi et Mukarram Amir Saheb du Jamaat Ul Sahih Al Islam de Kerala. Li et bane couma li pé souhaite nous finition et sa Amir de l’Association dans Mathra là fine challenge moi pou ki mo envoye même warning (avertissement) ki mo ti lance so Khalifa si toutefois so Khalifa fine ena ene la main dans bane l’attaque contre nous bane frères dans Kerala/Tamil Nadu.

 

Alors mo dire sa Amir là et bane couma li, faire attention avec bane paroles ki zot pé ozé dire lors ene messager d’Allah et bane disciples sincères de sa Messager d’Allah de sa siècle là. Faire attention parski sa bane paroles tranchant là pou tombe lors zot-mêmes. Allah dire (Quran):

 

« Nous conné ki séki zot dire chagrine toi. C’est pas toi ki zot réjété, mais c’est signes Allah ki bane mauvais dimoune refize accepter... Zot orgueilleux lors la terre et zot complote pou faire du mal. Mais complot pou faire le mal enveloppe seulement so propre comploteurs. Eski zot pé attane le même sort ki bane anciens ti gagner ? Jamais to pas pou trouve aucaine déviation dans façon agir Allah. »

 

Alors, ki sa Amir là et so bane bandes ramasse zot la langue, parski si pas, sa même la langue là pou tourner contre zot et zot pou dans la perte. Si ou pas croire, ou pas croire. Pas pé force ou pou croire. Ou pas croire dans moi, sa ou pou responsable de sa devant Allah pour ki faire ou pas fine croire, kan Li fine envoye So messager pou ki ou croire dans li et suive bon chemin. Mais ou pas pé croire, et lors là ou pé fer ou grand noir. Alors attention ou tombe dans noir, kot ou croire ou pas croire, sa pas pou profite ou nannié kan li pou trop tard.

 

Ki Allah nous donne tous la capacité pou bien comprend le sujet de sa Khutba là, et ki Allah parfaire nous la foi et augmente nous science/connaissance afin pou mieux servi So la religion, et parfaire nous, nous-mêmes, ki li physiquement, moralement et spirituellement, Insha-Allah, Ameen.

Écoute le Khutba Jummah du Khalifatullah Munir A. Azim en intégralité (Audio)