Text Box: بسم الله الرحمن الرحيم Khutba Jummah HADHRAT AMIR’UL MUMINEEN MUHYI-UD-DIN Munir Ahmad Azim 27 Septembre 2013 ~ (21 Dhul-Qaddah 1434 Hijri) (Résumé Khutba) Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire: Allah (swt) pas dire sa : Passe Mo message zis à sa peuple là et non pas à sanlà-là. Alors ki nous fer nous ene devoir pou passe le message d’Allah à tous dimounes indistinctement. Dans Chapitre 3 – Surah Al-Imran, Verset 104, Allah (swt), proclame ene fraternité universelle à l’intention de tous bane dimounes. « Tini ferme avec la corde d’Allah, tout dimoune ensam, et pas cause division parmi ou. Rapplez faveur ki Allah fine accorde ou. Ou ti ennemies, Allah fine mette l’amour dans ou lécoeur et ou fine vine bane frères par So grâce. Ou ti lors bord trou difé, et Li fine sape ou dépi là-dans. C’est coumsa ki Allah explique ou So bane versets, afin ki ou bien guidé. » Dès le début, l’Islam rode apporte la paix entre bane peuples de bane différent couleurs, nations et langues. Dans Quran, Chapitre 30 – Ar-Roum, Verset 23, Allah dire : « Et parmi So bane signes, Li fine créer bane léciels et la terre. Ena aussi variété ou bane langages et ou couleurs. Ena vraiment là-dans bane signes pou dimounes ki instruit. » Et dans Chapitre 49 – Surah Al-Hujurat, Verset 14, Allah dire : « O bane dimounes... Nous fine faire de ou bane nations et bane tribu, afin ki ou faire connaissance entre ou ; et le plus noble parmi ou dans lizié Allah, c’est celui ki suive plus près So chemin droit. » Au cours de so dernier Khutba, le Saint Prophète (saws) fine dire : « Zot tous égales. Tous bane dimounes égales, kél que soi zot nations ou zot tribus et kél que soi zot rangs dans la société. Personne pas capave révendique ene supériorité ou aucaine droit quelconque sur bane dimounes couma li-même. Zot tous bane frères. » De ce fait tout bane distinction ou tout privilège ki ena tré avec couleur, race ou caste, rang ou richesse et lignée familiale, li pas toléré dans l’Islam. L’Islam préconise la grande fraternité entre bane dimounes lors la terre et li (l’Islam) exhorte nous tous pou cherche le plaisir d’Allah à travers la droiture et bon conduite. De ce fait zot pas trouve dans l’Islam bane Masjids ki réserver exclusivement pou bane blancs ou bane noirs ou bane riches ou bane pauvres. Et dans le lieu de prière, péna aucaine place ki réservée à bane (dimounes) puissants de la communauté. Zot tous, sans distinction, bizin débout, zépaule contre zépaule, pendant Namaz (en congrégation) tous les jours. L’Islam étende so message de paix à tous bane dimounes, surtout à bane ki fine perdi l’espoir et ki désire avec force ki tous zot bane souffrances éffacer vite. Concernant sa, Allah dire: « O Mo bane serviteurs, ou ki fine commette bane excès contre ou même, pas désespéré de miséricorde Allah, car Allah pardonne tout faute, et c’est Li le Pardonneur, le Miséricordieux ». Alors bane frères et sœurs, pas désespéré de la miséricorde d’Allah, parski Allah (swt) dans sa siècle là fine envoye So Khalifatullah avec le Rouh-il-Qouddouss. Afin pou mieux explique saki mo fine déjà dire, alors li ti pou bon ki nous révine en bref lors le parcours de leadership spirituel dans l’Islam et pou analyse bane perspectives ki fine offert à l’Oummah. Le Saint Prophète Muhammad (saws), l’exemple parfait, ti le premier leader de l’Oummah. So statu li inégalable. Kan li fine mort, le souvenir de Risaalat (l’apostola) dans l’esprit de bane musulmans ti tellement encore présent, encore vivant et avec so bane l’enseignements ki ti tellement parfaits et l’unité ki ti ena à l’intérieur de l’Oummah ti tellement fort ki bane premiers quatre califes ti ena zis pou suive lors so bane pas afin pou assuré ki so mission continié. Ensuite le Khilafat fine commence perdi de so grandeur, à tel point ki c’est avec beaucoup difficultés ki bane musulmans aujourd’hui souvenir du nom du cinquième calife de l’Islam. Le Khilafat ti tombe dans telle situation kot bane dimounes ti prend sa comme « l’argent contant », c’est-à-dire, ordinaire, et alors doucement doucement sa système là fine remplacé par ene monarchie héréditaire (dynastie familiale). Mais par la suite, ene race de soi-disant théologiens (ou savants) ki connu couma bane mullahs, et à propos de ki, le Saint Prophète (saws) ti prédire ki zot pou « bane pires créatures sous le toit du ciel », fine faire so l’apparition. Sa ti le coup fatale ki fine lancer contre le leadership spirituel et contre leadership tout court. Alors l’agonie dans ki l’Oummah fine glissé, persisté ziska aujourd’hui. Li bon ki mo fer l’Oummah rappelle encore ene fois sa parole d’Allah ki trouve dans sa verset Quran là : « Et quiconque obéir à Allah et à So Messager pou parmi bane lors ki Allah fine répanne So bane faveurs, à savoir, bane prophètes, bane véridiques, bane martyrs et bane justes; ki kalité bons compagnons sa bane là été. » (4: 70). La promesse contenue dans sa verset là li adresser uniquement à l’Oummah Muhammadiyya (saws) et non pas à ene l’autre Oummah, et sa bizin suffi pou fer lécoeurs de tous bane musulmans rempli avec la joie et l’espoir ziska l’éternité. L’Islam li dans la nature de l’homme, surtout tous bane dimounes ki laisse zot guider par Allah et So bane Messagers. Si l’Islam li dernier religion, et aussi l’essence parfait et guidance de séki ene serviteur d’Allah bizin été, alors nous bizin garde à l’esprit ki promesse Shaytane li aussi vivant aujourd’hui couma li ti été avant au début de l’existence Khalifatullah Hazrat Adam (as), ainsi ki Hazrat Dawud (as), de même ki tous bane prophètes. Shaytane ti promette Allah pou égare bane dimounes de So chemin, et Allah fine donne li permission pou essaye égare zot, parski en fin de compte li (Shaytane) pou capave seulement égare bane ki préfère suive zot propre désires. Quant à bane serviteurs choisis d’Allah, So bane Messagers, So bane Califes Choisis, alors Shaytane pas pou capave fer nannié pou égare zot parski zot sous protection divine. Oui, li capave agace zot de temps en temps et mette bane obstacles dans zot chemins, mais c’est sa bane là, bane protégées élus d’Allah là ki pou sorti vainkér. La patience li en vérité amère mais so fruit li bien doux. Si l’Oummah (Mohammadiyya) réfléchi impé, li pou trouver ki so division fine arriver à cause travail Shaytane. Allah oulé ki So religion (l’Islam) régner partout dans tout l’univers. Et Li fine depuis longtemps faire tous bane provisions nécessaire afin ki sak fois Shaytane pou essaye pou faire du tort à l’Islam et à bane musulmans, alors Li pou envoye de parmi bane suivants de So Élu parfait, Hazrat Muhammad (saws) ene tel dimoune doué de sagesse et de connaissance divine ki pou amène bane musulmans et l’humanité en entier vers vraie l’essence de la religion, de l’Islam. Si personne pas soumette corps et âme à Allah, alors Shaytane pou gagne so victoire, mais Allah, le Créateur, le Maître Unique, et même maître et créateur de Shaytane pas pou reste les bras croisés. Li pou montré So puissance aujourd’hui pareil couma Li fine fer li plusieurs fois dans le passé. Si l’Islam li vivant aujourd’hui, c’est grâce à promesse ki Allah fine faire pour protége li et par la même occasion pou protége So bane créatures, So bane serviteurs croyants afin ki zot pas tomber dans piège de Shaytane, parski si arriver zot suive Shaytane, et laisse zot influencer par so bane plans, alors zot pou hérite l’enfer. Shaytane et so l’armée reste dans sakaine d’entre nous. Faudé nous la guerre avec li (et so l’armée) à tous niveaux. Bane musulmans zot tout bane humains, et de ce fait zot pas complètement détachés de Shaytane. Au contraire, à travers Shaytane, Allah oulé testé So bane serviteurs afin pou conne et de rendre claire soi zot franchise et sincérité ou zot hypocrisie et infidélité. L’Oummah de Hazrat Muhammad (saws) bizin garde à l’esprit ki si zot pas uni couma ene sél lécorps, alors l’Islam pou zis de nom et bane l’ennemies de l’Islam pou croire ki c’est zot ki fine gagne la victoire dans zot plan pou finir l’Islam et établir zot bane fausses doctrines. Alors, aujourd’hui couma dans le passé et sa ziska le jour du jugement dernier, Allah pou élève So bane élus, So bane califes (Khalifatullah) de parmi l’Oummaté Muhammadiyya (saws) afin pou rétablir le royaume d’Allah lors la terre. Et sa promesse là, l’Oummah bizin comprend sa et gagne la foi lors là afin ki li unie avec Allah et So Khalifatullah pour rétablissement de la gloire de l’Islam, de l’unicité d’Allah et de l’honneur du Sceau de bane prophètes Hazrat Muhammad (saws). Insha-Allah, ki Allah ouvert lécœurs de bane musulmans afin ki zot réalizé ki bane promesses d’Allah ki contenu dans le Quran bizin impérativement réalisé, et ki sak fois ki l’Islam et bane musulmans pou en danger, alors Allah pou envoye kikène de So part pour rétablir la suprémacie de l’Islam et pou détruire tous bane faux dieux. Insha-Allah, Ameen.