Text Box: بسم الله الرحمن الرحيم Khutba Jummah HAZRAT AMIR’UL MUMINEEN MUHYI-UD-DIN Munir Ahmad Azim 28 Juin 2013 ~ (18 Shabaan 1434 Hijri) (Résumé Khutba) Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire: وَ مَنۡ اَظۡلَمُ مِمَّنِ افۡتَرٰی عَلَی اللّٰہِ کَذِبًا اَوۡ کَذَّبَ بِاٰیٰتِہٖ ؕ اِنَّہٗ لَا یُفۡلِحُ الظّٰلِمُوۡنَ ۝ Wa man ‘azlamu-mim-maniftaraa ‘alal-laahi kaziban ‘aw kazzaba bi-‘Aayaatih? ‘Innahuu laa yufli-huzzaal-imuun. Ki sanlà ki pli grand pécheur ki celui ki dire ene mensonge contre Allah ? Ou ki traite de mensonges So bane signes ? Non, bane ki faire péchés pas pou réussi. (Al-Anam 6 : 22) Le mensonge c’est le chemin vers l’enfer. C’est bane paroles terrible, bane déclarations déplacé, bane insinuations ki pas fondé. Le mensonge li tout sa et beaucoup d’autres encore qui vine de la langue. Li évident (claire) alors ki l’homme ena sa très mauvais l’habitude là pou cause à tort et à travers, sans calcule bane conséquences. Nous pas pou capave maîtrise sa l’organe ki appelle la langue là ! Alors conséquence : pou ena bane gros dégâts ! Le Saint Prophète (saws) fine dire : « Préserve to la langue, O dimoune ! Empêche li pique n’importe ki sanlà, sinon li pou vine ene vipère. » Parmi bane mauvais actes ki commette avec la langue, ena ene ki considéré comme normal mais ki en somme li ene péché mortel : LE MENSONGE (Cause Menti). Mensonge... Cause menti... faire partie intégrante (complète) de bane rapports sociales. Le mensonge – li ene moyen ki servi par ene mari infidèle envers so épouse ki pourtant li, li fidèle. Le mensonge – ki servi bien souvent dans commerce. Le mensonge – ki servi beaucoup de fois parmi bane jeunes pour plusieurs raisons. Mais le mensonge, n’importe ki so forme, pou n’importe ki raison, li ene vice bien détestable. Li ene péché ! Autour de nous, tout dimounes cause menti. Le mensonge faire partie de nous la vie de tous les jours. Bane politiciens cause menti, bane avocats cause menti pour défanne so bane clients ki coupables ; bane dimounes publiques cause menti, bane employés de bureaux cause menti. Bane experts cause menti. Bane étudiants et bane collégiens cause menti. Même ena bane hommes religieux, bane prêtres ki cause menti. Mo capave faire ene longue liste, mais en résumé le mensonge li envahi la société. Li (sa dimoune ki cause menti là) servi sa afin pou gagne kitchose, pou gagne ene kikaine so faveur tout en changeant la vérité. A force de mentir à tout coup, l’homme sans aucun doute inconsciament li habitué li à sa bien mauvais mode de fonctionnement là pour faire mensonge vine ene pratique ki envahir so la vie quotidien. De sa façon là, mensonge li propazé, li multiplié kot finalement li vine partie intégrante de nous-mêmes, kot li alle piège nous. Et pourtant tous bane sociétés, tous bane religions condamne sans réserve le mensonge. Mais l’Islam li encore pli sévère concernant mensonge. Si ene musulman croyant li ena le devoir, lors le plan de bane obligations d’ordre rituel pou satisfaire ene certain nombre de commandements, couma Salat, Roza (Sawm), Zakat et d’autres commandements encore, mais li bizin également lors le plan moral pou respecter ene certain nombre de principes de bane normes, couma la sincérité, ene bon l’intention, le respect, l’humilité, aide bane les autres et aussi adopter pou dire la vérité ou évite le mensonge. Et faudé pas nous oublier bane liens de bane organes de nous cœur. Si ene dimoune décide pou cause menti, so cerveau pou travaille dans sa sens là. So le cœur li le pivo central ki fassonne so personnalité et faire so la langue fonctionner. Alors si li pas contrôle so la langue, le mensonge pou pénétrer, mais si li contrôle li, alors mensonge pas pou rentrer. Alors, so lécorps en entier li responsable. Eski nous conscients de sa bane dégâts énormes ki causés à travers le mensonge ? L’homme fine développe différents sortes de mensonge ki servi bien souvent dans la société.  La religion : Mensonge concernant la religion li pli pire de bane actions parski li pou veut dire bane paroles ki le Saint Prophète (saws) fine zamais prononcé. Le Saint Prophète (saws) fine dire : « Le mensonge à mo sujet li pas couma mensonge lors bane les autres sujets ; ki sa dimoune là prend so place dans enfer ! » En plézantan : Plaisanterie li permette, mais dans ene certain limite. Le Saint Prophète (saws) fine dire à sa sujet là: « Ene serviteur (d’Allah) pas pou gagne la foi complète, tanque ki li pas délaisse le mensonge même si li véridique. » Par flatterie : Ene Momin (croyant) faudé pas rode flatter kot li rode cause menti pou ki li capave tire ene profit pour li-même, pou soutire ene zaffaire pou so propre l’avantage depuis sa dimoune ki li pé flatter là. Fausse serment : Cause menti pendant ene témoignage li dangéré parski sa concerne l’avenir de beaucoup bane dimounes. A sa sujet là, le Saint Prophète Hazrat Muhammad (saws) fine dire : « Attache-zot à la vérité même si ou trouver ou pou alle perdi... » Par falsification : Falsification cachiette non seulement la vérité mais li ene menace ki capave affecté la société. Dans sa même groupe là, ena aussi bane fausses promesses et bane soupçons. D’après bane recherches ki fine faire, li accepté ki l’Islam tolère mensonge dans bane cas spécifiques. Après tout, c’est Allah (twa) Qui décidé. Nabi Kareem Hazrat Muhammad (saws) approuve le mensonge dans trois cas : Réconciliation (entre bane dimounes) La Guerre Entre mari-femme, pour préserve la paix familiale. Mensonge ki pas intentionnel li pardonnable. Même mensonge intentionnel capave pardonné si nous faire certains zaffaires en plisse. Au sujet de mensonge intentionnel, le Saint Prophète Muhammad (saws) fine dire sa bane paroles là : « Reste honnête parski l’honnêteté conduire à la bonté et la bonté conduire au Paradis. Méfié-zot de fausseté parski li conduire vers l’immoralité et l’immoralité conduire vers l’enfer. » Li toutefois recommandé pou éviter le mensonge dans n’importe ki forme parski li ene péché. Plusieurs versets Quran et bane Hadiths mette l’accent lors la nécessité pou évite beaucoup de bane mals ki vine en consékance de mensonge. Aussi, ene de bane meilleures recommandations c’est le silence si sa dimoune là pas pé trouve bane paroles ki bizin pou exprime li. Li meilleure si li retenir li ; sa li pli bon pou li. Bane la loi Quran et bane Hadiths zot mette de l’avant l’importance garde silence. « Le silence li ene sagesse mais bane dimounes ki pratique li bien rares. » La foi d’ene serviteur pou gagne la droiture seulement si so lécœur li droite et lé cœur pas pou capave gagne la droiture excepté si la langue li droite. Bane Sahaba Karaam fine ene jour demande le Saint Prophète (saws) : « O Messager d’Allah, eski pou juge nous pou saki nous dire ? » (Alors Hazrat Muhammad (saws) fine réponne : « C’est saki la langue répanne ki pli souvent jette bane dimounes dans l’Enfer. » (Ibn Majah) Ene l’autre Hadith rapporté ki le Prophète d’Allah (saws) fine dire: « Celui ki garanti moi saki entre so (deux) la mâchoires et saki li ena entre so la jambes, mo garanti li le paradis. » (Bukhari, Tirmidhi, Ahmad) Ene jour fine pose Hazrat Issac (as) sa question là : « Montré-nous ene travail (ou action) ki pou fer nous rentre dans Paradis ? » Li fine réponne : « Pas cause beaucoup. » Kan fine dire li ki (en principe) nous pas capave retenir nous pou causer, alors li fine réponne: « Alors, causer zis pou dire le bien... » Hazrat Sulaiman (as), garçon de Hazrat Dawood (as) fine dire : « Si la parole li (vaut) en argent, alors le silence li (vaut) en or... » Dans bane traditions de bane compagnons du Saint Prophète Muhammad (saws), fine rapporté ki Hazrat Abu Bakr (ra) ti pé mette souvent ene ti roche dans so la bouche pour empêche li-même pou causer. Li ti habituer dire en fezan allusion à so la langue : « C’est li ki faire moi prend bane chemins dangéré (c’est-à-dire, kot mo capave alle fer péchés). » Abdullah Ibn Massood (ra) fine dire : « Par Allah ki na pas ena aucaine les autres dieux avec Li, pas ena ene l’autre organe ki bizin emprisonné plisse ki la langue ki li déjà renfermé derrière deux obstacles : la lèvres et les dents. » Mo la langue li ene lion; si mo libère li, li pou dévore moi. Alors ki mo bizin faire? Contigner cause menti ou débarrasse-moi de sa vilain l’habitude là ? Mais pas ena zis le mensonge ki ene vice qui domine le cœur de bane dimounes. Ena aussi la médisance (Ribat), blâme, vantardize, bane discussions dans vide, bane disputes, la liste là en vérité pas terminé – li bien longue. C’est bien la langue, sa l’organe de nous lécorps là ki responsable de tous sa. Li aussi ene devoir pou sak dimoune pou contrôle so la langue afin pou pas dire bane tels paroles ki dire directement sous l’influence de satan. Ki sakaine d’entre nous faire li ene devoir pou reste loin de sa ! Insha-Allah, Ameen.